Morgunblaðið - 24.03.1983, Blaðsíða 46

46
MORGUNBLAÐIÐ, FIMMTUDAGUR 24. MARZ 1983
Skíðadeild Ármanns
„Leggjum áherslu á skíða-
íþróttina sem keppnisíþrótt“
— segir Guömundur Björnsson formaður deildarinnar
Mikil gróska hefur verið í skíðaíþróttinni á undanförnum
árum. Með nýjum skíðalyftum á höfuðborgarsvæðinu á hinum
ýmsu skíðasvæðum hefur íþróttinni vaxið fiskur um hrygg og
nú stundar mikill fjöldi manns skíðaíþróttina sér til heilsubótar
og hressingar. En jafnframt er stór hópur af ungu fólki sem
æfir með keppni fyrir augum. Sú skíðadeild sem einna lengst
hefur starfað í Reykjavík er skíöadeild Ármanns. Hér á árum
áður hafði skíðadeild Ármanns aðsetur í Jósepsdal og átti þar
skíðaskála. Þeir eru örugglega margir af eldri kynslóðinni sem
eiga minningar um skíðaferðir í Jósepsdalinn og dvöl í skíða-
skála þeirra Ármenninga.
En nú stendur skíðaskálinn ekki lengur. Hann hefur verið
rifinn og Ármenningar hafa flutt starsemi sína úr Jósefsdaln-
um yfir í Bláfjöllin. Það var árið 1968 sem Ármenningar tóku af
skarið og voru fyrstir til þess aö sjá þá möguleika sem Blá-
fjallasvæðið bauö upp á hvað varöar skíðaíðkun. Skíðadeild
Armanns gerði leigusamning við Selvogshrepp á Kóngsgilinu
í Bláfjöllum en það er afréttur Selvogsbænda. Ármenningar
hafa því leigusamning á svæðinu, svolítið sem önnur skíðafé-
lög hafa ekki. Það var áriö 1970 sem starfsemin hjá skíðadeild-
inni fór í gang en þá var ekki komin vegur í Bláfjöllin. í fyrstu
var fariö gangandi eða á fjallabílum. Farið var með traktor upp
í Kóngsgil og kaðallyftu komið upp. Nú eru liðin 12 ár og mikil
breyting orðin á. Til að forvitnast um starfsemi skíðadeildar
Ármenninga hittum við að máli Guömund Björnsson, núver-
andi formann deildarinnar í skíðaskála félagsins í Kóngsgili í
Bláfjöllum. Sólin skein í heiði og himininn var heiðskír og það
var fagurt að líta út um gluggann í skála félagsins. En úti fyrir
var mikið frost og nokkur vindur og yngismær ein, sem kom
inn í skálann til þess að ylja sér, lét þau orð falla að þetta
fallega veöur væri betur til þess falliö aö horfa á það út um
glugga en að vera úti og stunda skíðaiðkun, svo mikið væri
frostið og með vindinum væri það æði napurt.
Ég innti Guðmund eftir því
hversu margir félagar væru í deild-
inni og hvernig hún starfaði.
— Líklega eru tæplega 1.000
félagar skráðir í deildina, en segja
má aö virkir félagar séu í kringum
400 talsins. Skíöadeild Ármanns
leggur fyrst og fremst áherslu á
skíðaíþróttina sem keppnisíþrótt.
Og til marks um það er Skíöadeild
Ármanns með langstærsta keppn-
ishópinn á sínum vegum eöa um
100 manns í hinum ýmsu aldurs-
flokkum. Ármenningar hafa átt
mjög góöa skíðamenn á undan-
förnum árum og eiga enn í dag.
Sem dæmi má nefna Steinunni
Sæmundsdóttur og Árna Þór
Árnason, sem í dag er einn fremsti
skíöamaður landsins. Marga fleiri
mætti nefna.
Byrja strax á haustin
— Skíðamenn leggja mikiö á
sig við æfingar. Þeir þyrja strax á
haustin og þá eru æfðar þrekæf-
ingar. Útihlaup eru stunduð í Laug-
ardalnum og þá er li'ka notast við
þá aðstööu sem sundlaugin býður
upp á. Strax á haustin þegar næg-
ur snjór er kominn í fjöllin, er farið
á skíði og þá eru stundaöar frjálsar
æfingar á skíöum. Skíöafólkiö
þjálfar sig í að renna sér án þess
aö vera mikiö í brautum. En strax
um áramótin er fariö aö æfa tækni
og brautaræfingar ef veöur og
snjór leyfa.
— Við skiptum félögum niður í
flokka. Þeir yngstu æfa saman og
við miðum viö 8 ára og yngri. Það
hefur mikið að segja aö byrja ung-
ur og þar þarf aö ná réttum undir-
stööuatriöum i skíöaþjálfuninni.
