Morgunblaðið - 29.11.1983, Blaðsíða 18
18
MORGUNBLAÐIÐ, ÞRIÐJUDAGUR 29. NÓVEMBER 1983
Ljósmyndaramir kepptust um að ná sem bestum myndum af Jeanette í
keppninni.
Kvikmyndatilboðin
berast á færibandi
„Gæludýr ársins“ hjá Penthouse, Jeanette
Dyrkjær, hefur í mörg horn að líta
Kaupmannahöfn, 28. nóvember.
„ÉG ÆTLA bara að vona að Jean-
ette fari sér að engu óðslega í ráð-
stöfun verðlaunafjárins," sagði móð-
ir dönsku stúlkunnar Jeanette Dyr-
kjær eftir að Ijóst varð, að dóttir
hennar hafði borið sigur úr býtum í
keppninni um „Gæludýr ársins" á
vegum tímaritsins Fenthouse.
Fyrir sigurinn í keppninni hlaut
Jeanette sem svarar tæplega 30
millj. ísl. kr. í verðlaun. Auk þess
hafa tilboð um að leika í kvik-
myndum streymt til hennar eftir
sigurinn. Eitt tilboðið freistar að
hennar sögn meira en önnur þessa
Móðirin er ekki allt of ánægð með
myndir af dótturinni á borð við
þessa, sem þó er lykillinn að vel-
gengni hennar.
stundina, en það er hlutverk í
næstu mynd um James Bond.
Sigurinn kom Jeanette að eigin
sögn stórkostlega á óvart. „En þeg-
ar tilkynnt var, að ég hefði orðið
hlutskörpust réð ég mér ekki fyrir
kæti, stökk upp um hálsinn á Andy
Gibb, sem afhenti verðlaunin, og
faðmaði hann og kyssti. í ofanálag
átti ég tvítugsafmæli þennan sama
dag. Hvers er frekar hægt að óska
sér?“ sagði Jeanette í spjalli við
danska blaðið B.T.
Jeanette hefur staðið í ströngu
eftir útnefninguna. Bandarískar
sjónvarpsstöðvar og dagblöð biðu í
röðum eftir að fá að tala við hana
og auðvitað mynda í bak og fyrir.
Við tekur nú strangt þriggja mán-
aða tímabil, þar sem hún þarf að
sitja fyrir hjá ljósmyndurum Pent-
house, klæðalítil eða nakin með
öllu. Slíkt er hluti af kvöðunum,
sem fylgja sigurvegaranafnbót-
inni.
Þegar hefur verið ráöinn fram-
kvæmdastjóri til þess að annast
hin ýmsu mál fyrir fegurðardísina.
Sjálf segist Jeanette ætla að fara
varlega með verðlaunaféð og fjár-
festa í arðbærum fyrirtækjum.
Peningavit segist hún hafa ágætt
og ekki flana að neinu.
„Ég veit sosum mætavel, að ég
þarf ekki að hafa af því áhyggjur
hvernig hún Jeanette fer með fjár-
muni sína,“ sagði móðir hennar við
B.T. „Hins vegar vildi ég gjarnan
að hún hefði fleiri spjarir á
kroppnum þegar hún er að sýna sig
um allan heim.“
Ellemann-Jensen í vanda:
Fannfergi og stormar
kostuðu 64 manns lífíð
BriÍN8el oj{ ('hicago, 28. nóvember. AP.
ÁTTA manns létu lífið í mikl-
um stormi, sem gekk yfir
Belgíu í gær. í tveimur tilvik-
um var um þaö að ræða, að
tré brotnuðu og féllu á bíla á
þjóðvegum. Þar létust 7. Átt-
unda fórnarlambið lést einn-
ig í svipuðu atviki.
Þegar vindhraðinn var mestur
náði hann 140 kílómetrum á
klukkustund. Allar lestarferðir
lágu af þeim sökum niðri, sömu-
leiðis flestar aðrar samgöngur.
