Morgunblaðið - 19.05.1984, Blaðsíða 48
Opid alla daga frá
kl. 11.45-23.30.
AUSTURSTRÆTI22,
INNSTRÆTI,
SÍMI 11633.
Opiö öll fimmtudags-, föstudags-,
laugardags- og sunnudagskvöld
AUSTURSTRÆTI22.
INNSTRÆTI,
SÍMI11340
Vegagerð
trufluð af
huldufólki?
SÖGIJR um állabyggð í Hallands-
björgum í Eyjafirði, gegnt Akureyri,
hafa fengið byr undir báða vængi á
undanfiirnum vikum. Þar er nú verið
að leggja nýjan veg og hefur gengið
á ýmsu við vegarlagninguna. Hafa
ekki fengist viðhlýtandi skýringar á
öllu, sem þar hefur gerst.
Bjarni Gestsson, vélstjóri í
frystihúsi KEA á Oddeyrartanga,
sem kveðst vera „frekar jarðbund-
inn maður að eðlisfari", segist oft
á kvöldin og um nætur hafa séð
ljós í Hallandsnesi, þar sem eng-
inn býr. „Eigum við ekki að segja,
að þarna handan fjarðarins sé
eitthvað það á seyði, sem við
mennirnir kunnum ekki skil á,“
sagði Bjarni í samtali við frétta-
ritara Mbl. á Akureyri.
f grein, sem Helgi Hailgríms-
son, safnvörður á Akureyri, skrif-
aði í tímaritið Heima er best í maí
á sl. ári, þegar yfirstandandi vega-
framkvæmdir voru undirbúnar,
segir m.a. að jarðrask og spreng-
ingar á klettahjöllum hafi Jafnan
verið litnar heldur illu auga af
hulduverum þeim, er í klettunum
búa. Nærtækt dæmi um það eru
atburðir þeir, er gerðust þegar
hefja átti grjótnám í Stofuklöpp
við Krossanes 1962. Svipað átti sér
stað fyrir fáum árum við vegagerð
um Hegranes í Skagafirði, þar
sem hætt var við að sprengja
skarð í gegnum klettahjalla fyrir
tilmæli frá hulduverum ..." segir
Helgi í grein sinni.
Sjá nánar á bls. 14 í blaðinu í dag.
LAUGARDAGUR 19. MAÍ 1984
VERÐ í LAUSASÖLU 20 KR.
Morgunblaðið/ RAX
Berglind Johansen
BERGLIND Johansen, átján ára stulka úr
Reykjavík, var krýnd Ungfrú ísland 1984 í Veit-
ingahúsinu Broadway laust eftir miðnætti í nótt.
Guðlaug Stella Brynjólfsdóttir, átján ára Reykja-
víkurmær, varð í öðru sæti og hún var jafnframt
Ungfrú Island 1984
kjörin Ungfrú Reykjavík 1984. í þriðja sæti varð
Sólveig Þórisdóttir, Reykjavík, fjórða varð Guðný
Benediktsdóttir, Reykjavík, og fimmta Guðrún
Reynisdóttir, Keflavík. Húsfyllir var í Broadway
og var kjöri Berglindar fagnað lengi og innilega.
Leigufiugvél frá danska flugfélaginu Maersk Air kom til Keflavíkurflugvall-
ar í gærkvöldi á vegum Flugleiða. Morgunbiaíið/ KEE.
Allt flug með eðli-
legum hætti í dag
Aðilrr á sáttafundi hjá sáttasemjara kl. 9 í dag en
sáttasemjari vill ekkert um málið segja að svo stöddu
ALLT BENTI til þess í gærkveldi að
fiug Flugleiða í dag yrði með eðli-
legum hætti samkvæmt því sem full-
trúar Flugleiða og flugmanna sögðu í
gærkveldi í samtölum við Morgun-
blaðið, og er skýring þessa sú, eftir
íslendingum bent á
bandarískt leiguskip
„OKKUR hefur verið gefið í skyn að
meðal svara, sem komið hafa frá
bandarískum stjórnvöldum, sé að ís-
lenzk skipafélög eigi þess kost að
taka á leigu eitt af þremur skipum,
sem Maritime Administration leigir
út, á sömu kjörum og Rainbow Navig-
ation hefur til að annast fiutninga
fyrir varnarliðið. Það er óviðunandi
fyrir íslendinga að flytja vörur fyrir
varnarliðið með skipum undir banda-
rískum fána og með bandarískri
áhöfn vegna löggjafar í Bandaríkjun-
um,“ sagði Hörður Sigurgestsson, for-
stjóri Eimskipafélags íslands, í sam-
tali við Mbl.
