Morgunblaðið - 06.05.1984, Qupperneq 26

74
MORGUNBLAÐIÐ, SUNNUDAGUR 6. MAÍ 1984
Félag guðfræðinema
Alkirkjuvettvangur krist-
inna kvenna í Evrópu
Við vorum hér í eina tíð að segja
ykkur, kæru lesendur, frá Alþjóðleg-
um bænadegi kvenna og minntumst
á að fjölmargar kristnar kvenna-
hreyfingar teygðu sig um heiminn og
væru á ýmsan hátt fléttaðar hver inn
í aðra. Sumum verður það ráðgáta
hvers vegna þessar kvennahreyf-
ingar þurfa að verða æ fleiri, þar
sem þær starfa að sama markmið-
inu. Hvers vegna geta þær ekki
starfað undir einu og sama nafninu
úr því þær starfa hvort eð er saman?
Kannski það sé vegna þess að svo
margar konur starfa að málum krist-
innar trúar og af svo miklum áhuga
að það sé einfaldara fyrir þær aö
skiptast í hópa, sem starfa svo sam-
an? Við höldum það helzt.
Ecumenical Forum of Eur-
opean Christian Women
í dag ætlum við að kynna ykkur
nýstofnaða kristna kvennahreyf-
ingu: Ecumenical Forum of Eur-
opean Christian Women. Við þýð-
um heitið svona: Alkirkjuvett-
vangur kristinna kvenna í Evrópu.

EUROPA
ECUMENICAL FORUM
OF EUROPEAN
CHRISTIAN WOMEN
Það er reyndar álitamál hvort
hægt er að segja að hreyfingin sé
nýstofnuð. En hún er það með til-
liti til gðmlu hreyfinganna, sem
eru áratuga og alda gamlar.
Hreyfingin hélt fyrsta þing sitt í
Gwatt í Sviss árið 1982 en upphaf
starfsins má rekja til ársins 1965
er haldinn var kvennafundur að
undirlagi Alkirkjuráðsins og
þeirrar deildar í Vatíkaninu, sem
starfar að kristinni einingu.
Okkur hafa borizt bréf frá hreyf-
ingunni, sem ætlar að halda þing í
Finnlandi árið 1986 og nú í októ-
ber heldur hún námsstefnu í Hol-
landi um stöðu kvenna í Evrópu í
ógn en þó í von.
Hid blómstrandi starf
Hreyfingunni er ætlað að skapa
vettvang, þar sem konur í Evrópu
geta sameinast til þess að dýpka
skilning sinn í kristinni trú og
starfa að einingu kirkjunnar og
mannkynsins alls og stuðla að
framförum, réttlæti og friði. Það
vilja þær gera með því að skiptast
Kristnar konur í Evrópu skipa sér í hópa til að vinna saman í trú sinni að
framförum, réttlæti og friði.
á skoðunum, reynslu og upplýsing-
um hvort heldur er um kristna
trú, stjórnmál, efnahag eða þjóð-
félagsmál. Þær vilja ástunda
kvennaguðfræði, halda námskeið
og ráðstefnur um öll sín mál og fá
sérstökum hópum nágranna-
kvenna sérstök mál til umfjöllun-
ar. Þær vilja kenna konum á öllum
aldri að taka þátt í félagsstarfi og
vera þar leiðtogar og safna á lista
nöfnum kvenna, sem hafa sérleg-
an áhuga og reynslu á þessum
sviðum.
8. boðorðið:
Ekki bera ljúgvitni
l*ú skalt ekki bera Ijúgvitni
gegn náunga þínum. Við hugsum
kannski fyrst til réttarhalda
þegar við heyrum þetta boðorð.
En flest okkar taka aldrei þátt í
réttarhöldum alla okkar ævi.
Hins vegar tökum við öll þátt í
umræðum um fólk í daglegu
spjalli. Það getur orðið háska-
legt umtal. Fólk er borið sökum,
malað niður, rifið niður, hræði-
legir hlutir eru oft sagðir í þeim
umræðum. Og stundum vitum
við ekki, getum ekki vitað, hvort
þeir eru sannir eða lognir.
