Morgunblaðið - 20.06.1984, Blaðsíða 20

20
MORGUNBLAÐIÐ, MIDVIKUDAGUR 20. JÚNÍ 1984
Sumarferðir aldraðra í Reykjavík:
„Fólk á ekki að loka sig
inni meðan það getur annað“
Sumarferðir aldraðra, sem
farnar eru á vegum Félagsmála-
stofnunar Reykjavíkurborgar,
eru nú að hefjast eftir veturinn
og verður farið í þá fyrstu
fimmtudaginn 21. júní. Þá er
ætlunin að líta á söfn og sýn-
ingar í Reykjavík og verður
væntanlega litið á eitthvað af
því, sem verið hefur á boðstólum
Listahátíðar í sýningarsölum
borgarinnar.
Um hundrað manns voru
staddir á „opnu húsi“ að Norður-
brún 1. í víkunni sem leið og var
spilað á spil af miklum móð þeg-
ar blm. leit þar inn og spjallaði
um sumarstarfið við starfsfóik
og gesti.
„Þetta er fimmtánda sumarið
sem farið er í þessar ferðir, en
þær hófust í apríl 1969 og allir
ellilífeyrisþegar í Reykjavík eiga
rétt á þátttöku í þeim,“ sagði
Þórir S. Guðbergsson, yfirmaður
málefna aldraðra hjá Reykjavík-
urborg. „Viðbrögðin við þeim
voru strax með eindæmum góð
og þörfin fyrir þessa starfsemi
sést best á því, að árið 1973 voru
ellilífeyrisþegar í Reykjavík
rúmlega 7.000 talsins, en 1. des-
ember 1983 voru þeir orðnir
9.800.“
Anna Þrúður Þorkelsdóttir,
forstöðumaður félagsstarfsemi
aldraðra að Furugerði 1, sagði að
þátttakan í ferðunum væri yfir-
leitt mjög góð, þó að hún færi að
sjálfsögðu nokkuð eftir veðrátt-
unni. En starfsfólk Félagsmála-
stofnunar tekur þátt í öllum
ferðum og einnig er leiðsögu-
maður með í för. „Þetta voru
upphaflega bara dagsferðir en
síðan hefur þeim fjölgað og
teygst úr þeim,“ sagði hún.
„Undanfarin ár hafa verið farn-
ar allt að þrettán ferðir yfir
sumarið; dagsferðir og tveggja
til þriggja daga ferðir. Árið 1974
var svo byrjað á sólarlandaferð-
um og nú eru oftast farnar tvær
á ári, ein að vori og önnur að
hausti. Þær eru afar vinsælar og
það hefur verið komist að mjög
góðum kjörum við ferðaskrif-
stofurnar. f utanlandsferðum
eru alltaf aukafararstjóri og
hjúkrunarfræðingur með í ferð-
inni og er mikið öryggi fólgið í
því. Fjöldi fólks.sem hefur farið,
er það lasburða að það hefði ekki
getað nýtt sér þessar ferðir ef
ekki væri boðið upp á þá þjón-
ustu.“
Þórir sagðist vona, að sem
flestir ellilífeyrisþegar gerðu sér
grein fyrir því að þessi þjónusta
væri fyrir hendi og nýttu sér
hana, en auk ferðanna stendur
Félagsmálastofnun fyrir marg-
víslegri starfsemi fyrir aldraða,
m.a. „opnu húsi“ þar sem er spil-
að, lesið og teflt og boðið upp á
ýmis konar þjónustu, s.s. bóka-
útlán, hársnyrtingu og fótaað-
Sabina Jóhannsdóttir, nýkomin úr
Portúgalsferð.
(Ljósm. Mbl. Kristján Einarsson.)
ur heilsan verið svo góð að ég hef
treyst mér hvert á land sem er,“
sagði Guðmundur, en hann hefur
m.a. farið oftar en einu sinni til
Ameríku að heimsækja dætur
sínar þar og sleppir helst ekki úr
ferð með Félagsmálastofnun-
inni. „Ég er búinn að fara á Snæ-
fellsnesið og Garðsskagann og
margt fleira. En ánægjulegasta
ferðin fannst mér vera austur á
Egilsstaði. Veðrið var svo gott og
þetta var í fyrsta skipti sem ég
kom austur," sagði Guðmundur.
En hann er Dalamaður, fæddur
og uppalinn í Sauðhúsum í Lax-
árdal.
„Mér finnst að sem flestir
ættu að drífa sig út úr íbúðun-
um. Það versta, sem aldrað fólk
getur gert sjálfu sér, er að loka
sig inni meðan það getur annað,“
sagði Sabina Jóhannsdóttir, sem
sjálf er nýkomin heim úr Port-
úgalsferð á vegum Félagsmála-
stofnunar. Áður hefur Sabina
farið til Spánar og lauk hún
miklu lofsorði á þjónustuna við
aldraða í þessum ferðum. „Svo
hef ég tekið þátt í orlofsferð til
Löngumýrar og líkaði vel,“ sagði
Sabina. En orlofsferðirnar hafa
um árabil verið skipulagðar i
samvinnu við þjóðkirkjuna.
