Morgunblaðið - 29.11.1983, Blaðsíða 32

40
MORGUNBLAÐIÐ, ÞRIÐJUDAGUR 29. NÓVEMBER 1983
Kapparnir Blomquist og Cederberg skáluðu í kampavíni eftir sigur í RAC-rallinu. Blomquist er
nú talinn vera iíklegastur til að hreppa heimsmeistaratitilinn á næsta ári. MorgimbiaM/Gunniuigiir.
Skotinn Jimmy McRae hafði ríka ástæðu til að brosa. Hann ók Opel Manta 400-keppnisbfl upp
í þriðja sæti og sló nokkrum hinna 360 hestafla Quattro-bflum við.
RAC-rallið, Englandi:
Svíinn Blomqvist „rúllaði“
andstæðingunum upp
SVÍINN Stig Blomquist ók fjórhjóla-
drifnura Audi Quattro til sigurs í
RAC-rallinu, sem fram fór í Eng-
landi dagana 19.—23. nóvember.
Var það síðasta rall heimsmeistara-
keppninnar og innsiglaði Finninn
Hannu Mikkola heimsmeistaratitil
ökumanna með því að ná öðru sæti á
Audi Quattro. Þriðji varð Skotinn
Jimmj McRae á Opel Manta 400.
Sigurinn er Blomquist án efa
kærkominn, hann hefur oftar en
einu sinni náð forystu í röllum
heimsmeistarakeppninnar á árinu
en þurft að hægja á sér til að
hleypa félaga sínum hjá Audi,
Hannu Mikkola, fram úr. Ástæðan
er sú að Mikkola stóð betur að vígi
í byrjun ársins í stigakeppni til
heimsmeistaratitils og því þótti
líklegra að hann næði árangri
þegar liði á árið.
RAC-rallið var fyrsta keppnin,
sem Blomquist gat gefið „bensín-
fætinum lausan tauminn" og hann
sannaði hæfni sína og beinlínis
„rúllaði" andstæðingum sínum
upp og varð 10 mínútum á undan
Mikkola. Frammistaða Jimmy
McRae á Opel Manta er mjög góð,
en hann varð fyrstur ökumanna á
afturdrifsbíl og hreppti þriðja
sæti, nokkrum mínútum á undan
Finnanum Lasse Lampi á Audi
Quattro.
Fleiri Quattro-bílar voru í rall-
inu. Franska stúlkan Michele
Mouton ók einum, en féll úr leik.
Túrbína í Quattro Darryl Weidner
sprakk og hann hætti keppni, en
Ameríkaninn John Buffum skilaði
sínu „fjórhjóladrifs-trölli" í sjötta
sæti á eftir Russel Brookes á
Chevette, sem varð fremstur
heimamanna að venju. Toyota
Celica-bílarnir, sem nýverið urðu í
efstu sætunum í Ivory Coast-
rallinu, áttu misjöfnu gengi að
fagna. Vélin bilaði í Toyota Per
Eklund, Björn Waldegard datt út
þegar hann fór yfir hámarkstíma
á ferjuleið og Finninn ungi Juha
Kankunen nældi í sjöunda sæti.
Hann er orðinn atvinnumaður í
rallakstri eftir góða frammistöðu í
tveim röllum heimsmeistara-
keppninnar. Tóku Toyota-menn
honum opnum örmum eftir að
hafa fylgst með honum í ár.
Að lokum má geta þess að
Skoda 120 LS-bílar unnu sinn vél-
arflokk örugglega, náðu 1,—3.
sæti, og einum þessara bíla ók
John Hauglands, sem m.a. ók tví-
vegis í Ljómarallinu íslenska.
G.R.
Quattro Blomquist varð 10 mínútum á undan bfl heimsmeistarans, Mikkola.
Morgunblaóið Martin Holmes.
Russel Brookes náði bestum árangri heimamanna á Vauxhall Chevette.
Samskonar bfll mun verða í keppni hérlendis á næsta ári.
Hveragerði:
Gagnfræöaskólmn aftur
í gang eftir brunann
Hveragerði, 24. nóvember.
EINS og kom fram í fréttum í sumar
þá kom upp eldur í Gagnfræðaskóla
Hveragerðis í ágústmánuði sl. Húsið
skemmdist mjög mikið og ýmis
kennslutæki, skýrslur og bækur
eyðilögðust.
