Morgunblaðið - 21.11.1985, Side 63

MORGUNBLAÐIÐ, FIMMTUDAGUR 21. NÓVEMBER1985
63
VELVAKANDI
SVARAR í SÍMA
10100 KL. 10—11.30
FRÁ MÁNUDEGI
TIL FÖSTUDAGS
nM ujjunf^-ujj'/j ir
Fyrirsögn ekki í
samræmi við frétt
Magnús Þorkeisson, Króka-
hrauni 12, Hafnarfirði, skrifar:
Velvakandil
Það er frægara en frá þurfi að
segja að vilji maður láta eitthvað
sem er ósatt líta út sem sannleika
er best að beita þeirri frægu list
tölfræði. Þetta hafa hagfræðingar
svo og fleiri stéttir gert oftsinnis
til að koma fram málefnum sínum
og þá ekki síst í pólitískum til-
gangi.
Morgunblaðið og framkvæmda-
stjóri Vinnuveitendasambandsins
ganga svo langt í þessari list ný-
lega (Mbl. 29.10.’85) að ég get ekki
orða bundist og vil því spyrja um
eftirfarandi að gefnu tilefni:
1. Yfir forsíðufrétt stóð „Hol-
lendingar vilja kjarnorkueldflaug-
ar“. Það kemur fram að tveir aðilar
hafi gert skoðanakönnun um mál-
ið. Annars vegar voru samtök
hlynnt NATO sem fundu út að 59%
hollensku þjóðarinnar (skv. völdu
úrtaki væntanlega) vilji fyrrnefnd
kjarnavopn í land sitt. Hinn aðil-
inn var vinstrisinnuð útvarpsstöð
sem taldi 55% þegnanna vera á
móti slíku. Þá kemur einnig fram
að 3,7 millj. manna hafi skrifað
undir mótmæli við uppsetningu
kjarnorkuflauga í Hollandi. Ef
tekið er tillit til þess að Hollend-
ingar teljast um 14.5 millj. manna,
þá má reikna með þvi að kjósendur
séu um 8 millj. Virðast mér undir-
skriftir því vera frá ansi ríflegum
hópi kjósenda, þ.e. ef kosningaald-
ur var þau mörk sem friðarhreyf-
ingin hollenska setti fyrir því að
skrifa mætti undir.
Spurning mín er því þessi: hvar
kemur fram í fréttinni eitthvað
frá óvefengjanlega hlutlausum
aðila sem rökstyður fyrirsögnina
„Hollendingar vilja kjarnorku-
flaugar" eða var hún bara til
skrauts og ómarktæk?
2. Magnús Gunnarsson, fram-
kvæmdastjóri VSÍ, lét hafa eftir
sér í sama blaði (bls. 2) sem og
reyndar í flestum fjölmiðlum, að
73% kvenna stefndi á störf hjá
hinu opinbera. Segir hann það afar
athyglisvert að á sama tíma og
kennarastarfið hafi fengið mjög
„neikvæða kjaralega umfjöllun sl.
tvö ár, þá verður engin breyting á
því að þangað stefni konur áfram í
ríkum mæli“. (leturb. MÞ). Þetta
ásamt því að vísa í að 85% nem-
enda Kennaraháskóla Islands séu
kvenkyns hafa fjölmiðlar gleypt
hrátt. Allir eru búnir að gleyma
u.þ.b. tveggja mánaða gamalli
frétt sem sagði frá því að umsókn-
um til KHI hafi fækkað úr yfir
200 í innan við þau 120 pláss sem
skólinn býður upp á á fyrsta ári.
Þá má velta þvi fyrir sér hvort
tengsl kunni að liggja á milli þess
að kjör kennara hafi versnað og
þess að nitján ára gamall ungling-
ur sé ráðinn sem skólastjóri I
Grímsey (sbr. DV 2.11.’85 bls. 4).
Þá fer réttindalausum kennurum
ekki fækkandi og sums staðar er
vart hægt að halda uppi kennslu
í greinum s.s. tölvufræði o.fl. (t.d.
Fjölbrautaskóla Selfoss).
Ég spyr Magnús Gunnarsson
hvort svona upplýsingar hafi ekk-
ert að segja um hina neikvæðu
kjaralegu umfjöllun ellegar þá sú
staðreynd að fjöldi réttindalausra
starfsmanna í skólum minnkar
síður en svo? Er framkvæmda-
stjóra VSÍ sama um framtíðar-
menntun barna sinna, eða arftaka
hans í starfi?
Myndi það kannski ekki vekja
neina athygli ef starfsmenn í
hæstarétti, og þá á ég við lögmenn
og dómara, hefðu ekki lokið lög-
fræðiprófi? Slíkur finnst mér og
mörgum kennurum að saman-
burðurinn ætti að vera.
Morgunblaðið víkur sér undan
árásum keppinauta sinna endrum
og sinnum i leiðurum og Stakstein-
um og talar þá um eigin þjóðernis-
kennd, tungu og málefnalega
umfjöllun sína. Þegar menn tala
um slíkt lengi í einu telja þeir að
allt hljóti að vera í lagi hjá sjálfum
sér. Mér sýnist Mbl. þurfa að skoða
eigin málflutning eins og það skoð-
ar andstæðinga sína. Segja má að
þessar fréttir endurspegli aðals-
merki Mbl. Hér var engu logið en
flestu viðkvæmu sleppt. Er það
sannleikur frelsisins?
