Morgunblaðið - 30.05.1982, Blaðsíða 41

MORGUNBLAÐIÐ, SUNNUDAGUR 30. MAÍ1982
89
\fik?AKANDI
SVARAR í SÍMA
10100 KL. 10—12
FRÁ MÁNUDEGI
FÖSTUDAGS
Þessir hringdu ... þetta eru menn
en ekki skepnur
Jón Örn Guðraundsson hringdi
og hafði eftirfarandi að segja:
— Mér finnst yfirgangur vakt-
mannanna á Hlemmi gagnvart
mönnum sem kallaðir eru alkóhól-
istar eða bara drykkjumenn vera
úr öllu hófi. Þeir láta unglingana
meira og minna afskiptalausa,
þótt þeir veifi vínflöskum og hagi
sér illa, en þegar inn koma
drykkjumenn, sem hvergi eiga
höfði sínu að halla og ætla aðeins
að tylla sér og rabba saman, er
lögreglan óðara komin á staðinn.
Þeir eru svo umsvifalaust settir
inn eða a.m.k. reknir út úr húsinu.
Ég skal viðurkenna það, að þessir
menn eru ekki alltaf vel útlítandi,
og það er e.t.v. engin staðarprýði
að þeim, en þetta eru þó menn en
ekki skepnur — já, og oft rólyndis-
menn sem engum gera ónæði eða
ama.
Óréttlátar
reglur um
ekknabætur
56 ára gömul ekkja hringdi og
hafði eftirfarandi að segja:
— Þegar ég missti manninn minn
var ég 50 ára gömul og voru mér
ákvarðaðar ekknabætur eftir aldri
mínum. Ef ég hefði verið 56 ára
gömul þegar þetta varð, hefði ég
fengið talsvert hærri bætur, að því
er mér var tjáð. Þess vegna kynnti
ég mér það núna hjá Trygginga-
stofnun ríkisins, sex árum seinna,
hvort ég kæmist nú ekki upp í
þennan hærri flokk (það munar
um hálfu þúsundi nýkróna). Nei,
var mér tjáð. Ég hefði verið
fimmtug þegar eiginmaður minn
dó, og ég yrði því áfram í sama
flokknum. Er eitthvert vit í svona
reglum? Sér ekki hver maður að
þær eru óréttlátar?
Ökuljós allan
ársins hring
B.H. hringdi og hafði eftirfar-
andi að segja: — Mig langar til að
vekja athygli alþingismanna
okkar á því, að löngu er tímabært
að lögfesta fulla notkun ökuljósa
allan ársins hring. Það hefði raun-
ar átt að gerast á undan lögleið-
ingu öryggisbeltanna, því að ljósin
eru ekki síðra öryggisatriði í um-
ferðinni en beltin, og ber þar
margt til. Svíar og Finnar eru þeg-
ar búnir að þessu og finnst mér
það miður, að við skulum ekki
hafa orðið á undan þeim, með
okkar moldarvegi, fjalllendi og
landslag sem býður heim akstri
ýmist á móti eða undan sól. Benda
má á þá staðreynd að lögleiðing
fullra ökuljósa allan ársins hring
hefur sáralítinn aukakostnað í för
með sér, kannski perur tvisvar á
ári, en rafgeymirinn endist betur
en ella vegna þess að hann síhleð-
ur sig. Við Islendingar hefðum
tvímælalaust átt að vera braut-
ryðjendur á þessu sviði meðal
bræðraþjóða okkar á Norðurlönd-
um, en ekki eftirbátar.
Skrifið eða
hringið til
Velvakanda
Velvakandi hvetur les-
endur til að skrifa þætt-
inum um hvaðeina sem
þeim liggur á hjarta —
eða hringja milli kl. 10
og 12 mánudaga til
föstudaga. Bréf þurfa
ekki að vera vélrituð.
Þeir sem ekki koma því
við að skrifa slá þá bara
á þráðinn og Velvakandi
kemur orðum þeirra
áleiðis. Nöfn, nafnnúmer
og heimilisföng þurfa að
fylgja öllu efni til þátt-
arins, þó að höfundar
þess óski nafnleyndar.
Hver á hjólið?
Guðmundur Ingason, Stóragerði
6, hringdi og hafði eftirfarandi að
segja: — Ég vildi gjarna að rautt
Vela Schauff-kvenmannsreiðhjól,
sem staðið hefur hérna við bíl-
skúrana hjá okkur í um hálfan
mánuð, kæmist í hendur rétts eig-
anda. Hnakkurinn á því er svartur
að lit og lítið eitt skemmdur. Ég
vona að eigandinn hafi samband
við mig og vitji hjólsins sem allra
fyrst.
Því hespan
er gull
Þórunn Kristinsdóttir hringdi og
hafði eftirfarandi að segja: — Mig
langar að biðja þig, Velvakandi
minn, að grafast fyrir um þær
Kinnarhvolssystur. Þetta var saga
eða leikrit og eldri systirin spann
og spann, man ég. Hún var svo
ágjörn, og kvað:
I gær var ég fátck meA vergang á vörum,
nú vil ég ei skipU á konungakjðnim.
Ék hjólið skal stiga og hvíli mig eigi,
því bespan er gull og lopann ég teygi...
En ágirndin fór með hana. Hún
gleymdi sér og varð gömul, en
systir hennar giftist og eignaðist
börn og buru. Eg man þetta mjög
óljóst að öðru leyti, en þætti gam-
an að fá að vita meira.
