Morgunblaðið - 14.07.1981, Page 2

2
MORGUNBLAÐIÐ, ÞRIÐJUDAGUR 14. JÚLÍ 1981
Gatnagerð og lagnir í Suðurhlíðum:
Samþykkt var að
taka lægsta tilboði
SAMÞYKKT var á aukafundi
horjíarstjórnar I (jær að taka
tilhoói læiísthjóóanda í xatna-
Kerð ok lacnir í SuAurhliðum, en
áður hafði sama samþykkt verið
Kerð í hornarráði, en með áxrein-
in>?i.
I máli Birgis Isl. Gunnarssonar,
borgarfulltrúa Sjálfstæðisflokks-
ins, kom fram að sjálfstæðismenn
gagnrýndu þann drátt sem orðið
hefði á skipulagi og útboði á
þessum stað og væri ástæða þess
að lægsta tilboð væri mun hærra
en kostnaðaráætlun sú, að dráttur
hefði orðið á útboði.
Þá hefði það komið fram, að
borgin gæti ekki sjálf framkvæmt
það sem þyrfti og því myndu
sjálfstæðismenn greiða atkvæði
með því að lægsta tilboði yrði
tekið.
I bókun sem sjálfstæðismenn
gerðu um mál þetta kemur fram,
að harðlega er átalið hvernig að
útboði hafi verið staðið og seina-
gangur í málinu kæmi til með að
valda um milljón króna aukaút-
gjöldum fyrir borgina.
Alþjóða hafrannsóknaráðið:
Karfasvæðum verði
lokað og heildar-
afli takmarkaður
RÁÐGJAFANEFND Alþjóða
hafrannsóknaráðsins um stjórn-
un íiskveiða hefur lagt til. að
veiðar verði bannaðar á helztu
uppeldissvæðum karfa við A-
Grænland. Þá lagði nefndin til að
á næsta ári verði ekki leyft að
veiða meira en 72 þúsund lestir af
karfa á svanlinu Ísland-Græn-
land-Færeyjar. en þetta svæði er
tekið saman þegar fjallað er um
karfastofna. Undanfarin ár hef-
ur karfaveiði á þessu sva“ði verið
í kringum 100 þúsund lestir.
Sigfús Schopka, fiskifræðingur,
sat fund rágjafanefndarinnar í
Kaupmannahöfn í síðustu viku.
Hann sagði, að ráðgjafanefndin
fjallaði um stjórnun fiskveiða og
styddist við skýrslur vinnunefnda
í vinnu sinni. Tillögur ráðgjafa-
nefndarinnar eru síðan sendar
aðildarríkjum og -stofnunum til
umfjöllunar og ákvörðunar.
Á fundinum í síðustu viku var
ákveðið að mæla með lokun ákveð-
inna svæða við A-Grænland. Á
þessum svæðum, sem eru á land-
„Kannski á
ríkið eft-
ir að njóta
góðs af at-
huguninni“
IIJÖRLEIFUR Guttormsson
iðnaðarráðherra var í gær
spurður um kostnað könnun-
ar þeirrar sem unnið hefur
verið að í svonefndu súráls-
máli. Hann sagði: „Hún kost-
ar sitt. Kostnaðurinn hefur
ekki verið tekinn saman, en
það verður til athugunar að
þetta verði greitt af fram-
leiðslugjaldi álversins.“
Hjörleifur sagðist ekki vilja
fara út í kostnaðarhliðina í
smáatriðum. Það væri mál
sem gengið yrði frá við fjár-
málaráðuneytið.
— Hversu háar upphæðir
telur þú að hér sé um að
ræða?
„Ég hef engar tölur til að
nefna núna. Það er auðvitað
ljóst að athugun af þessu tagi
kostar peninga." Aðspurður
sagði hann í lokin að það ætti
eftir að koma í ljós, hvort það
yrði ríkissjóður sem stæði
straum af kostnaðinum.
