Morgunblaðið - 13.05.1984, Blaðsíða 46

46
MORGUNBLAÐIÐ, SUNNUDAGUR 13. MAÍ 1984
„FÓLK er kyndugar
verur. Það er nánast
eins og gangandi
bækur. Suma hittir
maður aðeins einu
sinni, en gleymir
aldrei. Þess vegna
reynir maður að
njóta þeirra kynna
til hins ýtrasta. Svo
við tölum áfram um
fólk man ég þá tíð, að
ég var beinlínis grýtt
vegna klæðaburðar
míns. Nú vilja hins
vegar allir vita hvar
ég kaupi fötin mín.
Finnst ykkur þetta
ekki skrýtið?"
Það er söngkonan bandaríska,
Cyndi Lauper, sem spyr svo í
splunkunýju viðtali, sem tekið var
við hana. Frami Lauper hefur
verið með ólíkindum undanfarna
mánuði eða allt frá því plata
hennar She’s So Unusual kom út.
Eitt laganna af plötunni, Girls
Just Want to Have Fun hefur far-
ið sem eldur í sinu um loftnet út-
varpsstöðva um allan heim og náð
feikilegum vinsældum. Það er
ekki bara söngur Lauper, sem
færir henni vinsældir, heldur og
frjálsleg framkoma hennar og al-
þýðlegt viðmót. Ekki verður því
heldur neitað, að myndbandið,
sem gert var við ofangreint lag,
hafði mikið að segja um velgengni
hennar. Það hefur m.a. verið sýnt
hér á landi og vakið verðskuldaða
athygli.
Ljóti andarunginn
Cyndi Lauper er yfir sig ham-
ingjusöm þessa dagana og hefur
líka fulla ástæðu til þess að vera
það. Þótt hún líti á sjálfa sig sem
ljóta andarungann fer ekki fram-
hjá neinum, sem hittir hana, að
hæfileikarnir bókstaflega geisla
af henni. Það er þó ekki svo ýkja
langt síðan líf Lauper var með
allt öðrum hætti en nú. Eftir að
hafa reynt fyrir sér um árabil
sem söngkona virtust Lauper öll
sund lokuð. Hún hafði lokið við
gerð einnar hljómplötu en kostn-
aðurinn við framleiðslu hennar
hafði nærri gert út af við hana.
Ofan á allt annað splundraðist
hljómsveitin, sem hún hafði baks-
að við að setja saman og vonaðist
til þess að myndi spila undir hjá
sér í framabröltinu.
Þegar málin höfðu verið gerð
upp stóð Lauper uppi án þess
bókstaflega að eiga eyri. Fram-
kvæmdastjóri hennar hafði séð
fyrir því. Hún neyddist meira að
segja til þess að lýsa sig gjald-
þrota á opinberum vettvangi.
Þrátt fyrir að enginn efaðist um
hæfileika hennar á söngsviðinu
var eins og henni væri hreinlega
ekki ætlað að ná neinum frama.
Rödd hennar, sem nær yfir fjórar
áttundir, vakti reyndar víða at-
hygli en síðan ekki söguna meir.
Fyrir tæpum tveimur árum var
svo komið, að Lauper var farin að
syngja gamla slagara á japanskri
píanó-vínstúku. Hún nálgaðist
óðfluga þrítugsaldurinn og tæki-
færin virtust hafa farið forgörð-
um.
CYNDI
LAUPER
— Enn ein
sápukúla
dægurpoppsins
eða
upprennandi
stórstjarna?
Draumar rætast
Síðan gerðist hið óvænta, þ.e.
allir túlka það svo nema Lauper
sjálf og hörðustu aðdáendur
hennar. Þegar ferillinn virtist
vera á enda rættust draumarnir
loks. Breiðskífan hennar, sem get-
ið er að ofan, sló í gegn. Skyndi-
lega vissu allir hver Cyndi Lauper
var. Eftir margra ára basl og strit
hafði hamingjuhjólið loksins snú-
ist henni í hag. Hún kom fram í
ótal útvarps- og sjónvarpsþáttum
og upp úr því fóru margir af að-
dáendum hennar að fá bakþanka.
Átti að gera enn eina dæmi-
gerða stjörnu úr henni? Yrði hún
teymd inn á Broadway eða jafnvel
til Hollywood? Yrði hún ekkert
annað en enn ein loftbólan í
bandarískri dægurtónlist? Þessar
spurningar hafa enda verið tíðar í
slúðurblöðum og óvissa um fram-
tíð hennar sem söngkonu og jafn-
vel illkvittni í sumum tilvikum
hefur verið áberandi. En hvað
segir Lauper sjálf?
„Mér er skítsama hvað þetta
pakk segir. Ég hef hvort eð er
alltaf verið aðhlátursefni. Fólk
hefur sagt, að ég gæti alls ekki
sungið og reynt að troða mér á
bás með einhverjum öðrum. Ég
læt svona nokkuð sem vind um
eyru þjóta því ég veit að um leið
og ég opna munninn get ég sungið
þetta lið út í horn. Hæfileikarnir
verða ekki af mér teknir. Ég verð
reyndar aldrei nein Broadway- né
heldur sjónvarpsstjarna, en það
er heldur ekki keppikefli rnitt."
Cyndi Lauper átti í upphafi
eðlilega bernsku. Hún kom í
heiminn þann 20. júní 1953 á
sjúkrahúsi í Queens í New York,
tiltölulega skammt frá þeim stað
er hún bjó síðar með foreldrum
sínum. Faðir hennar var skrif-
stofumaður með sérstæð áhuga-
mál. Hann hafði gaman af öllum
sköpuðum hlutum, allt frá forn-
leifafræði til hljóðfæraleiks. Lék
enda oft á xylofóninn sinn er
hann var heima. Hjónabandið
entist þó ekki lengi og þegar
Lauper var fimm ára skildu for-
eldrarnir. Cyndi fluttist með móð-
ur sinni og tveimur systkinum til
annars hverfis eftir skilnaðinn.
Lítil og sæt. Cyndi
á fimmta aldursári.
Myndin tekin í
brúðkaupsveislu
frænku hennar.
Cyndi Lauper eins og hún
lítur út í dag. Hún klæðir
sig gjarnan á afar sér-
stæðan og áberandi hátt,
en slíkt er ekki ný bóla
hjá henni.