Morgunblaðið - 06.07.1985, Blaðsíða 2

2
MORGUNBLAÐID, LAUGARDAGUR 6. JÚLÍ 1985
Aukning í farþegaflugi Flugleiða:
330 þúsund far-
þegar frá áramótum
NÆRRI 330 þú.sund manns feröud-
ust mcö Flugleiöum innanlands og
utan fyrstu sex mánuði ársins. Er
það talsverö aukning frá fyrri hluta
síöasta árs þegar farþegarnir voru
um 300 þúsund, að sögn Sæmundar
Guövinssonar, fréttafulltrúa Flug-
leiða.
Farþegaukning í Ameríkuflugi,
þ.e. milli Evrópu og Ameríku, var
um 10% — farþegar frá áramót-
um og fram til 29. júní voru alls
117.500 en voru 106 þúsund í fyrra.
Á leiðum milli íslands og Evrópu
var fjölgunin 16,5%, úr tæplega 77
þúsund farþegum í tæplega 90
þúsund. Og í innanlandsflugi
fjölgaði farþegum um 13,2%, úr
105.490 í 119.448 fyrstu sex mán-
uði ársins.
Sæmundur sagði að greinilegt
væri að tslendingar ferðuðust
meira til útlanda nú en til dæmis
á sama tíma í fyrra, um það töiuðu
skýrustu máli tölur úr Evrópu-
fluginu.
Millisvæðamótið f Biel:
Margeir vann Gutman
Frá BrBffa Kristjuusrni, rrétUriUra Morrunblaéninn í Biel.
MARGEIR Pétursson sigraði
Gutman frá ísrael i fjórðu umferð
á millisvæðamótinu í skák. Mar-
geir hafði hvítt og fórnaði
snemma peði fyrir sóknarmögu-
leika enda varð Gutman að halda
kóng sínum á miðborðinu til að
verjast Að lokum vann Margeir
peðið til baka og náði óstöðvandi
sókn, hann fór þó ekki einföldustu
leiðina og ísraelsmaðurinn fékk
viss gagnfæri. En í 34. leik lék
Gutman illa af sér og varð að gef-
ast upp strax í næsta leik er stór-
fellt liðstap var fyrirsjáanlegt.
Margeir hefur nú 2 vinninga. Önn-
ur úrslit urðu: Seirawan — Jansa
1—0, Martin — sokolov 0—1, Pol-
ugajevsky — Partos 1—0, Ljuboj-
evic — Van der Wiel ‘A — Vfe, Sax
— Vaganjan V& — Vfe, Quinteros —
Anderson xk — xh, Li — Torre
xk — xk, Short — Rodrigues bið-
skák.
Morgunblaðið/Valdimar
Úrtökumót á Víðivöllum
ÚRTAKAN fyrir Evrópumótið í hestafþróttum hófst í gærmorgun og
lauk fyrri umferð í gær. Rösklega 20 hross voru skráð til keppni, en
aöeins sjö hestar keppa á Evróumótinu fyrir íslands hönd.
Meðfylgjandi mynd er tekin af þeim sjö keppendum sem efstir urðu
I fyrri umferð. Frá vinstri: Jón Gísli Þorkelsson á Stíganda, Sigurð-
ur Marínusson á Þela, Aðalsteinn Aðalsteinsson á Rúbin, Tómas
Ragnarsson á Fáki, Kristján Birgisson á Háleggi, Lárus Sig-
mundsson á Herði og Sigurbjörn Bárðarson á Neista.
Þar sem keppnin er aðeins hálfnuð getur allt gerst og enginn
þessara sjö getur talið stöðu sína trygga þótt vel hafi gengið á gær
en keppnin hefst klukkan tíu í dag á Víðivöllum.
Páfi hlýöir á Pólýfónkórinn syngja íslenzka þjóösönginn, undir stjórn Ingólfs Guöbrandssonar.
Páfi tók á móti Pólýfón-
kórnum og kammersveitinni
Kóm, 5. júlí. Frá Halli llalbwjni, btaéamanni MorKiinblaðninn.
„Kæru íslensku vinir. Það er
mér mikil ánægja að bjóöa ykkur
— félaga í Pólýfónkórnum og
kammersveit Sinfóníuhljómsveitar
íslands — velkomin hingað í Vati-
kaniö,“ sagði Jóhannes Páll II páfi
í ræöu I Vatikaninu, þegar hann
veitti um 150 íslendingum áheyrn.
Pólífónkórinn söng íslenska þjóð-
sönginn undir stjórn Ingólfs Guö-
brandssonar. Meö söngnum í Vati-
kaninu hófu íslensku tónlistar-
mennirnir söngferðalag um Ítalíu.
Athöfnin í Vatikaninu var
stutt en áhrifamikil. Þegar páf-
inn gekk í sal Klemensíusar VIII
hóf Pólýfónkórinn að syngja ís-
lenska þjóðsönginn. Páfi hlýddi
á flutninginn og þakkaði síðan
stjórnanda og kórfélögum. Siðan
hélt hann stutta ræðu og sagði:
Jjist ykkar er göfgandi og ég er
þess fullviss að koma ykkar
hingað til Rómar mun veita ykk-
ur sérstaka gleði og reynslu og
styrkir ykkur í þeim ásetningi að
þjóna meðbræðrum ykkar.
