Morgunblaðið - 29.11.1983, Blaðsíða 11

MORGUNBLAÐIÐ, ÞRIÐJUDAGUR 29. NÓVEMBER 1983
11
„Getur leyst byggingamál
unga fólksins á skemmtileg-
an og mannlegan hátt“
- segir Magnús Thorvaldsson í Borgarnesi um
nýja tegund einingahúsa sem hann hefur hannað
Borgarnesi, 21. nóvember.
„ÞESSAK hugmyndir eru orðnar
jafngamlar mér hér í Borgarnesi en
svo hafa fæðst hliöarhopp út frá
þeim eins og gengur. Ég reisti hús
fyrir tengdason minn í Reykjavík
fyrir nokkrum árum og er það upp-
hafið að þessum járnhúsum mínum,
en þau hafa hingað til verið aðallega
í formi smáhýsa ýmiskonar. Það var
svo fyrir um þremur árum aö hug-
myndin um það sem ég er að gera
núna skaut upp kollinum," sagði
Magnús Thorvaldsson, blikksmíða-
meistari í Borgarnesi, í samtali við
Mbl. en hann hefur hannað nýja
byltingarkennda tegund eininga-
húsa og er með í undirbúningi að
koma í framleiðslu.
„Húsið er byggt úr verkstæðis-
framleiddum einingum frá grunni
og uppúr,“ sagði Magnús, „og
hreinlega skrúfað saman á bygg-
ingarstað. Það er byggt upp með
römmum úr limtré. Ramminn er
samsettur allan hringifffi, er með
gólfbita, veggstoðum og sperrum.
A milli koma svo tilbúnar eining-
ar, 120 cm breiðar. Eru þær ein-
angraðar, og með innra og ytra
byrði, sem getur verið úr hvaða
byggingarefni sem óskað er svo
sem áli, stáli, timbri, vatnsheldum
krossviði eða hverju sem er. Ein-
ingarnar ganga inn í raufar sem
eru á römmunum og síðan er húsið
hert saman með bolta eftir endi-
löngu húsinu. Ekki er einn einasti
nagli í öllu húsinu. Eftir að húsið
er komið á byggingarstað getur
hver sem er sett það upp á tveim-
ur dögum eða svo og allt sem til
Magnús Thorvaldsson við líkan af
hluta húss, sem hann hefur gert
samkvæmt aðferð sinni.
þarf er stjörnulykill og gúmmí-
hamar.
Gluggar og hurðir verða í ein-
ingunum og læsast þær við á sama
hátt. Rammarnir geta verið allt að
12 metra breiðir og ekki eiga held-
ur að vera neinir tæknilegir örð-
ugleikar á að hafa húsið tveggja
hæða. Ótæmandi stækkunar-
möguleikar eru fyrir hendi. Hægt
verður að lengja það með því að
taka gaflinn úr og bæta við bilum
og setja gaflinn þar í aftur. Einnig
verður hægt að byggja viðbygg-
ingu þvert á húsið. Sökklarnir
verða úr strengjasteypu í for-
steyptum einingum. óþarfi á að
Sókn:
Mótmælir misrétti
í dagvistun barna
MORGUNBLAÐINU hefur borizt
eftirfarandi frá Starfsmannafélaginu
Sókn:
„Fundur haldinn í
Starfsmannafélaginu Sókn 14.
nóvember 1983 fordæmir harðlega
það óréttlæti, sem ríkir innan Rík-
isspítalanna hvað varðar vistun
barna á barnaheimilum spítal-
anna, þar sem börnum ófaglærðs
fólks er meinuð vistun meðan börn
hærri launaðra stétta sbr. hjúkr-
unarfræðinga hafa þar allan for-
gang. Að mati Sóknar er þessi
mismunun forkastanleg og felst í
þessu sú staðreynd að hærra laun-
aðar stéttir innan Ríkisspítalanna
eru gerðar að forréttindastéttum í
þessum efnum sem öðrum. Því
hlýtur það að vera réttmæt krafa
að ófaglært fólk innan Ríkisspítal-
anna og annarra sjúkrastofnana
sitji við sama borð í þessum efn-
um og faglært fólk.
Flutningsmaður var óttarr M.
Jóhannsson."
Vík milli vina
7 Ný skáldsaga eftir
Ólaf Hauk Símonarson
Út er komin hjá Máli og menn-
ingu skáldsagan Vík milli vina eftir
Ólaf Hauk Símonarson. Ólafur hef-
ur áður sent frá sér þrjár skáldsög-
ur, smásögur og Ijóð.
Sagan segir frá hópi fólks sem
komið er á fertugsaldur en hefur
haldið saman síðan í menntaskóla
og sumir lengur. Flest voru þau
líka við nám í Kaupmannahöfn á
baráttuárunum eftir 1968 þegar
átti að breyta heiminum. Nú eru
þau ár liðin og hvað er orðið um
allt sem þau trúðu á og ætluðu að
gera? Vinirnir gömlu leita ekki
svaranna saman lengur heldur
leitar hver fyrir sig í örvæntingu.
Einhverjir eru dæmdir til að
verða undir í þeim leik. Sögumað-
ur er einn úr hópnum og verður
ekki einhlítt hvað er veruleiki og
hvað skáldskapur hans.
