Morgunblaðið - 19.05.1984, Blaðsíða 24

24
MORGUNBLAÐIÐ, LAUGARDAGUR 19. MAÍ1984
MORGUNBLAÐIÐ, LAUGARDAGUR 19. MAl 1984
25
iltofgtistlFlftfeife
Útgefandi
Framkvæmdastjóri
Ritstjórar
Aöstoöarritstjóri
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guömundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Að-
alstræti 6, sími 22480. Afgreiösla: Skeifunni 19, sími 83033. Áskrift-
argjald 250 kr. á mánuöi innanlands. í lausasölu 20 kr. eintakiö.
Kartöflueinokun brenn-
ur á bændum sjálfum
Landbúnaðarráðherra hefur
tekið ófullnægjandi ákvörð-
un í kartöflumálum þeim, sem
mest hafa verið til umræðu
undanfarna daga. Ráðherrann
hefur ákveðið að veita nokkrum
aðilum „tímabundið" leyfi til
innflutnings á kartöflum og það
á að vera „sameiginlegt". Jafn-
framt sýnir ráðherrann það
göfuglyndi að segja, að náist
ekki samkomulag milli inn-
flutningsaðila um dreifingu,
vilji ráðuneyti hans „greiða
fyrir að koma þeim kartöflum,
sem þegar hafa verið keyptar á
markað".
Þeir, sem fylgzt hafa með
þessum fréttum af ákvörðun
Jóns Helgasonar, landbúnað-
arráðherra, hafa vafalaust
margir spurt sjálfa sig að því,
hvort nú sé árið 1984 eða
kannski 1948, þegar alræmt
Fjárhagsráð skammtaði
mönnum leyfi til þess að flytja
til landsins vörur og skipti þá
ekki máli, hvort um var að ræða
smátt eða stórt.
Landbúnaðarráðherra og
ráðunautar hans í Framleiðslu-
ráði landbúnaðarins eru
þröngsýnir menn. Þeir eru á
eftir tímanum. Stefna þeirra er
tímaskekkja. Þeir gera sér ber-
sýnilega enga grein fyrir því, að
tíðarandinn hefur breytzt á
þann veg, að almenningur gerir
kröfu til frjálsræðis í viðskipt-
um, ekkert síður með kartöflur
en annað. Þó að kartöflur spíri
bezt í raka og myrkri, er ekki
þar með sagt að stjórnmála-
menn eigi að halda fast í deigar
og ljósfælnar skoðanir. Auðvit-
að er sjálfsagt að gæta hags-
muna innlendra kartöflufram-
leiðenda, sem framleiða góða
vöru, sem hins vegar er aðeins á
boðstólum hluta úr ári. Á öðr-
um tímum ársins er jafn eðli-
legt að flytja inn kartöflur eins
og appelsínur eða epli og raunar
skaðar ekki, að innlendir kart-
öfluframleiðendur hafi aðhald í
þeirri samkeppni, sem felast
mundi í frjálsum innflutningi á
kartöflum. Sem frjálsastur inn-
flutningur hvetur innlenda
kartöflubændur til að bæta
vörugæðin. Margir þeirra fram-
leiða samkeppnishæfa vöru
hvað gæði varðar, þótt undan-
tekningar séu of margar og
meðferð ábótavant, ekki sízt,
þegar nýjar kartöflur eru settar
á markað.
Þetta mál snýst hins vegar
ekki eingöngu um kartöflur.
Það snertir grundvallarþætti
frjálsra viðskipta. Viðbrögð
ráðamanna í málefnum land-
búnaðarins eru svo fálmkennd
og vanmáttug vegna þess, að
þetta er gamalt og úrelt einok-
unarkerfi, sem er í dauðateyg-
unum. Eins og þjóðfélagshættir
eru á Islandi nú á dögum er það
nánast hégilja að koma í veg
fyrir frelsi í innflutningi á þess-
ari vörutegund eins og hverjum
öðrum varningi.
Ýmsir þeir, sem telja sig vera
að verja hagsmuni landbúnað-
arins og tala í nafni bænda-
stéttarinnar, verða að gera sér
grein fyrir því, að þeir eru sjálf-
ir verstu óvinir landbúnaðarins.
