Morgunblaðið - 20.06.1984, Blaðsíða 2

2
MORGUNBLAÐIÐ, MIÐVIKUDAGUR 20. JÚNÍ 1984
Olía hækkar - en
álagning lækkar
— bensínverð óbreytt
VERÐLAGSRÁÐ heimilaði í gær
4,7% hækkun á gasolíu og 11,7%
hækkun á svartolíu. Með því fá olíu-
félögin liðlega helming þeirrar
hækkunar, sem farið var fram á en
álagning þeirra lækkaði jafnframt
nokkuð. Hlutfallslega lækkaði
álagning á bensíni mest, eða um 11
aura, en bensínverð helst óbreytt.
Óskað hafði verið eftir 10 aura
hækkun pr. lítra, eða úr 22,30 kr. í
22,40 kr. Álagning á gasolíu lækkaði
um 6 aura á lítrann og áiagning á
svartolíu um 64 krónur á tonnið.
Eftir hækkunina kostar lítrinn
af gasolíu 8,90 kr. en kostaði áður
8,50 kr. Farið hafði verið fram á
8,2% hækkun eða í 9,20 kr. Tonnið
af svartolíu kostar eftir hækkun-
ina 8.100 krónur en farið hafði
verið fram á 20% hækkun, eða í
8.700 krónur.
Georg Ólafsson, verðlagsstjóri,
sagði í samtali við blaðamann
Mbl., að ástæða hækkunarinnar
væri stöðug hækkun Bandaríkja-
dals, sem leiddi af sér hærra inn-
kaupsverð og versnandi staða á
innkaupajöfnunarreikningi olíufé-
laganna, sem nú er 50 milljón
króna halli á. „Síðan mánaðamót-
in ágúst/september í fyrra hefur
dollarinn hækkað um 5,5% en á
sama tíma hefur gasolía hækkað
um 1,1% og svartolían um 8%,“
sagði Georg. „Hækkuninni nú
valda því aðstæður, sem við fáum
ekki ráðið við.“
Næsti fundur Verðlagsráðs
verður haldinn á mánudaginn. Þá
verður tekin til afgreiðslu tillaga
um að aflétta verðlagsákvæðum af
tækjum og vélum, þar með töldum
bifreiðum.
6,5 % fiskverðs-
hækkun þarf til
að jafna muninn
— sé miðað við svartolíutogara, segir
Kristján Ragnarsson um olíuverðshækkunina
„ÞESSI olíuverðshækkun þýðir rúm-
lega 100 milljóna króna aukningu ár-
legra útgjalda útgerðarinnar. Sé miðað
við skip, sem brennir svartolíu, þarf
fiskverð að hækka um 6,5% til að brúa
bilið, sem þarna hefur nú myndazt,"
sagði Kristján Ragnarsson, fram-
kvæmdastjóri LÍÚ, er blm. Morgun-
blaðsins innti hann eftir áhrifum
olíuverðhækkunarinnar á stöðu út-
gerðar.
„Ég undrast að ríkisstjórnin skuli
treysta sér til þess að ákveða þetta,
án þess hún sé, svo mér sé kunnugt,
búin að taka neina afstöðu til þess,
hvernig þeir, sem eiga að þola þetta,
eigi að mæta því. Það er eins og
menn geri sér ekki nokkra grein
fyrir því hve staða útgerðarinnar er
erfið, ef þeir halda að þetta geti
gengið yfir. Þetta er bara viðbótar-
vandi við þann, sem menn hafa ver-
ið að tala um og viðurkennt," sagði
Kristján.
Þórður Ásgeirsson, forstjóri Olíu-
verzlunar ísíands, sagði í samtali
við blm. Morgunblaðsins, að hann
gæti ekki tjáð sig að öðru leyti um
þessa hækkun, en sagt, að óljóst
væri hvort hún dygði til þess að
stöðva útstreymið af innkaupajöfn-
unarreikningi olíufélaganna. Það
hefði enn ekki verið reiknað út, en ef
það dygði, væri auðveldara að sætta
sig við hve lítil hækkunin hefði orð-
ið. Það væri Ijóst, að hallann á inn-
kaupajöfnunarreikningnum, um 50
milljónir króna, yrði að rétta af.

