Morgunblaðið - 11.09.1985, Blaðsíða 18

18
MORGUNBLAÐIÐ, MIÐVIKUDAGUR 11. SEPTEMBER 1985
Hvað segja þeir um kvótakerfið og mögulegar veiðar nú úr næsta árs kvóta?
Þorsteinn Már Baldvinsson, framkvæmda-
stjóri Samherja hf. á Akureyri:
Sóknarmarkið
verði raunveru-
legur valkostur
„AÐ MÍNU mati takmarkar kvóta-
k<*rfið óeðlilega athafnafrelsi ein-
stakra skipstjóra og útgerðarmanna.
Auövitað þarf að stjórna veiðunum á
einhvern hátt en ég tel að það verði
að gera með því að gera sóknarmark-
ið þannig úr garði aö það verði raun-
verulegur valkostur fyrir þá sem
ekki vilja nota aflamarkið og þeir
geti þannig átt kost á að sanna getu
sína og unnið sig upp,“ sagöi Þor-
steinn Már Baldvinsson, fram-
kvæmdastjóri Samherja hf. á Akur-
eyri, sem gerir út frystitogarann
Akureyrina.
„Það er alveg ljóst að við verðum
að hafa stjórn á veiðunum áfram
en alltaf má deila um leiðir. í
þessari ályktun vestfirsku fram-
sóknarmannanna hef ég ekki séð
að þeir bendi á hvað á að koma í
staðinn ef kvótakerfið verður af-
numið," sagði Þorsteinn þegar leit-
að var álits hans á ályktun kjör-
dæmisráðs Framsóknarflokksins á
Vestfjörðum um afnám kvótakerf-
isins.
Þorsteinn sá ekkert athugavert
við það að menn fengju að nota
hluta af aflakvóta næsta árs fyrir
áramót, ef það væri gert í tak-
mörkuðum mæli. Hins vegar leysti
slíkt engan vanda, heldur væri það
fres.tun á honum.
„Ég harma það hvernig einstak-
Þorsteinn Már Baldvinsson
ir menn deila á fiskifræðingana
því ég tel að þeir vinni eftir sinni
bestu sannfæringu. Hins vegar er
full ástæða til að taka mark á
þeim skipstjórum sem lengi hafa
veitt á Vestfjarðamiðum. Fiski-
fræðingarnir hafa ekki hlustað
nóg á þá og hafa af þeim sökum
fengið á sig gagnrýni sjómanna.
Ég held að þessir aðilar hefðu
ákaflega gott af því að ræða meira
saman," sagði Þorsteinn þegar
leitað var álits hans á gagnrýni
sjómanna á mati fiskifræðinga á
fiskistofnunum.
1274
Skiptar
„EINS og komið hefur fram í fréttum Morgunblaðsins,
hefur sjávarútvegsráðherra, Halldór Ásgrímsson, varpað
fram þeirri hugmynd, að yrði fiskveiðistefnan mörkuð
til þriggja næstu ára til dæmis, kæmi hugsanlega til
greina að leyfa tilfærslu á aflakvóta næsta árs yfir á
síðustu mánuði þessa. Hann segist þó ekki vera að
mæla þessu bót. Talsverðar umræður hafa átt sér stað
skoðanir
meðal hagsmunaaðilja í sjávarútveginum að undanförnu
og sýnist sitt hverjum. Skiptar skoðanir eru bæði um
hugmynd ráðherrans og um það hvort halda beri áfram
takmörkunum veiða í formi kvótakerfis. Morgunblaðið
ræddi vegna þessa við 10 útgerðarmenn og skipstjóra
og innti þá álits á hugmynd Halldórs Ásgrímssonar og
stöðu kvótakerfisins. Fara svör þeirra hér á eftir:
Eiður Sveinsson, skipstjóri á
Sunnutindi frá Djúpavogi:
Engin ástæða
til að gefa eftir
,MÉR finnst engin ástæða til að
fara að gefa eftir af þeim kvóta sem
settur hefur verið. Menn hafa vitað
allt árið hvað þeir mega veiða á árinu
og gátu skipulagt veiðarnar út frá
því,“ sagði Eiður Sveinsson skip-
stjóri á skuttogaranum Sunnutindi
frá Djúpavogi í fyrradag, en hann
var þá á veiðum á Digranesflaki.
„Þeir sem eru búnir með kvót-
ann eru búnir að sækja á fullu
allt árið og ef farið verður að gefa
eftir, með því að gefa þeim kost á
meiri kvóta, bitnar það eingöngu
á öðrum. Þá fara þeir halloka sem
hafa stjórnað veiðum sínum. Það
færi allt í tóma ringulreið við þetta
því allir myndu flýta sér að klára
kvótann til að geta byrjað að
jarma eins og hinir," sagði Eiður.
Eiður bar sig vel þó Sunnutind-
urinn væri að verða búinn með
kvótann, ætti ekki eftir nema
110-120 tonn af þroski, sem sam-
svarar hálfs mánaðar veiðum að
sögn Eiðs. Hann bjóst við að fara
á rækjuveiðar ef ekki fengist
keyptur meiri kvóti. Ekki leist
honum þó á það að fara að veiða
upp í kvóta næsta árs. „Mér finnst
það ekki ná nokkurri átt að láta
undan svona þrýstingi. Þetta verð-
ur aðeins til þess að menn verða
búnir með aflakvóta næsta árs í
maí og verða þá farnir að kvarta
aftur," sagði Eiður þegar leitað var
álits hans á þeim hugmyndum
Halldórs Ásgrímssonar sjávarút-
vegsráðherra að heimila veiðar á
hluta aflakvóta næsta árs fyrir
áramót.
