Morgunblaðið - 19.05.1984, Blaðsíða 15
MORGUNBLAÐIÐ, LAUGARDAGUR 19. MAÍ 1984
15
Ulla Rantanen
Myndlist
Bragi Ásgeirsson
Ein þekktasta listakona
finnsku þjóðarinnar sýnir um
þessar mundir verk sín í kjall-
arasölum Norræna hússins og er
hér um að ræða þá frægu Ullu
Rantanen.
Þótt myndverkin (málverk og
grafík) séu aðeins 24 að tölu
fylla þau báða salina magnaðri
stemmningu. Ekki er það fyrir
mikið litskrúð heldur voldugan
tjákraft er opinberar mikla
skapgerð og miklar myndrænar
gáfur.
Ulla Rantanen þarf vissulega
ekki að leita á náðir hinna
sterku lita né hvellu litasam-
hljóma til að ná úrskerandi
árangri. Henni nægja grátón-
arnir ásamt hvítu og svörtu. En
sagði ekki Cézanne einmitt, að
enginn væri málari, er ekki gæti
málað í gráu? Það voru orð að
sönnu og samkvæmt þeim er
Ulla Rantanen mikill myndlist-
armaður. Stærsta verkið á sýn-
ingunni, og jafnframt litríkasta,
hverfur næstum í skuggann af
grátónamyndunum eftir nokkrar
heimsóknir á sýninguna. Og
þessi sýning fellur ekki heldur
vekur stöðugt hjá manni nýjar
og ferskar kenndir. Listakonan
kann að nota grátónana og
magna þá upp í áhrifaríkum
samhljómi sterkra og rismikilla
forma. Formin geta minnt mann
á margt en þó er farsælast að
leiða hugann frá því að meðtaka
þau einungis sem myndbygg-
ingarþátt.
Margar myndirnar virðast
vera málaðar undir áhrifum frá
ferðalögum listakonunnar á ís-
landi og leiti menn að ákveðnum
fjöllum eða sögufræðum stöðum
finna menn slíkt ekki hér. Áhrif-
in eru fyrst og fremst skynræn
og vissulega er til nóg af grátón-
um í íslensku landslagi og veðra-
brigðum. Myndirnar tjá þó eng-
an dapurleika að mínu viti held-
ur mikla gerjun og mikið líf. Það
er einnig opinberuun, vel að
merkja, hve mikið líf finnst víða
í auðnum Islands og uppi á heið-
um. Hver smátjörn er morandi í
lífi og eyrarrósir blómstra á
óvæntustu stöðum.
Ulla Rantanen er máski
þekktust fyrir grafík-myndir
sínar og teikningar, sem hún
hefur sýnt víða um heim. Áhrif-
in frá grafískum vinnubrögðum
má vissulega sjá í málverkum
hennar en á þessari sýningu eru
málverkin öllu hrifmeiri grafík-
inni en þess ber þó að gæta að
hún sýnir einungis átt'a blöð.
Hér leggur hún mikla áherslu á
yfirvegaða litameðferð.
í heild er þetta með mögnuð-
ustu sýningum er lengi hefur
sést í Norræna húsinu og von-
andi verður framhald á því að
slíkar rekist þangað og það í
vaxandi mæli.
Ber að þakka listakonunni og
Norræna húsinu fyrir framtakið.
Sinfóníutónleikar
Tónlíst
Jón Ásgeirsson
Skúli Halldórsson/Sinfónía
Mozart/Píanókonsert nr. 26
Beethoven/Kórfantasían
Flytjendur: Sinfóníuhljómsveit ís-
lands, Söngsveitin Fílharmonía,
Ólöf Kolbrún Harðardóttir, Elísa-
bet F. Eiríksdóttir, Sigríöur Ella
Magnúsdóttir, Siguröur Björnsson,
Kristinn Sigmundsson og Kristinn
Hallsson.
Einleikari: Jörg Demus.
Stjórnandi: Jean-Pierre Jacquillat.
Þessir síðustu tónleikar Sin-
fóníuhljómsveitar íslands á
þessu starfsári hófust með sin-
fóníu eftir Skúla Halldórsson.