Hrokafull afstaða einokunar-
kerfisins hefur hvað eftir annað
komið í ljós. I fyrradag neitaði
Grænmetisverzlun landbúnað-
arins að selja verzlun í borginni
kartöflur bersýnilega til þess að
refsa henni fyrir það að hafa
flutt inn kartöflur. Snemma
næsta dag bauð einokunarverzl-
unin þessari sömu verzlun kart-
öflur augsýnilega af ótta við al-
menningsálitið. Grænmetis-
verzlunin mótmælir þessum
ásökunum í Morgunblaðinu í
dag en meira þarf til að koma
en þau mótmæli ein.
Á það má einnig benda hér,
að innflutningur á vondum
kartöflum dregur úr kartöflu-
neyzlu og skaðar þannig kart-
öflubændur beinlínis með
minnkandi eftirspurn.
Fyrir nokkrum vikum gerðist
það, að fjármálaráðherra ákvað
að leggja opinber gjöld á mjólk-
urdrykki lögum samkvæmt.
Viðbrögð framleiðenda voru
fyrst þau að innheimta ekki
gjaldið, en síðan hættu þeir að
selja vöruna. Þegar fjármála-
ráðherra féllst á að fresta þess-
ari gjaldtöku til haustsins með-
an rannsókn færi fram á verð-
myndun búvöru, samþykktu
þessir menn að lækka verð vör-
unnar um 20% og hafa sýnilega
engar áhyggjur af fjármögnun
þeirrar verðlækkunar. Þá vita
menn, hvað þeir hafa haft af
neytendum þessarar vöru gegn-
um árin.
Einokunarveldið í landbúnað-
inum hefur afhjúpað sig meir á
nokkrum vikum en áður á ára-
tugum. Og það sem kemur í ljós
er því miður afar ógeðfellt, svo
að ekki sé sterkar til orða tekið.
Þeir, sem vilja veg landbúnað-
arins sem mestan, ættu að taka
ráðin af þeim, sem nú stjórna
ferðinni og aðlaga vinnubrögð
og viðhorf landbúnaðarins að
nýjum þjóðfélagsháttum. Það
er löngu kominn tími til að nú-
tímasjónarmið í verzlun og
viðskiptum ríki í sölu landbún-
aðarafurða — og við hættum að
púkka undir þá einokunar- og
auðhringa, sem virðast halda að
þeir séu réttbornir arftakar út-
lendra selstöðukaupmanna.
Hitt er svo annað mál, að Morg-
unblaðið gæti hugsað sér að SIS
og Grænmetisverzlun ríkisins
hefðu áfram einkaleyfi á inn-
flutningi á ónýtum kartöflum.
Hvað segja neytendur
um kartöflumálið?
Mikil umræða hefur verið að undanförnu
um skemmdu kartöflurnar, einkaleyfi
Grænmetisverslunar ríkisins á kartöflu-
innflutningi og þeim undanþágum sem
veittar voru öðrum aðilum til að flytja
inn nýjar kartöflur. Af því tilefni fór
Morgunblaðið í verslanirnar Miklagarð,
Hagkaup, Vörumarkaðinn og Kron við
Stakkahlíð og leitaði álits hins almenna
neytanda á málinu.
Fleygt allt að helm-
ingi úr kartöflupoka
Ólafur Ingimundarson
„Jú loksins er maður að kaupa nýjar
óskemmdar kartöflur, og kominn
tími til. Við höfum lent í því að kaupa
skemmdar finnskar kartöflur og þó
að maður hafi reynt að tína úr það
skásta, hefur það í sumum tilfellum
gerst að við höfum þurft að fleygja
allt að helmingnum úr einum kart-
öflupoka," sagði Ólafur Ingi-
mundarson, línumaður hjá Raf-
magnsveitum Reykjavíkur. Hann var
að versla inn fyrir helgina, ásamt eig-
inkonu sinni í Hagkaupum, þegar
blm. ræddi við hann.
„Það hefur auðvitað komið fyrir
áður að við höfum fengið skemmd-
ar kartöflur, en aldrei í svona mikl-
um mæli" sagði Ólafur, „og að
mínu mati á hreinlega að leggja
Grænmetisverslunina niður og
leyfa frjálsan innflutning á kart-
öflum."
