Morgunblaðið - 06.07.1985, Blaðsíða 22

22
MORGUNBLAÐIÐ, LAUGARDAGUR 6. JÚLÍ 1985
.................I-—--------
AF ERLENDUM VETTVANGI
eftir CLIFFORD D. MAY
Afríkusöfnun bandarískra hljómlistarmanna:
Auðvelt að safna fé en
erfitt að verða að liði
ENDA þótt ágóðinn af útgáfustarfi bandarískra hljómlistarmanna til
styrktar hungruðu fólki í Afríku verði að öllum líkindum um 50 milljónir
dollara, þá hefur komið í Ijós að erfiðasta þættinum er ólokið: að gera sér
grein fyrir hinum flóknu orsökum hungursneyðarinnar og gera ráðstafan-
ir til að koma í veg fyrir frekari útbreiðslu hennar.
Frá því að hljómplatan We
are the World, þar sem
margir frægustu dægurlaga-
söngvarar Bandaríkjanna koma
fram, var gefin út 8. mars sl.
hafa um 11 milljónir eintaka
selst af henni. Auk þess hefur
sala á bolum, myndspjöldum,
myndböndum og merkjum, sem
komið hafa á markað í tengslum
við hljómplötuútgáfuna, verið
mjög góð.
Auðveldast að koma
plötunni út
En þeir, sem stóðu að Afríku-
söfnuninni, hafa komist að því
að mun auðveldara var að fá
listamennina til að styrkja
málstaðinn með framlagi sínu og
koma plötunni út en nýta þá
fjármuni, sem safnast hafa, á
sem bestan hátt. „Við höfum
komist að því að málið snýst
ekki eingöngu um að senda meiri
peninga eða matvæli til Afríku,"
sagði Ken Kragen, einn aðal-
skipuleggjandi söfnunarinnar.
Kragen og söngvarinn Harry
Belafonte, sem átti með öðrum
hugmyndina að því að fá lista-
mennina til að leggja sitt af
mörkum til að létta þjáningar
sveltandi fólks í Afríku, eru ný-
komnir úr kynnisferð um
Eþíópíu, Súdan og Tansaníu.
Fóru þeir í þessa ferð ásamt
nokkrum forsvarsmönnum Af-
ríkusöfnunar hljómlistarmann-
anna til að kynna sér ástandið í
þessum löndum af eigin raun.
„Við höfðum gert okkur ranga
mynd af ástandinu. Vandamálið
er miklu flóknara en við höfðum
gert okkur í hugarlund," sagði
Belafonte eftir ferðina.
Það kom þeim t.d. verulega á
óvart i upphafi ferðarinnar að
starfsmenn hjálparstofnana í
þessum löndum fóru ekki fram á
að meiri matvæli yrðu send frá
Bandaríkjunum. Að sögn starfs-
mannanna hafa matvælabirgðir
safnast upp á hafnarbökkum og
vöruhúsum í Súdan og Eþíópíu.
Hins vegar hafi ýmsar pólitískar
og efnahagslegar orsakir valdið
því að erfitt hefur reynst að
koma birgðunum til nauð-
staddra.
Ennfremur hafa margir lækn-
ar dregið í efa tilgang þess að
senda hvern flugvélarfarminn á
fætur öðrum með læknislyf frá
Vesturlöndum, þar sem hættu-
legasti „sjúkdómurinn" stafi af
fátækt og örbirgð. Það þurfi því
meira en bólusetingarefni til að
lækna þá meinsemd.
Á móti einkunnaroröum
Afríku-söfnunarinnar
En það voru önnur vandamál
sem sendinefnd bandarísku
hljómlistarmannanna átti við að
glíma. Þótt Eþíópíustjórn, sem
kennir sig við marxisma og hef-
ur mikil tengsl við sovésk stjórn-
völd, hafi ekki lagt stein í götu
Bandaríkjamannanna, þá gerði
hún sér öldungis ljóst að dvöl
þeirra kynni að auka velvilja al-
mennings í garð Bandaríkjanna.
