Morgunblaðið - 21.03.1985, Page 52

52
MORGUNBLAÐIÐ, FIMMTUDAGUR 21. MARZ 1985
JOAN COLLINS
„Já, ég á eftir að
verða gömul og grá“
Sambúð þeirra Joan Collins
leikkonu og Svíans Peter
Holm hefur verið í fréttum allar
götur síðan hún hófst og margir
sem þekkja til leikkonunnar hafa
orðið til þess að lýsa undrun sinni
á því hve vei virðist ganga, því
leikkonan er sögð hin skapstærsta
og hefur áður sent ýmsa karlmenn
heim til föðurhúsa eftir mislukk-
aðar sambúðartilraunir og hjóna-
bönd. Annað virðist uppi á ten-
ingnum nú og það þrátt fyrir að
ýmsar af fyrri vinkonum Holms
hafi verið duglegar að lýsa þvf
blaðaviðtölum hvurs lags skúrkur
hann sé. Flokka margir viðtöl þau
undir öfund og slúður í ljósi vel-
gengni þeirra Péturs og Joan.
Joan er komin á sextugsaldur-
inn, 51 árs, ekki kornung lengur,
en margur myndi segja hana á
besta aldri. Sannarlega ber hún
aldurinn vel. Pétur er talsvert
yngri, 37 ára gamall. Hún sagði
nýlega og skaut mörgum aðdáend-
um sínum skelk f bringu: „Við Pét-
ur sjáum fyrir okkur þessa mynd:
Okkur gangandi hönd i hönd,
gömul og gráhærð einhvers staðar
í Svíþjóð á fögrum sumardegi,
rabbandi um gömlu góðu dagana.
Já, það er satt, ég á eftir að verða
gráhærð. Annars eru þessar vikur
og mánuðir hamingjusamasti tími
ævi minnar, mér hefur aldrei
gengið betur i vinnu, aldrei átt
annað eins samband við karlmann
og þó ég hafi sagt i fyrstu að ég
myndi aldrei ganga i hjónaband,
hvorki með Pétri eða öðrum, hafa
allir leyfi til að skipta um skoð-
un.“
Hún er rómuð fyrir stóra skapið
og dynti og Pétur er ekki sagður
neitt blávatn sjálfur í þeim efnum.
Það mætti því ætla að það sé „stál
í stál“ þegar misklfð verður. Hvað
segir Joan? „Það er alveg ná-
kvæmlega rétta lýsingin á ástand-
inu, við eigum það til að rifast
heiftarlega og þá er engu likara
en að tveir skriðdrekar skjóti hvor
á annan úr návígi. En við kunnum
á hvort annað og vitum hvað hægt
er að ganga langt. Þegar við för-
um yfir strikið finnum við það
þrátt fyrir hita leiksins og skelli-
hlæjum."
Pétur Holm segir: „Það besta
við Joan er hlýja hennar og kraft-
ur, bæði sem vinur og elskhugi.
Það versta er hvernig hún á til að
tryllast gersamlega út af smáat-
riðum. bað veldur rifrildunum og
þá er eins gott að vera jarð-
bundinn og halda áttum.“
Chamberlain leikur Wallenberg
að er ekki ýkja langt síðan við
greindum frá því, að Richard
Chamberlain (Anjin San, séra
Ralph og fleiri) væri að leika
sænsku mannréttindahetjuna
Raoul Wallenberg í nýjustu sjón-
varpskvikmynd sinni. Það var ekki
átakalaust fyrir hann, því hann
þurfti að læra sænsku og að tala
ensku með sænskum hreim.
Margir fagna tilkomu sjónvarps-
þátta þessara, því æ fleiri telja aö
Wallenberg sjálfur sé enn á lífi, i
prísund í Sovétríkjunum, hann
hafi í raun og veru ekki látist f
Ljubjankafangelsinu i Moskvu árið
1947 eins og Sovétmenn hafa full-
yrt alveg fram á þennan dag. Wall-
enberg var stjórnarerindreki í síð-
ari heimsstyrjöldinni og hann
bjargaði 100.000 gyðingum frá
dauða. Er stríðinu lauk var Wall-
enberg handtekinn af Sovét-
mönnum í Ungverjalandi og siðan
veit enginn neitt, utan hvað frést
hefur öðru hvoru að einhverjir
hafa telið sig sjá Wallenberg í hin-
um ýmsu sovésku fangelsum. Sfð-
ast var talið að hann hefði sést
með vissu árið 1962 og grunur leik-
ur á að hann hafi verið á lífi á
áttunda áratugnum. Ýmsir vinna
að því að fá Sovétmenn til að segja
allt sem þeir vita um málið. Svörin
hafa ætíð verið hin sömu, Wallen-
berg lést árið 1947...
í starfskynningu á ljósmyndadeild
Tveir nemendur í Fjölbrautaskólanum í Breiðholti, þeir Hlynur Hendriksson og
Steinar Ólafsson, voru fyrir nokkru í starfskynningu á ljósmyndadeild Morgun-
blaðsins og tóku þá meðal annars þessar myndir.
„Dyttað að bátum í góða veðrinu úti á Granda“ kallar Steinar þessa mynd.
Þessa mynd tók Hlynur og nefnir hann hana „Fjör í Laug-
ardalslaug".
Hlynur
Hendriks-
son, nem-
andi í
Fjölbrauta-
skólanum í
Breiðholti.
Steinar
Olafsson,
nemandi í
Fjölbrauta-
skólanum í
Breióholti.
V
m $ ■ W'
fclk í
fréttum