— Þér líst sem sé vel á nýju
kartöflurnar?
„Já, en mér finnst þær vera tölu-
vert dýrari en áður. Hinsvegar
kemur það náttúrulega út á eitt, að
kaupa ódýrar skemmdar kartöflur
sem enda í ruslafötunni í stórum
stíl, eða borga aðeins meira og fá
þá það sem maður er að borga
fyrir" sagði Ólafur Ingimundarson.
Kaupi ekki kartöflur fyrr en
einokun Grænmetisversl-
unarinnar verður aflétt
„Nei ég er ekki búin að kaupa mér
nýjar erlendar kartöflur og ætla ekki
að gera það fyrr en einokun Græn-
metisverslunar ríkisins á kartöflu-
sölu hefur verið aflétt og verslun með
kartöflur gefin frjáls,“ sagði Ólöf
Jónsdóttir, húsmóðir og annar eig-
andi Drengjafatastofunnar, þegar
blm. ræddi við hana í stórmarkaðn-
um Miklagarði.
— En hvað um þessa tvo kartöflu-
poka í innkaupakörfunni?
„Þá er ég nú ekki að kaupa fyrir
mig, heldur annan, sjálf nota ég
hrísgrjón og ýmislegt grænmeti
þessa dagana í stað kartafla. Síðast
þegar ég keypti kartöflur voru þær
nær eingöngu ónýtar og þó að það
hafi komið fyrir í gegnum árin að
ég hafi fengið kartöflur þar sem
ein og ein hefur verið skemmd inn-
an um aðrar, þá hefur ástandið
aldrei verið eins slæmt og nú“
sagði ólöf, sem er með þrjá í heim-
ili.
„Þegar kartöflur eru meira og
minna skemmdar, eins og undan-
farið, er til lítils að kaupa þær og
eins og ég sagði þá kaupi ég ekki
kartöflur fyrr en verslun með þær
hefur verið gefin frjáls. Það er
hreinasta óhæfa að fólk skuli vera
þvingað til að kaupa skemmdar
kartöflur frá Grænmetisverslun-
inni, þegar aðrir aðilar eru reiðu-
búnir til að flytja óskemmda vöru
inn til landsins, en fá það ekki. Þó
að þessar undantekningar hafi nú
verið gerðar og séu vissuleg spor í
rétta átt, þá bíð ég með mín inn-
kaup þar tilfrjálsri verslun með
kartöflur hefur verið komið á. Inn-
flutningur á þeim á að heyra undir
viðskiptaráðuneytið eitt, en ekki
einokunaraðila, þannig að neytend-
um sé tryggður valkostur á að
kaupa hjá þeim sem besta vöruna
býður,“ sagði ólöf Jónsdóttir að
lokum.
Rætt við Grétar
Oskarsson
í Vörumarkaðnum í Ármúla hitti blm.
Grétar Óskarsson að máli. Hann
hafði meðal annars einn 2,5 kg. poka
af grískum kartöflum í innkaupakörf-
unni sinni og sagðist lítast vel á þær,
þetta væri ný uppskera og hann hefði
„heldur betur lent illa í lélegu kart-
öflunum sem undanfarið hefur verið
Ólöf Jónsdóttir
boðið upp á, raunar eins og allir aðr-
ir“.
„Það var meira að segja þannig
að þær kartöflur sem virtust ætar,
reyndust gjörsamlega óætar þegar
búið var að sjóða þær,“ segir Grét-
ar. „Jú, þessar kartöflur eru örlítið
dýrari en þessar lélegu, en gæðin
eru örugglega margföld og ég vil
frekar borgar örlítið meira fyrir
vöru sem ég get reitt mig á að sé
heilbrigð og góð,“ sagði Grétar
Óskarsson að lokum.
Lenti heldur betur í
lélegu kartöflunum
Vantar samkeppni í
íslenskar kartöfluverslun
„Nýjung, ætar kartöflur". Þannig voru „nýju“ ítölsku kartöflurnar frá Eggerti
Kristjánssyni og co. hf., sem dreift var I verslanir í gær, merktar í Vönimarkaðnum
á Seltjarnarnesi. „Frjálsu" kartöflurnar renna út á sama tíma og þær finnsku frá
Grænmetinu hreyfast ekkert. Morirunblaðið/ Emilia.
