Morgunblaðið - 12.12.1984, Blaðsíða 58
58
MORGUNBLAÐIÐ, MIDVIKUDAGUR 12. DESEMBER 1984
fclk f (é*
fréttum
Eigendurnir Marta
Bjarnadóttir, Þórar-
inn Ólafsson og dótt-
ir þeirra Nína Þórar-
insdóttir.
Verzlunin Company
Hjónin Marta Bjarnadóttir
og Þórarinn Ólafsson
opnuðu sína þriðju verzlun,
„Company", í Reykjavík síðasta
íaugardag, en þau eiga einnig
tízkuverzlanirnar Evu og Gall-
ery.
Blm. hafði samband við Mörtu
og spurði hverskonar vöru þau
hygðust selja í verzluninni.
I augnablikinu erum við með
jóla-„collection“ frá In-Wear- og
Matinique-merkjunum. Það eru
einnig nokkur frönsk merki með
inn á milli..Uppi á lofti í verzl-
uninni erum við með myndir frá
Andy Warhol. Það er ýmislegt
fleira til sölu en fatnaður, við
erum með skartgripi, snyrtivör-
ur frá Stephanie Duszka, sem
eingöngu eru seldar hér, og fleiri
smávörur, og í framtíðinni er
ætlunin að hafa fleira en fatnað
á boðstólum. Það verða ýmsar
vörur og breytilegar á hverjum
tíma. Við stefnum að því að hafa
alltaf eitthvað nýtt fyrir augað.
Það má einnig geta þess að við
munum selja erlend tímarit sem
ekki hafa verið á boðstólum
hérlendis fyrr, en þau munu
taka fyrir það nýjasta í tízku,
list og kvikmyndum í París og
London.
Verzlunin Company
Morgunblaöið/Friðþjófur
Ruth málar
sp*
með munninum
Ruth Christensen málari en enginn venju-
legur málari því hún notar ekki hendur né
fætur við listsköpun sína heldur munninn. Þegar
hún var 11 ára og úti að hjóla kom hún að lest-
arteinum og hélt að hún myndi komast yfir áður
en lestin kæmi. En þar hafði hún ekki á réttu að
standa og báðar hendurnar fóru af er þær urðu
undir lestinni. Ruth býr ásamt móður sinni og
syni sem er 19 ára.
Tina
Turner
á hvíta
tjaldi
Tina Turner hyggst nú
sýna hæfileika sína
að nýju á hvíta tjaldinu f
mynd sem er kennd við
söguna um „Mad Max“ og
með aðalhlutverk í henni
fer Mel Gibson. Þá er
bara að vona að Tinu
gangi eins vel í leikkonu-
hlutverkinu og henni gekk
með sfðasta lagið sitt,
„What’s Love Got to Do
with It“.
Eiginhandaráritun
fyrir aðdáendur
Hér sjáum við nóbelsverðlaunaskáldið okkar Halldór Laxness
vera að rita á bók sína fyrir aðdáendur.
Nemendur fá
endurskinsmerki
Kiwanisfélagar úr Jörfa í Árbæjarhverfi afhentu nemendum í Ár-
bæjarskóla endurskinsmerki nú f haust, eins og undanfarin ár, en
þetta er fastur liður í starfi klúbbsins. Hér næla Kiwanismennirnir
Tómas Jónsson forseti Jörfa og Gunnar Berg Björnsson merki í úlpur
yngstu nemendanna í skólanum.
#1