Sr. Kristján Róbertsson ásamt fermingarbörnum sínum fyrir framan kirkjuna 17. júní sl., en þá var síða.st
messað í henni.
/
Afhelgun Þórodds-
staðakirkju frestað
„ÞAÐ er nú þannig með gömul
kirkjuhús að ef að þau eru nýtileg
þá er ákaflega æskilegt að þau geti
þjónað sínum tilgangi áfram, þar
sem það er hægt,“ sagði Pétur Sig-
urgeirsson, biskup, í samtaii við
Mbl. Afhelgun Þóroddstaðakirkju
í Köldukinn í S-Þingeyjasýslu sem
átti að fara fram 17. júní sl. var
frestað að beiðni hans, sem og öðr-
um framkvæmdum við þetta 99
ára gamla kirkjuhús. Æskulýðs-
samband Þjóðkirkjunnar hefur
sýnt því áhuga að fá kirkjuhúsið í
sumarbúðir kirkjunnar við Vest-
mannsvatn.
Endanleg ákvörðun um sölu
hússins til Æskulýðssambands-
ins hefur ekki verið tekin. Að
sögn Baldvins Baldurssonar á
eftir að kanna hvort ásigkomu-
lag hússins leyfi slíka flutninga,
það væri væri nokkuð illa farið
og yrði viðgerð á því væntanlega
mjög kostnaðarsöm. Baldvin
sagði að endanleg ákvörðun um
afdrif kirkjunnar yrði í höndum
safnaðarins, en framkvæmdir
við byggingu nýrrar kirkju hóf-
ust á sl. ári.
Hjörleifur Stefánsson, arki-
tekt fer norður síðar í þessari
viku til að dæma um ástand hús-
sins. Hann kvaðst ekki geta sagt
til um það hversu mikið þyrfti að
styrkja kirkjuna fyrir slíka
flutninga. Hjörleifur sagði kirkj-
una vera merkilegt hús, nægði
að líta á það eitt að hún hefði
gegnt hlutverki sínu í hartnær
hundrað ár.
„Það kostar auðvitað geysi-
mikið að gera við kirkjuna, þakið
er ónýtt, undirstöður lélegar og
hún er farin að skekkjast. En ef
við fáum hana, eins og við erum
að vonast til, þá verður gert við
húsið hér við Vestmannsvatn,"
sagði sr. Sigurður Guðmunds-
son, vígslubiskup og prófastur á
Grenjaðarstað. Sr. Sigurður
kvað það hafa verið lengi á
stefnuskrá Æskulýðssambands-
ins að fá kirkju á Vestmanns-
vatn, því hefði verið gefin Sval-
barðskirkja á sínum tíma, en
vegna erfiðleika á flutningi
hennar til Vestmannsvatns hefði
orðið samkomulag um að flytja
hana til Akureyrar. Til þessa
Altaristafla hinnar 99 ára gömlu
kirkju. Töfluna málaði Sveinungi
málari Sveinungason og er hún
nokkru yngri en kirkjan.
hefur kirkjan á Grenjaðarstað
verið notuð á vegum Æskulýðs-
sambandsins. Sagði sr. Sigurður
að ef Æskulýðssambandið fengi
Þóroddstaðakirkju mætti nota
hana daglega í starfi sumarbúð-
anna.
Utanríkisþjónustan:
Sendiherrar
færðir til
TALSVERÐAR breytingar verða f ís-
lensku utanríkisþjónustunni í haust
og fyrrihluta vetrar, skv. upplýsing-
um, sem Mbl. hefur aflað sér. Meg-
inástæðan er sú, að Henrik Sv.
Björnsson, sendiherra íslands hjá
Atlantshafsbandalaginu í Brussel,
lætur af störfum fyrir aldurs sakir í
haust en hann verður 70 ára 2. sept-
ember nk.
Samkvæmt upplýsingum Morg-
unblaðsins verður nýr sendiherra
og fastafulltrúi hjá NATO Tómas
Á. Tómasson, sem nú er sendi-
herra í París. í hans stað kemur
Haraldur Kröyer, sendiherra í
Moskvu. Páll Asgeir Tryggvason,
sendiherra í Osló, fer til Moskvu
og við sendiherrastöðunni í Osló
tekur Níels P. Sigurðsson, sendi-
herra, sem undanfarin misseri
hefur starfað hér heima í utanrík-
isráðuneytinu.
rcT
.INNLENT,
Asbjorn Haugstvedt, viðskiptaráðherra Noregs, og eiginkona hans, Aida,
fóru á fund forseta íslands, Vigdísar Finnbogadóttur, og var þeim meðal
annars sýnt þar Ijósritað eintak af Jónsbók.
