Morgunblaðið - 19.05.1984, Blaðsíða 23
MORGUNBLAÐIÐ, LAUGARDAGUR 19. MAÍ 1984
23
Svenn Stray Káre Willoch
Stjórnmál í Noregi:
Hræringar vegna
veikinda
Noregi, 17. maí.
KÁRE WILLOCH, forsætisráð-
herra Noregs, hefur nú verið frá
stöfum vegna sjúkleika í meira en
mánuð og er ólíklegt talið, að
hann taki aftur til starfa fyrir
þinglausnir, sem eru í byrjun júní-
mánaðar. I fjarveru hans hefur
Svenn Stray, utanríkisráðherra,
gegnt embættisskyldum hans.
I Noregi hefur það ekki gerst
eftir stríð, að forsætisráðherra
hafi verið frá störfum jafn lengi
og nú. Árið 1981 neyddist
Oddvar Nordli til að fara í
sjúkrafí en þá sagði hann af sér
embætti til að þjóðin yrði ekki
forsætisráðherralaus í langan
tíma. Að Willioch skuli ekki
fara að dæmi hans nú segir
nokkuð um sterka, pólitíska
stöðu hans og líka það, að í rík-
isstjórninni er enginn sjálfgef-
inn sem eftirmaður hans.
Willoch lagðist á sjúkrahús
vegna þvagrásarsýkingar og
reyndist hún erfiðari viðureign-
ar en læknarnir höfðu átt von á.
Hann mun þó fara heim til sín
nú einhvern næstu daga en má
ekki snúa aftur til starfa fyrst
Willochs
um sinn.
Almennt er talið, að Svenn
Stray, utanríkisráðherra, hafi
styrkt mjög stöðu sína með því
að gegna forsætisráðherraemb-
ættinu í forföllum Willochs en
áður hafði hann jafnvel verið
talinn „pólitískt dauður". Var
það vegna óheppilegra ummæla
hans um afskipti Bandaríkja-
manna af málaferlum Róm-
önsku Ameríku og var almælt,
að hann yrði að láta af embætti
með haustinu. Nú þykir það
mjög ólíklegt.
Ósennilegt þykir að Káre
Willoch láti af embætti fyrir
Stórþingskosningarnar 1985 en
ef svo fer þá þykja tveir menn
líklegastir sem eftirmenn hans.
Þeir eru fjármálaráðherrann
Rolf Presthud og iðnaðarráð-
herrann Jan P. Syse. Til álita
kemur einnig Mona Rökke,
dómsmálaráðherra, sem er mjög
vinsæl meðal Norðmanna.
Mörgum hægrimanninum finnst
hún líka vera gott svar við Gro
Harlem-Brundtland, talsmanni
V erkamannaf lokksins.
Austur-Þýskaland:
Brottflutning-
ur fólks á ný
takmarkaður
Berlín, 18. maí Al\
KOMMÚNISTASTJÓRNIN í Austur-Þýzkalandi hefur gefið
út sérstök skilríki, sem eiga að takmarka ferðafrelsi um
60.000 manna þar í landi, og er þetta greinilega gert í því
augnamiði að hindra brottför þeirra mörgu, sem flytjast vilja
úr landi til Vestur-Þýzkalands.
Margir þeirra, sem haft hafa
hug á því að fara úr landi, hafa
verið skyldaðir til þess að af-
henda sín venjulegu persónu-
skilríki og taka við öðrum sér-
stökum skilríkjum í staðinn, sem
venjulega eru ætluð vandræða-
fólki. Skilríki þessi, sem ein-
kennd eru sem „PM 12“, fela í
sér, að handahöfum þeirra er
bannað að yfirgefa heimaborg
sína eða byggðarlag og þeim er
meinað að sækja sum samkomu-
hús og veitingastaði.
