Morgunblaðið - 20.06.1985, Qupperneq 31

MORGUNBLAÐIÐ, FIMMTUDAGUR 20. JÚNÍ 1985
31
Yamani olíuráðherra Saudi Arabíu:
Verð á hráolíu gæti
hrapað níður fyrir
20 dollara á tunnu
Nicósíu, Kýpur, 18. júní. AP.
HRÁOLÍUFRAMLEIÐSLA OPEC-ríkjanna var að jafnaði aðeins um 14,5
milljónir tunna á dag í maímánuði og hefur ekki verið minni síðastliðin 20
ár, að því er frá var greint í vikuriti um olíumál (Middle East Economic
Survey), sem kom út á mánudag.
Þar segjr enn fremur, að
minnkandi olíuframleiðsla sé
ekki aðalvandamál bandalagsins,
heldur markaðspot einstakra að-
ildarríkja.
„Ljóst er, að bandalagið verður
að gera gangskör að því á fundi
sínum í Vín 2. júlí nk. að koma
reglu á markaðssetningu ekki
síður en framleiðslukvóta, eigi að
takast að koma jafnvægi á olíu-
markaðinn," sagði í ritinu.
MEES hefur eftir Ahmed Zaki
Yamani, olíuráðherra Saudi-
Arabíu, að olíuverð geti farið
niður fyrir 20 dollara á tunnuna,
eða lækkað um nærri 30% frá
núgildandi opinberu verði, ef að-
ildarríki OPECs svíkist áfram
um að hlíta samningsákvæðum
bandalagsins um verð og fram-
leiðslumagn.
Ráðherrann kvað Saudi-Arab-
íu hafa dregið svo mikið úr fram-
leiðslu sinni umfram það sem
kvóti landsins leyfði, að ekki
væri unnt að ganga lengra á
þeirri braut.
„Og ef við aukum framleiðsl-
una, mun verðið falla, haldi önn-
ur olíuframleiðsluríki innan og
utan OPECs uppteknum hætti.
Og við búumst ekki við, að verðið
muni falla niður í 26 eða 25 doll-
ara á tunnu, heldur muni það
hrapa niður fyrir 20 dollara,"
hefur ritið eftir Yamani.
Núverandi meðalverð OPECs
er 28,09 dollarar á tunnu, en var
hæst 1981, 34,50 dollarar. Á
opnum markaði er verðið lægra.
Verndarengill Mengeles
Gitta Stamer, ungver.sk kona, sem fluttist til Brazilíu, talar við blaða-
menn eftir yfirheyrslur á lögreglustöðinni í Sao Paulo. Frú Stamer
kveðst hafa skotið skjólshúsi yfir stríðsglæpamanninn Josef Mengele
og hafi hann leynst hjá sér í 17 ár.
Mannaskipti
í kínversku
stjórninni
Pcking, 1». júní. AP.
KÍNVERSKA stjórnin kunngerði í
gser mikilvægar breytingar á ýmsum
ráðherraembættum og voru þær
sagðar gerðar í því skyni að standa
við þau loforð kommúnistaflokksins
að láta unga betur menntaða menn
taka við störfum af gömlum embætt-
ismönnum.
Alls var skipt um 9 ráðherra,
þar á meðal varnarmálaráðherra.
Þá var menntamálaráðuneyti
landsins formlega lagt niður. I
stað þess á að koma valdamikil
nefnd, þar sem einn af varafor-
sætisráðherrum landsins á að
vera formaður. Er meðalaldur
nýju ráðherranna undir 55 árum.
Þessar breytingar eiga sér stað
á tímum mikilla breytinga í öllu
embættismannakerfi Kína, ekki
hvað sízt í flokknum og hernum.
Hafa nýir menn verið skipaðir í
stöður æðstu manna kommúnista-
flokksins í þremur héruðum
landsins að undanförnu. í gær var
frá því greint, að yfirmaður hers-
ins i norðurhluta landsins hefði
sagt af sér.
Athygli vekur skipun Li Pengs,
sem er 56 ára að aldri, í stöðu
yfirmanns hinnar nýju mennta-
málanefndar ríkisins. Hann hefur
verið einn af varaforsætisráðherr-
um Kína frá árinu 1983.
Samvinna
skilar árangri
THOMSOIM
tæknisamvinna Japana,
Þjóðverja, Svía og Frakka
Ótal gerdir myndbandstækja bjóðast á íslenskum
markaði — mismunandi hvað varðar tæknibúnað,
verð og gæði. Kaupandann skiptir höfúðmáli að fá
tæknilega fúllkomið og öruggt tæki á sem lægstu
verði. Samvinna Japana, Þjóðverja, Svía og Frakka
hefúr einmitt gert það mögulegt Thomson mynd-
bandstækin eru tæknilega mjög fúllkomin, framhlað-
in, með þráðlausa fjarstýringu, sjö daga upptöku-
minni, tölvustýringu með snertitökkum, myndspólun
fram og aftur á tíföldum hraða og frilmörg atriði
önnur. Slíkt er sjálfsagt þegar tæki frá Thomson á í
hlut En þrátt fyrir framangreind atriði kostar þetta
fúllkomna tæki einungis 39.930 krónur.
Við spjöllum saman um
útborgun og greiðsluskilmála
og komumst örugglega að samkomulagi.
$ SAMBANDSINS s
ÁRMÚLA3 SÍMAR 681910 - 812 66