Heimsókn norska viðskiptaráðherrans:
Fór til Vestmanna-
eyja í skoðunarferð
NORSKI viðskiptaráðherrann, Asbjorn
Haugstvedt, sem nú er staddur hér á
landi í boði viðskiptaráðherra ræddi í
gærmorgun við Matthías Á. Mathie-
sen, viðskiptaráðherra, Halldór Ás-
grímsson, sjávarútvegsráðherra, og
Steingrím Hermannsson, forsætisráð-
herra.
Að loknum fundi þeirra var farin
skoðunarferð til Vestmannaeyja þar
sem ráðherranum voru sýndar eld-
stöðvarnar og hraunið og skoðaði
hann síðan hitaveitu Vestmanney-
inga. Því næst borðaði hann hádeg-
isverð í boði bæjarstjórnarinnar í
Vestmannaeyjum og var síðan farið
í nánari skoðunarferð um bæinn.
Um klukkan 17 var gengið á fund
forseta Islands, frú Vigdísar Finn-
bogadóttur, á Bessastöðum þar sem
ráðherranum var sýnt forsetasetrið
og Bessastaðakirkja.
í gærkveldi sat ráðherrann kvöld-
verðarboð f Ráðherrabústaðnum
sem haldið var honum og konu hans
til heiðurs.
Heimsókn ráðherrans lýkur á
morgun en í dag mun hann fara í
skoðunarferð austur að Gullfossi og
Geysi og skoða Skálholtskirkju.
Það höfðu ekki allir
umboð stjórna sinna
til stöðvunar nú
— segir Ólafur Gunnarsson, framkvæmdastjóri
„ÞAÐ er biðstaða á öllum sviðum
þessa máls nú og er það meðal
annars skýringin á því, að við höf-
um ákveðið að fresta því um einn
mánuð að sigla skipum okkar í
land. Fiskverð er ókomið, LÍÚ
hefur ákveðið að bíða, sjávarút-
vegsráðherra er á leið utan og auk
þess höfðu ekki allir okkar um-
boð stjórna sinna til þess að taka
ákvörðun um stöðvun nú,“ sagði
Ólafur Gunnarsson, fram-
kvæmdastjóri SVN í Neskaup-
stað, er Morgunblaðið innti hann
skýringa á frestun aðgerða Aust-
firðinga.
Ólafur sagði ennfremur, að á
fundi, sem þeir Austfirðingar
hefðu átt með sjávarútvegsráð-
herra á mánudag, hefði ekkert
komið fram af hans hálfu, sem
benti til þess, að sjávarútvegi yrðu
sköpuð starfsskilyrði af núverandi
ríkisstjórn. Ráðherrann hefði ekki
komið með neitt, sem máli skipti í
þessu sambandi og engin vissa
væri fyrir aðgerðum í átt til
lausnar vandanum. Það væri því
fyrst og fremst biðstaðan nú, sem
valdið hefði frestuninni.
Ólafur sagði ennfremur, að þeir
Austfirðingar hefðu ekki getað
gert neina kröfu til annarra út-
vegsmannafélaga um samstöðu,
þar sem ekki hefði verið haft sam-
ráð við þau, en hann hefði þó von-
ast til þess, að samþykktir þeirra
vegna rekstrarvandans hefðu orð-
ið harðari en raun hefði borið
vitni. Mönnum hrysi hugur við
því, að skera á lífæð byggðarlag-
anna með því að stöðva skipin. Út-
gerðin væri undirstaða búsetu í
sjávarplássunum á Austfjörðum
og sú tregða útgerðarmanna að
stöðva skip sín af þeim sökum
hefði verið misnotuð af stjórn-
völdum um alllangan tíma.
Útvegsmannafélag Akraness
hafði boðað stöðvun skipa sinna 8.
júlí næstkomandi, en ekki hefur
verið tekin ákvörðun um það,
hvort þeirri dagsetningu verði
breytt í kjölfar ákvörðunar Aust-
firðinga.