Trésmiðja Hveragerðis er eig-
andi hússins og annaðist hún við-
gerðina, sem stóð yfir í einn mán-
uð. Skipta varð um þak á hluta
byggingarinnar, gler var endur-
nýjað í flestum gluggum, ný teppi
og eða dúkar voru sett á gólf á
göngum og flestum stofum,
brunnir veggir voru endurgerðir
og nýjar innréttingar smíðaðar.
Allir lögðust á eitt að ljúka við-
gerðinni svo snemma að skólahald
tefðist sem allra minnst og var
þarna unnið mikið og gott verk á
mjög skömmum tíma.
Kennarar hófu störf í skólanum
hinn 12. sept., réttum mánuði eftir
brunann, og kennslan var komin í
fullan gang hinn 19. sept.
Að vísu er brunalyktin enn við-
loðandi í skólanum og er hún
hvimleið, en bæði nemendur og
kennarar sætta sig við það og
reyna að gera gott úr öllu, en
horfa þó vonaraugum til nýja
skólans, sem hafin var bygging á í
sumar og hýsa á alla grunnskóla-
nemendur í Hveragerði í framtíð-
inni. Nemendur í gagnfræða-
skólanum eru nú 72, í þrem deild-
um og hefur nemendafjöldi verið
nokkuð jafn síðustu árin, en í ár
fjölgaði um fimm og er ljóst að
fjölga mun mikið í skólanum á
næstu árum. Kennarar eru 11,
skólastjóri er Valgarð Runólfsson.
Skólahverfið nær yfir Hvera-
gerðishrepp og Ölfushrepp (fyrir
utan Þorlákshöfn). Kristján
Jónsson sérleyfishafi annast
skólaflutningana, en hann sér
einnig um flutning nemenda úr
Þorlákshöfn og Hveragerði í Fjöl-
brautaskólann á Selfossi.
Gagnfræðaskólinn hefur lengi
Saga um
fjölskyld-
una í Höll
BÓKAÚTGÁFAN Skjaldborg á Ak-
ureyri gefið út þrettándu bók Guð-
jóns Sveinssonar og heitir hún Loks-
ins kom litli bróðir.
Þetta er saga fyrir börn. Á bók-
arkápu segir m.a.: „Sagan gerist í
sjávarþorpi og segir frá lífi fjöl-
skyldunnar í Höll, en fjölskyldu-
faðirinn er sjómaður. Aðalsögu-
hetjurnar eru systurnar ösp og
Alda, en alls eru systurnar fjórar.
Þá koma amma og afi í sveitinni
líka við sögu og margir fleiri.
Loksins fæðist svo litli bróðir."
Sigrún Eldjárn teiknaði kápu og
myndskreytti bókina, sem er 120
átt við húsnæðisvanda að stríða,
hann var stofnaður 1965 og var
fyrst í leiguhúsnæði í Sundlaug-
inni í Laugarskarði, en síðustu 10
árin hefur hann leigt húsnæði af
Trésmiðjunni. En sem fyrr segir
er nú verið að byggja glæsilegt
hús, sem leysa á þennan vanda um
ófyrirsjáanlega framtíð.
Formaður skólanefndar er frú
Þrúður Sigurðardóttir.
Sigrún
Guðjón Sveinsson
síður, unnin í Prentsmiðju Björns
Jónssonar.
MorgunbliAMk/Sigráii.
Kennaralið Gagnfræðaskóla Hveragerðis. Skólastjórinn, Valgarð Runólfs-
son, er lengst til vinstri.
Ást og
launráð
- ný ástarsaga Bodil
Forsberg komin út
HÖRPUÚTGÁFAN á Akranesi hef-
ur gefið út bókina Ást og launráð
eftir Bodil Forsberg. Er þetta 15.
bókin sem gefin er út eftir Forsberg
og er ástarsaga.
í frétt frá útgáfunni segir, að
bókin sé mjög spennandi og að
enginn verði fyrir vonbrigðum,
sem lesi bækur Forsbergs. í Ást og
launráð er sagt frá ungum hjón-
um, sem flytja frá Svíþjóð til
Kenýa, þar sem þau hafa keypt
búgarð. I fyrstu gengur allt vel, en
brátt verða þáttaskil í ástarsög-
unni.
Ást 09 launráé
Bókin er 165 bls. að stærð. Þýð-
andi er Skúli Jensson. Bókin er
prentuð og bundin hjá Prentverki
Akraness hf.