Með vinsemd og virðingu.
Aths. ritstj.:
Fyrirspurn Magnúsar er rétt-
mæt að því leyti að fyrirsögnin er
ekki í samræmi við fréttina. Aðrir
svara fyrir sig.
Bréf vegna
prófkjörs
Sjálfstæðis-
flokksins
Velvakandi vill taka fram að öll
bréf er fjalla um prófkjör Sjálf-
stæðisflokksins vegna komandi
borgarstjórnarkosninga, verða að
birtast undir fullu nafni og heimil-
isfangi.
Meðkveðjum,
Velvakandi.
Frá opnun Laugavegar, en Ólafúr Jón er ekki fullkomlega ánægður
með breytinguna.
Þessir hringdu . .
Matthías
Jochumsson
og afkom-
endur hans
Matthías Finnsson, Efstahjalla
23, hringdi:
Fjölmiðlar voru að því spurðir
í Velvakanda á dögunum hvernig
þau séu skyld, þjóðskáldið, Matt-
hías Jochumsson og biskupsfrúin
okkar. Því er til að svara að allir
virðast fjölmiðlarnir hafa rangt
fyrir sér. Þannig er að ég og frú
Sólveig erum systrabörn og afi
okkar, Matthías Eggertsson,
prestur f Grímsey var bróðurson-
ur þjóðskáldsins Matthíasar
Jochumssonar.
Það er mjög almennur mis-
skilningur að bæði ég og biskups-
frúin séum afkomendur þjóð-
skáldsins. Hið rétta er sem sagt
að við og þjóðskáldið erum komin
út af sama manni.
Laugavegurinn
er vegartálmi
Nú er nýlokið breytingum á
neðsta hluta Laugavegs og flestir
borgarbúar eru á einu máli um
að útlit hans hefur batnað til
muna. En engin rós er án þyrna
og hafa Strætisvagnar Reykja-
víkur fundið óþyrmilega fyrir
því.
ólafur Jón Sigurjónsson vagn-
stjóri hafði samband við Velvak-
anda og hrósaði breytingunni á
Laugaveginum en hafði þó sitt-
hvað við hana að athuga. „Þetta
er snoturt fyrirkomulag en lík-
lega hafa skipuleggjendur verið
annars hugar meðan teikningin
lá enn á borðinu þeirra. Þótt
akreinin hafi verið þrengd veru-
lega er gatan enn opin ALLRI
umferð. Auk þess hefur verið
komið fyrir örfáum bílastæðum
sem ökumenn nýta til hins ýtr-
asta og leggja 2-3 bílar í hvert
stæði þannig að afturendi bif-
reiðarinnar stendur út á miðja
akbraut. Af þessu tvennu hefur
leitt að strætisvagnarnir geta
með engu móti haldið áætlun og
tekur strætóferð niður Lauga-
veginn liðlega 30 mínútur.
Það er furðulegt að meðan
hamrað er á nauðsyn þess að
bæta þjónustu við farþega al-
menningsvagna skuli með þessu
móti vera komið í veg fyrir allar
tilraunir í þá átt.“
Bréfdúfur
á lausu
Guðni Sigurbjarnarson hringdi
og á hann 20-30 bréfdúfur sem
hann vill gjarnan losna við. Bein-
ir hann þeim tilmælum til Gunn-
laugs sem hafði samband við
Velvakanda í leit að dúfum, að
hafa samband í síma 74166 eftir
klukkan 8 á kvöldin.
Kosturinn viö að þvo bílinn hjá okkur
er sá að bíllinn er tvísápuþveginn og
síðan færðu bón yfir allan bílinn. Ailt
þetta fyrir e.t.v. 390 kr. Þú getur líka
fengið Poly-lack á bílinn. Poly-lack er
acryl-efni sem endist mánuðum saman,
skírir litina og gefur geysifallegan gljáa.
Meðferðin tekur 20 mín. Vinsamlegast
pantið tíma. Allir Mercedes Benz eru
afhentir með Poly-lack-gljáa í Þýska-
landi.
Opiö virka daga frá kl. 9—7,
laugardaga og sunnudaga frá kl. 10—7.
Bílaþvottastööin Bíldshöfða
Sími 81944.
(við hliöina á Bilreióaeftirlitinu).
Microline182/192/193
Ný kynslóð
tölvuprentara!

Kostimir eru ótvíræöir:
• Þriöjungi minni og helmingi léttari en áður.
• Miklu hljóölátari en áður.
• Fullkomlega aðhæfðir IBM PC og sambæri-
legum tölvum.
• Ttengjast öllum tölvum.
• Prenta 160 stafi á sekúndu, skáletur og
gæðaletur.
• Notandi getur sjálfur hannað eigin leturgerðir.
• Fullkomin varahluta- og viðhaldsþjónusta.
• Til á lager.
Nýjungamar koma alltaf fyrst frá MICROLINE.
Það er því engin furða að
MICROLINE eru mest
seldu tölvuprentarar á íslandi.
ÍMÍKROl
Skeifunni 11 Sími 685610