Sabina var þó ekki í neinum
ferðahugleiðingum þennan dag,
heldur var hún komin til þess að
grípa í spil eins og flestir á
staðnum. „Ef við getum komið
spilamennskunni við, þá gerum
við það,“ sagði hún. „Ég spila
flesta daga vikunnar, a.m.k. á
veturna. En það er reyndar
margt annað sem hægt er að
taka sér fyrir hendur hérna. Að-
alatriðið er, að loka sig ekki inni
og nota sína heilsu meðan maður
getur,“ sagði Sabina að lokum og
var þar með horfin á vit spilafé-
laganna.
Brídge spilað af miklum móó í „opnu húsi“ að Norðurbrún 1.
Anna Þrúður Þorkelsdóttir, Þórír Guðbergsson og Kristín Jónasdóttir.
gerðir. Félagsstarfsemi aldraðra
fer fram á fjórum stöðum í
Reykjavík, en höfuðstöðvarnar
eru við Norðurbrúnina og þar er
Helena Halldórsdóttir forstöðu-
maður.
Helena var í fríi þegar blm.
bar að garði, en þær Ánna Þrúð-
ur og Kristín Jónasdóttir, að-
stoðarforstöðumaður, voru á því,
að þegar fólk væri byrjað að
taka þátt í félagsstarfseminni
héldi það því áfram. Sumir væru
hins vegar seinir að koma sér að
því.
„Verð vafalaust með næst“
„Ég er búin að fara í fleiri
ferðir en ég hef tölu á og verð
vafalaust með í þeirri næstu,“
sagði Guðmundur Benediktsson,
annar tveggja gesta, sem teknir
voru tali í „opna húsinu“ við
Norðurbrúnina. Guðmundur
verður 86 ára í haust og segir
heilsuna sjaldan hafa verið
betri.
„Ég er búin að ferðast ákaf-
lega mikið undanfarin ár. Síðan
þeir lengdu á mér annan fótinn
til jafns við hinn, árið 1974, hef-
Guðmundur Benediktsson, sem
verður 86 ira í haust, segir heils-
una sjaldan hafa verið betrí og
sleppir helst ekki úr ferð með Fé-
lagsmálastofnun.
Húsavík:
Batnandi ferðaþjónusta
Húsavík. 17. júní.
í VIKUNNI verður rútuferðum á
leiðinni Húsavík-Akureyri-Húsavík
fjölgað allmikið.
Um er að ræða, að sérleyfishaf-
inn á leiðinni hefur ákveðið að
hafa ferðir alla daga vikunnar og
tvær ferðir á föstudögum sem
hlýtur að teljast mikil framför í
þjónustu á þessari leið, en ferðir
alla daga vikunnar hafa ekki verið
síðan innanlandsflug hófst hér, en
þá dró mjög úr akstri fólksflutn-
ingabíla.
Björn Sigurðsson á Húsavík tók
við þessu sérleyfi fyrir þremur ár-
um og hefur stöðugt unnið að
endurbótum á þjónustu sem var
vægast sagt mjög lítil. Keyptur
var nýr bíll á leiðina, einn full-
komnasti bíllinn í dag, með drif á
ölium hjólum og getur hann kom-
ist leiðar sinnar jafnt sumar sem
vetur og er það mikið öryggi fyrir
farþega að vera í bíl sem hægt er
að treysta á.
í sambandi við samgöngumál
yfirleitt er óhætt að fullyrða að í
Þingeyjarsýslu hafa aldrei verið
til jafnmargar rútur og nú um
þessar mundir en þeim hefur
fjölgað ört á síðustu 2—3 árum.
Sem dæmi þá hefur rútum fjölgað
á Húsavík einni úr 2 í 6 á sl. 3
árum.
Þá er það næsta víst að það sé
einsdæmi að utan Reykjavíkur
hafi tveimur aðilum verið veitt
sérleyfí út frá sama stað, en það
hefur einmitt gerst hér, og mun
það óhjákvæmilega orsaka mikla
samkeppni og þenslu á þessum
markaði sem er ekki stór.
Aðspurður sagði Björn Sigurðs-
son að rekstur á þessari leið stæði
og félli meö fargjöldum og sem
stendur eru þau of lág, m.a. vegna
þess að samgönguráðuneytið mið-
ar við að leiðin milli Húsavíkur og
Akureyrar sé 91 km en leiðin eða
vegalengdin sem rútan fer er 105
km um Víkurskarð en ráðuneytið
hefur ekki viljað fallast á það og
miðar gjaldskrá sina við 91 km.
Þá sagðist Björn vera að fara
hópferð til Norðurlandanna i vik-
unni og yrði farið með Norröna á
milli landa og ekið á rútu vítt og
breitt um Norðurlönd en vaxandi
áhugi væri fyrir svona ferðum.
Hann hefði farið með hóp til Fær-
eyja í fyrra og hefði sú ferð tekist
ljómandi vel og vonandi yrði eins
með þessa ferð, þannig að fram-
hald yrði á svona ferðum.
í sambandi við ferðirnar Húsa-
vík-Akureyri-Húsavík sagði Björn
að áætlunin tengdist flesta daga
áætlun Norðurleiðar til og frá Ak-
ureyri og er vonandi að sem flestir
geti haft not af því.
— ÞE.