Morgunblaðið - 07.03.1985, Blaðsíða 4

MORGUNBLAÐIÐ, FIMMTUDAGUR 7. MARZ 1985
Tel lagaboð ekki
koma til greina
— segir Halldór Ásgrímsson um stöðu
kjaradeilu sjómanna og útvegsmanna
„ÞAÐ HEFUR ekki verið rætt á þessu stigi innan ríkisstjórnarinnar að skerast
í leikinn með lagaboði. Ég tel sjálfur að slíkt komi ekki til greina. Ég tel alla
möguleika á því, að leysa málin með samningum. Lagaboð í þessu tilfelli er
algjört neyðarúrræði. Slík neyð er ekki orðin,“ sagði Halldór Ásgrímsson,
sjávarútvegsráðherra, meðal annars er Morgunblaðið innti hann álits á stöðu
mála í kjaradeilu sjómanna og útvegsmanna og hugsanlegum aðgerðum ríkis-
stjórnarinnar.
„Staðan er að sjálfsogðu mjög al-
varleg og menn eru víða um land að
leita einhverra leiða til að leysa
málin. Þetta er mjög misjafnt,
sumir togaranna og bátanna eru
úti og margir þeirra eru í góðri
veiði. Því getur þetta að sjálfsögðu
ekki gengið svona,“ sagði Halldór.
Mun ríkisstjórnin beita sér
eitthvað frekar til lausnar deilunni
en hún hefur þegar gert? „Við höf-
um sagt það mjög skýrt að til ríkis-
ins sé ekkert meira að sækja. Ég
hef verið í stöðugu sambandi við
deiluaðila allan tímann og mun
halda því áfram," sagði Halldór
Ásgrímsson.

*
3
/
f
rE"
i
%
Sjálfsnám og skólahald
— athugasemd frá Tryggva Gíslasyni skólameistara MA
Tryggvi Kíslason, skólameistari Menntaskólans á Akureyri, hefur beðið
Morgunblaðið um að birta eftirfarandi athugasemd: „Vegna skrifa Morgun-
blaðsins um sjálfsnám nemenda við Menntaskólann á Akureyri vildi ég leyfa
mér að taka fram eftirfarandi:
Regluleg kennsla við skólann
hefur verið felld niður vegna upp-
sagnar 20 fastra kennara við skól-
ann. Til þess að bæta nemendum að
nokkru þetta tjón hefur verið reynt
að koma á sjálfsnámi um 600 nem-
enda undir stjórn 14 kennara. 1
námi sínu geta nemendur aðeins
fengist við lítið brot af öllu því
námsefni sem þeir eiga að fást við.
Meðal annars er ekki unnt að
stunda neitt verklegt nám svo sem
vísindatilraunir. Um 80% nemenda
skólans hafa undanfarna þrjá daga
sótt skóla og unnið vel að starfi
sínu sem er hugsað sem neyðar-
lausn til bráöabirgða. Sjálfsnám
nemenda getur aldrei komið í stað-
inn fyrir reglulegt skólahald. Skóli
er meira en sjálfsnám þótt framlag
nemenda ráði úrslitum um árangur
þeirra sjálfra.
Að mínum dómi getur ekkert
leyst vanda Islendinga nú nema
aukin menntun, þar á meðal auk-
inn skilningur á skipan þjóðfélags-
ins og því flókna samspili sem
mannlegt samfélag er. Til þess að
auka menntun þarf meðal annars
góða skóla, vel menntaða kennara
sem þiggja sanngjörn laun. Deila
Hins íslenska kennarafélags og
stjórnvalda er ekki deila um laga-
skýringar heldur er af hálfu kenn-
ara verið að berjast fyrir bættum
kjörum sínum og betri skólamennt-
un og fyrir því að fá í verki viður-
kennt gildi menntunar í landi sem
getur ekki án menntunar verið.“
Tryggvi Axelsson og Ásgeir Jónsson, fulltrúar Vöku (Háskólaráði, afhenda Steingrfmi Hermannssyni, forsætisráöherra,
undirskriftalista 1.800 nemenda Háskólans, þar sem skorað er á stjórnvöld að auka fjárveitingar til skólans.
„Öflugur háskóli - forsenda framfara“
— nemendur HÍ hvetja stjórnvöld til
að auka fjárveitingar til skólans
VAKA, félag lýðræðissinnaðra stúd-
enta, efndi til undirskriftasöfnunar
meðal nemenda Háskóla íslands
fyrir skömmu undir kjörorðinu „öfl-
ugur háskóii — forsenda framfara".
Undirskriftalistar þessir, sem um
1.800 nemendur rituðu nöfn sín á,
voru afhentir Steingrfmi Hermanns-
syni, forsætisráðherra í gær.
