Morgunblaðið - 06.05.1984, Blaðsíða 25

MORGUNBLAÐIÐ, SUNNUDAGUR 6. MAÍ 1984
73
Geimskipin í Prestavíkinni, en „hulunni“ veröur ekki svipt af þeim fyrr en á frumsýningu. Morgunblaðiö/Sigurgeir
Óskarsverölaunahafarnir sem vinna við myndina. F.v.
Louis Gossett jr. sem hlaut verölaunin fyrir leik sinn í „An
Officer and a Gentleman" og Ronnie Taylor sem fékk þau
fyrir kvikmyndatökuna í „Ghandi“.
Svið á stærð
við Wembley
Stadium
og fjögur
geimskip í
fullri stærð
— umfangið við gerð kvikmyndarinnar
KOSTNAÐURINN við gerð Enemy
Mine er áætlaður tæpar tuttugu millj-
ónir bandaríkjadala. En kvikmynd
sprettur ekki upp af ríflcgri fjárvcit-
ingu cinni saman, þar þarf til fólk
sem kann sitt fag, hvoru megin við
kvikmyndavclarnar sem starf þeirra
liggur.
Sem fyrr segir fjallar Enemy Mine
um samskipti jarðbúans Davidge við
Drac frá fjarlægri plánetu. Edward
Khmara reit kvikmyndahandritið upp
úr samnefndri vísindaskáldsögu
Barry Longyear. f hlutverki jarðbúans
er Dennis Quaid, sem á m.a. að baki
leik f „The Right StufU*, „Jaws 111“,
„The Long Riders“ og nýverið
„Drcamscape" sem gerð var af 20th
Century-Fox.
Með hlutverk Drac fer annað
þekkt andlit, Louis Gossett jr., þó
að menn kannist liklega ekki við
andlitið sem slfkt f Enemy Mine, en
förðun hans fyrir hverja töku tekur
fimm til sex klukkustundir. Gossett
er þekktastur fyrir leik sinn í hlut-
verki liðþjálfans sem hélt uppi her-
aga í „An Officer and a Gentle-
man“, og færði honum óskarsverð-
launin á sl. ári. Hann á einnig að
baki leik í myndum eins og „The
Deep“, „Travels With My Aunt“ og
nú síðast í „Sadat", þar sem hann
fer með titilhlutverkið.
Andlitin á breiðtjaldinu segja þó
ekki alla söguna, umfangið hjá
hópnum á bak við er síst minna. í
þeim hópi er sá sem hefur „augu
kvikmyndavélanna“, leikstjórinn
Richard Loncraine, myndhöggvari,
æm um árabil starfaði hjá BBC,
bresku sjónvarpsstöðinni, og hefur
m.a. leikstýrt myndunum „The Mis-
sionary" og „Brimestone and Tre-
acle“. Yfirumsjón með kvikmynda-
tökunni, en myndin er tekin i ana-
morfic (breiðtjaldi), hefur Ronnie
Taylor, óskarsverðlaunahafinn á
bak við kvikmyndavélarnar 1
„Ghandi“. Brian Morris er sviðs-
myndahönnuður, en hann gerði
sviðsmyndina í „Quest for Fire“, og
Gil Parrondo, sem hefur á hendi
listrænt útlit myndarinnar, hefur
fyrir samskonar vinnu unnið í tví-
gang til verðlauna.
Framkvæmdastjóri myndarinnar
og sá sem hefur yfirumsjón með
gerð hennar að öllu leyti er Stanley
O’Toole, en hann á að baki sams-
konar vinnu við fjölmargar kvik-
myndir, m.a. „Outland“, „The Boys
From Brazil“ og nú síðast mynd
Barböru Streisand, „Yentl“. Fram-
kvæmdalegur ráðgjafi við gerð
hennar, bæði hér og í Ungverja-
landi, er síðan Ron Carr. Fjöldi
annarra fagmanna með sérþekk-
ingu hver á sínu sviði hafa verið, og
verða, kallaðir til við gerð Enemy
Mine.
Fæstum okkar er ljóst hvert um-
fangið við gerð kvikmyndar er, áður
en hún birtist okkur á hvlta tjald-
inu. I Búdapest hefur verið unnið í
heilt ár að undirbúningi fyrir tökur,
sem hefjast þar í júní. Þar er búið
að byggja svið, sem er framhald af
sviðinu á Skógarsandi, með risafur-
um og skrímslum, 7 metrum yfir
ólgandi háþrýstiknúið vatnsborð og
á stærð við Wembley Stadium í
Lundúnum. Einnig er þar búið að
gera annað gríðarstórt svið sem er
geimstöðin og hýsir fjögur geim-
skip í fullri stærð.
