Morgunblaðið - 12.12.1984, Blaðsíða 2
2
MORGUNBLADIÐ, MIÐVIKUDAGUR 12. DESEMBER 1984
Hreinsað til í vinnslusal Jökuls eftir brunann.
MorgunblaíiS/Friðþjófur.
Endurbyggjum frysti-
húsið á Raufarhöfn eða
staðurinn leggst niður
— segir Gunnar Hilmarsson sveitarstjóri
Raufarborn II. denember.
„Það er hverjum og einum Ijóst,
bæði hér á Kaufarhöfn og annars
staðar á landinu, að annaðhvort
endurbyggjum við frystihúsið og
helst þyrfti einnig að byggja við
það, eða þá við leggjum staðinn
niður í álongum, eins og sumir
málsmetandi menn hafa orðað
það,“ sagði Gunnar Hilmarsson
sveitarstjóri á Raufarhöfn, þegar
blm. Morgunblaðsins ræddi við
hann í dag um það stóráfall sem
byggðarlagið varð fyrir í gær, þeg-
ar frystihús Jökuls hf. brann.
„Einn Ijós punktur er þó, sem
ég get sagt frá,“ sagði Gunnar
ennfremur, „en það er að stjórn
Framkvæmdastofnunar ríkisins
samþykkti á fundi sínum i dag,
að Byggðasjóður skyldi lána i
nýbyggingu frystihússins, en við
höfum lengi átt þar umsókn
liggjandi og var það alveg óháð
því áfalli sem við höfum nú orðið
fyrir. Þessi umsókn okkar var á
dagskrá stofnunarinnar til af-
greiðslu í dag, löngu áður en til
brunans kom, en ef til vill hefur
hann þó ýtt enn frekar á þessa
afgreiðslu."
Tjón það sem í brunanum varð
hefur enn ekki verið metið, þar
sem fulltrúar tryggingafélag-
anna, Brunabótafélagsins og Al-
mennra trygginga, komust ekki
til Raufarhafnar í dag en eru
væntanlegir á morgun. Menn frá
Rafmagnseftirliti ríkisins voru
fram til kvölds að kanna upptök
eldsins og virðist allt benda til
þess að kviknað hafi í út frá
tveggja kílóvatta rafmagnsblás-
ara í vélstjóraherbergi frysti-
hússins. í dag hefur verið unnið
að því að koma frosti á lítinn
beitufrystiklefa hússins til þess
að hægt yrði að koma birgðum
þar til geymslu og jafnvel þá
einnig að taka upp einhverja
vinnslu í frystihúsinu, þar sem
vinnslusalur virðist hafa sloppið
tiltölulega vel í brunanum og
hugsanlegt að þar mætti hefja
vinnslu aftur innan skamms
tíma. Þá var í dag keyrt tvö þús-
und kössum af frystum fiski til
Þórshafnar í geymslu þar og á
morgun er ætlunin að nokkur
hluti kvennanna úr frystihúsinu
verði keyrður til Þórshafnar til
vinnu þar.
Stjórn Jökuls hf. fundaði í
dag, var þar meðal annars rætt
um þann möguleika, að á meðan
á endurbyggingu frystihússins
stendur, verði í auknum mæli
farið út í saltfiskvinnslu en til
þess að svo megi verða í ein-
hverjum mæli vantar flatnings-
vélar til fyrirtækisins. Eins og er
liggur ljóst fyrir, að stjórn Jök-
uls hf. er harðákveðin f að hraða
endurbyggingu frystihússins,
svo sem veröa ma og leitar allra
leiða til þess að þetta óhapp
þurfi sem minnst að koma við
starfsfólk fyrirtækisins. Af-
greiðsla Framkvæmdastofnunar
í dag gefur vissar vonir um að
þessi fyrirætlan takist, en ljóst
er þó að veruleg fyrirgreiðsla
þarf til að koma frá fleiri aöilum
á meðan ekki liggur fyrir um úr-
slit þessara mála, horfir um
þriðjungur verkafólks á Rauf-
arhöfn fram á atvinnuleysi
áfram, en vinna hafði legið niðri
hjá fyrirtækinu um átta vikna
skeið, þar til í byrjun desember.
Karlmenn munu að vísu fá at-
vinnu við uppbygginguna, en
kvenfólk, sem hjá Jökli hefur
unnið, verður nú annað tveggja
að fara á atvinnuleysisbætur að
nýju, ellegar sækja vinnu til
Þórshafnar, en þangað er um
klukkustundar ferð.
Gunnar Hilmarsson sveitar-
stjóri er jafnframt formaður
stjórnar Jökuls. Hann sagði að
lokum í viðtali við Morgunblað-
ið: „Ég held að öll stjórn félags-
ins og þá jafnframt sveitar-
stjórnin, sé sammála um að taka
nú þegar rækilega til höndum og
endurbygging fyrirtækisins
verði látin sitja fyrir öllu öðru.