Og fyrir þá sök að stjórnin hefur
haldið uppi miklum áróðri gegn
Bandaríkjunum var sagt frá
heimsókn bandarísku sendi-
nefndarinnar á mjög villandi
hátt í hinum opinberu fjölmiðl-
um landsins: þar voru Amerík-
anarnir m.a. sagðir koma frá
Karíbahafssvæðinu. M.ö.o. var
allt gert til að koma í veg fyrir
að einkunnarorðum Afríku-
söfnunarinnar „Bandaríkin fyrir
Afríku" yrði haldið á lofti meðan
á dvölinni stóð.
Tekið var á móti sendinefnd-
inni með veglegustum hætti í
Súdan þar sem dansarar og
söngvarar biðu gestanna á öllum
þeim flugvöllum sem komið var
til. Haldnar voru ræður og gest-
unum voru gefnar gjafir. Var
jafnvel haft á orði að móttök-
urnar minntu frekar á menning-
arhátið en neyðarástandshjálp. 1
kveðjuhófi sem haldið var til
heiðurs Bandaríkjamönnunum
hóf meira að segja hljómsveit að
leika eitt frægasta lag Belafont-
es, Farewell Jamaica, og tók
söngvarinn lagið í tilefni þess.
Belafonte kvaðst sýna fólkinu
skilning: „Það er ekki nema von
að íbúarnir vilji sýna okkur
fram á að þótt hungursneyð
hrjái þjóðina, þá búi margt gott
í henni.
„Fólk með geysilega
sjálfsvirðingu
Samt sem áður fór ekki milli
mála hvað hafði mest áhrif á
sendinefndina meðan á dvölinni
stóð: ferð Bandaríkjamannanna
um hjálparbúðir og þau þorp þar
sem neyðin er mest. Þar eru ör-
lög íbúanna gjörsamlega háð
hjálparstarfinu: „Þetta er ofviða
skilningi manns: þjáningar
fólksins eru svo miklar. En þetta
eru ekki aumkunarverðir betlar-
ar, heldur fólk með geysilega
sjálfsvirðingu," sagði Belafonte.
Enn hefur ekki verið tekin
ákvörðun um hvernig á að verja
öllum þeim fjármunum, sem
safnast hafa í Afríku-söfnun
bandaríska listafólksins. En að
sögn féiaga í sendinefndinni
hafa þeir nú gert sér grein fyrir
því að mikið starf er framundan
ef bæta á ástandið í efnahags- og
umhverfismálum Afríku, en það
hefur farið hríðversnandi und-
anfarin ár. A.m.k. er ljóst að
engin auðfundin lausn er á þessu
máli. Hvað verður um fólkið ef
tekst að koma í veg fyrir hung-
ursneyð? Hvernig er unnt að
koma því á réttan kjöl á ný?
Þessar spurningar eru áleitnar,
ekki síst vegna þess að eins og
málum er nú háttað eru engin
svör við þeim.
„Ástandið er svo bágt að 50
milljónir dollara eru smámunir.
Ég hefði aldrei trúað því að 50
milljónir skiptu eins litlu máli
og raun ber vitni,“ sagði fram-
kvæmdastjóri Afríkusöfnunar-
innar, Marty Rogul.
En þó á ekki að láta hér við
sitja, því að 13. júlí nk. munu
frægustu rokkhljómlistarmenn
Bandaríkjanna, Bretlands og
Ástralíu koma fram á hljómleik-
um, sem sjónvarpað verður um
allan heim. Er gert ráð fyrir að
um einn og hálfur milljarður
sjónvarpsáhorfenda muni horfa
á hljómleikana í 141 landi, þar á
meðal íslandi.
(Þýtt og endursagt
úr
Herald Tribune).
Bandaríski dægurlagasöngvarinn Harry Belafonte (Lh.) er nú nýkominn úr ferð til Afríku, þar sem aðstandend-
ur söfnunar bandarískra listamanna „Bandaríkin fyrir Afríku" kynntu sér ástandið þar af eigin raun. Hér sést
Belafonte ásamt nokkrum þeim börnum sem njóta munu góðs af hinum 50 milljónum dollara sem söfnuðust
Hér sést einn Kádiljákanna aka framhjá ræðupalli þar sem hangir
mynd af kínverska leiðtoganum látna, Mao Tse Tung.