Þau fjölmörgu tónlistarverk
sem þið flytjið eiga sér djúpa
trúarhefð og ég bið að þið með-
takið dýrð drottins. Megi friður
fylgja ykkur í Jesú nafni.
Ég bið fyrir kveðju til fjöl-
skyldna ykkar og samlanda. Ég
fullvissa ykkur um að í bænum
mínum er ísland mér hugstætt.
Guð blessi ykkur."
Að lokinni ræðunni afhentu
þrjár stúlkur úr Pólýfónkórnum
páfa blóm, hvítar rósir ræktaðar
á íslandi, lifandi ljós og íslands-
og Kjarvalsbækur. Páfi þakkaði
gjafirnar og gaf Ingólfi Guð-
brandssyni minnispening með
lágmynd af hans heilagleika. Að
því loknu gekk hann á meðal
kórfélaga og spjallaði við þá. At-
höfnin i Vatikaninu stóð í um 20
mínútur.
10,5 milljóna hagn-
aður hjá Kísiliðjunni
Áriö 1984 var metár í framleiðslu
Kísiliöjunnar hf., aö því er fram kom
á aðalfundi fyrirtækisins sl. mið-
vikudag. Hagnaöurinn í fyrra var
10,5 milljónir króna, en árið áður
aðeins 256.000 krónur.
Heildarvelta fyrirtækisins í fyrra
var 234,4 milljónir, en áriö 1983 var
hún 175,8 milljónir, samkvæmt upp-
lýsingum Róberts Agnarssonar,
framkvæmdastjóra Kísiliöjunnar.
Veltan hefur því aukist um 58,6
milljónir milli ára.
Róbert kvaðst ekki geta nefnt
neina eina ástæðu fyrir þessari
velgengni, þar væri um marga
samverkandi þætti að ræða og
samstillt átak og reynslu starfs-
manna.
„Sumarkeppni Qlís“:
Liður í samkeppni
— segir forstjóri Olís
Jaðrar við lögbrot
— segir lögfræðingur Verðlagsstofnunar
„Já, þetta er liöur í samkeppni olíufélag-
anna. Þetta er hluti af auglýsingum okkar
og markaöskönnun og slíkt kostar alltaf
eitthvað," sagði Þóröur Ásgeirsson, forstjóri
Olíuverslunar íslands, en Olís hefur að und-
anförnu auglýst „sumarleik“ þar sem
heppnir bíleigendur geta fengið 10 þúsund
kr. greiðslu frá fyrirtækinu. Gísli ísleifsson
lögfræðingur Verðlagsstofnunar telur að
þessar auglýsingar jaðri viö brot á lögunum
um verðlag, samkeppnishömlur og órétt-
mæta viöskiptahætti.
Vikulega í sumar verða 10 bílnúmer
dregin út af handahófi og eigendur þeirra
-beðnir að svara því hvaða tegund af
smurolíu þeir noti. Listi með númerun-
um verður hengdur upp á bensínstöðvum
Olís. Ef allir „vinningarnir" ganga út
kosta þeir Olís 1 milljón króna alls í
sumar.
Aðspurður um hvort ekki væri nær að
nota þessa fjármuni til að lækka bensín-
verðið sagði Þórður: „Við megum það
ekki. Við verðum að fara eftir opinber-
lega skráðu verði eins og aðrir." Hann
sagði að þeir væru eigi að síður þeirrar
skoðunar að gefa ætti bensínsöluna
frjálsa, því þá fengju menn verðsam-
képpni. Ekki vildi hann viðurkenna að
Olís væri með þessu að draga fólk inn á
bensínstöðvar sínar og alls ekki að verið
væri að úthluta viiiningum.
Fyrsti lukkubflalistinn var í gær hengdur upp á öll-
um bensínstöðvum Olís.
Magnið af kísilgúr, sem fram-
leitt var á árinu 1984, var 27.265
lestir og voru 27.005 lestir fluttar
út. Sala innanlands nam 27 lest-
um.
„Verksmiðjan er byggð til að
geta annað framleiðslu á 24.000
lestum en við erum sem sagt
komnir upp fyrir það mark og
stefnum í rneira," sagði Róbert.
Þær deilur sem uppi hafa verið
um námuna við Mývatn voru til
umræðu á aðalfundinum. Á
stjórnarfundi var síðan samþykkt
ályktun þar sem stjórn Kísiliðj-
unnar leggur ríka áherslu á að
rannsóknir á áhrifum náma-
vinnslu fyrirtækisins í Mývatni
hefjist nú þegar og að óviðunandi
sé að ágreiningur um formsatriði
tefji framgang þessa máls. Skorar
stjórnin á þau ráðuneyti er málið
varðar að þessar rannsóknir á líf-
ríki Mývatns hefjist hið fyrsta.
„Við erum orðnir nokkuð þreytt-
ir á þessu máli,“ sagði Róbert
Agnarsson. „Þetta er orðið „prins-
ipmál" milli ráðuneyta og það
kemur okkur einnig spánskt fyrir
sjónir, að Náttúruverndarráð
skuli ekki vilja tilnefna mann í
rannsóknarnefndina. Það sér hver
heilvita maður að því fyrr sem
hægt er að hefja ránnsóknir því
betra. Því hér er mikið í húfi.“