Annasamt var hjá slökkviliði og
björgunarsveitum og sem dæmi
um atganginn má nefna að
slökkviliðið í Brússel var kallað
út 600 sinnum á einum sólar-
hring, frá laugardagskvöldi og
fram á sunnudagskvöld.
Mikill bylur gekk yfir mið-
hluta Bandaríkjanna um helg-
ina og kippti öllum samgöngum
úr skorðum á stórum svæðum.
Fannfergið var sums staðar
slíkt, að skaflar eru víða á
fjórða metra á hæð. Þetta er í
annað sinn á einni viku að bylur
gengur yfir miðríkin og hafa 56
manns látist af völdum snjó-
komunnar, ýmist beint eða
óbeint.
Að sögn veðurstofunnar var
ástandið verst í Wyoming, Col-
orado, Kansas og Nebreaska í
gær, sunnudag, en í dag hafði
bylurinn lagt Iowa og Minnesota
undir sig. Slíkt var ástandið í
Denver í Colorado-ríki í gær, að
þar var lýst yfir neyðarástandi.
Þar lokaðist flugvöllurinn, sem
er sá fimmti í röðinni í Banda-
ríkjunum hvað umferð varðar,
algerlega í gær og ekki var búist
við að hægt yrði að opna hann
fyrr en síðdegis í dag.
Mótmælaaðgerð-
um spáð í Póllandi
Varsjá, 28. nóvember. AP.
EINN helzti leiðtogi „Samstöðu" í
Póllandi, Zbigniew Bujak, spáir því í
viðtali, sem birt var vestrænum
fréttamönnum í dag, að pólskir
verkamenn efni til verkfalla til að
mótmæla verðhækkunum á matvæl-
um í janúar, sem talsmenn stjórnar-
innar segja að valdi um 7% hækkun
framfærslukostnaðar.
í viðtalinu segir Bujak, að brýn-
asta baráttumálið i dag sé að
koma í veg fyrir þessar boðuðu
verðhækkanir.
Bujak, sem er þekktastur fjög-
urra fulítrúa í framkvæmdastjórn
„Samstöðu“, sagði einnig að helzta
framtíðartakmark samtakanna
væri að fá alla pólitíska fanga
leysta úr haldi, og að koma á
frjálsum verkalýðssamtökum.
Staða „Samstöðu" hefur verið í
nokkurri óvissu undanfarið, en á
sunnudag prédikaði faðir Jerzy
Popieluszko yfir 7.000 kirkjugest-
um í St. Stanislaw Kostka-kirkj-
unni í Varsjá, og lýsti þeirri vissu
sinni að „Samstaða" yrði sigursæl
í lokin. „Enginn skyldi halda því
fram í dag að „Samstaða" hafi
tapað,“ sagði faðir Popieluszko, og
var orðum hans útvarpað um há-
talara til mannfjölda utan kirkju-
dyra. „Hún stefnir fram til sigurs.
Hún fer hægt, en hún nær tak-
markinu."
Andropov ritar sendibréf:
Rússar tilbúnir að
taka upp þráðinn
Bonn, 28. nóvember. AP.
HELMUT KOHL, kanslari Vestur-
I»ýskalands greindi frá því í gær, að
hann hefði fengið bréf frá Juri
Andropov, forseta Sovétríkjanna, þar
sem forsetinn gæfi í skyn að til
greina kæmi að Sovétmenn settust
við samningaborðið í Genf á nýjan
leik.
Kohl sagði eftir að hafa lesið
bréfið að orð Andropovs yrðu ekki
misskilin og líta bæri svo á að Sov-
étmenn væru reiðubúnir til frekari
viðræðna á næstunni þrátt fyrir að
þeir hafi gengið einhliða frá við-
ræðunum í Genf á dögunum. Sagði
Kohl að Andropov hefði í bréfinu
gagnrýnt ákvörðun vestur-þýska
þingsins að hvika ekki frá niður-
setningu meðaldrægu eldflaug-
anna, en hins vegar væri ljóst að
sovéski leiðtoginn vildi ekki líta
þannig á stöðuna nú að hún væri
óbreytanleg.
