Morgunblaðið - 21.12.1984, Qupperneq 10

10
MORGUNBLAÐIÐ, FÖSTUDAGUR 21. DESEMBER 1984
Hvernig breytast bílar
milli ára?
Ýmsar útlitsbreytingar verða með 1985 írgerðinni af Mazda 323, stuð-
ari hefur stskkað og svuntur eru nú sambyggðar. Þá eru hliðarnar
plastklsddar að utanverðu neðan hliðarlista o.fl. Á innfelldu myndinni
er B-2000, sem er alveg nýr bíll.
Nýr fólksbfll frá
Mazda og breyt-
ingar á öðrum
ÝMSAR breytingar verða á
Mazda-bflum milli ára bsði í útliti
og búnaði, veruleg breyting verður
á stsrri fólksflutningabfl og alveg
nýr „pirk-up“ bfll kemur á mark-
að.
Mazda 323 fær nýtt og íburð-
armeira útlit með 1985 árgerð-
inni, er nú m.a. með stærri stuð-
ara, sem eru með sambyggðri
neðri svuntu. Þá eru hliðar bíls-
ins plastklæddar að utanverðu
fyrir neðan hliðarlista. Einnig
bætist við innfelld rauð rönd í
stuðurum ásamt nýjum röndum
á hliðum. Nýir litir að innan og
utan hafa bæst við ’85 línuna.
Þá verður sú breyting á Mazda
626 með '85 árgerðinni að hann
verður fáanlegur með beinni
innspýtingu næsta sumar og
einnig tölvustýrðum dempurum,
auk annarra minniháttar breyt-
inga á innréttingu og útliti og
nýrra lita. Með 1985 árgerðinni
verða allar útgáfur af Mazda 626
með svokölluðu GLX útliti.
Með nýrri árgerð verður sú
breyting á Mazda 929 Sedan og
Hardtop að bein innspýting
verður fáanleg. Aðrar minni-
háttar breytingar verða á inn-
réttingu og útliti.
Þá bætist alveg nýr bíll við,
þar sem er B-2000 og B-2200
„pick-up“-bíllinn. Er hann nýr í
öllu tilliti, nýtt útlit, ný vél og
annar vélrænn búnaður, miðað
við forvera hans. Þá er von á
þessum bíl fjórdrifnum, en
ótrúlega kemur sú breyting með
1985 árgerðinni.
Þá er Bongo-bíllinn verulega
breyttur frá forvera hans, sem
var fyrst og fremst sendibill. Nú
er Bongo framleiddur fyrst og
fremst sem fólksbíll og er orðinn
fjórdrifinn, en það er nýjung. Er
hann og heldur styttri með nýrri
árgerð. Verður hann innréttaður
fyrir 9 menn í sæti þótt aðrir
möguleikar séu fyrir hendi.
Verður hann fimm hurða, þ.e.
með rennihurðum á báðum hlið-
um. Vélin hefur verið stækkuð í
1800 rúmsentimetra, en þar er
um að ræða nánast sömu vélina
og í Mazda 626.
Fóiksbfllinn nýi er styttri en forverinn, en drif er nú á öllum hjólunum
fjórum og vélin stærri.
Messur í Stykkishólmi
Stjkkishólmi 19. desember.
SEINUSTU ferðir á Snæfellsnes eru
fyrirhugaðar fyrir jól sem hér segir:
Seinasta ferð áætlunarbflsins verður
fram og til baka á Þorláksmessu ef
veður leyfir. Þá fer Baldur seinustu
ferðina til Flateyjar og Brjánslækjar
laugardaginn 22. þessa mánaðar.
Messur um jólin í Stykkishólmi
verða þannig: I kaþólsku kirkjunni
helgistund á Þorláksmessu klukk-
an 14.30 og hámessa á miðnætti
jólanætur. Einnig verður messa
klukkan 10 á jóladag; gamlársdag
klukkan 18 og nýársdag klukkan
10. í Stykkishólmskirkju aftan-
söngur aðfangadag klukkan 18,
fjölskyldumessa á jóladag klukkan
11 og messa á gamlársdag klukkan
Í8.
— Árni
Beinar útsendingar hafn-
ar í „Villavídeói44 í Ólafsvík
VILL/I
VIDEO
Stillimynd myndbandakerfisins á Ólafsvík.
Olafsvík, 18. desember.
