Morgunblaðið - 30.03.1983, Qupperneq 21

MORGUNBLAÐIÐ, MIÐVIKUDAGUR 30. MARZ 1983
21
Morgunblaðid/Kristján E. Einarsson.
Tvær söngkonur, sem hafa lengi staöid í eldlínunni, Mjöll Hólm og Anna Vilhjálms.
v >7Í
^ \ ÆÆm k '.Vr 1 B ■ - M . . á
Rokkhátíðin á Broadway slær í gegn:
5—6.000 manns hafa
komið á hátíðina
— sem upphaflega átti aöeins að vera uppákoma eitt kvöld
„VIÐTÖKURNAR hafa farið fram úr björtustu vonum okkar. Þetta átti
fyrst aðeins að vera uppákoma eitt kvöld en fimmta skemmtunin verður í
kvöld, miðvikudagskvöld, og þær verða hugsanlega fleiri, t.d. er áformað
að fara til Akureyrar um kosningahelgina,** sagði Björgvin Halldórsson
söngvari og primus motor Rokkhátíðarinnar í Broadway, sem reynst
hefur vera ein vinsælasta skemmtun, sem boðið hefur verið uppá í
íslenzku skemmtanalífi.
„Það hefur verið uppselt öll
kvöldin og færri komist að en
viljað hafa. Ég gæti trúað að
5—6 þúsund manns hafi komið á
Rokkhátíðina í Broadway. Það
hefur verið gjörsamlega uppselt
í matinn öll kvöldin og eftir mat-
inn hefur annar eins fjöldi kom-
ið og horft á skemmtiatriðin
milli klukkan tíu og tólf. Og
stemmningin hefur verið hreint
ótrúleg, rokkið hefur hrifið fólk-
ið enda má segja að hingað komi
að stórum hluta fólk, sem ólst
upp með rokkinu og er að endur-
lifa gömlu góðu árin. Sumir
koma jafnvel aftur og aftur,“
sagði Björgvin.
Að sögn Björgvins kom hug-
myndin að Rokkhátíðinni upp
fyrir ári síðan, eða í sambandi
við afmæli FÍH. Ekki voru tök á
að framkvæma hugmyndina þá
en í vetur bað Ólafur Laufdal
veitingamaður Björgvin að und-
irbúa hátíðina og hleypa henni
af stokkunum. „Það fór mjög
mikill tími í undirbúninginn en
Björgvin Halldórsson, primus motor Rokkhátíðarinnar á Broadway.
honum var vel varið þegar mað-
ur sér árangurinn," sagði
Björgvin. „Ég talaði við ótal
menn og niðurstaðan varð sú að
13 söngvarar koma fram á hátíð-
inni, þau Stefán Jónsson, Guð-
bergur Auðunsson, Garðar Guð-
mundsson, Anna Vilhjálms.,
Mjöll Hólm, Astrid Jensen, Þor-
steinn Eggertsson, Sigurdór Sig-
urdórsson, Harald G. Haralds,
Ómar Ragnarsson, Einar Júlíus-
son, Berti Möller og Sigurður
Johnny. Hljómsveitin mín leikur
undir en i henni eru auk mín
Hjörtur Howser, Pétur Hjalte-
sted, Björn Thoroddsen, Rafn
Jónsson og Haraldur Þorsteins-
son. Til liðs við okkur voru
fengnir tveir frábærir saxófón-
leikarar, Rúnar Georgsson og
Þorleifur Gíslason. Páll Þor-
steinsson og Þorgeir Ástvalds-
son hafa annast kynningar af
snilld og Didda og Sæmi hafa
tekið rokkspor við mikla hrifn-
ingu. Þetta small allt saman hjá
okkur og andinn hefur verið
sérstaklega góður í hópnum.
Söngvarnir voru auðvitað dálítið
taugaóstyrkir til að byrja með
og það var bara betra, þá lögðu
þeir sig betur fram. En núna er
ekki annað að sjá en að þeir hafi
staðið á sviðinu óslitið í ára-
tugi.“
Björgvin sagði að lokum að
líklega yrði haldið áfram með
Rokkhátíðina eftir páska, en það
væri þó ekki alveg frágengið.
