Morgunblaðið - 22.01.1985, Blaðsíða 20

20
MORGUNBLAÐIÐ, ÞRIDJUDAGUR 22. JANÚAR 1985
Salonga snyr
til Filippseyja
Manila, 21. janúar. AP.
Jovito Salonga leiötogi stjórnarand-
stöðunnar batt end á útlegð, sem
hann fór í að eigin frumkvæði, og var
fagnað innilega af nokkur hundruð
manns er hann kom frá Bandaríkjun-
um til Filippseyja. Salonga sagði við
Réðust írakar
á þrjú skip?
Bagdad, 21. janúar. AP.
ÍRASKAR orrustuþotur gerðu árásir
á þrjú skip nærri olíuútflutningshöfn
frana á Karg-eyju á sunnudag og
sneru heilu og höldnu til baka, að
sögn herstjórnarinnar í írak.
I tilkynningu herstjórnarinnar
sagði að hæfð hefðu verið tvö stór
skotmörk á sjó og eitt mjög stórt.
Venjulega er átt við skip, þegar svo
er tekið til orða. Gert var hlé á
útsendingum sjónvarpsins í frak til
að skýra frá árásunum.
Þessar meintu árásir hafa ekki
verið staðfestar.
heimkomuna að eyjaskeggjar yrðu að
berjast fyrír eigin frelsi.
Salonga, sem er 64 ára, er sagður
koma heim með samþykki Marcos-
ar forseta, sem kveðst fagna
sterkari stjórnarandstöðu. Hefur
Marcos látið fella niður kæru á
hendur Salonga fyrir undirróður.
Við komuna kvaðst Salonga
mundu einbeita sér að því að sam-
eina stjórnarandstöðuna, sem
sundruð er í marga flokka og fylk-
ingar, sem eiga í innbyrðis sam-
keppni. Kveðst Salonga fylgjandi
því að bandarískum herstöðvum
verði lokað, en vill ekki gera það að
stórmáli. Bandaríkin segja her-
stöðvarnar nauðsynlegar öryggi á
Kyrrahafi og í Miðausturlöndum.
Salong er einnig fylgjandi því að
starfsemi kommúnistaflokksins
verði leyfð, en gegn því skilyrði að
flokksmenn leggi niður vopn. Hef-
ur vopnaðri baráttu kommúnista
gegn Marcos vaxið fiskur um hrygg
undanfarin ár.
AP/Slmamynd
Á myndinni má sjá brunnar leifar flugvélarinnar, sem dreifðust um
nokkurt svæði, og einnig brunnin hjólhýsi, sem flugvélin lenti á. Voru þau
mannlaus þegar flugvélin hrapaði og þykir með mestu ólíkindum, að
enginn maður skyldi hafa látið lífið á jörðu niðri því vélin kom niður á
milli verslunar og íbúðablokkar.
66 farast í flugslysi í Bandaríkjunum:
Hrapaði niður
á milli húsanna
Rono, Nevnda, Bandaríkjunum, 21. janqar. AP.
LOCKHEED Electra-farþegaflugvél hrapaði í dag til jarðar skömmu eftir
flugtak og er talið, að 66 manns hafí farist af 68, sem með vélinni voru.
Varð fíugslysið í borginni Reno í Nevada-ríki og kom vélin niður rétt við
húsgagnaverslun fyrir sunnan miðborgina.
Flugvélin, sem var í leiguflugi, 80—90% af yfirborði líkamans,
lagði upp frá Cannon-flugvellin-
um í Reno en hrapaði til jarðar
aðeins fjóra km frá brautarenda,
rétt fyrir sunnan miðborgina og
milli stórrar húsgagnaverslunar
og íbúðablokkar. Aðeins fjórir
menn á jörðu niðri meiddust lít-
illega en af 68 manns um borð í
vélinni komust aðeins tveir lífs
af, fullorðinn maður, líklega flug-
stjórinn, sem var með brunasár á
og drengur, sem var meiddur á
höfði en slapp að mestu við eld-
inn, sem gaus upp eftir slysið.