„SVO KANN að fara, að þeir Ólafs-
víkingar, sem ekki komast til jóla-
guðsþjónustunnar, eigi þess kost að
hlýða á hana og sjá í beinni útsend-
ingu frá Ólafsvflturkirkju, fái „Villa-
vídeó“ leyfi sóknarprestsins til að
senda beint frá henni tij félags-
manna sinna,“ sagði Hans Óli Hans-
son, stjórnarmaður í „Villavídeói" í
Ólafsvík í samtali við fréttaritara
Morgunblaðsins, en í dag sýndi
„Villavídeó" í beinni útsendingu frá
litlu jólunum í grunnskólanum.
„Stjórn „Villavídeós" mun ræða
við prestinn um þetta næstu daga,
en hann er ekki heima eins og er.
Með hliðsjón af því að kirkjan er
ævinlega fullsetin á jólum, auk
þess sem eldri borgarar eiga vont
með að fara ef eitthvað er að
veðri, hljótum við að vonast til að
leyfið fáist," sagði Hans Óli.
„Villavideó" fagnar nú þriðja
áfanganum í starfsemi sinni. Sá
fyrsti var auðvitað þegar við byrj-
uðum, annar áfanginn var stækk-
unin og þessi er sá þriðji, sá, að nú
er okkur kleift að senda efni beint
úr húsnæði grunnskólans og
sömuleiðis úr Ólafsvíkurkirkju.
Til þess að þetta væri hægt kom-
um við fyrir sendingarbúnaði í
skólanum og magnara. Annar
magnari er svo í kirkjunni. Lagður
var kapall frá skólanum um kirkj-
una, 700 til 800 metra leið heim að
Skipholti 6, en þar, á heimili Vil-
helms Árnasonar, eru aðalstöðvar
okkar," sagði Hans Óli.
„Það hefur verið okkur til mikils
ama, að þurfa að starfa utan við
lög,“ sagði Hans Óli. „Það bráð-
vantar lög um þessa starfsemi.
Fundur forstöðumanna kapal-
kerfa sendi menntamálaráðherra
fyrir allnokkru áskorun um að
veita leyfi til bráðabirgða, en ekk-
ert svar hefur borist ennþá, það ég
veit. Við trúum því hins vegar ekki
að Alþingi setji lög um þessi efni á
annan hátt en þann, að koma til
móts við nútimalegar þarfir og
vilja fólks,“ sagði Hans Oli.
Aðspurður sagði Hans Óli, að
hann hafi ekki orðið var neinna
þröskulda á vegi þeirra hjá „Villa-
videói“. „Skólastjórinn, Gunnar
Hjartarson, hefur verið okkur
mjög innan handar enda sjá menn
í hendi sér, að nú getum við svo
um munar notfært okkur mögu-
leika tækninnar til að nota „Villa-
vídeó“ til aukinnar menningar í
byggðarlaginu, með heimaunnu
efni, beinum útsendingum frá
ýmsum viðburðum og jafnvel
kennslu," sagði Hans Oli. „„Víd-
eó“-klúbburinn gæti enn aukið og
bætt starfsemina. Þá á ég við að
íbúar Neshrepps, utan Ennis,
tengdust okkur. Þá þarf reyndar
þráðlausa tækni, skerm á báðum
stöðum. Það yrði íbúum beggja
staða til ánægju og gagns. Ég vil
samt taka það fram, að þetta eru
aðeins hugrenningar ennþá. Það
er samt engin ástæða til að láta
þetta ógert, heldur gera „Villa-
vídeó" að öflugu menningartæki í
þágu beggja byggðarlaganna.
Helgi.
40 % hækkun fasteignagjalda á Akureyri:
„Skattagleðin hefur
tekið völd í herbúðum
meirihlutans á ný“
— sagði Gunnar Ragnars, bæjarfulltrúi sjálfstæðismanna
Akureyri 19. desember.
„ÉG FÆ EKKI skilið hvernig meirihlutinn hugsar sér að launþegar, sem á
næsta iri munu að líkindum fá aðeins 10% hækkun launa, eiga að standa
undir því að greiða til bæjarfélagsins 40% hærri fasteignagjöld en var á liðnu
ári,“ sagði Gunnar Ragnars, bæjarfulltrúi sjálfstæðismanna, við umræður í
bæjarstjórn Akureyrar um þá ákvörðun meirihluta bæjarstjórnar að hækka
fasteignagjöld á Akureyri um 40% á næsta ári, eins og skýrt var frá í Mbl. í
gær.
