Morgunblaðið - 29.11.1983, Blaðsíða 22

30
MORGUNBLAÐIÐ, ÞRIÐJUDAGUR 29. NÓVEMBER 1983
Matvöruverslunin Kjarabót á Húsavík.
Fyrstu viðskiptavinirnir, hjónin Halla Loftsdóttir og Völundur Hermóðs-
SOn í Amesi. Ljósm.: G.Berg.
Matvöniverslunin Kjarabót opnar á Húsavík:
Kjarabót er svo
sannarlega kjarabót
— sögðu fyrstu viðskiptavinirnir
Akureyri, 25. nóvember.
Matvörumarkaðurinn Kjarabót
var opnaður á Húsavík klukkan
eitt í dag. Það er ión Þorgrímsson,
sem um tuttugu ára skeið hefur
rekið bifreiðaverkstæði á Húsavík
auk bílaverslunar og húsgagna-
verslunar undanfarin tvö ár, sem
er eigandi hinnar nýju verslunar.
Tíðindamaður Mbl. átti leið um
Húsavík einmitt þegar verslunin
var opnuð og spurði Jón Þorgr-
ímsson um tilurð þcssarar verslun-
ar:
„Ég hef verið að byggja upp
fyrirtæki mitt um tuttugu ára
skeið og svo er nú komið að hús-
næði fyrirtækisins er alls um
1900 fermetrar. Nú hefur á und-
anförnu borið töluvert á sam-
drætti í bifreiðaviðgerðum,
þannig að nýting á húsnæði
okkar var ekki nógu góð að mínu
mati. Nú, fyrir lá að Kaupfélag
Þingeyinga vantaði húsnæði
fyrir matvöruverslun sína, sem
rekin er á tveim stöðum í bæn-
um, í þröngu og óhentugu hús-
næði. Mér kom því til hugar að
leita samninga við kaupfélagið
um að leigja því þetta húsnæði
undir matvöruverslun sína og
jafnframt að kaupfélagið mundi
draga úr bifreiðaviðgerðum sem
það hefur haft með höndum sem
aðaleigandi Vélaverkstæðisins
Foss hf., en það fyrirtæki hefur
verið í erfiðleikum með að sinna
nægilega vélaviðgerðum fyrir
útgerðina vegna aðstöðuleysis og
þess tíma sem fer í bifreiðavið-
gerðir. Nú, það er skemmst frá
því að segja, að samningar tók-
ust ekki milli mín og kaupfélags-
ins, svo að ég stóð uppi með hús-
næðið illa nýtt. Því ákvað ég að
fara út í rekstur matvörumark-
aðar. Ég leitaði til Bjarna
Bjarnasonar, kaupmanns á Ak-
ureyri, og bað hann að aðstoða
mig við uppsetningu verslunar-
innar og hefur hann séð algjör-
lega um innkaupaþátt þessarar
nýju verslunar auk þess að vinna
að heita má nótt og dag undan-
farnar vikur að því að unnt yrði
að opna verslunina í dag. Starf
hans er ómetanlegt og þetta
hefði aldrei tekist án hans hjálp-
ar. Húsnæði verslunarinnar
skiptist í 400 fermetra verslun-
arpláss og 200 fermetra lager-
pláss. Allar innréttingar eru ein-
faldar og ódýrar og þjónusta við
viðskiptavini höfð eins einföld og
unnt er án þess að það komi að
sök, við höfum tekið okkur stór-
markaði ýmsa til fyrirmyndar.
Við höfum leitað víða fanga til
að afla okkur ódýrra en þó góðra
vörutegunda. Einnig höfum við
reynt að gera stærri innkaup en
þekkst hafa áður hingað til
Húsavíkur. Með þessu móti hef-
ur okkur tekist að fá vöruverð
mikið niður og ætti það að koma
viðskiptavinum okkar til góða.“
Nú segir Víkurblaðið frá því
að Kaupfélag Þingeyinga hafi
þegar ákveðið allt að 20% afslátt
á þeim vörutegundum, sem þið
komið til með að versla með. Er
verðstríð í uppsiglingu á Húsa-
vík?
„Það er af og frá að af okkar
hálfu verði um nokkurt verðstríð
að ræða. Verðlagsstefna verslun-
arinnar hefur verið ákveðin og
frá henni verður ekki hvikað.
Hvað kaupfélagið treystir sér til
að gera er alfarið þeirra mál. Ég
hef í sjálfu sér ekkert nema gott
eitt um það að segja að þeir
lækki vörur sínar, en því voru
þeir ekki búnir að því fyrir löngu
ef það er mögulegt? Verð vöru í
verslun okkar er miðað við það
að fyrirtækið borgi sig. Því verð-
ur ekki breytt. Hvað svo KÞ ger-
ir er alfarið þeirra mál. Við för-
um ekki út í verðstríð."
Húsvíkingar og nærsveitar-
menn fjölmenntu til hinnar nýju
verslunar strax eftir hádegi á
opnunardegi og var ekki annað
að sjá en allir væru ánægðir með
það sem fyrir augu bar.