Það var skoðun Eiðs að kvóta-
kerfið hefði gert það gagn sem
vonast var til í upphafi. Hins vegar
væri viðmiðunin orðin allt of
gömul og nauðsynlegt að aðlaga
kvótann reynslunni. Skip sem
Eiður Sveinsson
gætu selt kvóta hefðu ekkert við
svo mikinn kvóta að gera og hann
ætti að flytja yfir á þau skip sem
þyrftu á viðbót að halda.
Eiður sagði að nú væri miklu
meira af fiski í sjónum en var fyrir
tveimur árum. Hann sagðist ekki
hafa það mikla reynslu sjálfur að
hann gæti dæmt mikið um fisk-
stofnana, en það væri samdóma
álit sjómanna að miklu meiri fisk-
ur væri í sjónum en verið hefði
árum saman. „En við verðum víst
að að fara eftir fiskifræðingunum,
það skiptir aldrei neinu máli hvað
við segjum," sagði Eiður á Sunnu-
tindi.
Gísli Jónasson, framkvæmdastjóri
Samtogs f Vestmannaeyjum:
Vitleysa að ætla
að færa milli ára
„MÉR finnst þetta tóm vitleysa að
ætla núna að fara að flytja afla frá
næsta ári yfir á þetta. Verði það gert,
mun ég krefjast þess að fá að flytja
þorskinn, sem við áttum eftir í fyrra,
yfir á þetta ár,“ sagði Gísli Jónasson,
framkvæmdastjóri Samtogs í Vest-
mannaeyjum.
„Við áttum eftir þorsk í fyrra
og fengum ekki að flytja hann yfir
á þetta ár. Vil þá fá hann, verði
þetta að veruleika. Það eru alltaf
vandræði að þurfa að skammta. Úr
því það þarf og við megum ekki
veiða ótakmarkað verður eitthvað
að gera. Kvótakerfið er ekki verri
leið en hver önnur. Sennilega hefur
verið eitthvað meira af þorski í
sjónum í sumar, en fiskifræðingar
spáðu, en hann hefur ekki verið
hér fyrir Suðurlandi. Ég held að
það sé allt í lagi að lofa fiskinum
að koma til hrygningar hér, en að
vera ekki að leyfa aukningu fyrir
Gísli Jónsson
norðan og vestan," sagði Gísli Jón-
asson.
Gísli Konráðsson, annar framkvæmdastjóra ÚA:
Spurning hvort
takmarkana sé þörf
„ÉG SKIL orð Halldórs Ásgrímsson-
ar þannig, að væri hægt að koma sér
niður á mörkun fiskveiöistefnu til
þriggja ára, sjái hann ekkert óeðli-
legt við það, að eitthvað af næsta
árs kvóta yrði tekið á þessu ári vegna
þess ástands, sem nú hefur skapazt
við það að fjöldinn allur af skipum
er að verða búinn og er búinn með
kvóta sinn. Ég hef ekkert nema gott
um þetta að segja og þá er ég auðvit-
að að hugsa um hagsmuni Utgerðar-
félags Akureyringa. Við erum hér
með fjóra togara og það er ekkert
gaman að vera með þá aðgerðalausa
fleiri mánuði ársins. Hitt er annað
mál að þetta gæti komið eitthvað illa
við aðra, sem hafa klárað kvótann
snemma árs og hafa ekki aðstöðu
til að byrja að nýju á þessu ári,“
sagði Gísli Konráðsson, annar fram-
kvæmdastjóra Útgerðarfélags Akur-
eyringa.
„Ég hef trú á því að kvótakerfið
sé alls ekki svo slæmt út af fyrir
sig, ef á annað borð þarf að tak-
marka veiðarnar, en það er stóra
spurningin hvort takmörkun er
þörf eða ekki. Þar eru menn engan
veginn sammála og ég ætla mér
ekki þá dul að greina þar á milli.
Vísindamenn annars vegar og sjó-
menn hins vegar eru alls ekki
sammála um þetta, en maður
freistast nú tölvert mikið til þess
Gísli Konráðsson
að hlusta á sjómennina. Þeir vita
ýmislegt um þessi mál. Miðað við
takmörkun sé ég enga stóra van-
kanta á kvótakerfinu. Nú hafa
menn tvo kosti, aflamark og sókn-
armark. Mér sýnist ekkert óeðli-
legt við það fyrst skammta þarf á
annað borð. Ég get ekki bent á
neitt betra, en bezti kosturinn er
sá að þurfa ekki að skammta og
manni virðist að Vestfirðingar séu
á þeirri skoðun að hún sé ástæðu-
laus. Ég held líka, að það sé ákaf-
Iega hæpið að treysta á það, að
með því að skilja fiskinn eftir í
sjónum megi ganga þar að honum
næsta ár. Það er ekki alveg eins
og að sækja sér kartöflur í matinn
úr garðinum sínum," sagði Gísli
Konráðsson.