Morgunblaðið - 17.10.1985, Blaðsíða 31

MORGUNBLAÐIÐ, FIMMTUDAGUR17. OKTÓBER1985
31
Námskeið í Akido
— japanskri sjálfsvörn
AKIDO-kennarinn Poul Rapley er
nú staddur hér á landi og ætlar hann
að halda Akido-námskeið næstu
helgi í íþróttahúsi Kennaraháskólans
jafnframt því sem hann mun halda
sýningu á sunnudagskvöldið kl.
19.00. Þetta er annað námskeið hans,
en hið fyrra var um síðastliðna helgi.
Poul er Englendingur en kemur
hingað frá Arósum í Danmörku
þar sem hann hefur stofnað og
starfrækt Akido-klúbb síðustu ár-
in. Hann hefur svokallað svart
belti í íþróttinni og hefur stundað
hana i 20 ár.
Akido er yngsta grein japanskr-
ar sjálfsvarnar og byggist á því
að virkja innri kraft einstaklings-
ins í samræmi við og með krafti
umhverfisins (andstæðingsins).
Markmið Akido er samræmik'g
öndunar, jafnvægis og hreyfinga.
Iþróttin leggur áherslu á samræm-
ingu og samvinnu þessara þátta
frekar en að nota vöðvaafl gegn
vöðvaafli.
Akido byggist á ævafornri jap-
anskri hefð, sverðalist. íþróttin er
jafnt fyrir unga sem gamla og er
óháð líkamlegum styrkleika.
Poul Rapley

