Morgunblaðið - 13.05.1984, Blaðsíða 39
MORGUNBLAÐIÐ, SUNNUDAGUR 13. MAÍ1984
39
Fyrsti samráösfundur
rflíis og sveitarfélaga
Alþýðublaðinu, fyrst sem af-
greiðslustjóri en síðar sem blaða-
maður, og hafði þá einkum á hendi
umsjón með próförkum, auk þess
sem hann ritaði margt í blaðið
bæði í ljóðum og lausu máli. Birti
hann þar meðal annars um langa
hríð smákvæði undir dulnefni en í
gamansömum dúr, ekki síst um
fáfengilegar uppákomur sem
stundum verða helsti fyrirferð-
armiklar hjá okkur. Eitthvað af
þessum kveðskap kom svo á bók
með heitinu Hundrað skopkvæði,
sem hann gaf út 1977. Hjá Alþýðu-
blaðinu vann Gestur samfleytt til
1979 er hann varð að hætta störf-
um vegna heilsubrests sem ekki
varð ráðin bót á og dró hann til
dauða.
Gestur kvæntist ekki og átti
engin börn, en síðustu tæp tuttugu
árin bjó hann með systrum sínum
tveimur, sem önnuðust hann á
langvinnum og erfiðum sjúkdóms-
ferli.
Ungur hóf Gestur að þreifa
fyrir sér á bragarfótum, en það
var þó ekki fyrr en hann var kom-
inn á fimmtugsaldur að hann
sendi frá sér fyrsta ljóðasafn sitt
Þenkingar (1952). Síðar komu út
frá hans hendi ljóðabækurnar Lék
ég mér í túni (1956), Undir því
fjalli (1976) og Undir öræfahimni
(1978), auk gamanljóða þeirra sem
fyrr var getið og fremur mega
teljast blaðamennska en skáld-
skapur. Hér verður þess ekki
freistað að leggja dóm á ljóðagerð
Gests, en aðeins minnt á hið vin-
sæla og fagra Þórsmerkurljóð
hans, vorstemmningu úr óbyggð-
um íslands.
Það var í ferð vestur á Snæ-
fellsnes fyrsta sumarið, sem Gest-
ur dvaldist hér í bænum, að leiðir
hans og Ferðafélags íslands
mættust. Sjálfur sagði hann svo
frá síðar, að þá hefði vaknað hjá
sér verulegur áhugi á að kynnast
landinu og náttúru þess. Gerðist
Gestur eftir það ötull og fastsæk-
inn ferðamaður og glöggur nátt-
úruskoðari, sem valdi sér einkum
gróðurríki öræfanna að viðfangs-
efni, en því miður hefur hann rit-
að helsti fátt um þessar athugan-
ir. Hann ferðaðist allvíða, ekki
síst um óbyggðir, en engir staðir
voru honum svo hughaldnir sem
Þórsmerkursvæðið. Þar dvaldist
hann löngum í sumarleyfum sín-
um og var flestum eða öllum
framar kunnugur á þeim slóðum.
Þangað leitaði hann helsjúkur, og
í kröm sinni, þegar hjartað bann-
aði allar göngur, fróaði hann hug
sínum við að horfa yfir sviðið sem
hann hafði bundist svo föstum
tryggðum.
Gestur var árum saman farar-
stjóri í fjölda ferða á vegum
Ferðafélags Islands og naut þar
mikilla vinsælda sakir lipur-
mennsku, prúðs dagfars og fróð-
leiks. Þó að hann væri að jafnaði
hlédrægur og jafnvel ætti það til
að vera fálátur, þá gat hann orðið
manna glaðastur í slíkum ferðum,
sagði þá vel frá og hafði glöggt
auga fyrir sérkennum landslags-
ins og gróðri, auk þess sem hann
þótti gætinn og traustur farar-
stjóri. Gestur var kjörinn kjörfé-
lagi FÍ á aðalfundi þess 1972, og
fyrir félagið ritaði hann kaflann
um Þórsmörk í Árbók 1972. Þessi
kafli var síðan sérprentaður með
heitinu Þórsmörk — Landslag og
leiðir. Er bók þessi raunar enn
rækilegasta lýsingin á þessum
fjölsóttasta ferðamannastað í
óbyggðum landsins.
Ferðafélag íslands kveður í dag
einn sinna traustustu félags-
manna, mann sem alltaf var
reiðubúinn að rétta því hönd til
hjálpar. Slíkra manna er gott að
minnast. Þeir eru hverjum félags-
samtökum nauðsynlegir, sá burð-
arás, sem hlýtur að bera uppi öll
áhugamannafélög. Og að leiðar-
lokum vill félagið senda systkin-
um Gests og öðrum vandamönn-
um samúðarkveðjur.
Fyrsti samráösfundur ríkis og sveit-
arfélaga í samræmi við samstarfs-
sáttmála þessara aðila frá 20. janúar sl.
var haldinn 4. maí.
Auk félagsmálaráðherra Alexanders
Stefánssonar tóku þátt í fundinum
fjármálaráðherra Albert Guðmunds-
son, heilbrigðis- og tryggingamálaráð-
herra Matthías Bjarnason, rmnnta
málaráðherra Ragnhildur Helgadóttir,
stjórn Sambands íslenskra sveitarfé-
laga og nokkrir embættismenn ríkis-
ins.