„Þessi skip eru óhentug til sigl-
inga milli íslands og Bandaríkj-
anna. Þau eru 2.200 tonn, en skip
íslenzku félaganna eru frá 3.500
tonnum í 4.300 tonn. Reynslan hef-
ur kennt okkur að það þarf góð skip
með öflugar vélar til þessara flutn-
inga — sérstaklega yfir vetrarmán-
uðina.
Tveir eða þrír íslenzkir aðilar eru
í siglingum til Bandaríkjanna og
óljóst er hver þeirra ætti að annast
flutningana. Niðurstaðan kynni að
verða einhvers konar samkruil ís-
lenzku félaganna og það teljum við
andstætt þeirri stefnu að sam-
keppni skuli ríkja,“ sagði Hörður
Sigurgestsson.
Samkvæmt upplýsingum sem
Mbl. fékk hjá Eimskipafélagi ís-
lands hefur flutningsstjórn banda-
ríska flotans gefið út þá tilskipun,
að flutningar fyrir varnarliðið skuli
fara með skipum undir banda-
rískum fána og heimild, sem fyrir
hendi hefur verið um flutninga með
íslenzkum skipum, hefur verið
numin úr gildi. Verði einhverjir
flutningar með íslenzkum skipum,
skal sérstaklega haft samband við
flutningastjórnina hverju sinni.
Bandaríska skipafélagið Rainbow
Navigation mun því annast fyrir
varnarliðið alla þá flutninga, sem
mögulega verður við komið.
því sem Morgunblaðið kemst næst,
að deiluaðilar hafa verið boðaðir á
fund hjá ríkissáttasemjara kl. 9 ár-
degis í dag. Er þess því ekki að vænta
að flugmenn verði „veikir" í dag.
Er blaðamaður Morgunblaðsins
sneri sér til Guðlaugs Þorvaldsson-
ar, ríkissáttasemjara í gærkveldi
og spurði hann hverju það sætti, að
hann hefði boðað deiluaðila til sín
á nýjan leik, sagði Guðlaugur að
hann vildi ekkert um málið segja.
Málið væri raunar komið úr hans
höndum, þó svo að hann hefði laga-
heimild til þess að hafa afskipti af
því, en sú heimild hefur aldrei
fram að þessu verið notuð. Heim-
ildin kveður á um að ef ríkissátta-
semjari telur að gagn sé að því að
hann blandi sér í málið, þá megi
hann það.
Jóhannes Ásgeirsson, fram-
kvæmdastjóri Félags íslenskra
flugmanna, var í gær spurður
hversu margir flugmanna þeirra
sem tilkynntu veikindi, hefðu skil-
að inn læknisvottorði, og svaraði
Jóhannes: „Það veit ég ekki, enda
ber þeim ekki skylda til þess að
gera það, þar sem ekki verður til
slíks ætlast af sjúkum mönnum.
Þeim ber að afhenda slíkt vottorð
þegar þeir mæta í vinnu á nýjan
leik.“
Jóhannes var spurður hvað am-
aði að flugmönnunum, en hann
sagðist ekki hafa kynnt sér það.
Hann sagðist hins vegar ekki hafa
ástæðu til þess að ætla annað en að
flug yrði með eðlilegum hætti í dag.
Sjá nánar um þetta mál á bls. 26.
„Frjálsu“
kartöflurn-
ar fljúga út
í G/ER komu í verslanir fyrstu
kartöfiurnar í áratugi, sem ekki
eru fluttar inn af Grænmetisversl-
un landbúnaðarins.
Það voru kartöflur sem Egg-
ert Kristjánsson og co hf. keypti
til landsins frá Ítalíu og Grikk-
landi. Kartöflurnar virðast líka
vel því þær renna út úr verslun-
um á sama tima og finnsku
kartöflurnar frá Grænmetis-
verslun landbúnaðarins seljast
ekkert. „Frjálsu" kartöflunum
er haldið aðgreindum frá þeim
finnsku og oft merktar: „Nýjar
ætar kartöflur".
Sjá fréttir og viðtöl við neytend-
ur á bls. 24 og 25.