Vitni segja, að flugvélin hafi
aldrei náð sér almennilega á loft
og talsmaður bandarísku flug-
málastjórnarinnar segir, að flug-
maðurinn hafi strax eftir flug-
takið beðið um að fá að lenda aft-
ur vegna mikils titrings í vélinni.
AP/Símamynd.
íhópi glasabarna
Dr. lan Craft yfírlæknir kvennadeildar Cromwell-sjúkrahússins í London í hópi kvenna með glasabörn sín á
nýjársfagnaði sem börnunum var haldinn. Dr. Craft er maðurinn á bak við glasafrjóvgun á sjúkrahúsinu, sem
m.a. leiddi til fyrstu glasatvíburanna í Bretlandi 1982. Á hann beinan þátt í fæðingu glasabarnanna á myndinni
þar sem hann kom frjóvguðu eggi fyrír í legi kvennanna.
Moskva:
Er Konstantin Chern-
enko alvarlega veikur?
Moskvu, 21. janúar. AP.
í liðinni viku var
vakinn upp gam-
all getgátuleikur
í Moskvu, þ.e.a.s.
menn voru með
vangaveltur um
heilsu leiðtogans.
Og nærri undan-
tekningalaust
álitu Kremlar-
sérfræðingarnir,
að Konstantin
Chernenko hlyti að vera alvarlega
veikur.
í sömu viku þóttust vestrænir
fréttaskýrendur einnig sjá ýmis
sólarmerki um að Sovétmenn
óskuðu þess einlæglega að bæta
samskiptin við Bandaríkin.
í tveggja tíma sjónvarpsávarpi
lét Andrei Gromyko utanríkis-
ráðherra gersamlega undir höfuð
leggjast að ráðast harkalega á
Bandaríkin, eins og hann er vanur
að gera við slík tækifæri. Og
bandarískir þingmenn sem voru á
ferð í Moskvu kváðu móttökur
sovéskra embættismanna hafa
verið einkar alúðlegar og uppörv-
andi.
Vangavelturnar um heilsufar
Chernenkos upphófust á mánu-
dag, þegar fundi leiðtoga Var-
sjárbandalagsríkjanna, sem halda
átti í Búlgaríu, var aflýst fyrir-
varalaust.
Chernenko kom síðast fram
opinberlega í útsendingu sovéska
sjónvarpsins 27. desember sl. Tal-
ið er að hann þjáist af lungna-
þembu, en hann hefur áður legið á
sjúkrahúsi vegna lungnabólgu. í
sjónvarpsútsendingunni þótti
sýnt, að hann ætti við öndunarerf-
iðleika að stríða. Kalt og þurrt
veðrið undanfarið getur svo Hafa
leitt til þess að honum hafi elnað
sóttin.
Kúba:
40 fórust í flugslysi
Mexikóborg, 21. janúar. AP.
Farþegafíugvél frá Kúbu hrapaði skömmu eftir flugtak í Havana á laug-
ardag og fórust allir um borð, 40 manns, að sögn kúbönsku fréttastofunnar
Prensa Latina.
Flugvélin, sem var fjögurra
hreyfla af gerðinni Ilyushin 18,
hóf sig á loft frá Jose Marti-
flugvellinum i Havana um kl. 8 að
staðartíma (13.00 að ísl. tíma)-og
var á leið í áætlunarflug til Man-
agua i Nicaragua. Nokkrum mín-
útum siðar hrapaði vélin niður á
veg i útjaðri Havana-borgar.
Að sögn fréttastofunnar voru 32
farþegar með flugvélinni, auk átta
manna áhafnar.
Veður
víða um heim
Lægst Hæst
Akureyri 8 snjókoma
Amsterdam 0 skýjaö
Aþena 8 18 heiöakírt
Barcelona 13 rigning
Berlín +8 0 akýjað
BrUssel 3 8 akýjað
Chicago +33 +23 skýjað
Dublin 3 6 úrkoma
Feneyjar 1 þokum.
