Morgunblaðið - 15.02.1984, Qupperneq 27

MORGUNBLAÐIÐ, MIÐVIKUDAGUR 15. FEBRÚAR 1984
27
Rétt fyrir ofan miðja mynd eru Brúnastaöir í Hraungerðishreppi umflotnir vatni, en myndin sýnir vel umfang jakanna á Hvítá. Ljósmynd Mbi. rax.
Jakaflóðbylgjan í Hvítá við Brúnastaði:
„Atti fótum fjör að launa 300 m
vegalengd undan flóðbylgjunni“
„EINN af sonum mínum, Gísli,
átti fótum fjör að launa þegar jaka-
fellingarnar ruddust fram með
nokkurra metra hárri flóðbylgju
fyrir túnin sem hann var staddur á
er jakastíflan í Hvítá brast og satt
best að segja var óþægilegt að
horfa á þetta, en Gísli varð að
hlaupa um 300 metra undan flóð-
bylgjunni og rétt slapp á bæjarhlið-
ið þegar mannhæðarhátt vatnsfall-
ið skall yfir túnin með jakaburði,"
sagði Ágúst Þorvaldsson á Brúna-
stöðum í Hraungerðishreppi í Ár-
nessýslu, fyrrverandi alþingismað-
ur, í samtali við Mbl. í gærdag, en
Morgunblaðsmenn flugu þá í 10
vindstigum yfir Brúnastaði og aðra
bæi á Hvítársvæðinu sem eru
meira og minna umflotnir vatni og
ís.
„Ég geri ráð fyrir að það séu
um 100 ha af ánni með miklum
jakaburði," sagði Ágúst, “en
ruðningurinn verður til þegar
ána leggur vatnslitla á haustin,
þá er oft hætta á ferðum. Þegar
allt helv. draslið lyftist í nokk-
urra metra hæð á 100 hektara
svæði, varð mikil alda sem
braust yfir landið og bar með sér
jaka og braut girðingar, en það
er eins gott að Gísli sonur minn
er frískur maður, ég hefði drep-
ist ef ég hefði verið þarna stadd-
ur.“
„Gaf mér nú ekki tíma
til að líta á klukkuna“
„Þetta skeði mjög skyndilega
og ég hefði ekki mátt vera mikið
seinni upp á hlaðið við bæinn, ég
gaf mér nú ekki tíma til að líta á
klukkuna, en þegar ég sneri við á
bæjarhlaðinu kom fljóðbylgjan
með það sama í fótspor mín,
fyrst vatnið og jakarnir á eftir,“
sagði Gísli Ágústsson í samtali
við Mbl., en hann kvaðst samt
sem áður ekki hafa verið neitt
hræddur, því hann hefði fyrr
þurft að hlaupa undan Hvítá, en
á hinn bóginn hefði allt túnið,
hólar og lægðir, verið umflotið
stundarkorni eftir að hann var
sloppinn úr hættunni „undan ís-
hellunni sem kom skríðandi
heim á tún.“ — á.j.
Bátur Brúnastaðamanna á miðju vatnasvæðinu milli Brúnastaða og fjárhúsanna á Brúna- Þessum hrossum á hlaði Brúnastaða var í gær bjargað úr hóima sem var umflotinn vatni og
staðaholti. jökum, en þar höfðu hrossin verið lokuð inni í sólarhring. í forgrunni myndarinnar sjást
Brúnastaðamenn á leið úr fjárhúsunum á árabát. Ljósmyndir Mbl. Ragnar Axelsson.