Morgunblaðið - 01.04.1980, Blaðsíða 15

MORGUNBLAÐIÐ, ÞRIÐJUDAGUR 1. APRIL 1980
15
en undir 6 um morguninn.
Þennan dag er talið að 600—
800 manns hafi verið á skíðum
í Bláfjöllum, mest skólabörn.
En sem betur fer voru flestir
farnir áður en veðrið skall á,
svo að eftir voru aðeins um 200
manns. Samt sem áður var það
litla húsnæði, sem til er þar,
eins þröngt setið og framast
var unnt. Það er erfitt að
hugsa sér hvernig farið hefði,
ef þarna hefðu verið 800—1000
manns, eins og oft er. Veðrið
var slíkt að 8 rafmagnsstaurar
Stefán Kristjánsson.
á línunni til okkar brotnuðu og
í raun og veru var lífshættu-
legt að vera úti, þegar verst
var. Það er því orðið mjög
brýnt verkefni að fá þjónustu-
miðstöðina og raunveruleg
forsenda þess að hægt sé að
stefna fleira fólki í Bláfjöllin
og halda áfram uppbyggingu.
Við víkjum talinu að rekstr-
inum, en undanfarin ár hefur
veturinn nýtst vel til
skíðaferða. — Já, í fyrra og
það sem af er þessu skíða-
tímabili hefur verið mjög hag-
stætt, segir Stefán. Og í ár
voru nóvember og desember
jafnvel verulega góðir skíða-
mánuðir. Algengast er svo að
hægt sé að halda áfram þar til
síðast í maí. í Bláfjöllum er
áreiðanlega lang fjölsóttasti
fólkvangur landsins. Hann er
fyrst og fremst nýttur á vet-
urna. Þegar er komin af stað
nokkur fjárveiting til þess að
gera veginn áfram til Hafnar-
fjarðar og þegar hringvegur er
kominn, má búast við að fólk
fari að nýta fólkvanginn betur
að sumrinu líka.
En hvernig gengur þá rekst-
urinn á svo vel nýttu svæði?
Því svarar Stefán svo: — Með
tilkomu stólalyftunnar gjör-
breyttist reksturinn þannig að
meðgjöf þessara sjö sveitarfé-
laga, sem að rekstrinum
standa, varð á árinu 1979
samtals 19 milljónir króna.
Þar af komu í hlut Reykja-
víkur 12 milljónir. En þess ber
þá að geta að snjómoksturinn
einn kostaði 13 milljónir, en
ekki mun algengt í landinu að
á svo mikið notuðum vegi falli
allur kostnaður af snjómokstri
á reksturinn. Sé þetta borið
saman við kostnað sveitar-
félaganna af öðrum
tómstundarekstri, þá þykir
þetta vel sloppið.
• Gæti staðið
undir sér
— Á það er að líta, að
staðurinn er í uppbyggingu og
margt má enn gera til að bæta
reksturinn, segir Stefán. En
það er bjargföst trú mín að ef
okkur miðar sæmilega við að
búa í haginn í Bláfjöllum, þá
sé góður grundvöllur fyrir því
að reka þetta svæði þannig í
framtíðinni að það standi und-
ir sér.
Hvað liggur þá helst fyrir að
gera á næstunni?
— Jafnframt því sem
þjónustumiðstöðin er í undir-
búningi, þá erum við stöðugt
að athuga ný lyftustæði í
fjöllunum og stefnum að því
að fá fullkomnar skíðalyftur í
Eldborgargili og Suðurgili og
tengja saman þessi skíða-
svæði. Þá viljum við sem fyrst
geta lýst upp gönguleið fyrir
þá, sem vilja ganga á skíðum á
kvöldin og í skammdeginu. Og
að sjálfsögðu krefst þessi
aukna aðsókn þess, að haldið
sé áfram að bæta bæði veg og
bílastæði.
Og þá kemur í lokin að hinni
óhjákvæmilegu spurningu:
Hvað kostar svona þjónustu-
miðstöð, eins og sú sem áform-
uð er? Og hvernig er hún
fjármögnuð?
— Ekki kvaðst Stefán geta
gefið nákvæma kostnaðartölu,
en svona þjónustumiðstöð
muni eflaust kosta með öllum
búnaði 250—280 milljónir
króna. Hvað kostnaðarskipt-
ingu snertir þá muni íþrótta-
nefnd ríkisins í fyrsta lagi
greiða um 40% af þessari
framkvæmd á um fjórum ár-
um. Hin 60% skiptast á sveit-
arfélögin sjö í hlutfalli við
íbúafjölda. Þar af koma 67% í
hlut Reykjavíkur. En bygg-
ingakostnaður skiptist í tvö
ár. Geta menn svo reiknað út
hve mikill kostnaður fellur á
hvern aðila á ári. — En ég
held nú að þetta sé ekki stærra
verkefni en svo, að sveitarfé-
lögin ættu að ráða við það,
segir Stefán.
Hvað um það. Þegar aðsókn-
in í skíðalandið í Bláfjöllum er
orðin yfir milljón manns í
skíðalyfturnar einar, eins og
var á sl. ári og þrefaldast milli
ára, þá verður varla undan því
komist að koma sem fyrst upp
góðri þjónustumiðstöð til að
koma fólki í skjól, þegar
íslenzkt hríðarveður skellur á,
og hýsa það meðan það borðar
nestið sitt aðra mildari daga.
-E.Pá.
Aðsóknin að skíðalyftunum i
Bláfjöllum hefur meira en þre-
faldast milli áranna 1978 og
1979. Var rúmlega 356 þús.
ferðir á árinu 1978, en yfir 1,1
milljón 1979.
Málverka-
sýning í
Festi
Gunnar Þorleifsson opnar
málverkasýningu í Festi í
Grindavík á skírdag og stendur
hún fram yfir páska. Opið
verður alla daga frá kl. 10 til
22.
Áður hefur Gunnar sýnt í
Mokka, í Klausturhólum, á list-
sýningu Iðnaðarmannafélagsins
í Reykjavík og síðast í Hamra-
görðum. Aðgangur að sýning-
unni er ókeynis.
*«3*««*.

Gunnar Þorleifsson ásamt einu verka sinna, sem hann nefnir
„Tré ársins."
heimilistæki hf
HAFNARSTRÆTI 3. — 20455 — SÆTÚN 8 — 1 5655
Philips
AWB102
topp-
hlaoin
þvottavél
Þú kaupir Philips fyrir framtíðina.
Þrátt fyrir að Philips AWB 102 þvottavélin sé
mun minni að utanmáli en flestar aðrar þvotta-
vélar, þá hefur hún samt (alla) kosti stærri véla:
Hún tekur 5 kg. af þvotti, hefur 15 sjálfvirk
þvottakerfi og stillanlegan vinduhraða frá
120—750 snúningum á mínútu.
Þessi gerð er því tilvalin í baðherbergi, eldhús og
annars staðar, þar sem pláss er takmarkað.
Sérstök raflögn er óþörf, þar sem vélin tengist
við venjulega 10 amper Ijósalögn.
Mál: 40 x 89 x 54 cm. b.h.d.
Philips viðgerðaþjónustu getur þú treyst.