Sigurborg AK landar sfld.
Morgunblaöið/Jón Gunnlaugsson
Akranes:
Góð síld- og loðnuveiði
Akranesi 14. október.
UM HELGINA hefur bæði verið
landað hér á Akranesi sfld og loðnu.
Víkingur AK kom á laugardaginn
með fullfermi af loðnu og er þetta
önnur löndun heima enda skipið eign
Sfldar og fiskimjölsverksmiðju Akra-
ness.
Þá landaði Sigurborg AK 29
tonnum af síld sem skipið fékk á
ísafjarðardjúpi. Síldin var söltuð
hjá HB & Co hf. Skírnir AK hélt
til síldveiða í gær. Tveir togarar
eru að landa hér I dag. Höfðavík
AK er með um 100 tonn og Harald-
ur Böðvarsson AK130-140 tonn.
JG.
Neytendafélag Reykjavíkur og nágrennis:
Alþingi taki af skar-
ið í bjórmálinu
Á FUNDI stjórnar Neytendafélags
Reykjavíkur og nágrennis fyrir
skömmu, var eftirfarandi ályktun
gerð um bjórmálið:
Neytendafélag Reykjavíkur og
nágrennis telur að tími sé til
kominn að Alþingi taki af skarið
um það hvort hér skuli fást keypt
áfengt öl eða ekki. Núverandi
ástand er með öllu óþolandi, þar
Fyrirlesturinn á
Landspítalanum
í Morgunblaðinu í gær var sagt
frá fyrirlestri sem haldinn verður um
ofnotkun róandi lyfja, en rangt var
farið með fundarstað.
Fyrirlesturinn verður haldinn á
geðdeild Landspítalans kl. 20.30 í
kvöld, fimmtudag.
Hannes Pétursson, yfirlæknir á
geðdeild Borgarspítalans, heldur
fyrirlesturinn.
sem allir landsmenn sitja ekki við
sama borð hvað varðar kaup á
áfengu öli.
Verði lög sem heimili sölu á
áfengu öli hér á landi ekki sam-
þykkt á næsta Alþingi telur Neyt-
endafélagið rétt að tekið verði
fyrir sölu á áfengu öli í Fríhöfninni
á Keflavíkurflugvelli og farmönn-
um og ferðamönnum verði bannað
að flytja inn áfengt öl.
Neytendafélag Reykjavíkur og
nágrennis varar eindregið við
hringlandahætti stjórnvalda í
áfengismálum. Ábyrg stefna í
þeim málum er nauðsynleg og hún
verður að byggjast á jafnræði og
frjálslyndi.
Neytendafélagið bendir á að sú
hætta sem stafar af neyslu áfengis
ætti að vera öllum ljós, en með
skynsamlegri upplýsingu og
fræðslu og réttlátum lögum er
hægt að ná meiri árangri en með
boðum og bönnum.
Morgunblaöið/Júlíus
Á æfíngu f.h. Gísli Halldórsson og Kjartan Bjargmundsson.
Miðnætursýningar LR:
Ástin sigrar eftir
Ólaf Hauk Símonarson
MIÐNÆTURSÝNINGAR Leik-
félags Reykjavíkur hefjast nk.
laugardagskvöld í Austurbæjarbíói
meó sýningu á leikritinu Ástin
sigrar eftir Olaf Hauk Símonarson.
Sýningar verða framvegis á laugar-
dagskvöldum og hefjast kl. 23.30.
Astin sigrar, sem var frumsýnt
1 Iðnó sl. vor, er léttur gamanleik-
ur úr íslenskri samtlð. Aðalper-
sónurnar eru hjónin Hermann
og Dóra sem eru í þann veginn
að skilja, þar eð Hermann hefur
hrifist af háskólastúdínunni
Kristínu og Dóra kynnist vaxtar-
ræktartröllinu Halli. Einnig
koma við sögu heimilisvinurinn
Noi tannlæknir, móðir Her-
manns að norðan, mótorhjólagæ-
inn Arnljótur og fleira gott fólk.
Leikstjóri er Þórhalldur Sig-
urðsson en með aðalhlutverk
fara Kjartan Bjargmundsson,
Valgerður Dan, Gísli Halldórs-
son, Ása Svavarsdóttir og Jón
Hjartarson. Lýsinu annast Daní-
el Williamsson og leikmynd gerði
Jon Þórisson.
Fréttatilkynning
Gestafyrirlestrar í vatnafræði
TVEIR fyrirlestrar á vegum íslenska
vatnafræðafélagsins og Verkfræði-
deildar llí verða haldnir á morgun,
fóstudag, í Odda, hugvísindahúsi
Háskólans, stofu 101.
Fyrri fyrirlesturinn hefst kl.
10.00, en þá flytur Erling Rördam,
yfirverkfræðingur hjá Umhverfis-
málastofnuninni í Danmörku, fyr-
irlestur, sem hann nefnir „Skipu-
leg samnýting vatnsforðans".
Kl. 11.00 heldur Lars Bengtsson,
prófessor við Vatnafræðideild
Uppsalaháskóla, fyrirlestur um
„Kröfur til mælingatíðni vegna
útreikninga á snjóbráð". Efni þess
fyrirlesturs eru vandamál sem upp
koma í rennslislíkönum sem
byggja á snjóbráð vegna skorts á
nógu tíðum mælingum.
Áðgangur að fyrirlestrunum er
ókeypis og öllum heimill.
„Konur,
hvað nú?“
— yfirlitsrit um
stöðu íslenskra
kvenna
„Konur, hvað nú?“ nefnist bók
sem kemur út 24. október nk. á tíu
ára afmæli kvennafrídagsins. Er hér
á ferð yfírlitsrit um stöðu íslenskra
kvenna frá því á kvennaárinu 1975
til loka kvennaáratugar SÞ á þessu
ári. í bókinni er aö fínna úttekt á
því hvort, og þá hvernig, konum
hefur miðað áleiðis til jafnréttis og
jafnrar stöðu á margvíslegum sviðum
þjóðfélagsins á síðustu tíu árum.
Bókin er um 300 blaðsíður og
skiptist í 14 kafla. Sérfróðir höf-
undar — allt konur — skrifa hver
sinn kaflann um lagalega stöðu
kvenna, menntun, atvinnu- og
launamál, félagslega stöðu, konur
í forystustörfum og heilbrigði
kvenna og heilsufar. Ennfremur
er í bókinni kafli þar sem raktir
eru helstu viðburðir í sögu kveitna
og kvennahreyfinga á tímabilinu
1975—1985. Þá er fjallað um list-
sköpun kvenna og dregin upp fróð-
leg og ítarleg mynd af hlut þeirra
í bókmenntum, tónlist, myndlist,
leiklist, byggingarlist, ballett og
kvikmyndagerð. Ritstjóri bókar-
innar er Jónína Margrét Guðna-
dóttir. Um 30 myndlistarverk eftir
konur prýða bókina auk ljós-
mynda.
Bókin er gefin út af Jafnréttis-
ráði og ’85-nefndinni, samstarfs-
nefnd í lok kvennaáratugar SÞ, og
er megintilgangurinn að afla vitn-
eskju og staðreynda um stöðu
kvenna í samtímanum til að betur
sé hægt að átta sig á hvar helst
er þörf fyrir átak í jafnréttis-
baráttunni í nánustu framtíð.
Útgáfan er kostuð með söfnun
áskrifenda en auk þess veitti Vís-
indasjóður styrk til rannsókna
vegna útgáfunnar. Áskrifendur fá
bókina á érstöku áskriftarverði
þar til sala hennar hefst í bóka-
verslunum. Ætlunin er að láta
hagnað, ef einhver verður, renna
til kaupa á færanlegu leitartæki á
vegum Krabbameinsfélagsins ög
láta þannig íslenskar konur sjálfar
njóta góðs af útgáfunni.
RIUMPH
Gabríele 9009
BRAÐFALLEG
Marks:
Good industrial
design
RAFEINDARITVÉL MEÐ LETURKRÓNU
Gabriele 9009 fékk hina eftirsóttu umsögn
„Good Industrial Design" fyrir frábæra hönnun.
Gabriele 9009 er nýr mælikvarði fyrir ritvélar.
SÉRSTAKLEGA GOTT ÍSLENSKT LETUR.
Leiðréttingaminni 2 línur.
Einkaritvél fyrir atvinnumanninn.
Heimilisritvél.
Skólaritvél.
Verö kr. 29.800,-

sJ
<\o
Einar J. Skúlason hf.
Hverfisgötu 89, sími 24130.