Morgunblaðið - 26.07.1985, Blaðsíða 17

MORGUNBLAÐIÐ, FÖSTUDAGUR 26. JÚLl 1985
17
GRÍMNTÝR
VTÐ TRUUM ÞVIEKKI
Forystumenn nor-
rænna garðyrkju-
bænda funduðu
í Reykjavík
FORYSTUMENN norrænu garðyrkjubændasambandanna komu saman til
fundar í Reykjavík á dögunum. Hafa samböndin haft med sér óformleg
samtök í þessu formi í mörg ár, og komu íslenskir garðyrkjubsndur inn í
samstarfið fyrir nokkrum árum. Forystumenn sambandanna koma saman til
fundar einu sinni á ári, til skiptis í löndunum, og var nú komið að íslandi að
halda fundinn í fyrsta skipti.
Kjartan ólafsson, ráðunautur
hjá Búnaðarsambandi Suðurlands,
var fundarstjóri norræna garð-
yrkjubændafundarins en auk hans
sátu fundinn Bjarni Helgason á
Laugalandi, formaður Sambands
garðyrkjubænda, og Kristján
Benediktsson í Víðigerði, fyrrver-
andi formaður sambandsins. Auk
þeirra mættu fulltrúar frá Dan-
mörku, Svíþjóð, Noregi og Finn-
landi. Kjartan sagði að fundurinn
sjálfur hefði staðið yfir i einn dag
og endað með boði hjá landbún-
aðarráðherra, Jóni Helgasyni, en
daginn eftir hefði verið farið með
fundarmenn og eiginkonur í skoð-
unarferð í garðyrkjustöðvar og
ferðamannastaði á Suðurlandi, og
endað í Hveragerði, þar sem Garð-
yrkjuskóli ríkisins hefði m.a. verið
skoðaður. Sagði Kjartan að fund-
urinn og allt i kringum hann hefði
heppnast vel og hefðu erlendu
gestirnir gert góðan róm að viður-
gjörningi öllum.
Hann sagði að á fundinum hefðu
verið rædd ýmis sameiginleg
áhuga- og hagsmunamál garð-
yrkjubænda á Norðurlöndunum.
Fulltrúar gerðu grein fyrir stöðu
garðyrkjunnar í sínum heimalönd-
um þar sem m.a. kom fram að
tölvunotkun er að ryðja sér mjög
til rúms í garðyrkjunni en það er
óplægður akur hjá íslenskum garð-
yrkjubændum. Þarna var rætt um
samstarf Norðurlandanna, og
skipst á upplýsingum um notkun
lyfja og kom þar fram að reglur
eru misjafnlega strangar hvað
þetta varðar á milli landa. Sagði
Kjartan að komið hefði fram áhugi
á að samræma þessar reglur og þó
sérstaklega að koma á jafn
ströngu eftirliti með lyfjum í inn-
fluttum afurðum og er viðhaft við
framleiðslu afurðanna heimafyrir.
Þá sagði hann að rætt hefðið verið
um nýja plöntusjúkdóma sem ver-
ið hafa að herja í garðyrkjustöðv-
um hinna Norðurlandanna og sam-
starf í varnarstarfi gegn þeim.
Kjartan sagði að ýmislegt fleira
hefði borið á góma, m.a. auglýs-
inga- og kynningarmál og sam-
starf á sviði ráðunautaþjónustu,
tilrauna og rannsókna.
Kjartan Ólafsson sagði að ís-
lenskir garðyrkjubændur hefðu án
alls vafa mikið gagn af þessu nor-
ræna samstarfi. Á fundunum
kæmust þeir í samband við nor-
ræna starfsbræður sína og ættu
kost á að fylgjast með framþróun í
atvinnugreininni, en Norðurlanda-
þjóðirnar væru einmitt mjög
framarlega i garðyrkjunni og
margt hægt að læra af þeim.
Morgunbladið/Július
Fri fundi forystumanna norrsnna garðyrkjubsnda. Við borðið sitja, talið fri vinstri: Kristjin Benediktsson,
(yrrverandi formaður Sambands garðyrkjubsnda; Bjarni Helgason, formaður Sambands garðyrkjubsnda; Kjartan
Ólafsson, ráðunautur á Selfossi, sem var fundarstjóri; Bengt Henriksson, formaður sambands garðyrkjubsnda í
Svíþjóð; Esko Murto, formaður sambands garðyrkjubsnda í Finnlandi; Kurt Lsrkholm, framkvsmdastjóri sam-
bands garðyrkjubsnda i Danmörku; Egil Larsen, stjórnarmaður í danska sambandinu; Otto Koch, formaður
sambands garðyrkjubsnda í Danmörku; Torje Askig, formaður sambands garðyrkjubsnda f Noregi, og Hans
Haukeland, stjórnarmaður í norska sambandinu.
Nýtt tímarit:
Grímsævintýr
ÚT ER KOMIÐ nýtt tímarit, Gríms-
svintýr. Er því einkum stlað það
hlutverk að kynna nýjustu afurðir
ungra Reykvíkinga á sviði bókmennta
og lista og mun koma óreglulega en
örugglega út. Ritið er 27 síður og prýtt
fjölda mynda.
í þessu fyrsta tölublaði er m.a. að
finna tvær smásögur eftir nýja höf-
unda, ljóð eftir Dag Sigurðsson,
Sony Hallgrímsson og Jochum
Mathiesen. Birt er grein um data-
isma, fjallað um mynd Godards
Carmen, og ástand menningarmála,
auk þess sem vinsældalisti fylgir.
f galleríi tímaritsins eru að þessu
sinni myndir eftir Hallgrim Helga-
son en hann er jafnframt ritstjóri.
(Úr fréttatilkynningu)
I
o
Við trúum því ekki að þú viljir bíða mánuðum saman
eftir hœstu ávöxtun sparifjár þíns.
Þess vegna bjóðum við hœstu vexti Innlánsreiknings
með Ábót strax á fimmtudaginn á alltþað fésem
þú leggur inn fyrir mánaðamót.
Að hika er sama og að tapa.
Á VAXTATINDINN MEÐ OKKUR
ÚTVEGSBANKINN
RÁÐGJAFINN VÍSAR VEGINN