Morgunblaðið - 29.11.1983, Blaðsíða 19

MORGUNBLAÐIÐ, ÞRIÐJUDAGUR 29. NÓVEMBER 1983
19
Séð yfir staðinn, þar sem Boeing-747-þotan féll til jarðar skammt frá flugvellinum í Madrid aðfaranótt sunnudags. sím»myndir ap.
183 fórust er Boeing-747-þota hrapaði skammt frá flugvellinum í Madrid:
„Flugfreyjur settust eins
og allt væri með felldu“
Frá Helgu Jónsdóttur, fréttaritara Morgunblaósins í Burgos, Spáni, 28. nóvember.
EITT HUNDRAÐ áttatíu og þrír farþegar létu lífið og 11 komust lífs af þegar Boeing-747-þota í eigu SAS
en í leigu hjá kolombíska flugfélaginu Avianca fórst í grennd við Barraja-flugvöllinn í Madrid kl. 01.04 á
sunnudag. Veðurskilyrði voru þá ágæt í Madrid. Þetta er annað mesta fiugslys í sögu Spánar og eitt af 10
mestu flugslysum sögunnar.
Af þeim 11, sem lifðu slysið af, er m.a. Frakki, kona hans og tvö börn þeirra. Þau sátu öll mjög aftarlega
í vélinni. Vélin var á leið frá París, en förinni var heitið til Bogota í Kolombíu með millilendingum í
Madrid og Caracas í Venezúela.
Hermenn, starfsmenn Rauða
krossins á Spáni, slökkviliðs-
menn, varaliðsmenn og lögregla
hófu þegar björgunarstörf, sem
voru þó miklum erfiðleikum
bundin, þar sem brak vélarinnar
dreifðist um mjög stórt svæði.
Engin skýring
Engar óyggjandi skýringar á
slysinu hafa enn verið gefnar
upp enda þótt upplýsingar frá
Avianca og vitnisburður eins far-
þegans, sem komst lífs af, gefi til
kynna, að flugvélin hafi lækkað
flugið mjög skyndilega eftir að
kviknað hafði í einum fjögurra
hreyfla vélarinnar. Virðist öflug
sprenging i öðrum vængnum
hafa fylgt í kjölfarið. Vélin átti
aðeins 8 kílómetra ófarna að
flugbrautinni, eða um 45 sek.
flug, þegar hún hrapaði. Flaug
hún í 600 metra hæð og hraðinn
var 330 km/klst.
Það er einmitt eiginkona
Frakkans sem að því er virðist
ein farþega tók eftir því að eldur
hafði kviknað í einum hreyfl-
anna. „Okkur var aldrei tilkynnt
um að eldur hefði kviknað í ein-
um hreyflinum," sagði hún í við-
tali við spænsk blöð. „Flugfreyj-
urnar settust í sæti sín fyrir
framan okkur rétt fyrir lendingu
rétt eins og allt væri með felldu.
Fimmtán sekúndum síðar upp-
hófust hörmungarnar."
Svarti kassinn svonefndi
fannst fljótlega eftir að leit
hófst, en ekkert hefur verið gefið
uppi um hvað áhöfn vélarinnar
og starfsmönnum flugturnsins á
Barraja-flugvelli fór á milli.
Starfsmenn hans hafa sagt i við-
tali við blöð, að áhöfn vélarinnar
hafi ekki gefið til kynna að ekki
væri allt með felldu.
Tveir bandarískir flugslysasér-
fræðingar, lið frá Avianca-flug-
félaginu og spænskir sérfræð-
ingar eru að reyna að komast að
hinum raunverulegu orsökum
slyssins. Haft var eftir öðrum
sérfræðingum, að líklegast hefði
annar vængur vélarinnar rekist í
á aðflugsleiðinni með þeim af-
leiðingum, að hún skall til jarð-
ar. Benda þeir jafnframt á, að
hér hafi aðstæður og mannleg
mistök hjálpast að. Flugstjórinn
var þrautreyndur og hafði yfir 35
ára reynslu í þotuflugi.
í vélinni, sem var að koma frá
París, voru farþegar af ýmsu
þjóðerni: Kolombíumenn, Frakk-
ar, Svíar, Þjóðverjar, Danir, ítal-
ir, Argentínumenn, Venezúela-
búar og Spánverjar. Alls voru
farþegar 170 talsins og 24 manna
áhöfn. Frá Stokkhólmi hafa bor-
ist þær fregnir af 20 Svíar hafi
verið á meðal farþega. í þeim
hópi voru fimm hjón, sem voru á
leið til Kolombíu til að sækja
börn sem þau höfðu ættleitt. Þá
er vitað, að á meðal fórnarlamba
slyssins voru fjórir s-amerískir
rithöfundar, m.a. ljóðskáldið
Manuel Scorza frá Perú. Enn-
fremur ungur spæsnkur píanó-
leikari og tveir spænskir augn-
sérfræðingar.
Óþekkjanleg lík
Mjög erfitt hefur reynst að
bera kennsl á þau lík, sem fund-
ist hafa, þar sem þau eru flest
mjög illa brennd. Átta lík eru
enn ófundin. Öllum líkunum, sem
fundist hafa, hefur verið komið
fyrir í einu flugskýla vallarins og
er enn verið að reyna að bera
kennsl á sum þeirra. Aðeins hef-
ur tekist að þekkja 33 fórnar-
lambanna. Búist er við að a.m.k.