Það er í raun ekki rétt að nefna
þetta ve.'k sinfóníu, því form
verksins er ekki sinfónískt, held-
ur miklu nær því að vera eins
konar svíta, röð af þáttum, er
hver hefur afmarkað niðurlag,
rétt eins og allt verkið væri í
einni og sömu tóntegundinni.
Innan hvers kafla var mjög
lítið um sinfónísk tilþrif og á
köflum var verkið nær einradd-
að, þar sem ólíkustu hljóðfæri
léku í einundum og áttundum án
tillits til þess hvort lagferlið
hentaði hljóðfærunum og
minntu þessi vinnubrögð á átt-
undaspil, sem tíðkast í píanó-
tónlist. Næsta verkefni var Pí-
anókonsert eftir Mozart, númer
26 og lék Jörg Demus á píanóið.
Ekki gat þarna að heyra leikið
með tæknina sem sýningargrip
heldur var hún í höndum einleik-
arans tæki til að leika með ljúf-
legheit Mozarts og var allur
konsertinn mjög fallega leikinn,
hvergi með neinum hasar en ein-
staklega ljúflega. Síðasta verkið
Jörg Demus
var Kórfantasían eftir Beet-
hoven, er Jörg Demus flutti með
kór og einsöngvurum. Kóralfant-
asían er ákaflega sérkennilegt
verk, sem hefst eins og „impró-
visasjón" fyrir píanó, færist síð-
an í það form að vera samleikur
píanós og hljómsveitar og lýkur
verkinu svo á samsöng einsöngv-
ara og kórs.
Samleikskaflinn, sem er eins-
konar píanókonsert, var mjög
vel leikinn og söngþátturinn var
og mjög vel fluttur, bæði af ein-
söngvurum og þá ekki síður af
kórnum, sem þrátt fyrir að vera
ekki af „fílharmónískri" stærð,
söng mjög vel.
Stjórnandinn, Jean-Pierre
Jacquillat, lék á als oddi og
stjórnaði hljómsveitinni með
miklum tilþrifum.
Námskeið fyrir hjúkrunarfræðinga:
Eðlileg og afbrigði-
leg þróun barna
SÁLFRÆÐISTÖÐIN sf. gekkst fyrir námskeiöi fyrir hjúkrunarfræðinga á heilsu-
gæslustöövum, þann 18. og 19. þessa mánaöar, þar sem fjallað var um eðlilega og
afbrigðilega þróun barna og hvaða leiðir börn fara til að tjá hug sinn og tilfinn-
ingar.
Á námskeiðinu var sérstök
áhersla lögð á þroska fjögurra ára
barna og hvernig meta megi hann,
en margar heilsugæslustöðvar hafa
að undanförnu boðið fjögurra ára
börnum og foreldrum þeirra að
koma í skoðun. Hefur þetta verið
einn liður í fyrirbyggjandi starfi,
sem hefur miðað að því að uppgötva
erfiðleika í tæka tíð og leiðbeina for-
eldrum þar að lútandi. Leiðbeinend-
ur á námskeiðinu voru sálfræð-
ingarnir Álfheiður Steinþórsdóttir
og Guðfinna Eydal.
r
BRAUÐBÆR
tímamótum
I tilefni af 20 ára
afmœli
breytum við og
stœkkum
sannkallaður griðastaður fyrir þá sem gista borgina. sími 25224 - 25640.
Hingað til höfum við mettað sælkera, en nú
þjónum við bæði til borðs og sængur, því að í dag
opnumviðnýtt hótel, í hjarta borgarinnar og
-sameinum gistihús og veitingasal undir einu nafni:
ÓÐINSVÉ
Nýstárlegtog vinalegtgistihús. Frábærmaturog Ijúfar
veigar í veitingasal á sannkölluðum griðastað.
Og að sjálfsögðu heldur Brauðbær áfram að
bjóða samlokur, smurt brauð og veisluþjónustu.
ÓÐINSVÉ ^ÓÐINSTORGI