Morgunblaðið - 05.10.1985, Blaðsíða 20

20
MORGUNBLAÐIÐ, LAUGARDAGUR 5. OKTÓBER1985
AP/Sfmamynd
Brunnir bílar í Brixton
Bninnir bílar lágu víða í hrönnum eftir óeirdirnar, sem urðu í Brixton-
hverfi í Lundúnum um síðustu helgi. Hófust þær eftir að lögreglan
hafði fyrir slysni skotið á og sært svarta konu þegar verið var að leita
að syni hennar.
Tutu studdur
í opnu
Jóhannesarborg, 4. oklóber AH.
Fimmtán baráttumenn fyrir al-
mennum mannréttindum víðs vegar
að úr heiminum lýstu í dag yfir stuðn-
ingi við Desmond Tutu, biskup í
Suður-Afríku, og baráttu hans við
kúgunina, grimmdina og ofbeldið,
sem stjórnvöld í landinu beittu
svarta menn.
í opnu bréfi til Tutus skorar
þjóðlagasöngkonan Joan Baez á
minnihlutastjórn hvítra manna í
Suður-Afríku að „slíðra sverðin og
stöðva blóðbaðið" en meðal ann-
arra, sem rituðu undir áskorunina,
voru Lech Walesa, Mairead Corr-
igan Maguire, einn af stofnendum
friðarhreyfingarinnar á Norður-
írlandi, séra Jesse Jackson, Co-
retta Scott King, ekkja Martin
Luther Kings, og Kim Dae Jung,
sem barist hefur fyrir auknum
mannréttindum í Suður-Kóreu.
Áskorunin birtist í dag í blaðinu
„Johannesburg Star“ og kemur í
öðrum blöðum á morgun, laugar-
dag.
Frumsýnir
bandaríska gamanmyndí úrvalsflokki:
VAFASÖM
VIÐSKIPTI
Bönnuöinnan 14ára
ITIföow aiwaTl
Sýndkl.5,7,9og 11.
Árangurslaus fundur
olíuráðherra OPEC
Ekvador íhugar úrsögn úr samtökunum
Vín, 4. október. AP.
FUNDUR olíuráðherra OPEC-ríkj-
anna, sem lauk í Vín í dag, varð
árangurslaus með öllu. Fulltrúi
Ekvador mætti ekki á lokafundina
og ráðherrar hinna aöildarríkjanna
tólf náðu engu samkomulagi sín á
milli.
Ahmed Zaki Yamani, olíuráð-
herra Saudi-Arabíu, sagði frétta-
mönnum að fundinum loknum að
beðið væri með að taka ákvarðanir
um mikilvægustu úrlausnarefni
þar til í desember, en þá koma
ráðherrarnir saman til reglulegs
fundar.
Yamani lagði áherslu á, að enda
þótt ekkert samkomulag hefði
tekist væri búist við því að aðildar-
ríkin mundu halda áfram að tak-
marka olíusölu sína. Hann sagði
jafnframt, að engin breyting yrði
á opinberu olíuverði samtakanna.
Subroto, oliuráðherra Indónesíu,
sem er forseti OPEC, sagði, að á
næstunni færu fram óformlegar
viðræður um olíuverð og olíufram-
leiðslu í höfuðborgum OPEC-ríkj-
anna. Kvað hann þær viðræður
vera til undirbúnings desember-
fundinum.
Sex aðildarríkja OPEC, þ.á m.
Ekvador, hafa óskað eftir því að
fá stærri skerf af olíukvóta sam-
takanna. Við þessum tilmælum var
ekki orðið og var það ástæða þess
að olíuráðherra Ekvador yfirgaf
fundinn áður en honum lauk og
lýsti því yfir að ríkisstjórn sín
íhugaði úrsögn úr OPEC.
Yamani áréttaði á fundi með
blaðamönnum að Saudi-Arabar
byðu nú olíu ódýrar en áður. Kvað
hann það marka tímamót í sögu
OPEC. „Síðasta aðildarríkið, sem
fylgdi hinu opinbera verði OPEC,
hefur nú breytt um stefnu og fer
að dæmi hinna aðildarríkjanna,"
sagði Yamani. Með því gaf hann í
skyn, að önnur aðildarríki hefðu
ekki fylgt verðlagsreglum samtak-
anna.
Yamani kvaðst hins vegar ekki
eiga von á því að stefnubreyting
Saudi-Araba mundi strax leiða til
breytinga á olíumarkaðnum. „Ég
held að hún hafi engin áhrif fyrst
um sinn,“ sagði hann.
Gorbachev
ekki sáttur
við Thatcher
París, 4. október. AP.