Stundum er eitthvað satt en
mest lygi. Kannski fáum við þess
vegna þær hugmyndir að eitt-
hvað hljóti ævinlega að vera satt
í því, sem sagt er. En það er auð-
vitað ekki svo. Það er mesti mis-
skilningur að sjaldnast ljúgi al-
mannarómur. Almannarómur er
hin mesta rógtunga og bráðlyg-
in. Gætum okkar. í Guðs bæn-
um, gætum okkar. í þessu al-
menna umtali höfum við tæki-
færi til að hlýða boðorði Guðs
um að bera ekki ljúgvitni gegn
náunga okkar. Vönduð orðræða
eins í svona umtalshópi getur
skipt sköpum, stöðvað mikinn
róg, verndað mannorð fjar-
staddra og komið í veg fyrir að
nærstaddir verði sjálfum sér til
skaða og skammar með ómerki-
legu blaðri, sem þeir kannski
iðrast seinna. Ó, Drottinn, gerðu
okkur vönd að orðum okkar.
Sæll er sá maður,
er eigi fer að ráðum óguðlegra,
eigi gengur á vegi syndaranna
og eigi situr í hópi þeirra, er hafa Guð að háði,
heldur hefur yndi af lögmáli Drottins
og hugleiðir lögmáí hans dag og nótt.
Hann er sem tré, gróðursett hjá
rennandi lækjum,
er ber ávöxt sinn á réttum tíma,
og blöð þess visna ekki.
Allt, er hann gerir, lánast honum.
Já frá nei
í Sigtúnum í Svíþjóð starfar
jákvæð kirkjustofnun, sem
reyndar heitir þó NEI. Fullt
heiti hennar er Nordiska Eku-
meniska Institutet eða Nor-
ræna alkirkjustofnunin. Hún
hefur nú nýverið sent frá sér
fallegan grænan bækling um
friðaruppeldi og við birtum hér
úr honum mynd og örfá orð.
★ Friður er eitthvað sem
annaðhvort ríkir eða skortir
þegar tvær manneskjur eða
tveir hópar eiga saman að
sælda.
★ Hvernig getum við haldið
frið? Guð er sá sem gerir það
unnt.
★ Við gleymdum örygginu og
hlýjunni, sem verður að búa
með hverri manneskju til
þess að hún geti fundið til
ábyrgðar sinnar. Þess vegna
hneigjast börnin til árása og
fyllast angist.
★ Kirkjan verður að líta á líf
mannsins sem eina heild.
Þess vegna vinnur hún ekki
að friði sem sérverkefni held-
ur knýtir það framförum,
réttlæti og mannréttindum.
★ Við verðum að ganga veg
friðarins. Saman. Við verðum
að lifa við annað mál en mál
valdsins: Mál vonarinnar,
draumanna, þránna, trausts-
ins, samverunnar, tryggðar-
innar og hamingjunnar.
★ Við erum kölluð til að lifa í
gleði af því að Kristur reis
upp frá dauðum.
Biblíu-
lestur
vikuna
6.-12. maí
Sunnudaginn 6. maí: 2. Mós.
20.16 — Boðorð Drottins.
Mánudaginn 7. maí: Matt.
26.59—62 — Ljúgvitni gegn
Jesú.
Þriðjudaginn 8. maí: Sálm.
27.11— 14 — Rógur og von.
Miðvikudaginn 9. maí: Post.
6.8.—15 — Ljúgvitni gegn Stef-
áni.
Fimmtudaginn 10. maí: Matt.
5.11— 12 — Þegar logið er um
yður.
Föstudagur 11. maí: I. Pét.
4.12— 14 — Eldraun til reynslu.
Laugardagur 12. maí: Sálm.
86.11—13 — Vísa mér veg þinn.
Innritun í
sumarbúðir
Nú er verið að innrita börn í
sumarbúðir þjóðkirkjunnar í
Laugagerðisskóla á Snæfellsnesi.
Innritunin fer fram hjá
æskulýðsfulltrúa á Klapparstíg
27, sem svarar líka spurningum
um sumarbúðirnar. Fyrstu
flokkarnir fara í sumarbúðirnar
18. júní. Þeir verða fyrir 7 til 8
ára börn en seinni flokkarnir
fyrir 9 til 12 ára bön. Stelpur og
strákar verða í sumarbúðunum
á sama tíma og hver flokkur
dvelst þar í 12 daga.
í sumarbúðunum verður leik-
ið og labbað, synt í sundlaug-
inni, sungið og hafðar helgi-
stundir og hlustað á skemmti-
lega kennslu í kristinni trú.
Góða ferð og góða skemmtun,
þið sem verðið þar í sumar.