Sérstakir skordýrafræðingar
voru fengnir til að sjá um „dýralíf-
ið“ á plánetunni Fyrine IV, en þar
eru notuð ýmiskonar sérkennileg og
óalgeng skordýr. Sakar ekki að geta
þess að miklar varúðarráðstafanir
fylgja því að vera með skordýrin
hér og er yfir þeim stöðug gæsla.
Eða eins og fréttafulltrúi Enemy
Mine, Hunt Downs, sagði: „Það er
Lóniö í Prestavíkinni eins og þaö leit út á meöan veriö var að búa þaö
til og eins og þaö lítur út í myndinni.
Prestavíkin, þar sem stssrstur hluti myndatökunnar í Eyjum (er fram.
auðveldara að brjótast út úr Alca-
traz en fyrir skordýrin að komast
burt frá gæslumönnum."
Mestur hluti myndarinnar er
leikinn, en tæknileg atriði, eins og
geimbardaginn, eru gerð hjá ILM,
International Light Magic, fyrir-
tækinu sem m.a. sá um tæknilegu
atriðin í Star Wars. Slík atriði eru
þau einu sem gerð eru í Bandaríkj-
unum, leiknu atriðin eru öll tekin i
öðrum löndum.
Þegar tökum lýkur í Búdapest fer
hópurinn líklega til Kanaríeyja, þar
sem suðræn „pláneta" verður búin
til og komið hefur til tals að taka
vissar senur á Bermuda-eyjum.
Hvar endanlega verður kvikmyndað
er þó ekki afráðið. Vegna kvik-
myndatökunnar i Vestmannaeyjum
kom þangað rúmlega 100 manna
hópur, en þar fyrir utan vinna álíka
margir íslendingar á einn eða ann-
an máta við myndina. Þurfti að
finna húsnæði fyrir fólkið frá 20th
Century-Fox, hvort heldur var á
hóteli eða einkaheimilum, sjá þvi
fyrir fæði og öðrum nauðsynjum og
flytja allan tækjabúnað, leikmuni
og farartæki, til Eyja. Það tókst að
lokum og kunni talsmaður hópsins,
Hunt Downs, Vestmanneyingum og
þeim Islendingum öðrum sem greitt
hafa götu þeirra bestu þakkir fyrir.
Allt umfangið endurtekur sig síðan
á Skógarsandi og annars staðar þar
sem Enemy Mine gerist.
Mikil leynd hvflir yfir kvik-
myndatökunni og það sem raun-
verulega er verið að festa á filmu er
aðeins fáum kunnugt. Þannig hent-
aði Prestavíkin í Vestmannaeyjum
vel, þangað verður ekki með góðu
móti komist og löggæsla er á staðn-
um þegar kvikmyndatökur standa
yfir. Menn kunna að spyrja hvers
vegna. Besta svarið við því er
kannski spurningin sem kvik-
myndagerðarmaður einn varpaði
fram: „Hvað hefðum við séð svona
sérstakt við litlu geimveruna E.T.,
ef við hefðum fengið fjöldafram-
leiddar E.T.-dúkkur frá Austur-
löndum tveimur mánuðum áður en
myndin var frumsýnd?" Og annar
segir: „Það er meðíkvikmynd eins
og önnur listaverk, listamaðurinn
og listamennirnir i þessu tilviki,
eru ekki reiðubúnir til að bera sfna
hugarsmíð á borð fyrir almenning
og gagnrýnendur fyrr en hún er
fullkomin frá þeirra hendi.“
Gervi Gossetts er eitt af þeim at-
riðum sem gerir myndina sérstaka,
en það er gert af fjórum förðun-
armeisturum hverju sinni. „Ég vildi
þetta hlutverk vegna þess að það er
öðruvísi," segir hann sjálfur, „ef
hlutverkið er ekki „öðruvísi" er það
ekki þess virði. Og þú mátt trúa því
að enginn leikari hefur ennþá geng-
ið i gegnum það sem ég geng í gegn-
um í Énemy Mine.“ Hulunni af því
sem hann „gengur i gegnum" verður
hins vegar ekki svipt af fyrr en á
frumsýningunni.