Morgunblaðið - 30.09.1982, Blaðsíða 5

MORGUNBLAÐIÐ, FIMMTUDAGUR 30. SEPTEMBER 1982
5
Forsvarsmenn og stjórnandi söngsveitarinnar Fílharmóníu. Talin frá vinstri: Örn Ingvason, Elin Möller, Guðmundur
Emilsson, stjórnandi söngsveitarinnar, Ragnar Arnason, Jóhanna Ögmundsdóttir, Anna María Þórisdóttir og Cunnar
Böðvarsson. Ljósm. Mbl. Ól.K.M.
Fílharmónía hefur vetrarstarf
Söngsveitin Fílharmónía er nú að
hefja sitt 23. starfsár, en aðalvcrk-
efni hennar hefur verið að flytja kór-
verk með Sinfóníuhljómsveit ís-
lands. Nýr stjórnandi tekur nú við
söngsveitinni, en það er Guðmundur
Emilsson, sem er nýkominn frá
námi í kór- og hljómsveitarstjórn í
Bandaríkjunum. Hann var á sínum
tíma nemandi dr. Róberts Abrahams
Ottóssonar, sem var stofnandi og
stjórnandi söngsveitarinnar, allt til
þess er hann lést árið 1974.
Fyrstu tónleikar vetrarins
verða að þessu sinni með hinni
nýstofnuðu íslensku hljómsveit.
Það verða aðventutónleikar, flutt-
ir skömmu fyrir jól. Á þeim verða
flutt tvö verk, hátíðarmótettan
„In ecclesiis" fyrir tvöfaldan kór
og málmblásara, eftir Giovanni
Gabrieli, en það mun vera í fyrsta
skipti sem það verk er flutt hér á
landi og kantatan „Vakna, Síons
verðir kalla" eftir J.S. Bach.
í byrjun mars verða tónleikar
með Sinfóníuhljómsveit íslands,
undir stjórn aðalstjórnanda Sin-
fóníunnar, Jean Pierre Jacqillat.
Á þeim verður flutt óperan
„Tosca" eftir Giacomo Puccini.
Þá verða 14. apríl tónleikar með
Islensku hljómsveitinni, undir
stjórn Guðmundar Emilssonar.
Þar verður flutt verkið „Requiem"
eftir Gabriel Fauré.
Undirleikari á æfingum kórsins
verður Anna Guðný Guðmunds-
dóttir píanóleikari, en hún er ný-
komin frá framhaldsnámi erlend-
is.
Fyrirhugað er að bæta við söng-
fólki í söngsveitina og eru nýir fé-
lagar velkomnir. Geta þeir annað
hvort komið á æfingar söngsveit-
arinnar eða gefið sig fram við ein-
hvern úr stjórn kórsins. Tónlist-
arkunnátta er ekki skilyrði fyrir
þáttöku, en námskeið verða haldin
í nótnalestri og raddbeitingu,
einkum ætluð þeim, sem ekki hafa
notið tónlistarmenntunar.
Nánari upplýsingar um kór-
starfið eru veittar í símum 79820,
74135 og 39119.
STÓLL
íslenzkar tónmenntir
dr. Hallgríms Helgasonar
MORGUNBLAÐINU hefur borist
doktorsritgerð prófessors Hallgríms
Helgasonar sem komið hefur út í
bókarformi á íslensku undir heitinu
íslenzkar tónmenntir. í ritinu, sem
upphaflega var skrifað á þýsku, er
lagður grundvöllur að fræðilegum
tónmenntum íslands með rannsókn-
um á þeirri elstu hljómandi arfleifð
scm íslendingar hafa átt og ástund-
að fram á okkar daga. Fyrir þetta rit
hlaut llallgrímur Helgason doktors-
gráðu við háskólann i Ziirich í Sviss
árið 1954.
Aðalkaflaheitin eru: Galdraljóð,
Edduljóð, Dróttkvæði, Fornir
dansar, Uppruni rímna og þjóðfé-
lagslegt gildi þeirra og Formfræði
rímnalaga. Hér mun vera um að
ræða fyrsta vísindalega tónlist-
arritið á háskólastigi. í formála
ritgerðarinnar segir: „Við íslend-
ingar höfum löngum verið hreykn-
ir af fornbókmenntum okkar. Þar
hefir skerfur okkar til samfélags
þjóðanna verið viðurkenndur. En
menning er fjölstrengja harpa, og
tjóar lítt að knýja aðeins einn
þeirra. Strengur tónmennta hefir
ISLENZKAR
TÓNMENNTIR
Kvaeðalóg forsaga þeirra
bvgging og flutningsháttur
Dr. Hallgrímur Helgason
of lengi legið í þagnargildi. Afleið-
ing er þjóðmenningarlegt and-
varaleysi, skeytingarleysi um
þjóðleg verðmæti og þar af leið-
andi skortur á menningarlegri
sjálfstæðisstefnu, sem in.a. kemur
fram í gagnrýnislausri upptöku
lánslaga eftir ýmsa erlendas höf-
unda undir yfirskini tónsettra ís-
lenzkra öndvegisljóða. Þannig
deyr út ekta þjóðlegur, lifandi arf-
ur. Upp rísa undir fölsku flaggi
,íslensk“ alþýðulög; og mörgum
Islendingi hefur orðið hált á því að
kynna erlendis þessa söngvateg-
und undir nafni Islands."
Loks má geta þess að dr. Hall-
grímur Helgason hefur flutt meg-
inefni þessa rits í fyrirlestrum við
ýmsa háskóla í þýskumælandi
löndum svo og Kanada. Ennfrem-
ur hefur hann flutt erindi um ís-
lenskar tónmenntir á alþjóðlegum
ráðstefnum í Köln og Helsingfors.
AREID
HJÓLl
Mjög traustur
barnastóll frá Sviþjóó.
Festingar bæði (
bögglabera og
hjólagrind. Hátt
stólbak og hlif fyrir
fæturnar.
Verð: 456 kr.
FALKINN
SUÐURLANDSBRAUT8
SÍMI 84670
Á PUTTAN UM
ÞORGEIR ÁSTVALDSSON
FÁLKINN*
Suðurlandsbraut 8 S-84670
Laugavegi 24 S-18670
Austurveri S-33360.
w- -.
VX
HLIÐ A
APUTTANUM
TILBÚIO UNDIR
TREVERKIÐ
VINSTRI HÆGRI
TÍZKAN
í LEIT AD SJÁLFUM SÉR
HLIÐB
SPÁKONAN
GAMLA HUSID
LÍOANDI STUND
(LIFDU SEM LENGST)
RAUTT GULT GRÆNT —
AF STAO NOROURLJÓS