Morgunblaðið - 08.12.1984, Qupperneq 2

2
MORGUNBLAÐIÐ, LAUGARDAGUR 8. DESEMBER 1984
Nýja Reykjanesbrautin:
Tilboð Hagvirk-
is var 50 % undir
kostnaðaráætlun
NÝLEGA voru opnuð tilboð í lagningu Reykjancsbrautar, frá Vífilsstaðavegi
að Breiðholtsbraut í Mjóddinni. Níu tilboð bárust og voru þau öll lægri en
kostnaðaráætlun Vegagerðar ríkisins. Lægsta tilboðið var frá Hagvirki, 16,6
milljónir króna, sem er um 50%af kostnaðaráætluninni.
Jóhann Bergþórsson, forstjóri
Hagvirkis, sagði í samtali við Mbl.
að fyrirtækið byggði frumáætlan-
ir sínar á því að vinna verkið
hratt. Notaðar yrðu stórvirkar
vinnuvélar sem þessa dagana
væru að ljúka verkefnum sínum
við Kvislaveitu. Sagði Jóhann
fyrirhugað að byrja á verkinu
strax eftir áramótin og ljúka því
fyrir næsta haust. í útboði Vega-
gerðarinnar var hins vegar gert
ráð fyrir skilatíma í maí 1986.
Vegarkaflinn er um 3,5 km að
lengd. Lagning bundins slitlags á
veginn er ekki inni í útboðinu.
Kostnaðaráætlun Vegagerðarinn-
ar hljóðaði upp á 32,8 milljónir kr.
Næstlægsta tilboðið var frá Loft-
orku, 19,2 milljónir. Hæsta tilboð-
ið hljóðaði upp á 29,7 milljónir eða
um 90% af kostnaðaráætlun. Að
sögn Jóns Rðgnvaldssonar hjá
Vegagerðinni hefur ekki verið
gengið til samninga um verkið, en
bjóst hann við að það yrði gert í
næstu viku.
Myndin sýnir hvar nýja Reykjanesbrautin endar við Vífilsstaðaveg og svæðið
sem hún verður lögð eftir, en hún tengist Breiðholtsbraut f Mjóddinni.
Ljósmynd/Friðþjófur.
Rauði kross íslands 60 ára
Rauði kross íslands heldur í dag bítíðlegt 60 ára afmteli sitt Af því tilefni er kominn hingað til lands
aðalframkvæmdastjóri Alþjóðasambands Rauða kross-félaga, Hans Höeg. Sést hann hér í hópi íslenskra Rauða
kross-manna í gærkvöldi. Talið frá vinstri: Björn Tryggvason, Benedikt Blöndal, Hans Höeg og Björn Frið-
finnsson.
760 þúsund lestir af loðnu hafa veiðzt á árinu:
Búið að veiða upp
í aflamark á þorski
Ekki horfur á að aflamark annarra tegunda náist
YFIR.STANDANDI ár er þegar orðið eitt mesta aflaár í sögu landsins. Um
síðustu mánaðamót var heildaraflinn orðinn 1.367.258 lestir. Aðeins árin
1978 til 1981 hefur heildaraflinn orðið meiri en þegar er orðið, en þá var
hann á bilinu 1.434.595 lestir til 1.640.688 lestir. Nú munar mestu um
rúmlega 760.000 lesta loðnuafla en í fyrra nam hann á sama tíma 63.107
lestum. Botnfiskaflinn er á hinn bóginn nú um 22.000 lestum minni en í fyrra
og lítur út fyrir að leyfilegt aflamark
marki nánast náð.
Þorskaflinn í nóvember var
1.356 lestum meiri en í sama mán-
uði í fyrra, afli báta var nú 2.635
lestum meiri, en togara 1.279 lest-
um minni. Annar botnfiskafli er
hins vegar 536 lestum meiri nú.
Það, sem af er árinu, hefur
þorskaflinn dregizt saman um
rúmar 20.000 lestir og er sá sam-
dráttur allur hjá bátum og gott
betur, þar sem þorskafli togara er
náist ekki nema í þorski, en þar er
nú tæpum 3.000 lestum meiri en á
sama tíma í fyrra. Annar botn-
fiskafli er nú 21.703 lestum minni
en á sama tíma í fyrra, hjá bátum
tæplega 6.000 lestum minni og hjá
togurum tæplega 16.000 lestum
minni. Síldaraflinn um mánaða-
mótin var 5.807 lestum minni en í
fyrra. Heildaraflinn var um mán-
aðamótin orðinn 1.367.258 lestir á
móti 714.183 lestum í fyrra eða
653.075 lestum meiri.
Þorskaflinn um mánaðamótin
var orðinn 256.264 lestir, en leyfi-
legt aflamagn var 257.000. Fyrstu
10 mánuði ársins var ýsuaflinn
orðinn um 40.000 lestir (65.000), af
karfa 98.000 (119.000), af ufsa
56.000 (77.000) og grálúðu 27.000
(32.000) lestir. Leyfilegt aflamagn
er í svigunum. Miðað við afla þess-
ara tegunda tvo síðustu mánuði
síðasta árs lítur út fyrir að leyfi-
legt aflamagn þessara tegunda ná-
ist ekki. Það stefnir því í að 19.000
lestir vanti upp á ýsukvótann,
16.000 á ufsakvótann, 8.000 á
karfakvótann og 4.000 upp á grá-
lúðukvótann. Verði þorskafli í des-
ember sá sami og í fyrra verður
heildaraflinn 268.000 lestir eða
11.000 umfram leyfilegt magn.