Við erum með flokk 9 til 10 ára og
11 til 12 ára. Þetta eru barnaflokk-
ar. Síöan kemur flokkur 13 til 16
ára og svo eru 17 ára og eldri. Allir
þessir flokkar eru vel skipulagöir
og stunda æfingar meö þjálfurum.
— Þær Björg Haröardóttir og
Þórunn Egilsdóttir hafa þjálfað
barnaflokkana og hefur starf
þeirra gengið mjög vel.
• Guðmundur Björnsson núver-
andi formaður skíöadeildar Ár-
manns.
• Árni Þór Árnason einn fremsti skíðamaður landsins í dag og besti
skíðamaöur Ármenninga.
— Guðmundur Söderin hefur
ásamt fleirum frá árinu 1978 þjálf-
aö eldri flokkana og náö góöum
árangri með þá. Nú er Guðmundur
aö flytjast af landi brott og getur
því miður ekki haldiö áfram. En í
hans stað hefur veriö ráöinn aust-
urrískur skíðakennari og þjálfari,
sem jafnframt er gamall keppnis-
maður á skíöum. Hann veröur að-
alþjálfari Ármenninga þaö sem eft-
ir er af vetrinum.
— Viö erum með mjög gott æf-
ingasvæöi í svokallaðri sólskins-
brekku og leyfi ég mér aö fullyröa
aö það er eitt besta æfingasvæöi á
öllu landinu. Þaö er æft fimm sinn-
um í viku, þeir yngri æfa frá
17—19 og þeir eldri frá 19—22.
Ætla að byggja
nýjan skíðaskála
— Nú er fyrirhugaö af skíða-
deildinni aö byggja nýjan skíða-
skála og veröur hann staösettur á
flatlendinu fyrir neöan Sólskins-
brekkuna, en hún er sunnan viö
Kóngsgiliö. Skíöaskálinn er þegar
kominn inn á fjárlög og er búiö aö
gera drög aö teikningum af hon-
um. Hann veröur 120 fermetra og
byggöur á tveimur hæöum. Núna
er fyrir í Sólskinsbrekku lítill skáli
sem rúmar um 20 manns en er
jafnframt notaður sem lyftuhús
fyrir frönsku toglyftuna sem þar er.
Sú lyfta annar 650 manns á
klukkustund. Brekkan er raflýst
meö 29 kösturum, þannig aö góö
æfingaaöstaöa er þar aö kvöldlagi.
— Þaö er hugmynd okkar aö
þarna veröi aðalæfingaasvæði
okkar í framtíðinni. Þar er betra aö
æfa í ró og næöi og gott aö setja
upp brautir því aö í sjálfu Kóngs-
gilinu er oröiö svo mikiö um skíða-
fólk aö vont er að koma æfingum
viö.
— Skíöadeildin er meö tvær
lyftur í Bláfjöllum. Stærri lyftan er
staösett til hliöar viö Kóngsgiliö,
hún afkastar núna 700 manns á
klukkustund en hægt er aö stækka
hana þar sem hún er tveggja
spora. Og ef af því veröur aukast
afköst hennar um helming.
— Aöstaöa skíöafólks sunnan-
lands er alltaf aö batna og ef aö
veöurfar er skaplegt þá er ekki
nokkur vafi á því aö viö stöndum
alveg jafnfætis keppnisfólki á
landsbyggöinni hvaö árangur
varöar. Aö visu þarf skíöafólk hér
sunnanlands aö sækja æfingar
mun lengri leiö en þaö sýnir mikinn
dugnaö og leggur hart aö sér. —
En þaö er aöallega veöráttan sem
setur strik í reikninginn. Þessi vet-
ur sem er aö líöa er til dæmis einn
sá versti sem ég man eftir til skíöa-
iökana. Það vantaði ekki snjóinn,
en veöurfariö og ófæröin hamlaöi
oftar en áður. Og þaö var mjög
slæmt fyrir keppnisfólk okkar.
— En þrátt fyrir aö hluti af
starfsemi okkar Ármenninga mun
flytjast í Sólskinsbrekkuna, þá
veröum viö áfram með aöstööu
hér í Kóngsgilinu. Hér er til dæmis
einn besti svigbakki á landinu.
Hann hefur veriö tekinn út af al-
þjóöaskiöasambandinu og er því
alþjóðlegur og þykir mjög góöur.
