Morgunblaðið - 20.12.1984, Page 84

84
MORGUNBLAÐIÐ, FIMMTUDAGUR 20. DESEMBER 1984
fclk í
fréttum
Þau Nastassia og Ibrahim hafa lengi
reynt að leyna sambandi sínu fyrir
almenningi, en nú gerist þess ekki
þörf lengur.
Litli Aljosha fékk að vera með alla
athöfnina.
Tveir tólf ára drengir
meðal efstu skákmanna
Borgardómari að nafni Daniel Leddy gaf þau saman í hjónaband.
Um síðustu helgi fór fram 27.
helgarskákmótið sem haldið
var á Biönduósi og á Skagaströnd.
Það vakti athygli, eins og greint
hefur verið frá í dagblöðum, að
tveir tólf ára drengir urðu í hópi
efstu skákmanna. Hannes Hlífar
Stefánsson varð í 5. sæti með
fimm vinninga og Þröstur Árna-
son varð í 9. sæti með fjóra vinn-
inga. Blm. fannst ekki úr vegi að
spjalla stuttlega við þá félaga og
spyrja þá fyrst hvenær þeir hefðu
byrjað að tefla.
— Hannes sagðist hafa lært
mannganginn aðeins fimm ára af
bróður sínum og Þröstur var á
sama máli, sagðist hafa lært hann
fimm til sex ára af föður sínum,
en kvaðst hafa lært mikið af því
að horfa á bróður sinn og föður
vera að tefla í gegnum tíðina. Þeir
æfa saman hjá Taflfélagi Reykja-
víkur og hafa gert um árabil eða
síðan 1981. Hannes er í sjötta bekk
Fellaskóla en Þröstur í Seljaskóla,
og báðir sparka þeir í bolta ef frí
vinnst frá skákinni. Þeir hafa tek-
ið þátt í mótum erlendis, bæði í
Bandaríkjunum og víðar og náð
umtalsverðum árangri. Þeir kváð-
ust ætla að halda áfram núna af
fullu kappi og við óskum þeim alls
hins besta, enda næsta mót í
febrúar.
Þröstur Árnason Hannes H. Stefánsson
Þeir félagar æfa saman hjá Taflfélagi Reykjavíkur.
Nastassia Kinski og
Ibrahim Moussa í hjónaband
Nastassia Kinski er gengin í
það heilaga með Egyptanum
Ibrahim Moussa en athöfnin fór
fram í fámenni á Carlyle-hótelinu
í New York. Ibrahim er faðir
barnsins hennar, hins þriggja
mánaða Aljosha Kakynski Moussa
sem var með við brúðkaupið. Þau
hjón hafa þekkst í nokkuð langan
tíma, en haldið því leyndu eins og
þau gátu fyrir almenningi. Hún
sagði eftir brúðkaupið: „Þetta
nýja fjölskyldumynstur hefur
gert mig óumræðilega hamingju-
sama. Mér finnst ég vera komin í
örugga höfn og ég sé loksins orðin
fullorðin. Ég ætla ekki að hætta
að vinna og sonur minn skal fá að
læra að standa á eigin fótum. Þó
ég elski hann, verður hann að vera
sinnar eigin gæfu smiður."
Morífunbladiö/KLE
Ný verzlun við Laugaveg
Xið er verslun sem nýlega opnaði á Laugavegi
33. Það er fyrirtækið Lilja-kistan sem stendur
að versluninni, en hún mun selja tískufatnað og þá
aðallega breskan. Meðal annars verða föt frá
Mignon Matthews og Sue Clowes á boðstólum og
Warehouse-verslununum en þess má geta að Boy
George er einn af föstum viðskiptavinum Clowes.
Unnur Steinsson brá sér í flíkur fyrir blm. sem við
birtum með.

John James og unnusta
Fyrir þá sem ekki hafa séð unnustu John James úr Dynasty áður,
þá er hún hér á síðunni í dag og heitir Marcia Wolf. Hún hefur
nú vanist ljósmyndurunum að mestu en tekur þó varan á og notar
dökku sólgleraugun við öll tækifæri. Eftir því sem blm. veit best,
hefur þetta samband staðið í nokkurn tíma og virðist allt vera í
lukkunnar velstandi.
I