„Kannski á ríkið eftir að njóta
góðs af þeirri athugun sem
hér hefur farið fram. Ég á nú
frekar von á því.“
grunni Grænlands utan 12 mílna,
eru helztu uppeldisstöðvar karf-
ans. Öll svæðin eru vestan við
miðlínu milli íslands og Græn-
lands. Ráðið hefur áður lagt til
lokun svæða á þessum slóðum, en í
minna mæli en nú er gert.
Á fyrrnefndu hafsvæði eru tveir
karfastofnar og er lagt til að leyft
verði að veiða 60 þúsund lestir af
venjulegum karfa og 12 þúsund
lestir af djúpkarfa. I fyrra lagði
ráðið til 85 þúsund lesta karfaafla
fyrir þetta ár. Þar sem ekkert
samkomulag er í gildi um þessar
veiðar má ætla að karfaafli fari
nokkuð fram úr þeim tillögum.
Veður hlýnar
á Norðurlandi
VEÐUR mun í dag fara lítið
eitt kólnandi sunnan lands og
vestan og áttin snúast i suð-
vestan. væntanlega með nokk-
urri rigningu. Norðan lands
og austan mun létta til og
hlýna.
Breytingar verða annars litl-
ar að sögn Páls Bergþórssonar
veðurfræðings, hiti sunnan
lands mun verða 10 til 12 stig
en hlýrra verður á Norður- og
Austurlandi.
Nafn manns-
ins sem lézt
MAÐURINN, sem lézt við Árnes i
Gnúpverjahreppi, síðastliðinn
föstudag er hann varð undir
heyvagni sem valt, hét Ilelgi
Erlingsson. Hann var fæddur 26.
ágúst 1956 og var sonur bóndans,
Erlings Loftssonar á Sandlæk i
Gnúpverjahreppi.
Svæðið milli Bankastrætis og Amtmannsstigs þar sem útitaflið og
áhorfendasæti hafa verið teiknuð.
Samþykktum úti-
taflið undir f jár-
hagslegri þvingun
- segir formaður Torfusamtakanna og segir
samtökin ekki hafa viljað styggja borgaryfirvöld
TORFUSAMTÖKIN í Reykjavík
voru stofnuð 1. desember 1972
og er markmið þeirra að vinna
að vernd gamalla húsa á Bern-
höftstorfu. Eftir bruna i húsun-
um á torfunni vorið 1977 komst
verulegur skriður á starfsemina
og rúmum 2 árum síðar voru
undirritaðir samningar við þá-
verandi menntamálaráðherra
þess efnis að samtökin fengju
hús og loð Bernhöftstorfu leigð
til 12 ára gegn þvi leigugjaldi að
lagfæra húsakost og endurnýja.
Þorsteinn Bergsson veitti Mbl.
þessar upplýsingar, en tilefni
viðræðna við hann eru fram-
kvæmdir við útitafl á lóð Bern-
höftstorfunnar, sem Reykjavík-
urborg stendur að um þessar
mundir. Var Þorsteinn Bergsson
beðinn að rekja nokkuð í hverju
starfsemi Torfusamtakanna er
nú fólgin og ræðir hann þar
einnig um útitaflið.
— Fyrstu framkvæmdirnar
sem samtökin réðust í hér var
endurnýjun landlæknishússins og
er þeim nú að mestu lokið, en
aðallega er í sumar unnið við
svonefnt Bernhöftshús, sagði
Þorsteinn Bergsson. — Torfu-
samtökin hafa húsin á leigu gegn
því að lagfæra þau og til þess að
ráða við það verkefni var leitað
eftir leigjendum er vildu nýta sér
húsin. Hafa þeir greitt hluta
leigu sinnar fyrirfram og kostað
endurnýjunina og á það við um
bæði húsin, sem nú er unnið við.
Torfusamtökin hafa engar fastar
tekjulindir og því var farin þessi
leið í fjármögnun, en auk þessa
höfum við notið styrkja frá hús-
friðunarsjóði og þjóðhátíðarsjóði.