Fyrstu viðskiptavinir Kjara-
bótar voru hjónin Halla Lofts-
dóttir og Völundur Hermóðsson,
sem búa í Árnesi, um 20 km frá
Húsavík. Þau lýstu bæði mikilli
ánægju með hina nýju verslun
og höfðu á orði að svo sannar-
lega ætlaði þessi nýja verslun að
standa undir nafni. „Nú þegar
hefur kaupfélagið ákveðið allt ^ð
20% lækkun á þeim vörutegund-
um, sem nýja verslunin býður
upp á. Ef það er ekki kjarabót á
þessum síðustu tímum að al-
gengustu neysluvörur lækki um
20%, þá vitum við ekki hvað
kjarabót er. Að auki er hér risin
verslun með matvörur sem býð-
ur upp á nægilegt rými og ýmis-
legt annað sem matvöruverslan-
ir í dag eiga að bjóða upp á. Við
erum í sjöunda himni yfir þess-
ari nýju verslun og óskum Jóni
Þorgrímssyni alls hins besta í
sambandi við rekstur hennar.
Við erum sannfærð um að Hús-
víkingar og nærsveitarmenn
eiga eftir að hafa mikil og góð
skipti við nýju verslunina,"
sögðu Halla og Völundur.
Jón Þorgrímsson ásamt starfsfólki sínu í hinni nýju verzlun.
G.Berg.
Séð yfir hina nýju verzlun Kjarabót á Húsavík.
Landssamtök hjartasjúklinga:
Afla fjár til kaupa
á hjartasónartæki
Fanny Hill í Austurbæjarbíói
„í SAMRÁÐI við hjartasérfræð-
inga Landspítalans hafa Lands-
samtök hjartasjúklinga nú form-
lega tekið að sér að afla fjár til
kaupa á hinu bráðnauðsynlega
Andlegt þjóóarráð Bahá’ía:
Ofsóknir á hendur
*
Hahá’íum í Iran
ANDLEGT þjóðarráð Baháía á ís-
landi hefur nú gefíð út skýrslu um
ofsóknir á hendur Baháíum í íran.
Skýrslunni fylgir einnig bæklingur,
scm ber heitið Hvað óttast íran?
í frétt frá Andlega þjóðarráðinu
hér á landi, segir að þetta sé gert
til að vekja athygli ráðamanna og
almennings á ofsóknunum í íran.
hjartasónartæki fyrir Landspít-
alann, sem nú er í tímabundnu
láni frá Bandaríkjunum. Kostn-
aður er áætlaður um fjórar millj-
ónir króna með öllum aðflutn-
ingsgjöldum.
Öll fjárframlög til samtaka
okkar eru því ákaflega vel þeg-
in, og þess er allra vinsamleg-
ast vænst, að tekið verði vel á
móti sendiboðum okkar, sem
munu heimsækja fyrirtæki
víða um land næstu daga í
þessu tilefni. Einnig viljum við
vinsamlega minna á gíróreikn-
ingsnúmer samtakanna sem
er 23700-0,“ segir m.a. í frétt
sem Morgunblaðinu hefur bor-
ist frá stjórn Landssamtaka
hjartasjúklinga.
AUSTURBÆJARBfÓ hefur byrj-
að sýningarta kvikmyndinni
Fanny Hill, sem byggð er á sam-
nefndri skáldsögu, sem komið hef-
ur út á íslenzku. Aðalhlutverkin
eru í höndum Lisu Raines, Shelley
Winters og Oliver Reed, en leik-
stjóri er Gerry O’Hara.
Myndin fjallar um unga sveita-
stúlku, Fanny Hill, og ævintýri
hennar í stórborginni London og
víðar um heimsbyggðina. Margt
drífur á hennar daga, sumt miður
dygðugt, en sú saga verður ekki
rakin frekar hér.
Fræðafundur
um sjópróf
FRÆÐAFUNDUR í Hinu íslenska
sjóréttarfélagi verður haldinn
miðvikudaginn 30. nóvember nk.
kl. 17.00 í stofu 103 í Lögbergi,
húsi Lagadeildar Háskólans.
Á fundinum flytur Jón H-
Magnússon, lögfræðingur erindi,
er hann nefnir „Um sjópróf —
hugleiðingar um nýskipan reglna
um sjópróf o.fl.“.
Að loknu framsöguerindi verða
almennar umræður.
Fundur um
heimilislýsingu
Ljóstæknifélag íslands heldur í
kvöld klukkan 20 fund um lýsingu á
hcimilum í Menningarmiðstöðinni
við Gerðuberg í Reykjavík.
Þar munu þeir Asgrímur Jón-
asson rafv. og Finnur Fróðason
innanhúsarkitekt flytja erindi og
Daði Ágústsson tæknifræðingur
mun stýra umræðum.
Fundurinn er opinn öllum sem
áhuga hafa á lýsingu á heimilum,
segir í frétt frá Ljóstæknifélagi
Islands.