Mikhail S. Gorbachev, leiðtogi
Sovétríkjanna, hefur ekki fyrirgefið
Margaret Thatcher, forsætisráðherra
Breta, að hafa rekið úr landi 31
Sovétmann, sem sakaður var um
njósnir. Gorbachev, sem nú er í opin-
berri heimsókn í Frakklandi, sagði f
dag, að Thatcher hefði „grafið undan
alþjóðlegri slökun“ með brottrekstr-
inum.
Á fréttamannafundi í dag var
Gorbachev spurður hvort hann
hefði fyrirgefið Thatcher brott-
reksturinn og svaraði hann þá og
sagði, að „njósnararnir“ hefðu að-
eins verið „sérfræðingar, sem reynt
hefðu að fylgjast með því, sem fram
fór í þjóðfélaginu", þ.e.a.s. Bret-
landi, en allt í einu hefði Thatcher
rekið þá burt fyrir njósnir. Sakaði
hann síðan Thatcher um að vilja
spilla fyrir alþjóðlegri slökun.
AP/Símamynd
Dátar feguröarinnar
Það hýrnaði líklega yfir sjóliðum herskipa ef jafnléttklæddir dátar
fegurðarinnar og stúlkurnar tvær eru stigu á skipsfjöl. Stúlkurnar eru
fyrirsætur og eru frá Kaliforníu. Þær eru staddar í London í tilefni
útkomu svokallaðs Lamb dagatals fyrir árið 1986. Haldinn var blaða-
mannafundur um borð í herskipinu HMS Discovery í tilefni útkomunn-
ar og varð meöfyIgjandi mynd tekin við það tækifæri.
Hlaut 5 ára fangelsi
fyrir upploginn glæp
— þrátt fyrir fjarvistarsönnun
London, 3. október. AP.
ENSK KONA, sem nú er búsett í Kaliforníu í Bandaríkjunum, hefur
játað að hafa spunnið upp glæp, sem maður nokkur hefur setið í fang-
elsi fyrir í Bretlandi í tvö ár, að því er fram kom í breska sjónvarpinu
í g«er.
I þætti, sem nefndist “Harka-
leg réttvísi", játaði konan, Anne
Fitzpatrick, að hún hefði búið til
söguna um innbrotið, sem mað-
urinn, Anthony Mycock, fékk
fimm ára fangelsisdóm fyrir.
Mycock var dæmdur fyrir
tveimur árum og situr nú í
Durham-fangelsi í Norður-
Englandi. Talsmaður innanríkis-
ráðuneytisins, sem fer með
dómsmál, kvað ráðuneytið ný-
búið að fregna af málinu og yrði
það kannað „tafarlaust".
Þátturinn var sýndur blaða-
mönnum í fyrradag, og við það
tækifæri sagði dagskrárgerðar-
maðurinn, Peter Hill: „Við vitum
ekki um neitt annað dæmi í sögu
bresks refsiréttar, þar sem sann-
ast hefur, að glæpurinn hafi ekki
verið framinn.
Fitzpatrick, sem er 31 árs
gömul, sagði lögreglunni á sínum
tíma, að tveir menn hefðu brotist
inn í íbúð hennar í Manchester
í Norður-Englandi, sparkað
hvolpinum hennar inn í svefn-
herbergi, barið hana sjálfa og
bundiö, þaggað niður í henni með
púða og horfið á braut með muni,
sem hún átti.
I sjónvarpsþættinum sagði
hún: „Eg var í miklu tilfinninga-
legu uppnámi, þegar þetta gerð-
ist. Núna vil ég að það komi skýrt
fram, að það var ekkert innbrot
framið, það var tilbúningur
wiinn.
Mér þykir þetta afskapiega
deitt vegna Anthony Mycock, og
ég er ákaflega döpur út af þessu.
Eg vona, að honum verði sleppt
úr fangelsinu hið bráðasta,"
sagði hún.
Fitzpatrick benti á Mycock við
sakbendingu hjá lögreglunni, og
hann var dæmdur, enda þótt
hann hefði fjarvistarsönnun og
passaði engan veginn við þá lýs-
ingu, sem hún hafði upphaflega
gefið af innbrotsmönnunum.
Hún fluttist til Bandaríkjanna
tveimur vikum eftir að réttar-
höldunum lauk og hefur starfað
þar sem barnfóstra.
Sir Edward Gardner, lögfræð-
ingur, formaður dómnefndar
neðri málstofu breska þingsins,
hefur farið fram á að Mycock
verði þegar sýknaður.
Gardner kvað Fitzpatrick hafa
logið alla málsaðila fulla á
„dæmalaust ósvífinn hátt. Meðal
(þeirra sem hún dró á asnaeyrun-
<um voru lögreglan, saksóknar-
inn, verjandinn, dómarinn og
kviðdómurinn," sagði Gardner.