Það er spursmál um líf eða
dauða fyrirtækisins að okkur
takist að leysa þessi mál farsæl-
lega og án þess að verulegur
dráttur verði á framkvæmdum."
G. Berg.
Byggðasjóður aðstoðar Raufarhafnarbúa:
Frystihúsið verði
í eigu heimamanna
— segir Halldór Blöndal alþingismaður
STJOKN Framkvæmdastofnunar
ríklsins samþykkti á fundi í gær-
morgun að Byggðasjóður aðstoðaði
við uppbyggingu hraðfrystihúss á
Raufarhöfn í samvinnu við Fisk-
veiðasjóð og heimamenn en frysti-
húss Jökuls hf. skemmdist mikið af
völdum elds í fyrradag eins og kunn-
ugt er.
„Stofnunin mun fylgjast mjög
náið með undirbúningi og fram-
kvæmd þessa verks og munu menn
frá henni fara norður sem allra
fyrst til að kynna sér ástandið og
gefa stjórninni skýrslu um það,“
sagði Halldór Blöndal, alþingis-
maður og stjórnarmaður í Fram-
kvæmdastofnun, í samtali við blm.
Mbl. „Sjálfur vil ég leggja áherslu
á nauðsyn þess að þessi uppbygg-
ing geti orðið með þeim hætti að
Jökli hf. verði komið á eðlilegan og
heilbrigðan starfsgrundvöll og
þetta undirstöðufyrirtæki Rauf-
arhafnar geti verið í eigu bæj-
arbúa eins og verið hefur. Ég held
að það sé afskaplega mikilvægt að
í hverju byggðarlagi sé vel rekið
atvinnufyrirtæki ( eigu heima-
manna,“ sagði Halldór einnig.
Halldór sagði, þegar hann var
spurður um hugsanlega meiri-
hlutaeign kaupfélaganna á Kópa-
skeri og Þórshöfn í nýju hrað-
frystihúsi á Raufarhöfn: „Fyrir
fundinum lá umsókn frá fram-
kvæmdastjóra Jökuls hf. þar sem
óskað var eftir lánafyrirgreiðslu
til uppbyggingar frystihúss á
þeim grundvelli að Kaupfélag
Norður-Þingeyinga og Kaupfélag
Langnesinga komi inn sem mjög
stórir hluthafar og ef til vill
meirihlutaeigendur. í þessu sam-
bandi vil ég ítreka það sem ég
sagði áðan að ég tel það óeðlilega
þróun og vil ekki sætta mig við að
engin ráð séu til þess að tryggja
það að Raufarhafnarbúar séu
áfram húsbændur yfir frystihúsi
staðarins."
Lækkandi ísfisk-
verð í Englandi
MARKAÐSVERÐ á ísflski í Eng-
landi fer nú lækkandi vegna tölu-
verðs framboðs, en verð í Þýzka-
landi stendur heldur betur. Frá því á
mánudag hafa eftirtalin skip selt
afla sinn í þessum tveimur löndum.
Þorleifur Jónsson HF seldi 115
lestir í Hull á mánudag. Heildar-
verð var 3.692.000 krónur, meðal-
verð 32,11. Aflinn var blandaður,
þorskur, ýsa og grálúða. Sama dag
seldi Þórunn Sveinsdóttir VE 54
lestir, aðallega þorsk, í Grimsby.
Heildarverð var 1.837.800 krónur,
meðalverð 34,03. Snæfugl SU seldi
173,5 lestir í Bremerhaven á
mánudag og þriðjudag. Heildar-
verð var 5.469.200 krónur, meðal-
verð 31,52. Aflinn var blandaður,
mest grálúða, karfi og þorskur.
Votaberg SU seldi 62,1 lest, aðal-
lega ufsa í Cuxhaven á þriðjudag.
Heildarverð var 1.506.700 krónur,
meðalverð 24,27. Loks seldi Ýmir
HF 84,2 lestir í Cuxhaven sama
dag. Heildarverð var 2.889.400
krónur, meðalverð 34,31. Aflinn
var mestmegnis karfi.
Uppboðið í Kaupmannahöfn:
jt
Esjumynd Asgríms
seld á 190.000 kr.
Kaupm.nnah«rn, 11. desember, frá Guðrúnu L. Aageirsdóltur. fréttarilara Mbl.