Frankfurt +1 0 snjókoma
Genf +2 4 skýjað
Helsinki +23 +17 heiðskírt
Hong Kong 16 19 skýjað
Jerúsalem 5 15 skýjað
Kaupm.höfn +7 +3 skýjað
Las Palmas 22 hálfskýjaö
Lissabon 8 15 úrkoma
London 1 9 rígning
Los Angeles 11 14 skýjað
Luxemborg 4 skýjað
Malaga 15 alskýjaö
Mallorka 15 þokum.
Miami 15 26 heiðskirt
Montreal +22 +17 heiðskírt
Moskva +25 +10 heiðskírt
New York +12 48 skýjað
Osló +7 4« skýjað
París 1 4 skýjað
Peking +7 0 heiöskírt
Reykjavík +4 skýjað
Rio de Janeiro 21 30 skýjað
Römaborg 2 9 rigning
Stokkhólmur +7 +4 snjókoma
Sidney 18 26 heiðskírt
Tókýð 3 9 heiöskírt
Varsjá +19 +9 heiöskírt
Hryðjuverkamaður varð
eigin sprengju að bráð
Stullg.rl, 21. janúnr. AP.
Sprengja, sem falin var í barna-
vagni, sprakk fyrr en ætlað var,
með þeirri afleiðingu að 28 ára
gamall hryðjuverkamaður týndi
lífi og samsæriskona hans stór-
slasaðist. Atvikið átti sér stað fyrir
utan tölvumiðstöð byggingafyrir-
tækis í Stuttgart-Vaihingen, en tal-
ið er að sprengjan, sem var stór og
ekki heimasmíðuð, samkvæmt
upplýsingum lögreglu, hafi jafnvel
verið ætluð nærliggjandi lögreglu-
stöð eða rannsóknarstofnun í
geimvísindum.
Hryðjuverkamaðurinn, Jo-
hannes Timme frá borginni Erl-
angen, tættist í sundur er
sprengjan sprakk, en vinkona
hans, Claudia Margarete Wann-
ersdorfer, sem er 23 ára og frá
Esslingen, lifði af og er hún ekki
talin í lífshættu.
Vitni sáu til Timme og Wann-
ersdorfer þar sem þau óku
barnavagni í nágrenninu, en
sprengjan var falin í vagninum.
Leitað er bifreiðar þeirra, sem
þau notuðu til að komast á
vettvang. Leitaði lögregla í
nokkrum húsum í suðurhluta
Þýzkalands eftir sprenginguna
og tók nokkra menn fasta.
í sprengingunni varð margra
milljóna marka tjón á tölvu-
miðstöðinni og bíll, sem þar stóð
fyrir utan, er gjörónýtur. Mað-
ur, sem stóð fyrir utan bygging-
una, slapp ómeiddur, og þykir
það kraftaverk.
Johannes Timme sat tvívegis í
fangelsi, 1978 og 1981, fyrir að-
ild að hryðjuverkum og tilraunir
til að tæla menn á band Rauða
hersins, öfga- og hryðjuverka-
samtaka vinstrimanna. Samtök-
in hafa staðið á bak við mörg
sprengjutilræði upp á síðkastið
og hefur tilgangurinn verið að
lýsa stuðningi við hungurverk-
fall fangelsaðra hryðjuverka-
manna samtakanna.
Mitterrand í Nýju-Kcdedóníu
Andstæðingar sjálfstæðis í Nýju-Kaledóníu voru tortryggnir og bitrir
eftir komu Francois Mitterrand forseta til eyjarinnar á laugardag.
„Þetta var sálfræóilegt bragð hjá honum,“ sagði einn þeirra um komu
forsetans. „Hvers vegna kom hann eiginlega? Hann sagði ekkert og nú
er fólk bara enn áhyggjufyllra en áður.“ Á myndinni sem hér birtist
sést Frakklandsforeti með Jean-Marie Tjibaou, leiðtoga Þjóðfrelsis-
fylkingar Kanaka, eftir fund þeirra í Noumea, höfuðborg Nýju-Kale-
dóníu, en fíokkur hans krefst sjálfstæðis eyjarinnar frá Frakklandi.