Fyrir skömmu fóru 40 manns í
mótmælagöngu gegnum borgina
Jena og báru þeir þessi nýju
skilríki um hálsinn til þess að
vekja athygli á hlutskipti sínu.
Hefur þetta fólk komið saman á
hverjum degi á útiveitingastað
einum til þess að reyna að knýja
yfirvöld til að leyfa þeim að
flytjast úr landi.
Yfir 25.000 manns hafa farið
frá Austur-Þýzkalandi á þessu
ári, flestir á fyrstu mánuðum
þessa árs, er leyfi til brottflutn-
ings voru rýmkuð.
Nelson gamli í
hreingerningu
Hreingerningamenn hafa unnið
að því síðustu daga að þrífa
styttuna miklu af Nelson aðmír-
ál sem trónir yfir Trafalgartorgi
í Lundúnum. Er heldur óvenju-
leg sjón að sjá þessa tígulegu
styttu með stiga upp að nefinu.
Stjórnarsinnar ná yfir-
höndinni á Filippseyjum
Manila, 18. maí. Al\
Á fimmta degi atkvæðatalningar-
innar í þingkosningunum á Filipps-
eyjum leit svo út sem flokkur Marc-
osar forseta væri kominn fram úr
stjórnarandstöðuflokkunum. Er 71 %
atkvæða verið talin, hafði stjórnar-
flokkurinn annað hvort sigrað eða
tekið forystuna í 98 kjördæmum en
stjórnarandstæðingar í 89. Úrslit
höfðu aðeins verið kunngerð í 64
kjördæmum og af þeim höfðu stuðn-
ingsmenn Marcosar sigrað í 40 kjör-
dæmum en andstæðingar forsetans í
22 og óháðir í 2 kjördæmum.
Árangur stjórnarandstæðinga í
kosningunum er samt miklu meiri
en búizt hafði verið við fyrir kosn-
ingarnar. Einn helzti leiðtogi
stjórnarandstæðinga, Salvador H.
Laurel, sakaði samt stjórnvöld í
dag um víðtæk kosningasvik og að
hafa ýmist keypt upp atkvæði í
stórum stíl eða beitt hótunum til
þess að hafa áhrif á kjósendur.
Einn af ráðherrum Marcosar
svaraði í sömu mynt í dag. Theo-
doro Pena, orkumálaráðherra,
sem féll í kosningunum nú og
verður því að segja af sér embætti,
ásakaði stjórnarandstöðuna á
eynni Palawan um „stórfellda
hryðjuverkastarfsemi, hótanir og
kosningasvik".
bílar á staðnum
N.M.C. Cordia 1600 GLS árg. ’83, rauöur.
W.V. Passat CL árg. ’82, blár.
W.V. Golf árg. ’79, rauöur.
W.V. Golf GTI árg. ’79, silfur.
M.M.C. Sapporo 1600 GL árg. ’81, blásans.
M.M.C. Pajero bensín árg. ’83, rauöur.
Range Rover árg. ’83, hvítur.
W.V. Passat árg. ’80, blásans.
Mazda 929, station, árg. ’80, rauöur.
Cortina árg. ’74, græn.
OPIÐ I DAG FRA 1—5
[hIheklahf
Laugavegi 170-172 Simi 21240
RUL-LET heimilisfilmar L\\J • Er nú 33% magnmeiri, en á sama veröi oc fl UL ■ LET VEUIÐ ÞAÐ BESTA jV 3
Tilboð sem veröur ekki endurtekiö SÍÐASTI DAGUR f DAG
30% staðgreiðsluafsláttur af öllum vörum verzlunarinnar
ATH: OPIÐ: Tilboöiö veröur alla daga frá kl. 9—6 laugard. 19.5. opiö frá kl. 10—3 e.h. ekki endurtekiö. jrjr ft /W TT ' _ Síðasti dagur K.M. HUSgOgll - 19. maí. Langholtsvegur 111 — Símar 37010 — 37144 — Reykjavík.