Morgunblaðið - 24.03.1983, Blaðsíða 44

44
MORGUNBLAÐIÐ, FIMMTUDAGUR 24. MARZ 1983

... að gera sameiginlega
helgarinnkaup.
TM Reg. U.S. Pat On.-aM rtghts raaarvad
•1962 Loa Angalaa Tknaa SyrxMcata
Þetta er Ijóti talsmátinn á strákn-
um eftir að hann flutti að heiman
frá okkur?
HÖGNI HREKKVÍSI
Opnar okkur nýja veröld
5203-4914 skrifar:
„Gott framlag" er nafn á stuttri
en ágætri grein, sem birtist í Vel-
vakanda 17. þ.m. Fjallar hún um
söguna „Sonur himins og jarðar"
sem Sigurður Gunnarsson skóla-
stjóri hefur nýlega lokið við að
lesa í útvarpinu.
Þakka ég greinarhöfundi fyrir
þetta framlag og er honum full-
komlega sammála.
Höfundur sögunnar, Sonur him-
ins og jarðar, er norski rithöfund-
urinn Káre Holt og kom hún út
árið 1978. Hlaut hún strax mikið
lof gagnrýnenda. Þetta er heim-
ildaskáldsaga og segir frá lífi og
starfi norska prestsins Hans Eg-
ede og trúboði hans meðal esk-
imóa á Grænlandi, enda er hann
oft nefndur „postuli Grænlands".
Sagan opnar okkur nýja veröld,
sem flestum mun framandi. Segir
okkur frá ömurlegum kjörum
þessa frumstæða fólks, þjáningum
þess og sorgum, svo og andstreymi
Sigurður Gunnarsson
prestsins og armæðu í trúboða-
starfinu.
í stuttu máli sagt er þetta sér-
lega spennandi saga. Þar er alltaf
eitthvað nýtt og óvænt að gerast,
sem sagt er frá á hreinu og fögru
máli, en þýðingu hefur Sigurður
annast og tekist það með ágætum,
eins og hans var von og vísa, enda
er hann þar enginn viðvaningur.
Mun hann sennilega hafa þýtt á
íslensku úr ýmsum erlendum mál-
um fleiri bækur en nokkur íslend-
ingur fyrr eða síðar. Um flutning-
inn þarf ekki að fjölyrða. Sigurður
er þar eflaust meðal hinna allra
bestu. Eins og kunnugt er hefur
Sigurður lesið á síðustu árum
margar úrvalsbækur í útvarpið,
sem vakið hafa verðskuldaða at-
hygli. Ekki er mér kunnugt um, að
þær hafi verið gefnar út, og er það
bókaútgefendum til lítils sóma.
Að síðustu þetta: Ég tek undir
með „hlustanda" og geri hans orð
að mínum, þar sem hann segir:
„Ég vil því eindregið mælast til
þess við bókaútgefendur, að þeir
verði sér úti um handritið og gefi
bókina út.“
Þessir hringdu . . .
Setur fagran
svip á allt
F.Kj. hringdi og hafði eftirfar-
andi að segja:
— Ég hringi út af þjóðsöngn-
um okkar. Ég er stundum undr-
andi á því, hve sjaldan við fáum
að heyra hann. Ég er ekki hrædd
um, að fslendingar geti ekki
sungið þjóðsönginn. Mér hefur
alltaf fundist flutningur hans
hátíðlegur og setja fagran svip á
allt. Ég hef heyrt sumt lært fólk
hafa á móti þjóðsöngnum, en ég
vona og trúi því, að við höldum
áfram að syngja hann, og mér
fyndist t.d. að hann mætti oftar
heyrast í kirkjunum. Það er ekki
setjandi fyrir sig þó að hann
liggi hátt; við getum sungið
hann, ef við viljum. Ég tala ekki
um þá sem hafa góða rödd.
Hverjir ákváðu
að kaupa
Viðey?
Baldvin Örn Berndsen hringdi
og hafði eftirfarandi að segja:
— Mig langar til að forvitnast
um það, hverjir ákváðu það fyrir
hönd okkar Reykvíkinga að
kaupa Viðey fyrir 28 milljónir
króna og af hverju það var ekki á
neinn hátt lagt fyrir almenning.
Hefði ekki mátt gefa borgar-
búum kost á að greiða atkvæði
um þessi kaup? Gaman væri að
fá svar við þessu.
Mælirinn
þegar fullur
Ingólfur Sigurösson hringdi og
hafði eftirfarandi að segja:
— Ég er sáróánægður út af
þessum kílóaskatti sem nú
stendur til að bæta ofan á pinkl-
ana hjá bíleigendum. Mér fannst
mælirinn þegar fullur og nú flóir
sannarlega út úr. Bíleigendur
hafa áratugum saman borgað
aukaskatt til að standa straum
af vegagerð, en aðeins lítill hluti
þessa fjár hefur skilað sér þang-
að. Ríkið hefur gleypt meginið af
því í eyðsluhítina. Ég legg ein-
dregið til að rikið skili þessu fé,
áður en farið verður út í frekari
skattlagningu á bíleigendur. Þar
að auki legg ég til, að fjármunir
þeir, sem fást vegna núverandi
skattlagningar, verði látnir
renna beint inn á reikning Vega-
gerðar ríkisins, án viðkomu í rík-
issjóði, vegna ógóðrar reynslu
þar af. Ef þó vantar fé til vega-
gerðar, bendi ég á, að bifreiðir á
vegum varnarliðsins hafa hingað
til verið undanþegnar vega-
skatti. Hvers vegna? Bendi við-
komandi aðilum á að athuga það.
Básúnu-
leikarinn heitir
Sigurður
Þorbergsson
Guðmundur Emilsson hringdi
og hafði eftirfarandi að segja:
— Ég þakka Ragnari Björns-
syni fyrir tónlistargagnrýni
hans í Mbl. á þriðjudag um tón-
leika íslensku hljómsveitarinn-
ar. í niðurlagi greinar sinnar
segir Ragnar: „ ... Hljómsveitin
er skipuð mörgum bráðefni-
legum ungum hljóðfæraleikur-
um, t.d. er strokhljóðfærahópur-
inn áberandi, sama má segja um
suma blásarana, og ekki get ég
stillt mig um að benda á básúnu-
leikara í því sambandi, hvers
nafn ég ekki veit ..." Ég vil
gjarna upplýsa, að þessi básúnu-
leikari, sem er einn þeirra
mörgu efnilegu tónlistarmanna,
sem skipa íslensku hljómsveit-
ina og fengið hafa tækifæri til að
koma fram og sýna hvað þeir
geta, heitir Sigurður Þorbergs-
son.