Morgunblaðið - 21.02.1980, Síða 27

MORGUNBLAÐIÐ, FIMMTUDAGUR 21. FEBRÚAR 1980
27
Skattalögin samþykkt:
TOlögur um skattstiga, persónu-
afslátt og bamabætur felldar
EFRI deild Alþingis felldi í gær með 11 atkvæðum gegn 9
breytingartillögur írá meirihluta fjárhags- og viðskiptanefnd-
ar við skattlagafrumvarp. sem fólu i sér ákvörðun um
skattstiga, þ.e. skatthlutfall af tekjum. persónuafslátt og
barnabætur. Gegn tillögunum greiddu atkvæði þingmenn
Alþýðubandalags. Framsóknarflokks og Gunnar Thoroddsen,
forsætisráðherra. Með greiddu atkvæði þingmenn Alþýðu-
fiokks og Sjálfstæðisflokks. aðrir en Gunnar. — Samkvæmt
breytingartillögunum skyldi tekjuskattur reiknast 15% af
fyrstu 2% m. kr. tekjuskattsstofni, 30% af næstu 3'/2 m. kr. en
50% af stofni yfir 6 m. kr. Skattfrelsismörk áttu að hækka í 3
m. kr. hjá einstaklingi og 6 m. kr. hjá hjónum með 2 börn.
Samkvæmt tillögunni hefði meðaltalsiækkun tekjuskatta
numið 16%. — Breytingartillögurnar fara í heild hér á eftir í
lok fréttafrásagnar.
Sjálfsögð háttvísi
við almenning
Lárus Jónsson (S) Kjartan
Jóhannsson (A) mæltu fyrir
breytingartillögunum. Töldu þeir
sjálfsagöa háttvísi við hinn al-
menna framteljanda, að hann
vissi að hverju hann gengi um
skattálagningu við framtalsgerð
nú sem ætíð áður; en svo yrði ekki,
ef þinghlé yrði gefið fram yfir
framtalsskil, án þess að ákvarða
þessi atriði. Lárus sagði, að þessar
tillögur væru hugsaðar sem áfangi
á þeirri leið, sem Sjálfstæðisflokk-
urinn hefði markað sér, að fella
niður tekjuskatt af almennum
launatekjum, og auk þess í sam-
ræmi við þau fyrirheit flokksins
að létta á þeirri skattaukningu, er
til varð í tíð fyrri vinstri stjórnar.
Þessi breytingartillaga væri flutt
með vitund og samþykki þing-
flokksins.
Kjartan sagði, að hver og einn
ætti ótvíræðan rétt á því, er hann
teldi fram til skatts, að vita
fyrirfram, hvern veg álagningu
skatta yrði háttað, enda hefði svo
jafnan verið — eða þar til nú.
Efnisatriði breytingartillagnanna
hefði verið ítarlega könnuð og
prófuð. Ofært væri að draga
ákvörðun á atriðum, sem höfuð-
máli skiptu um skattálagningu,
fram yfir framtalsfrest, eins og
stjórnarliðar ætluðu sér að bjóða
upp á, þvert á viðtekna venju og
hefð.
Ákvörðun bíði
fram yfir þinghlé
Ragnar Arnalds, fjármálaráð-
herra. og Ólafur Ragnar
Grímsson (Abl.) töldu eðlilegt að
þingið fengi betri umþóttunartíma
til ákvörðunar skattstiga, og kæmi
á óvart hvert kapp væri lagt á að
afgreiða þetta mál fyrir þinghlé.
Ragnar Sað flutningsmenn taka
tillögurnar til baka og yrðu þær
þá síðar skoðaðar ásamt öðrum
hugsanlegum leiðum um skatt-
álagningu. Ólafur Ragnar lagði til
að þingdeildin flýtti sér að fella
tillögurnar, hvað gert var við
nafnakall með 11 atkvæðum gegn
9, sem fyrr segir.
Efnistatriði til-
lagnanna sem féllu:
• 1. „Á eftir 34. gr. frv. komi tvær
nýjar greinar og breytist röð
greina samkv. því. Greinarn-
ar orðist svo:
• a. (35. gr.) 67. gr. laganna orðist
svo:
Tekjuskattur manna, sem
skattskyldir eru skv. 1. gr. og
hafa verið heimilisfastir hér
á landi allt tekjuárið, skal
reiknast af tekjuskattstofni
þeirra skv. 1. og 3. tl. 62. gr.
sem hér segir:
Af fyrstu 2.500.000 kr.
tekjuskattsstofni reiknast
15%, af næstu 3.500.000 kr. af
tekjuskattsstofni reiknast
. 30%-, en af tekjuskattsstofni
yfir 6.000.000 kr. reiknast
50%. Frá þeirri fjárhæð skal
síðan dreginn persónuafslátt-
ur skv. 68. gr. Sú fjárhæð,
sem þannig fæst, telst tekju-
skattur ársins.