MÁLVERK Ásgríms Jónssonar, Fjallið Esja, var í dag selt á uppboði hér
fyrir 52 þúsund danskar krónur eða sem svarar tæplega 190 þúsund ísl.
krónum. Tvö önnur verk Ásgríms voru seld á 34 þúsund og 20 þúsund
danskar krónur, eða sem svarar 123 þúsund ísl. krónum og 72.400
krónum. Kaupandi myndanna var Klausturhólar í Reykjavík. Mynd eftir
Gunnlaug Blöndal var seld á 33 þúsund danskar krónur (120 þús. ísl.),
myndir eftir Erró á 15 og níu þúsund danskar krónur, eða sem svarar 54
þúsund ísl. og 32.500 ísl. kr.
Upplagseftirlitið:
Fyrstu tölur birtar
í byrjun næsta árs
Listmunauppboð Arne Bruun
Rasmussen hófst á hádegi í dag í
húsakynnum uppboðshaldaranna
við Bredgade. Var þar þröng á
þingi og nokkur spenna í lofti en
þó misjöfn eftir því hvaða nöfn
voru í boði.
Fjórtán málverk eftir sex ís-
lenska listamenn verða seld á upp-
boðinu og er þeim gert mjög hátt
undir höfði í sýningarskrá. Þar
eru birtar myndir af tíu íslensku
málverkanna og hefðu verið ellefu
ef málverk Jóns Stefánssonar
hefði ekki borist of seint. I skránni
eru tæplega fjörutíu myndir af 489
listaverkum, sem boðin eru upp I
stafrófsröð listamannanna, mál-
Endurskoðunarstofan N. Mancher
og co. hefur tekið að sér að fram-
kvæma upplagseftirlit Verslunarráðs
íslands. Samningur um eftirlitið var
undirritaður fyrir um ári og er búist
við að fyrstu tölur verði birtar í febrú-
ar eða mars nk. Morgunblaðið er eina
dagblaðið sem tekur þátt í upplagseft-
irlitinu enn sem komið er, að sögn
Áma Árnasonar, framkvæmdastjóra
Verslunarráðs fslands.
Árni sagði í samtali við blm. Mbl.
að í fyrstunni yrði upplag og dreif-
ing tímarita júlí til desember 1984
könnuð og birt í febrúar eða mars
1985. Síðan yrði nettóupplag og
greidd eintök könnuð fyrri helming
næsta árs og tölur um það birtar
eftir mitt ár. Sagði hann að ekki
hefði reynst unnt að kanna fjölda
greiddra eintaka vegna mismunandi
bókhalds útgáfufyrirtækjanna en
það yrði samræmt frá og með ára-
mótum.
Dagur á Akureyri er þátttakandi í
upplagseftirlitinu og eftirfarandi
tímarit: Tímarit Sam-útgáfunnar,
Gestgjafinn, Sjómannablaðið Vík-
ingur, Skák, tímarit Höslu hf., ís-
lenska ullin, tímarit Fjölnis hf. og
Heilbrigðismál. Sagði Arni að blöð
og tímarit hefðu enn möguleika til
að vera með frá byrjun.
Esjumynd Ásgríms
verk og höggmyndir saman. Síðan
koma svo húsgögn, teikningar og
grafíkmyndir.
í dag voru málverk Gunnlaugs
Blöndal, Errós og Ásgríms Jóns-
sonar boðin upp en í fyrramálið
eru Kjarvalsmálverkin fimm með-
al uppboðsverkanna og síðdegis á
morgun kemur röðin að Jóni Stef-
ánssyni og Júlíönu Sveinsdóttur.
Fór mynd Gunnlaugs Blöndal af
fiskibátum í Siglufjarðarhöfn með
Hólshyrnuna í baksýn á Dkr.
33.000 (120 þús. ísl.), en það mál-
verk hefur hangið undanfarnar
vikur í sýningargluggum Bruun
Rasmussen ásamt tveimur Kjarv-
alsmálverkum. Málverk Errós
voru slegin óþekktum kaupanda á
15.000 og 9.000 danskar krónur,
sem var mun lægra verð en búist
hafði verið við. Gekk uppboðið síð-
an hratt á köflum og fóru mörg
dönsku málverkanna undir mats-
verði, frá 2000—5000 krónum, og
sum á aðeins fáein hundruð
danskra króna.
Svo kom að málverkum Ásgríms
Jónssonar og færðist þá heldur
fjör í leikinn. Boðið var á báðar
hendur og voru öll málverkin sleg-
in fulltrúa Klausturhóla í Reykja-
vík, Guðmundi Axelssyni. Fjallið
Esja fór á 52.000 danskar krónur,
Þingvallamyndin á 34.000 og
vatnslitamynd á 20 þúsund.
Næstur á eftir Ásgrími kom
hinn frægi danski málari Asger
Jorn. Varð hörð barátta um verk
hans og fór hið dýrasta á 270 þús-
und krónur danskar, eða sem svar-
ar tæplega einni milljón ísl. króna.