Morgunblaðið - 17.02.1984, Qupperneq 21
21
MORGUNBLAÐIÐ, FÖSTUDAGUR 17. FEBRÚAR 1984
Steingrímur Ingvarsson, umdæmisyerkfræðingur Vegagerðarinnar:
„Ógerningur að gera sér
grein fyrir skemmdunum“
Svipmynd frá bökkum Markarfljóts. Fremst má sjá stóra jakadröngla, þá farkost blaöamanna, síðan stóra skurögröfu athafna sig úti í sjálfu fljótinu og fjærst er fjalliö Dímon.
Morgunblaðið/RAX
„I>að er ógjörningur að gera sér
nákvæma grein fyrir öllum þeim vega-
skemmdum, sem orðið hafa hér í sýsl-
unni, en Ijóst er að þær eru talsverðar
og eru þá skemmdir á varnargörðum
ánna ekki teknar með í reikninginn,"
sagði Steingrímur Ingvarsson, um-
dæmisverkfræðingur Vegagerðar
ríkisins á Selfossi, er blm. ræddi við
hann í gær.
Sagöi Steingrímur allan mann-
skap vegagerðarinnar á Selfossi
hafa unnið við viðgerðir á vegum i
Árnessýslunni. Vegir, sem liggja frá
Suðurlandsveginum upp að Hvítá
eru yfirleitt illa farnir að sögn
Steingríms. I>á sagði hann menn frá
vegagerðinni einnig vinn að endur-
byggingu varnargarðanna við
Markarfljót.
Svonefndur Holtavegur, upp af
Stokkseyri, var í sundur á a.m.k.
einum stað í gær og sömu sögu var
að segja af Gaulverjabæjarvegi.
Hann var tekinn í sundur af vega-
gerðarmönnum skammt austan
Stokkseyrar, sitt hvoru megin við
nokkuð breitt ræsi, þar sem það
hafði ekki við vatnsflaumnum.
Safnaðist vatn fyrir í stórt lón ofan
við veginn. Var það farið að nálgast
útihús nærliggjandi bæja mjög er
gripið var til þess ráðs að rjúfa veg-
inn.
Steingrímur sagðist einnig halda,
að flóðin nú væru meiri en urðu í
Flóa á svipuðum tíma í fyrra a.m.k.
ef tekið væri tillit til Suðurlands í
heild. Sagði Steingrímur það vera
heppni, að stór hluti vatnsins úr
Hvítá hefði runnið í árfarveginn
aftur. Taldi hann ennfremur, að
Suðurlandsvegurinn, sem er víða
talsvert upphækkaður, hefði vafa-
lítið haft sitt að segja í að halda
vatninu frá neðri hluta Suðurlands-
undirlendis.
Stórvirk jarðýta vinnur að því að bæta í skörð varnargarðanna við Markarfljót í gær. Bærinn Rauðuskriður í baksýn.