Morgunblaðið - 15.11.1985, Side 16
16
MORGUNBLAÐIÐ, FÖSTUDAGUR15. NÓVEMBER1985
40 glös*af
hressandi Cola
í einni flösku
Þú þarft að koma fleiru en Cola
fyrir í ísskápnum, er þaö ekki?
1 glas = 20 sl
SÓLHF
Gerum góða
borg betri
— eftir Sigurbjörn
Þorkelsson
Nú líður að sveitarstjórnarkosn-
ingum. Sjálfstæðismenn og borg-
arbúar allir geta fagnað árangri
sem náðst hefur í uppbyggingu
höfuðborgarinnar á líðandi kjör-
tímabili. Röggsamur borgarstjóri
og sterkur meirihluti Sjálfstæðis-
flokksins í borgarstjórninni hefur
skilað sér vel. Það er áríðandi að
við getum haldið áfram þeirri
uppbyggingu sem hafin er og verð-
ur því að berjast fyrir að halda
meirihluta Sjálfstæðisflokksins í
borgarstjórninni. Eða hver vill
upplifa aftur þá sundrung og það
aðgerðarleysi sem ríkti í borgar-
málunum er vinstri flokkarnir
réðu á árinum 1978—1982?
Þakka ber þeim borgarfulltrú-
um sem staðið hafa sig eins vel
og raun ber vitni. Ég tel það þó
styrkja flokkinn að fá nokkur ný
nöfn á framboðslistann. Sjálfstæð-
ismenn verða að hafa í huga að
nú kjósa yngri kjósendur en áður
hafa gert. Þess vegna er nauðsyn-
legt að ungt fólk skipi nokkur
örugg sæti eða baráttusæti á fram-
boðslistanum nú í vor.
Það er eitt atriði úr stefnu Sjálf-
stæðisflokksins sem ráðamenn
hans hafa lítinn gaum gefið að,
sérstaklega í seinni tið. Það er að
styðja við bakið á kirkju og kristin-
dómsmálum. Úr því verður að
bæta, ef við ætlum að byggja upp
lifandi borg með heilbrigðu fólki.
Ég vil beita mér fyrir þvi að
kristileg æskulýðsstarfsemi verði
styrkt á allan hátt. Einnig þarf
að opna börnum og unglingum
aðstöðu til iþróttaiðkana og tóm-
stundastarfs í auknum mæli.
Stuðla þarf að því að félög sem
starfa í borginni á þessum vett-
vangi og telja hundruð ef ekki
þúsundir félaga verði gert kleift
að færa út kviarnar og efla þannig
heilbrigða starfsemi sína. Æskan
er framtið borgarinnar. Þess
vegna er brýnt að efla kristilegt
og annað heilbrigt æskulýðsstarf
i borginni.
Borgin ásamt iþrótta- og æsku-
lýðsfélögum noti allar tiltækar
leiðir til að vinna gegn vimugjafa
vánni, aðrar en þær að fjalla um
þau mál opinberlega. Ég tel það
aðeins verka öfugt.
Fjölga verður barna- og dag-
heimilum í borginni í samræmi við
eftirspurn. — Gera þarf átak til
að bæta umferðarmenningu borg-
arinnar. — Sorphreinsun borgar-
innar verði boðin út. — Athugaðar
verði nýjar leiðir i rekstri SVR
með tilliti til hagkvæmni og bættr-
ar þjónustu. — Verkefni Hitaveitu
Reykjavíkur verði boðin út í aukn-
um mæli. — Komið verði á fót
hugmyndasamkeppni meðal borg-
arbúa varðandi uppbyggingu og
framtið Viðeyjar, með tilliti til
aukins ferðamannastraums i eyna.
— Þjónustuíbúðum fyrir aldraða
verði fjölgað verulega. öldruðum
borgarbúum verði gert kleift að
lifa áhyggjulausu ævikvöldi. —
Áfram verði haldið uppbyggingu
nýs íbúðahverfis í Grafarvogi. —
Vinna þarf ötullega að sköpun hins
nýja miðbæjar. — Byggingu Borg-
arleikhúss verði hraðað. — Vinna
þarf að miklum endurbótum á
gamla miðbænum. — Bæta þarf úr
bílastæðisþörf í gamla miðbænum.
— Auka þarf samskipti við ná-
grannasveitarfélögin með hag-
VJterkurog
kJ hagkvæmur
augiýsingamiðill!
Sigurbjörn Þorkelsson
kvæmnis sjónarmið í huga. —
Störf lögreglu á höfuðborgarsvæð-
inu verði sett undir sama hatt. —
Herða verður heilbrigðiseftirlit á
sundstöðum borgarinnar. — Borg-
in leitist við að selja hlutabréf í
Bæjarútgerð Reykjavíkur. —
Borgaryfirvöld beiti sér sérstak-
lega fyrir og stuðli að nýsköpun í
atvinnulífi borgarinnar og þjóðar-
innar allrar.
Eins og sjá má eru verkefnin
óþrjótandi, þó ég hafi ekki nefnt
nema lítinn hluta þeirra verkefna
sem vinna þarf að og eru mér
hugleikin.
Fyrir mestu er, fyrir sjálfstæðis-
menn að þeir sætti sig við endan-
legan framboðslista fyrir borgar-
stjórnarkosningarnar í vor og
vinni í sameiningu að sem glæst-
ustum sigri Sjálfstæðisflokksins.
Allirsem einn.
Sigurbjörn Þorkelsson er verslun-
armadur í Kevkjavík.
Reyðarfjörður:
Söltun
lokið
Reyðarfjörður, 12. nórember.
FYRIR viku síðan lauk söltun
hér á Reyðarfirði og var saltað
í 19.572 tunnur sem skiptist
þannig að Verktakar eru hæstir
með 8.333 tunnur, GSR með
4.800 tunnur, Kópur sf. með
3.200 tunnur, Austursíld með
3.000 tunnur og Hraun með 239
tunnur.
Þegar mesta törnin var þá
höfðu fljótustu stúlkurnar
yfir 30 þúsund krónur yfir
vikuna, en söltunin stóð ekki
nema í rúmar tvær vikur, svo
að þetta var stuttur tími. Nú
þegar söltun er lokið hér á
Reyðarfirði eru komnar 38
konur á atvinnuleysisskrá og
búist er við að fleiri verði
búnar að skrá sig fyrir helgi.
óvíst er hvenær þessar konur
geta farið að vinna aftur, því
verið er að breyta og laga
frystihúsið hjá Kaupfélaginu
og óvíst hvenær þeir verða
tilbúnir að taka á móti fiski.
Togarinn Snæfugl er á veið-
um og selur 21. nóvember í
Englandi.
Gréta.
j