Skemmtunin sl. föstudag var
tekin upp með 1. flokks tækjum
af Grettistaki og önnuðust það
Sigurður Bjóla og Gunnar
Smári. „Þarna höfum við 1.
flokks upptökur, ef menn hafa
áhuga á útgáfu. Þá ætlum við í
hljómsveitinni að taka upp plötu
í maí og á henni verður eitthvað
af efni tengt Rokkhátíðinni,"
sagði Björgvin Halldórsson.
Þá er bara eftir að minna á, að
Rokkhátíðin verður i 5. sinn í
Broadway í kvöld.
„Megi auðna, gæfa
og gengi geyma
þetta skip“
Sagt frá komu Sléttanessins til Þingeyrar
Þingeyri, 23. mar8.
LAUGARDAGINN 26. febrúar fögnuðu Dýrfirðingar komu skuttogarans
Sléttaness ÍS 808, er lagðist að hafnargarðinum laust eftir kl. 17.00. Leió-
indavcður var fyrrihluta dagsins, en þegar Sléttanesið nálgaðist Þingeyri í
fylgd Framness I braust sólin fram og sendi geisla sína yfir skipin síðasta
spölinn í höfn.
Allir sem vettlingi gátu valdið
voru mættir á hafnargarðinum til
að vera viðstaddir afhendingu
skipsins. Hófst sú athöfn með því
að sóknarpresturinn Torfi Stef-
ánsson flutti fyrirbæn. Gunnar
Ragnars forstjóri Slippstöðvar-
innar á Akureyri afhenti skipið
formlega Valdimar Gíslasyni
form. Kaupfélags Dýrfirðinga með
hlýjum orðum og árnaðaróskum.
Form. þakkaði og flutti stutta
tölu. Oddviti Þingeyrarhrepps
Guðmundur Ingvarsson flutti
ávarp. Kaupfélagsstjórinn Bjarni
Grímsson bauð öllum Dýrfirðing-
um til veislu í félagsheimilinu, en
börn og unglingar þáðu veitingar
um borð í togaranum.
Sest var að kræsingum í félags-
heimilinu og stjórnaði kaupfélags-
stjórinn hófinu, las heillaskeyti er
borist höfðu og bauð mönnum að
skoða skipið að lokinni veislu.
Margar ræður voru fluttar og
mörg hlý orð féllu í garð fyrrv.
kaupfélagsstjóra Sigurðar Krist-
jánssonar fyrir framlag hans til
uppbyggingar og eflingar (K.A.)
fyrirtækja K.A., en hann fluttist
héðan til Selfoss um síðustu ára-
mót. Valdimar Gislason flutti
greinargóða sögu þessara mála og
skýrði frá tildrögum að endurnýj-
un skipaflotans, er fyrst kom til
tals á stjórnarfundi fyrir liðlega 4
árum. Fyrrverandi form. Valdi-
mar Kristinsson Núpi tók einnig
til máls. Allir sem töluðu í hófi
þessu voru á einu máli um það, að ;
vandi útgerðarinnar væri mikill
og horfur aðrar en voru, þegar
smíði þessa skips var ákveðin, en
breyttum aðstæðum yrði að mæta
af djörfung.
Að lokum ræddi Bjarni Gríms-
son um útgerðina í heild, mælti
hlýleg orð í garð Dýrfirðinga og
bauð þeim skoða skipið að loknu
hófi. Hátíðarstemmning ríkti
þennan dag og hljóðlát gleði ein-
kenndi samkomuna, sem fór fram
á látlausan og virðulegan hátt.
Sléttanes í heimahöfn
Von og hagsíi'ld trúna tengi
traustum smíAisgrip.
Megi auðna, gæfa og gengi
geyma þetta skip.
Kftir Elías Þórarinsson frá Hrauni.
- Hulda.