Tekjuskattur af þeim tekj-
um barna sem um ræðir í 2.
mgr. 65. gr., skal vera 7% af
tekjuskattsstofni og skal
barn ekki njóta persónuaf-
sláttar.
• b. (36. gr.) 68. gr. laganna orðist
svo:
Persónuafsláttur manna,
sem um ræðir í 1. mgr. 67. gr.,
skal vera 400.000 kr.
Nemi persónuafsláttur skv.
1. mgr. hærri fjárhæð en
reiknaður skattur af tekju-
skattsstofni skv. 1. málsl. 1.
mgr. 67. gr. skal ríkissjóður
leggja fram fé sem nemur
allt að þeim mun og skal því
ráðstafað fyrir hvern mann
til að greiða sjúkratrygg-
ingargjald hans á gjaldárinu
og því sem þá kann að vera
óráðstafað til greiðslu út-
svars hans á gjaldárinu. Sá
persónuafsláttur, sem enn er
óráðstafað, fellur niður nema
um sé að ræða óráðstafaðan
persónuafslátt annars hjóna
sem skattlagt er samkvæmt
ákvæðum 63. gr., og skal þá
þessi óráðstafaði hluti per-
sónuafsláttur makans drag-
ast frá reiknuðum skatti hins
makans. Nemi þannig
ákvarðaður persónuafsláttur
síðarnefnda makans í heild
hærri fjárhæð en reiknaður
skattur af tekjuskattsstofni
hans skv. 1. málsl. 1. mgr. 67.
gr. skal ríkissjóður leggja
fram fé sem nemur allt að
þeim mun til að greiða
sjúkratryggingargjald og út-
svar hans á gjaldárinu. Sá
hluti persónuafsláttar, sem
þá verður enn óráðstafað,
fellur niður.
• 2. Við 35. gr. frv., er verði 37.
gr., bætist nýr stafliður sem
orðist svo:
• a. 1. mgr. 69. gr. laganna orðist
svo:
Með hverju barni innan 16
ára aldurs á tekjuárinu, sem
heimilisfast er hér á landi og
er á framfæri þeirra manna
sem skattskyldir eru skv. 1.
gr., skal ríkissjóður greiða
barnabætur til framfæranda
barnsins. Barnabætur skulu
nema 140.000 kr. með fyrsta
barni, en 215.000 kr. með
hverju barni umfram eitt.
Fyrir börn yngri en 7 ára á
tekjuárinu skulu barnabætur
vera 55.000 kr. hærri. Barna-
bætur með börnum einstæðra
foreldra skulu þó ætíð vera
270.000 kr. með hverju barni.
Búi foreldrar barns saman í
óvígðri sambúð skal hvorugt
Sól í sinni gæti hún heitið þessi mynd af Matthíasi og
Geir, enda breytist nú umhverfið smám saman til
birtu og betri tíðar með hækkandi sól.
þeirra teljast einstætt for-
eldri í þessu sambandi.
• 3. Á eftir 49. gr. frv., er verði 51.
gr., bætist ný grein er verði
52. gr. og breytist röð greina
samkv. því. Greinin orðist
svo:
116. gr. laganna orðist svo,-
Skylt er að hækka eða
lækka fjárhæðir, sem um
ræðir í 2. tl. B-liðs, 1., 3., og 4.
tl. C-liðs, 3. tl. D-liðs og 1. og
2. tl. E-Iiðs 1. mgr. 30. gr., 41.
gr., 1. mgr. 67. gr., 68. gr., 69.
gr. og 83. gr., í samræmi við
skattvísitölu sem ákveðin
skal í fjárlögum ár hvert, í
fyrsta sinn í fjárlögum fvrir
árið 1981.“
Lög samþykkt
Eftir að breytingartillögur
höfðu verið felldar var skattalaga-
frumvarpið, með áorðnum breyt-
ingum eins og neðri deild hafði frá
því gengið, samþykkt samhljóða.
Þetta eru önnur lögin í tíð núver-
andi ríkisstjórnar. Hin fyrri fjöll-
uðu um framlengingu bráða-
birgðaheimildar til greiðslna úr
ríkissjóði 1980, unz fjárlög hafa
verið afgreidd, en stefnt er að því
að afgreiða þau fyrir páska að
sögn fjármálaráðherra.
Meirihluta fjárhags- og við-
skiptanefndar, sem stóð að flutn-
ingi breytingartillagnanna, skip-
uðu: Eyjólfur Konráð Jónsson (S),
Kjartan Jóhannsson (A), Lárus
Jónsson (S) og Þorvaldur Garðar
Kristjánsson (S).
Kaupendur
notaðra bíJa
athugið!

./■*
’ymm
m
Allir notaðir MAZDA bílar hjá okkur
eru seldir með 6 mánaða ábyrgð.
Takið ekki óþarfa áhættu, kaupið
notaöan MAZDA ur
með 6 mánaða bILABUHIj Hh
ábyrgð Smiöshöföa 23, sími 81299.