- O -
Leikritið Kinnarhvolssystur er
eftir Carsten Hauch. Það hefur
verið flutt þrisvar sinnum sem út-
varpsleikrit hér, í þýðingu Indriða
Einarssonar. Leikstjóri var Soffía
Guðlaugsdóttir. Fyrst var leikritið
flutt 1933, öðru sinni 1947 og í
þriðja sinn 1942. „Leikritið er því
miður ekki til á bandi hjá okkur,"
sagði Óskar Ingimarsson á leik-
listardeild útvarpsins, „það var
ekkert farið að taka upp fyrr en
eftir 1950, svo að þetta hefur verið
flutt beint í öll skiptin. Höfundur-
inn, Carsten Hauch, er fæddur ár-
ið 1790 í Fredrikshald í Noregi,
þar sem nú heitir Halden, en dó í
Róm 1872. Hann ólst upp í Noregi
en stundaði dýrafræðinám í Kaup-
mannahöfn. Honum gekk erfið-
lega fyrst á ritmennskuferlinum,
en fann sjálfan sig er hann dvald-
ist í Róm ungur maður og gekk
betur eftir það. Eftir hann liggja
bæði skáldsögur, leikrit og ljóð,
einkum þó ljóð, því að hann var
fyrst og fremst ljóðskáld, og ljóð-
rænn í öllum verkum sínum.
Kinnarhvolssystur komu fyrst á
svið 1849. Þetta er ævintýraleikur
um systur tvær, sem heita Ulrikka
og Jóhanna. Þær eru ákaflega
ólíkar bæði í skapi og útliti, ný-
trúlofaðar þegar sagan hefst. Ul-
rikka hugsar fyrst og fremst um
að eignast sem mesta peninga til
að hafa nóg, þegar hún giftir sig,
og situr við rokkinn og spinnur.
Einn daginn kemur öldungur í
heimsókn til þeirra. Ulrikka biður
hann að færa sér fiársjóð frá
bergkonunginum. Oldungurinn
kemur svo til hennar með silfur-
bikar af gullpeningum, en biður
hana um leið að hitta bergkonung-
inn. I helli hans geti hún spunnið
rauðagull og megi eiga allt sem
hún komist yfir að spinna. Hún
tekur boðinu og gleymir sér alveg
við spunann í 25 ár, en rankar við
sér er hún heyrir sálmasöng
leggja upp í hellinn til sín, en þar
var þá systurdóttir hennar að
gifta sig. Hún staulast út en er
aðframkomin og sér nú að hún
hefur eytt öllum sínu bestu árum í
blinda eftirsókn eftir peningum.
Og skömmu síðar deyr hún.“
Valdaskiptin í borgar-
stjórn fara fram í dag
VALDASKIPTIN í borgarstjórn Reykjavíkur fara fram á aukafundi borgar
Vísa vikunnar
Gengur fólk um göturnar
og geislum böðuð torgin.
Allir brosa alls staðar,
enda frelsuð borgin.
Hákur
GÆTUM TUNGUNNAR
Sagt var: Þeir fóru inn í sitthvort húsið.
Rétt væri: Þeir fóru inn í sitt húsið hvor.
53? SIGGA V/öGÁ g \iLVtMH
MATBORÐIÐ SF.
- Skipholti 25 -
- Sími21771 -
BJ0ÐUM UPP A MAT
í hitabökkum,
til fyrirtækja og starfshópa
Fyrsta flokks þjónusta
og ávallt besta fáanlegt hráefni
FJÖLBREYTTUR MATSEÐILL
Matreidslumeistarar
^derí
AL-GRODURHÚS
og sólreitir fyrir heimagarða
Stærðir: 3,17x3,78 (10x12 fet) m/gleri, kr. 10.850,-
2,55 x 3,78 ( 8x12 fet) m/gleri, kr. 7.900,-
2,55x3,17 ( 8x10 fet) m/gleri, kr. 7.100,-
Vegghús: 1,91x3,78 ( 6x12 fet) m/gleri, kr. 6.700,-
Ýmsir fylgihlutir fyrirliggjandi: Hillur, sjálfvirkir gluggaopnar-
ar, borð, rakamælar, rafmagnsblásarar o.fl. o.fl.
Sólreitirnir eru af nýrri gerð, með plastgleri (óbrjótanlegt) og innbyggðum,
sjálfvirkum opnunar- og lokunarbúnaði, sem vinnur á sólarorkunni.
Stærð 120x92x38.
Eden garðhúsin eru nú fyrirliggjandi, en við höfum yfir 10 ára reynslu í
þjónustu við ræktunarfólk. Engin gróðurhús hafa náð sömu útbreiðslu
hérlendis. Þau lengja ræktunartímann og tryggja árangur. Sem fyrr bjóð-
um við lægsta verð, ásamt frábærri hönnun Eden álgróðurhúsa. Sterk-
byggð og traust hús.
Sýningarhús
á staðnum
Kynnisbækur
sendar ókeypis
KLIF HF.
Grandagarði 13
Reykjavík — Sími 23300
^ ÍG V&8) A9 ,
y\T4 OQOll)
'<tíL\T/V ‘bl&viótttivwl-
'Lt6A V/PZl ALIUK WOMOÍ?-
\w/$) vm 'Mmm
ttL'® S/rrVfBV S1/0-1
s^ÖtfUlÍO 06
^Ltfm a