Hér erum viö meö markhús og hús
upp á brún til þess aö ræsa kepp-
endur úr og aðstaöan því góö. Ég
tel framtíðina hjá skíðafólki í Ar-
manni vera bjarta. Þaö ríkir góöur
félagsandi hjá okkur og þetta er
holl og skemmtileg íþrótt. Skíða-
deildin stendur öllum opin og hægt
er aö láta skrásetja sig hér í skál-
anum hjá okkur. Ég get fullvissaö
foreldra um aö hingað sækja börn-
in tómstundagaman sem er heil-
brigt og skemmtilegt og þrosk-
andi, sagöi Guðmundur, formaöur
deildarinnar. __ ÞR
• Kóngsgilið í Blátjöllum, þar sem skíðadeild Ármanns hefur adstööu
sína. í gilinu er einn besti svigbakki á landinu og hefur hann veriö
tekinn út af Alþjóðaskíöasambandinu. í miöri brekkunni í gilinu má sjá
markhús Ármenninga. Nú er mjög gott skíðafæri í Bláfjöllum og nægur
snjór.
Skíðaskóli Ármanns
Sérstakur barnaskóli
á skíðum um páskana
SKÍÐAOEILD Ármanns rekur
skíöakennslu á svæöi sínu í Blá-
fjöllum. Síöaskólinn stendur öll-
um opinn. Þar er hægt aö fá
kennslu fyrir algjöra byrjendur og
svo þá sem lengra eru komnir. Þá
er hægt að fá kennslu í braut-
arskíðun. Kennt er alla virka
daga. Bæði fer fram hópkennsla
og svo einstaklingskennsla. Það
eru ekki fleiri en 12 í hverjum hóp
til að hægt sá aö sinna hverjum
og einum sem best.
Aö sögn Hafliöa Báröar Harö-
arsonar kennara viö skólann, er
miki um þaö aö fólk hafi notfært
sér þessa kennslu. En auk hans
kennir viö skólann austurrískur
skíðakennari. Hafliöi sagöi þaö
vera algengt aö fólk færi á 3 daga
námskeiö. Þá væri kennt tvo tíma
á dag þrjá daga í röö. Slíkt nám-
skeið kostaöi krónur 450 fyrir full-
oröna. Hægt er að láta innrita sig í
skíöaskólann alla daga vikunnar
við skála Ármanns í Bláfjöllum. Þá
er hægt að panta sér tíma bæði
fyrir hópa og einstaklinga í símum
33187, 71651 og 35959.
Þá er fyrirhugaö um páskana að
hafa sérstakt skíöakennslusvæði
fyrir börn 4 ára og eldri í Bláfjöll-
um. Þar geta foreldrar fengiö aö
skilja börn sín eftir meöan þau eru
aö renna sér og þeirra verður gætt
og kennt á skíöum um leið viö
góöar og heppilegar aöstæöur. En
allar upplýsingar um þetta atriöi er
hægt aö fá í ofangreindum síma-
númerum.
Núna er mjög gott skíðafæri í
Bláfjöllunum, og mikill snjór. Og
eiga forráöamenn Ármenninga von
á því aö á því aö áhugafólk um
skíöaíþróttina notfæri sér kennsl-
una um páskana sem senn fara í
hönd.
— ÞR.
Noröurlandamót í bogfimi:
Elísabet hafnaói
í fjórða sæti
UM SÍÐUSTU helgi fór fram í
Finnlandi Noróurlandamót í bog-
fimi og lyftingum í íþróttum fyrir
fatlaða. Keppendur á mótinu voru
alls um 50, þar af 3 íslendingar,
Elísabeth Vilhjálmsson og Rúnar
Bjömsson, sem kepptu í bogfimi,
og Reynir Kristófersson, sem
keppti í lyftingum.
Bestum árangri íslensku kepp-
endanna náöi Elísabeth Vilhjálms-
son. Hún varö í fjóröa sæti af 10
keppendum í kvennaflokki bog-
fimikeppninnar. Yfirburöasigur-
vegari varö sænsk stúlka og hlaut
hún alls 531 stig. í ööru og þriöja
sæti uröu svo danskar og finnskar
stúlkur meö 478 og 473 stig. Elísa-
beth varö svo í fjóröa sæti meö
470 stig. Af þessu má sjá aö bar-
áttan um annaö sætiö var mjög
hörö. Elísabeth hélt því sæti reynd-
ar lengst framan af, en slæmt
gengi um miöbik keppninnar varö
til þess aö hún hafnaöi í fjóröa
sæti.
Árangur hinna íslensku kepp-
endanna varö sá aö Reynir Kristó-
fersson varö í þriöja sæti í 90 kg.
flokki. Lyfti hann alls 110 kg. sem
er nýtt íslandsmet. I fyrsta og ööru
sæti uröu sænskir og finnskir lyft-
ingamenn. Rúnar Björnsson hafn-
aöi í 13. sæti í karlaflokki bogfimi-
keppninnar meö alls 425 stig.
Þess má geta aö næsta Noröur-
landamót í bogfimi veröur haldiö á
íslandi aö tveimur árum liðnum.