Morgunblaðið - 17.10.1985, Page 50

50
MORGUNBLAÐIÐ, FIMMTUDAGUR17. OKTÓBER1985
Á
„ Eo \jer& búínn eftír KAl-Pa mínútu,,
e l^kcm."
... óviðjafnanleg
gleði.
TM Reg. U.S. Pat. Off.-all riflhts reserved
«1985 Los Angeles Times Syndlcate

Hugsaðu þér: Það er hægt
að ná yfir 200 km hraða á
honum núna!
HÖGNI HREKKVÍSI
Fossvogsdalur.
Verndum Fossvogsdalinn — Gerum þar golfvöll
Reykvikingur í Fossvogi skrifar:
Bezta leiðin til að vernda Foss-
vogsdalinn er að gera þar golfvöll,
sem nýttist útivistarfólki allan
ársins hring. Hraðbraut um dalinn
er kostur, sem verður að forðast.
Umferðarvandamálin verður að
leysa á annan hátt, þó svo að það
verði dýrt og ef til vill erfitt. Það
yrði líka dýrt og snúið að leggja
hraðbraut um Fossvogsdal. Hvað
sem segja má um fyrri stefnumið
bæjarstjórnar Kópavogs og sam-
þykktir um að leggja hraðbraut
um dalinn og þau vandamál sem
sinnaskipti þeirra í Kópavogi hafa
nú í för með sér fyrir Davíð og
félaga þá er ábyggilegt að íbúar
Reykjavíkurmegin í Fossvogi
myndu harma hraðbraut um dal-
inn en fagna þar golfvelli.
Þuluna er að finna
í riti frá 1887
Hver á Lund?
Kópavogsbúi hringdi og vildi tjá
sig um viðtal sem birtist í Morgun-
blaðinu síðastliðinn fimmtudag við
bæjarstjóra Kópavogs, Kristján
Guðmundsson, um hugsanlegan 18
holu golfvöll í Fossvogsdalnum.
„í viðtalinu heldur bæjarstjór-
inn því fram að Kópavogsbær eigi
ekki Lund. { framhaldi af þessu
langar mig að spyrja hver eigi
hann þá ef það eru ekki íbúar
Kópavogs."
Fyrir skömmu birtist þula hér í
Velvakanda sem Sigrún Guð-
mundsdóttir sendi og vildi hún
gjarnan frétta af einhverjum sem
kynni þuluna. Helga Þórarins-
dóttir hringdi og sagðist eiga for-
láta bók þar sem í væri m.a. þessi
þula ásamt ýmsu fleiru. Ritið heit-
ir „íslenskar gátur, skemmtanir,
vikivakar og þulur" og er í tveimur
bindum eftir J. Árnason og Ó.
Davíðsson. Bókin er gefin út hjá
Hinu íslenska bókmenntafélagi og
er reyndar orðin nokkuð gömul eða
frá 1887. Þar er hægt að fá fram-
hald á þulunni og svar við henni.
Til gamans birtum við alla þul-
una en hana sendi Helga ísaks-
dóttir.
Einn er stafur í öllum sveitum,
annar djúpt á fiskileitum,
þriðji er á himnahæðum,
fjórði er á skýjaleiðum,
fimmti situr fjöllum hátt,
sjötti þar sem seggir stríða,
sjöundi þar sem lækir líða,
áttundi hjá ítamengi,
alla gleður röskva drengi.
Svarið er Sigríður.
Víkyerji skrifar
Það má mikið vera ef frum-
kvæði Helgu Bachmann um
að setja upp kjallaraleikhús í
kvennahúsinu nýja við Vesturgötu
til sýninga á Reykjavíkursögum
Ástu Sigurðardóttur á ekki eftir
að leiða til þess, að þarna verði
leikhús til frambúðar. Þessi litla
kjallarahola er vel fallin til sýn-
inga af því tagi, sem þar fara nú
fram kvöld eftir kvöld fyrir fullu
húsi.
