Morgunblaðið - 30.03.1983, Qupperneq 15

MORGUNBLAÐIÐ, MIÐVIKUDAGUR 30. MARZ 1983
15
Passía í myndum
Myndlist
Valtýr Pétursson
Listvinafélag Hallgrímskirkju
er nýstofnað menningarfélag og
eins og nafnið bendir til einskorð-
að við Hallgrímssókn. Hér er gerð
tilraun til að lífga upp á listræna
menningu innan sóknarinnar, og
vonandi verður einhver árangur af
þessu starfi á komandi árum, því
að sannarlega er list og kirkja
samtvinnað andlegt næringarefni,
ef rétt er á haldið. Kirkjan hér á
landi hefur verið heldur afskipta-
laus um myndlist og hefði verið
betur, ef sú vakning, er nú virðist
eiga sér stað á þessu sviði, hefði
hafizt fyrr, meðan þjóðin var bet-
ur stæð og hefði getað látið lista-
menn þjóðarinnar vinna fleiri
verkefni til ánægju fyrir kirkju-
gesti og andlegs þroska.
Árið 1961 kom út ný útgáfa af
Passíusálmum Hallgríms Péturs-
sonar, sem lýst var af hinni
merkilegu listakonu Barböru
Árnason. Barbara vann þessa lýs-
ingu í túss á árunum 1942 til 1949,
en eins og áður segir, kom bókin á
markað 1961. Mörg ár hafa liðið
frá gerð myndanna til útgáfu bók-
arinnar og ekki er mér kunnugt,
hvað valdið hefur þeirri töf. En
hér var verulega brotið blað í
bókaútgáfu. Þetta stórvirki,
Passíusálmar Hallgríms, hafði
ekki verið lýst fyrr af samlöndum
hans, og það virðist hafa þurft
brezka listakonu til að ríða á vað-
ið. Barbara Árnason hafði mjög
sérstæðan stíl í teikningu sinni og
grafík. Hún var þroskaður lista-
maður, sem vissi vel, hvað hún var
að gera, vann verk sitt af einstakri
nákvæmni og miklum skilningi.
Mun þar hafa komið fram uppeldi
listakonunnar í enskri kirkju
fremur en íslenzkur luterismi.
Hvað um það: Það er dálítið und-
arleg tilviljun, að engir íslenzkir
listamenn skuli hafa tekið til
hendi og notfært sér hinn mjög
svo myndræna texta séra Hall-
gríms. Þetta verður enn furðu-
legra, þegar þess er gætt, að fátt
eitt af rituðu máli á eins greiðan
aðgang að Islendingum og Passíu-
sálmarnir.
Fimmtíu teikningar Barböru
Árnason eru nú í eigu Listasafns
íslands, og hefur safnið lánað
þessar myndir til sýnis í anddyri
Hallgrímskirkju. Það er hið ný-
stofnaða menningarfélag, sem
getur um í upphafi, sem stendur
fyrir þessari sýningu, og hún er
sannarlega þess virði, að hún sé
skoðuð. Það var mikið afrek hjá
listakonunni að gera þessar lýs-
ingar, stíll Barböru og tækni falla
sérlega vel að efninu, og þannig
verður til heild, sem skapar vissar
áherzlur og andrúmsloft, sem
verður ekki aðskilið þeim boðskap,
er felst í Passíusálmum séra Hall-
gríms. Það má draga það í efa, að
nokkur annar listamaður hefði
skilað þessu verkefni á betri hátt
en Barbara heitin Árnason gerði.
Valtýr Pétursson
Sigursveit Flugleiöa. Frá vinstri: Hörður Jónsson, Hálfdán Flermannsson, Björn
Theodórsson, Andri Hrólfsson, Þröstur Bergmann, Elvar Guðmundsson, Stefán
Þórisson og Ólafur Ingason.
Flugleiðamenn sigruðu
Lufthansa í úrslitum
Ertu aó byggjal
Sá sem er að byggja verzlar við Völund
Parketágólf, Werzalit-sólbekkir
Mótatimbur — Byggingatimbur
Smiðatimbur — Ofnþurrkað timbur
Gagnvarið timbur (4-faldar endingu)
Gluggaefni — Gróðurhúsaefni
Veggklæðningar — Loftklæðningar
Límtrésbitar — Límtrésrammar
Bílskúrshurðir — Verksmiðjuhurðir
Innihurðir — Útihurðir
Hagstætt verð, góð greiðslukjör
Yfir 75 ára reynsla tryggir góða þjónustu.
SKÁKSVEIT Flugleiða sigraði sveit
Lufthansa með 4,5 vinning gegn 1,5 í
úrslitum Evrópuskákkeppni flugfélaga.
Teflt var til úrslita í Frankfurt um síð-
ustu helgi, en keppnin hefur staðið yfir
í tvö ár, með þátttöku nær allra flugfé-
laga í Evrópu utan Sovétríkjanna.
í fyrri umferðum hafði skáksveit
Flugleiða unnið sigur á ísraelska
flugfélaginu EL AL, svissneska flug-
félaginu Swissair og spánska félag-
inu Iberia. Þeir sem tefldu í úrslita-
keppninni af hálfu Flugleiða voru
Elvar Guðmundsson, Þröstur Berg-
mann, Björn Theodórsson, Stefán
Þórisson, Hörður Jónsson og Hálf-
dán Hermannsson, en auk þeirra
skipa skáksveitina þeir Andri
Hrólfsson og Ólafur Ingason. Þjálf-
ari er Bragi Kristjánsson.
Seint á síðsta ári sigraði sveitin á
fimmta alþjóðaskákmóti flugfélaga,
sem fram fór í Tampa í Florida, og í
janúar síöastliðnum vann hún stórt
alþjóðaskákmót fyrirtækja og stofn-
ana, sem fram fór í Sviss.
Þessi góði árangur skákmanna
Flugleiða hefur vakið athygli og hef-
ur Flugleiðum borist boð um að tefla
á alþjóðamótum í Portúgal og í Los
Angeles á þessu ári.
Timburverzlunin Volundur hf.
KLAPPARSTÍG 1, SÍMI 18430 — SKEIFAN 19, SÍMI 85244

KJÖTMIÐSTÖÐIN
Opið til
.10 í kvöld
Laugalæk 2. s. 86SII