Ásgeir Jónsson, annar fulltrúa
Vöku í háskólaráði, sagði, að f yfir-
skrift listanna væri skorað á
stjórnvöld og Alþingi að auka fjár-
veitingar til Háskólans. „Allt
framkvæmdafé til Háskólans var
skorið niður á síðustu fjárlögum,"
sagði Ásgeir. „Háskólinn hafði far-
ið fram á að fá sömu upphæð úr
ríkissjóði og Happdrætti Háskól-
ans gefur af sér, sem er um 57
milljónir núna. Það var hins vegar
ekki gert, heldur var öll slík fjár-
veiting felld niður. Menn voru að
vonum undrandi á því, enda hafði
verið veitt 21 milljón til fram-
kvæmda árið 1983. Steingrímur tók
okkur vel og sagðist skilja vel
vandann sem Háskóli íslands ætti
við að glíma af þessum sökum,“
sagði Ásgeir Jónsson að lokum.
Samkeppni í steypuframleiðslu:
„Rúmlega 72 þúsund króna
sparnaður á 150 rúmmetrum"
segir markaðsstjóri steypuverksmiðjunnar Öss hf.
„FIMM prósent munur á steypu-
verði er ekki svo lítill ef hann er
skoðaður í réttu sambengi. Á meðal-
stóru einbýlishúsi, sem í fara 150
rúmmetrar af steypu, getur það mun-
að húsbyggjandann 26.100 krónum
raiðað við gjaldskrárverð og 72.450
krónum ef miðað er við staðgreiðslu-
verð,“ sagði Kristján Guðjónsson,
markaðsstjóri hjá steypuverksmiðj-
unni Ósi hf., f samtali við blaða-
mann Mbl. í framhaldi af frétt
tWIBft—
ítoðtó
OKEYPIS FERÐAFRÆÐSLA UTSÝNAR
PORTO CARRAS
GRIHKCAIlD
Glæsileg gistiaðstaða í Grikklandi kynnt á feröa-
fræðslukvöldi Frí-klúbbsins og Útsýnar í ráö-
stefnusal Hótel Loftleiða kl. 20.30 í kvöld 7. marz.
Sigurður A. Magnússon rithöfundur og
Kristín Aöalsteinsdóttir aeildarstjóri hjá
Útsýn annast fræöslukvöldiö. Ókeypis aö-
gangur meðan húsrúm leyfir.
MELITON BEACH
Fimm stjörnu hótel á sjálfri ströndinni. Sjór-
inn er hreinn og umhverfiö óspillt. Hér færöu
nýja mynd af Grikklandi og merkri menn-
ingu þess, ásamt ódýrri dvöl viö lúxusaö-
stæöur í rólegri sólskinsparadís.
Feröaskrifstofan
ÚTSYN
blaðsins í gær um „lítinn mun á
steypuverði á höfuðborgarsvæðinu,“
eins og það var orðað.
Kristján benti á, að í saman-
burð á steypuverði óss og B.M.
Vallá, sem gerður var í fréttinni,
vantaði mikilvægar upplýsingar.
„Verð okkar á algengustu húsa-
steypu, S—200, er samkvæmt
verðlista 3.296 krónur hver rúm-
metri. Hjá B.M. Vallá er sambæri-
legt verð 3.470 krónur. Þar munar
174 krónum á hvern rúmmetra. Sé
varan staðgreidd er að jafnaði
veittur 20% afsláttur og þá munar
enn meiru á sama magni, eða 483
krónum á hvern rúmmetra. Það er
ekki svo lítill munur fyrir hús-
byggjanda ef hann kaupir 150
rúmmetra af steypu i húsið sitt,
eins og ég gat um áðan,“ sagði
hann.
Kristján sagði að ós hf. legði
aðaláherslu á að framleiða há-
gæða steypu á lægra verði en al-
mennt byðist, bæði verði á steypu
og svo steyptum einingum af
margvíslegu tagi. Fyrirtækið
myndi til dæmis á næstunni bjóða
upp á gangstéttarhellur, sem yrðu
að minnsta kosti 25% ódýrari en
almennt gerðist.
„Með því að nota engin sjávar-
efni, er komið í veg fyrir alkáli-
virkni í steypunni, sem valdið hef-
ur gríðarlegu tjóni í húsbygging-
um á undanförnum árum,“ sagði
hann. „öll okkar framleiðsla er
tölvustýrð og kaupandinn fær
tölvuútskrift yfir öll efni í steyp-
unni, sem hann fær afhenta. Hann
er því öruggur með að fá þá vöru,
sem hann telur sig vera að kaupa.
Við teljum okkur einfaldlega vera
með betri vöru en hingað til hefur
boðist; vöru, sem er undir ströngu
innra og ytra gæðaeftirliti. Innra
eftirlitið fer fram undir stjórn
verkfræðings fyrirtækisins en
ytra eftirlitinu stjórnar Rann-
sóknarstofnun byggingariðnaðar-
ins,“ sagði Kristján Guðjónsson.