Það er til marks um mikinn
endurnýjunarkraft hjá þeim hjón-
um Helgu Bachmann og Helga
Skúlasyni, sem bæði eru þjóðkunn-
ir leikarar og fastráðin við Þjóð-
leikhúsið að standa fyrir leiksýn-
ingum sem þessum við erfiðar
aðstæður. Þau hafa fengið til liðs
við sig framúrskarandi leikara af
yngri kynslóðinni, Guðrúnu S.
Gísladóttur, sem sýnir ótrúlega
fjölhæfni og frábæran leik, Guð-
laugu Maríu Bjarnadóttur, sem
seinni árin hefur verið einn af
burðarásum Leikfélags Akureyrar
og Emil Gunnar, sem lék Þórberg
ungan um árið. Þetta er eftir-
minnileg sýning, sem ástæða er til
að hvetja fólk til að sjá. Ásta
Sigurðardóttir er minnsstæð þeim,
sem muna hana frá götum Reykja-
víkur á sjötta tug aldarinnar og
frá hinu þekkta kaffihúsi, Lauga-
vegi 11.
Igær tók nýr fjármálaráðherra
við embætti, Þorsteinn Páls-
son, formaður Sjálfstæðisflokks-
ins. Ef marka má ræður hans og
málflutning verður hann ráðdeild-
arsamur niðurskurðarráðherra.
Það hefur aldrei þótt löstur að
vera íhaldssamur á almannafé. En
hvort Þorsteinn verður jafn spar-
samur og einn fyrirrennara hans,
Halldór E. Sigurðsson, á eftir að
koma í ljós. Halldór borgaði nefni-
lega úr eigin vasa kókið, sem hann
bauð viðmælendum sínum upp á í
ráðuneytinu.
XXX
Deilumál milli ráðherra er eitt
af uppáhaldsskemmtiefnum
þjóðarinnar eins og 'allir vita.
Hljótt hefur verið um erfitt
ágreiningsmál, sem kom upp á
milli Alberts Guðmundssonar frá-
farandi fjármálaráðherra og Jóns
Helgasonar, dómsmálaráðherra,
sem jafnframt er yfirmaður Land-
helgisgæzlunnar. Albert vildi selja
Slysavarnafélaginu varðskipið Þór
á 1 krónu. Jóni þótti það of lítið
og vildi selja það á 1000 krónur.
Aldrei þessu vant varð Albert að
lúta í lægra haldi og skipið var
selt á þúsundfalt hærra verði en
hann vildi.
Mál manna í fjármálaheimin-
um er, að mikil deyfð sé
yfir viðskiptalífinu í landinu. Fyr-
irtæki halda að sér höndum um
framkvæmdir og leita ekki eftir
lánsfé af þeim sökum til bankanna.
Að margra mati er ástæðan bæði
óv;ssa um gengismál og kjara-
samninga, sem verða lausir um
áramót. Mikil eftirspurn er enn
eftir peningum frá einstaklingum,
fyrst og fremst til þess að standa
í skilum með aðrar greiðsluskuld-
bindingar. Talið er, að einstakling-
ar haldi einnig mjög að sér hönd-
um með nýjar fjárfestingar. Bygg-
ingameistarar margir hverjir sitja
uppi með óseldar íbúðir svo tugum
skiptir. Þrátt fyrir þessa deyfð eru
engin merki atvinnuleysis enn sem
komið er. Væntalega er það til
marks um hvað neðanjarðarhag-
kerfið er sterkt. Og ekki minnkar
það, ef farið yrði að skattleggja
sparifé. Sparnað á að verðlauna.
XXX
XXX
Veitingastaðir spretta upp víðs
vegar um borgina og er fjöl-
breytni í þeim mikil og skemmti-
leg. Við Hlemm er lítill veitinga-
staður, sem nefnist Alex. Þar fara
saman, snoturt umhverfi, góð
þjónusta og góður matur. Veit-
ingastaður, sem óhætt er að mæla
með.
XXX
41