„ÉG var nú svo heppin að eiga góðar
kartöflur heima, sem ég keypti fyrir
hálfum mánuði í stórmarkaðnum í
Kópavogi og hef geymt inni í ískáp.
Þar sem ég bý ein hafa þær dugað
svo að ég hef komist hjá því að kaupa
skemmdar kartöflur," sagði Guðrún
Þorsteinsdóttir, húsmóðir, sem blm.
hitti fyrir í Vörumarkaðnum í Ár-
raúla. Þar var hún að versla ásamt
dóttur sinni og höfðu þær keypt nýjar
grískar kartöflur í versluninni.
„Ég held að það sem vanti í ís-
lenska kartöfluverslun sé sam-
keppni, þannig að svona lagað
endurtaki sig ekki. Hins vegar verð
ég að segja það að íslenskar hús-
mæður eru ekki nógu duglegar við
að láta heyra í sér þegar þær fá í
hendurnar skemmda vöru. Fólk
hefur lent í því á undanförnum ár-
um að kaupa kartöflur sem eru að
einhverju leyti skemmdar og þegja
yfir því, sem á náttúrulega ekki að
gerast. Þó er líklegt að þetta breyt-
„Nýjung, ætar kartöflur“
var auglýst í verzlunum
þetta fyrirkomulag illfram-
kvæmanlegt og rétt að leita ann-
arra leiða. Sagði Gísli að stjórn-
völd yrðu að taka af skarið með
það hvort fyrirtækin mættu
keppa á þessum markaði og fara
eftir þeim óskum neytenda sem
fyrir væru eða hvort þarna ætti
að vera um skömmtun að ræða og
eins hvort fyrirtækin ættu kost á
því að taka að sér dreifingu inn-
lendu framleiðslunnar.
Fulltrúar fimm af þeim sjö að-
ilum sem sótt hafa um innflutn-
ingsleyfi á kartöflum komu sam-
an til óformlegs fundar með
starfsmönnum Verslunarráðs fs-
lands í gær. Þar var bréf ráð-
herra til fyrirtækjanna rætt og
ákveðið að skrifa ráðherranum
bréf, en ekki var látið uppi hvers
efnis það yrði. Samkvæmt heim-
ildum Mbl. er ekki búist við að
línur skýrist um það hvort eða
hvernig fyrirtækin standi sam-
eiginlega að innflutningi kart-
afla, en viðbrögð hafa verið þann-
ig að engan veginn er víst að
fyrirtækin gangi inn í það fyrir-
komulag sem ráðherra hefur boð-
ið upp á.
Hagkaup fékk í morgun nýjar
kartöflur frá Grænmetisverslun
landbúnaðarins, en eins og sagt
var frá hér í blaðinu í gær fékk
verslunin ekki kartöflur úr nýrri
sendingu sem Grænmetisverslun-
in dreifði í verslanir í gær. Gísli
Blöndal fulltrúi framkvæmda-
stjóra Hagkaups sagði í samtali
við blm. Mbl. í gær að hringt
hefði verið frá Grænmetinu þá
um morguninn og spurt hvort
Hagkaup vildi kartöflur. Spurt
ist eitthvað núna þegar fjölmargir
hafa keypt skemmdar kartöflur og
málið snertir fleiri neytendur en
oft áður.
Fólk á að kvarta þegar ástæða er
til og slíkt er hægt í dag. Neyt-
endamál eru að því leyti betur á
vegi stödd en hér fyrir tuttugu,
þrjátíu árum þegar maður varð að
láta sig hafa það sem hægt var að
fá og gat ekkert gert í málinu ef
maður keypti skemmda eða gallaða
vöru.“
Guðrún Þorsteinsdóttir
HEILDVERSLUNIN Eggert Krist-
jánsson og Co. hf. fékk í gærmorg-
un innflutningsleyfi fyrir þeim kart-
öflum sem þeir höfðu keypt og
komnar voru til landsins. Körtöfl-
unum var dreift í verslanir strax
eftir hádegið og var strax mikil sala
í þeim að sögn verslunarmanna
sem blm. ræddi við í gær. Hagkaup
náði ekki að leysa sínar kartöflur út
í gær vegna formsatriða.