Gunnar harmaði það að þessi
sundurlyndi bæjarstjórnarmeiri-
hluti skyldi nú loksins standa sam-
einaður að flutningi slíkrar tillögu,
sem hann kvað berlega sýna það
viðhorf ráðamanna, að ná sem
mestu fé af fólki, sitja síðan í
valdamiklum embættum og útdeila
þéssu fé eftir eigin duttlungum.
Hann taldi bæjarstjórn hafa viður-
kennt á síðasta ári þá skoðun
sjálfstæðismanna í bæjarstjóm, að
minnkandi verðbólga kæmi bæjar-
félaginu til góða eins og öðrum og
því hefðu fasteignagjöld þá aðeins
verið innheimt með 12,5% álagi í
stað 25%, eins og lög leyfðu. En nú
væri horfið frá þessu sjónarmiði og
skattagleðin hefði tekið völdin í
herbúðum meirihlutans.
Þá ræddi Gunnar nokkuð um það
samdráttarástand sem ríkti í at-
vinnumálum á Akureyri og þann
flótta fólks til suðvesturhornsins,
sem verulega hefur borið á undan-
farin ár, og spurði hvort þessi
hækkun væri framlag meirihlutans
til þess að stuðla að enn frekari
fólksflótta frá Akureyri. Hann
taldi þá kjararýrnun sem orðið
hefði á liðnu ári svo alvarlega, að
allan almenning munaði um hverja
krónu, endar næðu oft ekki saman
hjá fjölskyldum og því væri óðs
manns æði að fara að auka útgjöld
íbúðareigenda í bænum á þennan
hátt, enda sýndu nauðungarupp-
boðsauglýsingar í bæjarblöðunum
að undanförnu, að fólk ætti æ erf-
iðara með að standa í skilum gagn-
vart lánardrottnum. Þetta bað
Gunnar þá bæjarfulltrúa að íhuga,
sem ætíð væru í orði málsvarar
launþega, en nýttu hvert tækifæri
á borði til þess að auka á þá álögur.
Gunnar Ragnars benti á, að á
síðasta ári hefðu aðeins verið lögð
12,5% ofan á fasteignagjöld og
þrátt fyrir það hefði tekist að koma
ýmsum málum bæjarfélagsins
verulega áleiðis innan ramma fjár-
hagsáætlunar, fjárhagur bæjar-
sjóðs væri traustur í dag og því
engin ástæða til þessarar hækkun-
ar.
Bæjarfulltrúar meirihlutans
töldu að verðbólga sú sem nú dyndi
yfir í kjölfar nýgerðra kjarasamn-
inga, gerði það nauðsynlegt að
gjöld þessi yrðu hækkuð, þrátt
fyrir það að kaup launþega fylgdi
ekki þessari verðbólgu. Valgerður
Bjarnadóttir K taldi að fasteigna-
skattur væri sanngjarnastur allra
skatta, þar sem ekki væri hægt að
svíkja þar undan, auk þess sem hún
taldi að 9,5% hækkun skattsins
umfram eðlilegar hækkanir skiptu
litlu máli fyrir þá sem litlar eignir
ættu. Meirihlutafulltrúarnir voru
allir sammála um það, að fulltrúar
sjálfstæðismanna bæru ekki hag
launþega fyrir brjósti, heldur stór-
eignamannanna, og að þessi
ágreiningur sem þeir gerðu um
þessa skattlagningu væri fyrst og
fremst áróðursins vegna.
Eftir að 7 bæjarfulltrúar höfðu
greitt þessari skattahækkun at-
kvæði, gegn 4 atkvæðum sjálfstæð-
ismanna, óskuðu bæjarfulltrúar
Sjálfstæðisflokksins eftir að gera
eftirfarandi bókun:
„Sú ákvörðun meirihluta bæjar-
stjórnar að hækka álögur fasteigna
gjalda er veruleg viðbótarskatt-
heimta, langt umfram verðlags-
hækkanir. Þessari hækkun erum
við algjörlega andvíg og teljum
hana óviðunandi fyrir greiðendur
þessara gjalda. Enginn rökstuðn-
ingur liggur fyrir vegna þessarar
ákvörðunar, hvorki um ráðstöfun
þessara fjármuna, né ákvörðun um
aðra skattheimtu. Þessi ákvörðun
meirihlutans er svo andstæð okkar
stjónarmiðum, að við teljum að við
óbreyttar aðstæður séu ekki for-
sendur fyrir samstarfi við gerð
næstu fjárhagsáætlunar bæjar-
sjóðs." GBerg