Þá hefur Reykjavíkurborg styrkt
okkur með 100 þúsund krónum á
þessu ári, en ekkert af því
fjármagni hefur þó verið notað til
uppbyggingarinnar, það hefur
ailt runnið til greiðslu fasteigna-
gjalda. Teljum við þar reyndar
brotið á okkur, því í samþykkt
borgarstjórnar var styrknum
ætlað að renna til endurnýjunar
og lagfæringa, en í stað þess að
greiða hann út var hann milli-
færður hjá borginni og rann upp í
fasteignagjöld. Við höfum mót-
mælt þeirri málsmeðferð og hafa
reyndar öll samskipti við yfirvöld
gengið nokkuð á tréfótum.
Þá sagði Þorsteinn Bergsson að
þrátt fyrir fyrirheit núverandi
borgastjórnarmeirihluta um að-
gerðir í umhverfismálum o.fl.
hafi erindi um stuðning við slík
málefni lítið átt upp á pallborðið
og hlotið sízt meiri framgang en
undir stjórn sjálfstæðismanna.
Forsögu útitaflsins sagði
Þorsteinn Bergsson vera þá, að í
febrúar 1980 hafi umhverfismála-
ráð ritað Torfusamtökunum og
leitað umsagnar þeirra um hug-
mynd um útitafl í brekkunni
framan við húsin, en hugmyndin
væri komin frá Skáksambandinu.
— Við sögðumst ekki vilja ráð-
stafa þessu svæði áður en séð yrði
hvernig yrði heildarsvipurinn á
húsaröðinni á Bernhöftstorfu og
því tjáðum við okkur ekki sam-
mála framkominni hugmynd, en
fús til frekari viðræðna. I fram-
haldi af því var skipað ráð
þriggja manna, en þar sem þessi
samráðshópur komst ekki að
samkomulagi leitaði Reykjavík-
urborg eftir því við Knút Jeppe-
sen arkitekt að hann teiknaði
tillögur að útitafli. Taflmennirnir
voru smíðaðir sl. sumar án þess
að búið væri að samþykkja hvar
taflborðið skyldi vera og nú eru
framkvæmdir hafnar við lóðina.
Við treystum okkur hreinlega
ekki til að styggja þau yfirvöld,
sem við eigum í mestu samstarfi
við og erum háð varðandi áfram-
haldandi stuðning og töldum
okkur því nauðugan þann kost að
samþykkja þessar hugmyndir.
Við reyndum í lengstu lög að
hamla gegn því að útitaflið færi
niður hér, en það var eindreginn
vilji borgaryfirvalda að hafa það
einmitt hérna framan við húsin.
Ennfremur sagði Þorsteinn að í
viðræðum við fulltrúa fjármála-
ráðuneytisins að undanförnu
hefði komið fram vilji um ákveð-
inn fjárstuðning við Torfusam-
tökin til uppbyggingarinnar og
sagði hann fulltrúa ríkisins þá
gera það skilyrði að á móti
framlagi ríkisins kæmi framlag
frá Reykjavíkurborg, slíkt fram-
lag borgarinnar væri grundvöllur
fyrir stuðningi ríkisvaldsins.
— Það má því segja að við
höfum verið undir fjárhagslegri
þvingun til að samþykkja þessar
framkvæmdir þar sem við töldum
okkur ekki geta átt það á hættu
að missa stuðning borgaryfir-
valda í framtíðinni.
í leiðinni sakar ekki að geta
þess að þegar Lækjargatan var
breikkuð fyrir um 30 árum, þurfti
að taka sneið úr lóð MR og
torfunnar og mun borgin ekki
hafa fengið formlegt leyfi frá
fjármálaráðuneytinu fyrir því. Er
verðmæti þessarar lóðarspildu
nálægt 450 milljónum gamalla
króna að fasteignamati, en það er
einmitt sú upphæð sem öll endur-
nýjun Bernhöftstorfunnar kost-
ar, sagði Þorsteinn Bergsson að
lokum.
Þorsteinn Bergsson, formaður Torfusamtakanna. í baksýn
er Bernhöftshús þar sem er nú unnið að endurnýjun. Ljósm. ói.K.M.