Gísli V. Einarsson forstjóri
Eggerts Kristjánssonar og Co. hf.
sagði í samtali við blm. Morgun-
blaðsins í gær að fyrirtækið hefði
orðið að fallast á það sjónarmið
sem fram kom í bréfi landbúnað-
arráðherra til fyrirtækjanna að
þau stæðu saman að innflutn-
ingnum til þess að fá að leysa
vöruna út. Jafnframt hefði því
verið lýst yfir að fyrirtækið teldi
Grétar Óskarsson
hefði verið á móti hvort nokkrar
kartöflur væru til en svarað hefði
verið með því að ekki væri hægt
að sniðganga þessa einu verslun.
I athugasemd sem Mbl. hefur
borist frá Grænmetisversluninni
vegna þessa máls segir að Hag-
kaup hefði fengið allar þær kart-
öflur sem fara áttu í verslanir úti
á landi og færu engar kartöflur
úr þessari sendingu þangað. Gísli
sagði að Hagkaup hefði ekki náð
að leysa þær kartöflur sem fyr-
irtækið á í vörugeymslum út fyrir
helgina. Vantað hefði eitt plagg í
pappírsbunkann sem skila þurfti
í landbúnaðarráðuneytið til að fá
leyfi en þær yrðu leystar út strax
á mánudagsmorgun. Á vegum
Hagkaups, Eggerts Kristjánsson-
ar og Co. hf. og fleiri aðila eru
væntanlegar nýjar kartöflur frá
ýmsum löndum í næstu viku.
Halldór Ólafsson og Anna Kolbrún Jónsdóttir með poka af nýjum erlendum
kartöflum. Ij6am. Mbl. Júlíus.
Nýju kartöflurnar dýr-
ari en líta miklu betur út
„Jú, jú vid ætlum aö reyna þessar
nýju kartöflur," sögðu hjónin Hall-
dór Ólafsson og Anna Kolbrún
Jónsdóttir sem blm. hitti að máli í
Miklagarði, þar sem þau voru að
velja sér kartöflur. Sögðust þau hafa
slæma reynslu af finnsku kartöflun-
um sem voru þær einu á boðstólum
til skamms tíma, „þær voru meira og
minna skemmdar og við þurftum aö
henda upp undir helmingnum af því
sem við keyptum. Að sjálfsögðu á að
gefa innflutning á grænmeti frjálsan.
Nýju kartöflurnar eru nokkru
dýrari en þessar finnsku, en þær
líta líka miklu betur út og ef þær
reynast betri, þá er það augljóst að
það er hagkvæmara að kaupa þær
en kartöflur sem eru meira og
minna skemmdar. Okkur langar að
koma því á framfæri að hann
Pálmi í Hagkaup á þakkir skilið
fyrir sinn þátt í að lækka vöruverð
til neytenda og koma á fót fyrsta
stórmarkaðinum á íslandi," sögðu
þau Halldór og Anna Kolbrún að
lokum.
Ekki keypt kartöflur í mánuð
heimilisins. Síðan hef ég reynt
komast hjá því að kaupa skemmd-
ar kartöflur með þvi að kaupa þær
í stykkjatali og velja þá sjálf í pok-
ann, en mér finnst þær hafa hækk-
að mjög í verði. En mér er nú
kannski ekki svo mikil vorkun, því
að ég er ein í heimili og þarf því
ekki að kaupa jafn mikið inn og oft,
eins og barnafólk.
Ég sé ekkert á móti því að inn-
flutningur á kartöflum sé gefinn
frjáls og hvað sem af verður þá
vona ég að almenningi verði ekki
boðið upp á svona vondar og
skemmdar kartöflur aftur,“ sagði
ólöf Hjálmarsdóttir.
■ ••
„Kartöflur hef ég ekki keypt í mán-
uð, enda hafa þær verið algerlega
óboðlegar. Þær kartöflur sem ég
keypti síðast fannst mér bara svo
vondar að það var ekki hægt aö
leggja sér þær til munns,“ sagði Ólöf
Hjálmarsdóttir, húsmóðir, sem var að
versla í KRON við Stakkahlíð og
hafði keypt þar nýjar kartöflur frá
ísrael.