Kínverjar kaupa
20 kádiljáka
HELDUR hyrnaði yfir nokkrum háttsettum kínverskum starfs-
mönnum hjá hinu opinbera um mánaðamótin, þegar í bfia- og
reiðhjólafiota þeirra bættust 20 Kádiljákar.
Sérstök móttaka var haldin
þegar bílarnir voru formlega af-
hentir embættismönnunum, en
Kádiljákarnir þykja hinir glæsi-
legustu, búnir sjónvarpstækjum,
börum og kæliskápum. Fram-
leiðendur Kádiljákana nefna
þessa tegund „bíl stórstirna" í
bæklingum sem fylgdu öllum
Kádiljákunum.
Bílunum var lagt fyrir utan
nýtt 29 hæða stórhýsi í Peking,
sem var sérstaklega þvegið og
skrúbbað áður en það var form-
lega opnað, og stjórnarformaður
General Motors, framleiðanda
Kádiljákana, flutti þar ræðu í
tilefni af bílasölunni. Fyrir tæpu
ári voru tveir svipaðir bílar af
þessari tegund, en búnir bryn-
vörnum, seldir til Kína, svo Ron-
ald Reagan gæti ekið um götur
Peking óhræddur.
Áhorfendum á götum úti
fannst mikið til bílanna koma og
sagðist einn byggingaverkamað-
ur aldrei hafa séð eins fallega
bíla. Hann giskaði á að einn slík-
ur kostaði um þrjú til fjögur
þúsund yuan, sem er um 65.600
kr., og þegar honum var sagt að
verðið væri nær 1.599.000 kr,
varð hann niðurlútur, því það
tæki hann um 115 ár að vinna
sér inn fyrir einum Kádilják.
Bangladesh:
100 manns drukkna
þegar ferja ferst
Dhaka, Bangladesh, 5. júlf. AP.
ÓTTAST er að um 100 manns hafi
drukknað eftir að ferja, með um 200
farþega innanborðs, fórst á Rupsa-
fljótinu um 320 km frá Ilhaka. Ferj-
an, sem aðeins var ætluð 55 farþeg-
um, sökk eftir árekstur við annað
skip í höfn rétt utan við borgina
Khulna.
Sjö lík hafa fundist, en óttast er
að lík hinna farþeganna séu enn í
ferjunni og hafa björgunarsveitir
fengið í lið með sér kafara til að
leita líkanna. Um 100 manns gátu
synt til lands eftir áreksturinn.
Ferjan var á leið til Kalabagh-
skógræktarstöðvarinnar nálægt
Sundarbang þegar hún fórst. Auk
þess að vera með langtum fleiri
farþega en léyfi var fyrir, var ferj-
an hlaðin miklum forða af ís.
Bandaríkja-
menn auka örygg-
isgæslu í
Washington, 4. júlí. AP.
BANDARÍKIN hafa nú gripið til
„óvenju mikilla" öryggisráðstafana
til að vernda stjórnarerindreka sína
í Súdan, að sögn bandaríska dagbl-
aðsins Washington Post.
Þar segir að hundruðir Lýibím-
anna hafi streymt til Khartoum,
höfuðborgar Súdan, og hafi það
flýtt fyrir aukinni öryggisgæslu.
Bandarísk stjórnvöld vildu ekk-
Súdan
ert láta hafa eftir sér varðandi
frétt Washington Post, en í blað-
inu segir að þau hafi lýst miklum
áhyggjum af öryggi sinna manna,
eftir byltinguna þar í landi í apríl
sl.
Blaðið segir að síðan hin nýja
stjórn í Súdan hafi tekið upp sam-
skipti við Lýbíu aftur, hafi yfir
hundrað og jafnvel nokkur hundr-
uð Lýbfumanna streymt inn til
landsins.