10 dagar líði áður en því verki
verður lokið. Fjölskyldur og önn-
ur skyldmenni fórnarlambanna
tóku að streyma til Madrid strax
í gær. Haldin verður minningar-
athöfn um hina látnu síðar í vik-
unni og fer hún fram í flugskýl-
inu.
í farþegalistum Avianca-flug-
félagsins er aðeins skráð fyrra
ættarnafn þeirra farþega, sem
hafa tvö ættarnöfn, svo og
ákvörðunarstaður þeirra. Hefur
þetta gert mönnum ennþá erfið-
ara fyrir við að bera kennsl á
líkin. Þó er vitað með vissu, að
með vélinni voru 23 ítalir, 20 Sví-
ar, 15 Frakkar, 10 V-Þjóðverjar
og a.m.k. 3 Spánverjar.
Talsmenn Avianca-flugfélags-
ins hafa vísað á bug öllum get-
gátum um að vélin hafi ekki ver-
ið í fullkomnu ásigkomulagi. Þeir
benda jafnframt á, að farþegar
hafi verið innan við helmingur
þess, sem vél af þessu tagi getur
mest flutt. Þá hafa talsmenn
flugumferðarstjórnar í Madrid
alfarið hafnað þeim möguleika,
að flugmaðurinn hafi verið að
undirbúa nauðlendingu er vélin
fórst. Ef svo hefði verið hefði
verið drepið á öllum hreyflum
vélarinnar. Að sögn þeirra virð-
ist sem flugstjórarnir hafi ekki
haft hugmynd um að eldur væri í
einum hreyflanna.
Þetta er í þriðja sinn sem vél á
vegum Avianca-flugfélagsiná
lendir í erfiðleikum við Barraja-
flugvöllinn í Madrid. Árið 1973
fór Boeing-707-þota út af braut-
inni og stórskemmdist. Ekkert
manntjón varð. I september í
fyrra sprakk á hjóli einnar
Boeing-747-þotu félagsins án
þess að slys hlytist af.
Brunnin lík fórnarlamba í forgrunni myndarinnar, en hluti úr vélinni í
baksýn.
53 létust í flug-
slysi í Nígeríu:
Flugmað-
urinn
villtist
í slæmu
skyggni
Lagos, Nígeríu. 28. nóvember. AP.
FARÞEGAÞOTA frá Flugfé-
lagi Nígeríu hrapaði í gær 3
kílómetra frá flugvellinum í
Enugu. Hér var um F-28-þotu
að ræða og voru 74 innan-
borðs. 53 létu lífið og aðeins
einn hinna slapp án meiðsla,
hinir voru meira og minna
slasaðir.
Breti að nafni Andrew Win-
shursh, sá eini sem slapp óskrá-
maður, sagði að rétt áður en flug-
vélin skall til jarðar, hafi flug-
maðurinn tilkynnt farþegunum að
skyggni væri afar slæmt vegna
þoku. Síðan hafi flugmaðurinn
tekið þotuna inn til lendingar en
komist að því um seinan að hann
var ekki nærri kominn að flug-
brautinni. Winshursh sagði ekkert
hafa amað að þotunni fyrr en hún
hefði brotlent, en þá urðu miklar
sprengingar og eldur braust út.
„Þeir einu sem áttu möguleika á
að bjarga sér voru þeir sem sátu
við neyðarútgangana," sagði hann.
Meðal þeirra sem komust lífs af,
voru flugmaðurinn og yfirflug-
freyjan. Er þetta annað mesta
flugslys sem orðið hefur í Nígeríu,
en árið 1971 fórust 87 manns í
flugslysi við borgina Kano.
Veöur
víða um heim
Akureyri -10 úrk. í gr.
Amsterdam 9 skýjaö
Aþena 17 rigning
Barcelona 18 hálfskýjaö
BrUssel 10 rigning
Buenos Aires 27 bjart
Chicago 7 rigning
Dublin 11 skýjaö
Feneyjar 17 láttskýjaö
Frankfurt 14 rigning
Genf 16 rigning
Havana 31 skýjaö
Helsinki -8 heiöskírt
Hong Kong 21 heiöskírt
Jerúsalem 18 bjart
Jóhannesarborg 27 skýjaö
Kaupmannahöfn 8 rigning
Las Palmas 23 heiöskírt
Lissabon 19 skýjaö
London 11 skýjað
Los Angeles 21 bjart
Malaga 20 skýjaö
Mallorca 17 láttakýjað
Mexíkóborg 22 heiöskírt
Miami 27 skýjaö
Montreal 1 skýjaö
Moskva 3 skýjaö
New York 12 bjart
Peking 10 bjart
Reykjavík -6 léttskýjað
Rio de Janeiro 31 sól
Róm 19 skýjaö
San Francisco 17 bjart
Seoul 9 bjart
Stokkhólmur 0 heiöríkt
Sydney 21 rigning
Tókýó 12 heiöríkt
Vancouver 8 þoka
Vínarborg 13 rigning
Varsjá 10 rigning
bórshöfn 0 skýjaö