„Ég man nú ekki eftir því í gegn-
um tíðina, að hafa keypt svona
slæmar kartöflur, en þá verður að
taka það með í dæmið að þegar ég
bjó uppi á Akranesi um 35 ára
skeið, hafði ég minn eigin kartöflu-
garð og ræktaði það sem þurfti til
Ólöf Hjálmarsdóttir
Að tjá upplifun sína í myndverki
Rabbaö við finnsku listakonuna Ullu Rantenen
NÚ UM HELGINA lýkur sýn-
ingu finnsku myndlistarkon-
unnar Ullu Rantanen í Norr-
æna húsinu, en sýningin var
opnuð þann 5. maí sl. og hefur
hlotið góða aðsókn og undir-
tektir. Ulla Rantanen hefur
tvívegis komið til íslands áður
og nokkur verkanna eru köll-
uð Mótíf frá íslandi. Blm.
Mbl. hitti listakonuna að máli
í Norræna húsinu í gær til
smáskrafs.
— Ég kom hingað fyrst til að
taka þátt í námskeiði, segir hún,
og skynjaði þá strax hvað ísland
er spennandi land. Ég varð
gagntekin af dramatíkinni í
landslaginu; það er óbeislað og
ótrúlega fjölbreytt. Þannig
verkar það alténd á mig og þarf
ég þó að koma aftur og fara víð-
ar. Þessar sterku andstæður ís-
lenskrar náttúru hljóta að vera
aflvaki til allrar sköpunar, ann-
að finnst mér næstum óhugs-
andi. Ég geri ráð fyrir því að
segja megi, að allir málarar og
myndlistarmenn verði fyrir
áhrifum frá umhverfi sínu, þó
svo að þeir máli ekki í raunsæis-
eða naturaliskum-stíl. Við hljót-
um að draga til okkar þau áhrif
sem við verðum fyrir og þau eru
síðan tjáð á mismunandi vegu.
Sömu tilhneigingar gætir í Finn-
landi sem annars staðar.
Ulla Rantanen hélt sína fyrstu
sýningu í Helsinki 1961 og segist
þá aðallega hafa unnið grafík-
myndir. Síðan sneri hún sér að
teikningum og svo málverkum.
Hún hefur unnið fjölda viður-
kenninga fyrir verk sín og söfn
víðs vegar um heim keypt af
henni myndir. Sem stendur er
hún á fimmtán ára starfslaunum
hjá finnska ríkinu. Hún segir:
— Það er heilmikið gert fyrir
listamenn af hálfu finnska ríkis-
ins, listamenn í hinum ýmsu
greinum geta fengið slík laun frá
nokkrum mánuðum og upp í
Ulla Rantanen
i
/
mörg ár. Það segir sig sjálft að
það er mikil örvun fyrir lista-
mann að verða þessa aðnjótandi.
— Það er margt fróðlegt að
gerast í myndlistinni bæði í
Finnlandi víða annars staðar.
Það er óhjákvæmilegt að mikil
breyting verði á verkum manns í
áranna rás. Það sem ég er að
gera núna er mjög ólíkt því sem
ég hóf fyrir meira en tuttugu ár-
um. Tjáningarformið breytist,
ný efni, ný tækni kemur til sög-
unnar, ný áhugaefni og mótíf.
Hvað ég er að reyna að segja
með myndverkum mínum? Eg
geri ráð fyrir að ég reyni bara að
nota myndirnar sem tjáningar-
form mitt. Ég reyni að koma til-
finningum mínum, upplifunum
og áhrifum til skila á þessu móti.
Ýmis tákn sem áhorfandi kann
að túlka á annan hátt en ég, en
er ekki þar með sagt að geti ekki
jafnt fengið staðist. Það er alltaf
erfitt að gera grein fyrir því,
hvað maður er að reyna að segja
með verkum sínum. Ég held að
ég geti ekki svarað þessu öðru-
vísi. Rithöfundur skrifar skáld-
sögu, skáld yrkir ljóð, tónskáldj
semur tónverk. Öll erum við að
gera eitt og hið sama, tjá upplif-
un okkar. j, ^
Sjá gagnrýni Hraga ÁsneirsNonar um sýningu
l'llu Kantanen á bLs. 15.