Háttsettir embættismenn og
ráðherrar í Rúmeníu, Póllandi og
Tékkóslóvakíu sögðu í gær, að þeir
væru bjartsýnir á að Bandaríkja-
menn og Sovétmenn myndu setjast
við samningaborðið á ný innan
skamms og raunar væri það alveg
bráðnauðsynlegt. En NATO hefur
þrátt fyrir þetta ekki dregið úr
vígbúnaðinum. Fyrstu meðal-
drægu kjarnorkuflaugarnar sem
setja á niður á Ítalíu komu þangað
um helgina og í gær. Alls verða 112
meðaldrægar flaugar á Ítalíu,
flestar á Sikiley.
Á yfír höfði sér
vantrauststillögu
Kaupmannahofn, 28. nóvember.
Frá lb Björnbak fréttar. Mbl.
FERILL Uffe Ellemann-Jensen í
embætti utanríkisráðherra I)an-
mörku er hugsanlega senn á enda,
en það fer eins og oft áður eftir því
hvaða afstöðu hinn róttæki vinstri
flokkur tekur er vantraust verður
horið fram á Ellemann-Jensen á
danska þinginu innan skamms.
Forsaga málsins eru ummæli
sem höfð voru eftir ráðherranum í
ERLENT
dönskum blöðum í kjölfarið á
flokksþingi í Árósum. Þar sagði
Jensen að sér væri oft skapi næst
er hann færi til annarra NATO-
landa, að draga úr fáránlegum
skuldbindingum sem Sósíaldemó-
krataflokkurinn, Róttæki flokkur-
inn og Sósíalíski þjóðarflokkurinn
hafa komið sér í einungis til að
tryggja friðinn í samsteypustjórn-
inni.
Ummæli Jensens komu í kjöl-
farið á stöðu sem kom upp fyrr á
árinu, er stjórnin stóð skyndilega
uppi í minnihluta á danska þing-
inu hvað varðaði hinar margum-
töluðu meðaldrægu kjarnorku-
flaugar NATO. Ellemann-Jensen
segir blöðin hafa rangtúlkað orð
sín, en Anker Jörgensen forsætis-
ráðherra telur að svo sé ekki. Á
fimmtudaginn verða eldflauga-
málin rædd fram og aftur á
danska þinginu og þá verður einn-
ig lögð fram vantrauststillaga á
hendur Ellemann-Jensen og
treystir enginn sér til að spá um
úrslitin í báðum málefnum.
Þessi mynd er úr sjónvarpsmyndinni „The Day After", eða „Daginn eftir"
sem sýnd hefur verið í Bandaríkjunum að undanförnu og vakið mikla
athygli. Fjallar hún um afleiðingar kjarnorkuárásar á Bandaríkin. Á næst-
unni verður myndin sýnd víðar á Vesturlöndum. Símamynd AP.
Gífurlegar óeirðir í Bangladesh
Dhaka, Banjfladesh. 28. nóvember. AP.
ÞÚSUNDIR MANNA tóku um helg-
ina þátt í mótmælaaðgerðum gegn
herlagastjórn Hossains Mo-
hammads Ershads i Bangladesh.
Mikið lið lögreglu greip til hrotta-
legra aðgerða gegn fólksfjöldanum
og mikill fjöldi varð sár af.
Mótmælaaðgerðirnar voru eink-
um og sér í lagi í nágrenni stjórn-
arráðsins í Dhaka og voru þær
friðsamlegar. Lögreglumer.nirnir
voru vopnaðir háþrýstivatnsdæl-
um, táragasi og kylfum og var
ekkert til sparað er þeir gerðu
áhlaup á fólkið. Þegar átökin
höfðu staðið yfir í 90 mínútur var
vopnað herlið hvatt á vettvang og
færðist þá mikið fjör í leikinn.
Voru götubardagar fram í myrkur
á laugardaginn, en þá réðust einn-
ig hermenn inn í byggingu blaða-
mannafélags Bangladesh og börðu
þar nokkra blaðamenn til óbóta,
þar á meðal formann blaða-
mannafélagsins.