Ríkisstjórnin og Sjálfstæðisflokkurinn:
Olíumengaði saltfiskurinn úr Stuðlafossi:
Engar breytingar án
samkomulags allra aðila
— sagði Þorsteinn Pálsson á miðstjórnarfundi
Á MIÐffTJÓRNARFUNDI Sjálfstæðisflokksins síðastliðinn þriðjudag
skýrði Matthías Bjarnason, heilbrigðis- og tryggingaráðherra, frá því að
hann hefði sagt Þorsteini Pálssyni, formanni Sjáifstæðisflokksins, frá því
tveimur til þremur mánuðum eftir landsfund flokksins, sem haldinn var í
nóvember 1983, að sér væri það ekki fast í hendi að vera ráðherra. Gaf
Matthías þá til kynna, að hann yrði tilbúinn til að standa upp úr ráðherra-
stólnum nú í haust. Á fundinum staðfesti Þorsteinn Pálsson, að þetta
væri rétt.
Matthías Bjarnason sagði, að
formaður flokksins hefði þá sagt
við sig, að þetta leysti í sjálfu sér
engan vanda. Matthías sagði síð-
an, að eftir þetta hefði byrjað
óskaplegur „draugagangur" í
Sjálfstæðisflokknum eins og
hann orðaði það. Og umtal orðið
um það að reka ætti menn úr
ríkisstjórninni. Málum væri svo
komið nú að hann væri alls ekki
tilbúinn til að standa upp úr sín-
um ráðherrastóli. Það væri langt
frá því. Hann hefði ekki gleymt
Seltjarnarnessræðu Friðriks
Sophussonar, varaformanns
flokksins. Formenn flokka hefðu
ekki alltaf setið í ríkisstjórn. Til
dæmis hefði ólafur Thors verið
utan stjórnar, Jónas Jónsson frá
Hriflu og Hermann Jónasson.
Þorsteinn Pálsson lýsti þeirri
skoðun sinni á fundinum, að
hann hefði talið það rétt eftir
landsfund flokksins að starfa
utan ríkisstjórnar og hann sæi
ekki eftir þeirri ákvörðun. Það
væri rétt að Matthías Bjarnason
hefði greint sér frá því síðastlið-
ið vor, að hann væri til með að
hætta í ríkisstjórn í haust. Itrek-
aði Þorsteinn að hann teldi það
ekki leysa neinn vanda. Sér væri
ekkert kappsmál að fara í ríkis-
stjórn en hann væri auðvitað
reiðubúinn að axla þá ábyrgð
sem starf hans sem formaður
flokksins krefðist. Hann hefði
lagt það pólitíska mat sitt, að
eftir byltuna i kjarasamningun-
um yrði að styrkja stjórnina
fyrir ráðherra flokksins snemma
i nóvember. Við þvi hefði hann
ekki fengið neitt svar. Þá lagði
Þorsteinn Pálsson áherslu á að.
hann mundi ekki stuðla að þvi
eða gera neina tillögu um breyt-
ingu á stöðu Sjálfstæðisflokks-
ins í þessari ríkisstjórn með
átökum, annað hvort yrði það
gert í samkomulagi og sam-
kvæmt tillögu ráðherra flokks-
ins eða ekki.
Ónýtar 25 lestir að
verðmæti 2 milljónir
Hugsanlegur aukatollur 4 milljónir
VeNtmannaeyjum, 7. desember.
í DAG voru hér fulltrúar SÍF, mats-
menn og tjónaskoðunarmenn, til
þess að skoða og meta skemmdir á
þeim 500 tonnum af saltfiski sem
skipa varð á land hér í vikunni
vegna olíumengunar 1 afturlestum
Stuðlafoss. Ákveðið var að fara í
gegnum allan farminn í Vestmanna-
eyjum en Ijóst er talið að mikill
meirihluti fisksins hefur alveg slopp-
ið við olíumengunina.
Samkvæmt heimildum Mbl. er
talið að um 5% þeirra 500 tonna
sem voru í afturlestum MS Stuðla-
foss, eða um 25 tonn, hafi eyði-
lagst. Er það tjón metið á um 2
milljónir kr. Auk þess kemur til
mikill kostnaður vegna umpökk-
unar, mats og geymslu fisksins í
Vestmannaeyjum. Þá er með öllu
óljóst hvort undanþága fæst í
Portúgai fyrir þessi 500 tonn frá
12% innflutningstolli sem kemur
til framkvæmda þar í landi þann
12. desember. Tollur af þessu
magni, kæmi hann til, yrði um 4
milljónir kr.
—hkj.
Ríkissjóður:
200jþús. kr. til
RKÍ-söfnunar
RÍKISSTJÓRNIN ákvað á fundi sín-
um í gærmorgun að leggja fram 200
þúsund kr. í söfnun Rauða Kross ís-
lands til bágstaddra í Eþíópíu.
Rauði Krossinn á íslandi fór fram
á að ríkissjóður legði fram sinn skerf
til söfnunarinnar og samþykkti rfk-
isstjórnin að leggja fram sömu upp-
hæð og Rauði Kross fslands leggur
sjálfur fram til söfnunarinnar.