Bókin er 210 bls. Kápumynd
gerði Hilmar Þ. Helgason. Bókin
er að öllu leyti unnin í Prentsmiðj-
unni Hólum hf.
vera að leggja í þann mikla kostn-
að að grafa stóran grunn, aðeins
verða boraðar holur fyrir tappa
sem einingunum verður raðað á.
Þar verður einnig lagnastokkur
sem kemur upp í einu herbergi
hússins. í honum verða allar lagn-
ir og hann síðan fylltur upp með
einangrun."
Hvað með verðið?
„Ég vonast til að verðið verði í
samræmi við verkfærakaupin og
naglanotkunina, þó ég hafi ekki
neinar tölur tilbúnar um það.
Hægt verður að fá það á öllum
byggingarstigum og það er svo
einfalt og auðvelt i byggingu að
hjón eiga að geta sett það saman
um eina helgi. Það er ekki svo lítill
kostur og svo er hægt að byrja
smátt og byggja smám saman við
eftir því sem fjölskyldan stækkar
og fjárhagurinn batnar. Viðkom-
andi getur verið búinn að stækka
húsið á hvaða kant sem er daginn
eftir að hann fær viðbygginguna.
Ég lít þannig á málið og það
hefur verið mér hvatning að sjá
þarna möguleika á að leysa erfið-
ustu mái unga fólksins, það er
byggingarbaslið. Það hefur runnið
manni til rifja að sjá hvernig
komið hefur verið fyrir ungu fólki
eftir að það hefur staðið í þessu
byggingarbasli, það hefur verið að
missa heilsuna og losnar svo aldr-
ei við skuldabaslið. Með þessu
móti held ég að hægt sé að leysa
þessi vandamál á skemmtilegan
og mannlegan hátt.“
Á hvaða stigi er málið hjá þér
núna?
„Verið er að undirbúa smiði
fyrsta hússins og ætla ég bara að
vona að það verði smíðað og reist
hér í Borgarnesi. Ég hef fengið
góða hjálp hjá Húsnæðismála-
stofnun ríkisins og Iðntæknistofn-
un. Þessar stofnanir hafa veitt
mér ómeranlega hjálp og er verið
að útfæia tæknihliðar málsins
þar. Þeir teikna þetta á blað á
formlegan hátt og prófa fyrir mig.
Það næsta sem gerist í þessu verð-
ur svo að stofna hlutafélag um
framleiðsluna, en það geri ég ekki
fyrr en ég hef fengið allt á hreint,
teikningar klárar og ég hef séð
fyrir endann á þessu. Framhaldið
veltur svo auðvitað að miklu leyti
á því að menn skilji það sem ég er
að gera og hafi opinn huga fyrir
því...“
Hefur þér fundist eitthvað
vanta á það?
Ég hef haft það á tilfinningunni
að allir hafi talið mann uppi í
skýjunum. En ég er reyndar ekki
sá eini sem hefur orðið fyrir því.
Það hefur verið svo með marga
með svipaðar hugmyndir og ég, á
íslandi að minnsta kosti. Menn
sem hafa verið að baksa svona
hafa ekki allir fengið skiining, en
einhver verður að ríða á vaðið og
svo finnst öllum þessir hlutir
sjálfsagðir á eftir. Þessir draum-
órar mínir síðastliðin 3 ár eru að
verða að veruleika, enda er það
minn stærsti draumur í dag og
undirtektir hafa verið mjög já-
kvæðar, þar sem ég hef sýnt
þetta."
Hversu mikla atvinnu gæti
þessi framleiðsla skapað hér á
staðnum?
„Ég get ekki nefnt fjöldann, en
það gæti orðið talsverð vinna við
þetta hér ef af yrði og þetta hús
næði vinsældum, sem ég efast ekki
um. Rammarnir verða smíðaðir í
Límtrésverksmiðjunni á Flúðum,
en annað á að vera hægt að smíða
hér. Ég reikna með að byrjað verði
á að smiða ýmis minniháttar hús,
svo sem sumarbústaði og bílskúra,
en ekkert er því til fyrirstöðu að
byggja allt frá hundakofum og
uppúr." HBj.
Mótorsport
komið út
14. tölublað tímaritsins Mót-
orsports er komið út. Forsíðu
blaðsins prýðir antik-farkostur
sem var á bílasýningu í Essen.
Fastir liðir eru í blaðinu eins og
bíll mánaðarins, skyggnst er í
bílskúra, sérstakur viðgerðar-
þáttur er í blaðinu, greinar um
hraðskreiðasta bát á íslandi og
sparakstur, ökuleikni fornbíla,
bílasýningu á Akureyri og
fleira.
JONSSON
FRÁ ÍSLANDI
SEINUPPGÖTVAÐ
SÉNÍ
Við íslendingar
gerðum okkur ekki grein íyrir
íramlagi Finns Jónssonar
til heimslistarinnar íyrr en um 1970.
Þá voru málverk hans sýnd
við hlið verka
heimsírœgra brautryðjenda
eins og Kandinskys
og Pauls Klees.
Frank Ponzi listírœðingur
valdi myndirnar, 65 að tölu.
Indriði G. Þorsteinsson