Á fundinum var fjallað um ýmis
málefni sem varða samskipti ríkis og
sveitarfélaga og stefnu ríkisstjórn-
arinnar í efnahags- og atvinnumál-
um. I fundarlok samþykktu aðilar
eftirfarandi yfirlýsingu:
1. Fulltrúar ríkisins hafa gert grein
fyrir almennri stefnu ríkisstjórnar-
innar í efnahagsmálum, svo og fjár-
hagsvanda ríkissjóðs á þessu ári.
Fulltrúar sveitarfélaganna vekja
athygli á því, að sveitarstjórarnir
hafa leitast við að stuðla að því, að
markmið ríkisstjórnarinnar um
hjöðnun verðbólgu náist. Aðilar
leggja á það áherslu að mikilvæg
forsenda árangurs í þessu efni sé að
girt verði fyrir alvarlegan halla í
búskap hins opinbera.
Varðandi úrræði til úrbóta á fjár-
hagsvanda ríkissjóðs, hefur full-
trúum sveitarfélaganna verið kynnt
sú ákvörðun ríkisstjórnarinnar, að
hún muni leggja til við Alþingi, að
framlög til Jöfnunarsjóðs sveitarfé-
laga á árinu 1984 verði bundin við
þær fjárhæðir, sem áætlaðar eru í
fjárlögum ársins.
2. Fulltrúar sveitarfélaganna fagna
því ákvæði í stefnuyfirlýsingu ríkis-
stjórnarinnar, að sveitarstjórnir
ákveði sjálfar gjaldskrár fyrir þjón-
ustu sveitarfélaga og fyrirtækja
þeirra.
Fulltrúar sveitarfélaganna leggja
á það áherslu, að sjálfsákvörðunar-
réttur sveitarstjórna verði virtur á
fleiri sviðum eigin fjármála, m.a.
með því að veita þeim aukið frjáls-
ræði um nýtingu tekjustofna sinna.
3. Fulltrúar sveitarfélaganna fallast
á þau tilmæli fulltrúa ríkisins, að
teknar verði nú þegar upp viðræður
um flutning verkefna á sviði skóla-
mála frá ríki til sveitarfélaga. Verði
þar miðað við að saman fari frum-
kvæði, framkvæmd og fjármálaleg
ábyrgð og að sameiginlegum verk-
efnum ríkis og sveitarfélaga fækki.
Tillögur aðila liggi fyrir eigi síðar en
1. júlí nk. Stefnt er að því, að fyrstu
breytingar í þessa átt taki gildi á
næsta fjárhagsári.
4. Fulltrúar ríkisins fallast á aðild
fulltrúa sveitarfélaganna að áform-
aðri endurskoðun á lögum um kjara-
samninga Bandalags starfsmanna
ríkis og bæja.
5. Fulltrúar ríkisins hafa fallist á að
í fjárlögum verði sérstakt framlag
til sveitarfélaga vegna kostnaðar
þeirra við snjómokstur, sbr. heimild-
arákvæði laga nr. 24/1983.
6. Aðilar eru sammála um að hefja
viðræður um endurskoðun á lögun-
um um tekjustofna sveitarfélaga,
hlutverk jöfnunarsjóðs og skipan
sérstakrar nefndar í því skyni.
7. Aðilar eru sammála um að taka
upp viðræður um endurskoðun laga
nr. 64/1981 um atvinnuleysistrygg-
ingar, þ.e.a.s. þeirra ákvæða lag-
anna, sem helst snerta sveitarfélög-
in.
8. Aðilar eru sammála um að taka
upp viðræður um framkvæmd laga
um aðstoð við fatlaða í ljósi fenginn-
ar reynslu af framkvæmd þeirra og
um skipan sérstakrar nefndar i því
skyni.
9. Aðilar eru sammála um að taka
upp viðræður um kostnaðarhlutdeild
í rekstri sjúkrasamlaga og heilsu-
gæslustöðva. Verði þeim viðræðum
lokið á þessu ári.
Legsteinar
Framleidum allar stærðir og gerðir af legsteinum.
Veitum fúslega upplýsingar og ráðgjöf
_____ um gerð og val legsteina._
S.HELGASON HF
STEINSMHUA
SKEMMUÆGI 4S ShK 76677
4 mismunandi litir:
GULT - RAUTT - SVART
LEIRBRÚMT
RAFTÆKJ ADEILD
[hIhekiahf
■ LAUGAVEGI 170-172 SIMAR 11687 ■ 21240
♦ BB • 8*» »T; . cm m PHIUPS
t ’■ n •* „""1
♦22' * » í * • ft «5" • > *»>HíUc«+ Í)K M ; *— \ » • •-»«,
. ’ 4 :. 4 * w ftiwiw » > .Trrrrr .■
1 /
APHHIPS ACH023ELDAVEL
VERÐADEINSKR. 12.950-
STAÐGREITT
Enn bjóöum viö heimilistæki á iækkuöu veröi. Nú er þaö
Philips ACH 023 eldavélin. Hún hefur fjórar hellur,
þar af tvær meö stiglausri stillingu; sjálfhreinsandi
blástursofn, hitahólf og elektróniskan hita og tímastilli.
Við erum sveigjanlegir í samningum.
Heimilistæki hf
HAFNARSTRÆTI 3 - 20455- SÆTÚNI 8-15655