Morgunblaðið - 05.02.1986, Blaðsíða 22

22
MORGUNBLAÐIÐ, MIÐVIKUDAGUR 5. FEBRÚAR1986
Suðurhlið nýja skólans verður nánast einn gluggi.
Fjölbrautaskóli Suðurlands:
Stefnt að því að hefja kennslu
í nýju húsnæði 1. september nk.
Selfossi 31. janúar.
ÁFORMAÐ er að flytja
starfsemi Fjölbrautaskóla
Suðurlands í nýbyggingu
skólans 1. september nk.
og flýta framkvæmdum
um eitt ár. Húsið verður
tekið í notkun að hluta og
er gert ráð fyrir að það
kosti 53 milljónir að gera
húsið kennsluhæft. Heild-
arkostnaður við frágang
þessa fyrsta áfanga húss-
ins er áætlaður 90 milljón-
ir.
Á fundi sínum 28. janúar var
skólanefnd Fjölbrautaskólans
einhuga um að hraða fram-
kvæmdum og stefna að því að
hefja kennslu í húsnæðinu 1.
september nk. Framlög heima-
aðila og ríkissjóðs nema á þessu
ári 17 milljónum til byggingar-
innar og er fyrirhugað að taka
lán til að brúa bilið. Er gert ráð
fyrir að dreifa lántökunni á 4 ár.
Gerð hefur verið sérstök
framkvæmdaáætlun sem miðar
að því að unnt verði að heQa
kennslu í húsnæðinu með sem
minnstum kostnaði. Er þá gert
ráð fyrir að fresta nokkrum
verkþáttum við bygginguna til
næsta árs.
Nýbygging Fjölbrautaskólans
Lágmarkskostnaður er 53 milljónir
við að gera húsnæðið
kennsluhæft
Guðmundur Jónsson byggingastjóri ásamt tveimur mönnum sem
unnu við minniháttar frágang síðasta verkþáttar.
er nokkuð sérstæð bygging og
er eitt aðaleinkenni hennar 600
m 2 gluggi sem nær yfir alla
suðurhlið hússins og setur mik-
inn svip á bygginguna.
Staða framkvæmda er þannig
að búið er að opna tilboð í lím-
trésbita sem bera uppi stóra
gluggann og útboð í gluggapróf-
fla er í athugun. 6 tilboð bárust
í hurðir og glugga hússins og
eru þau tilboð í athugun. í síð-
asta lagi um miðjan febrúar
verður ísetning hurða og glugga
boðin út, þ.e. lokun á húsinu og
fullnaðarfrágangur að utan,
múrun og málun. Þá verður um
leið boðið út múrverk inni og
hluti af tréverki. Á næstunni
verður einnig boðin út pípulögn,
raflögn, gler o.fl. verkþættir.
Kostnaðaráætlun við að gera
húsið kennsluhæft nemur 53
milljónum og 90 milljónum rúm-
um að fullklára þennan áfanga
skólahússins.
Guðmundur Jónsson bygg-
ingastjóri sagði að vinna við
húsið yrði væntanlega komin á
fullt um miðjan febrúar.
Það verður mikil lyftistöng
fyrir starfsemi Fjölbrautaskól-
ans að fá nýbygginguna í gagnið
og hafa bæði nemendur og
kennarar horft fram til þess
tíma. Sig. Jóns.
Þór Vigfússon
skólameistari;
Er mjög
sæll með
stefnu
málsins
Selfossi, 31. janúar.
„ÉG er mjög sæll með þá stefnu
sem málið hefur tekið,“ sagði
Þór Vigfússon skólameistari
Fjölbrautaskóla Suðurlands
þegar hann var inntur eftir áliti
á því að framkvæmdum við
skólann hefur verið flýtt.
„Mér fínnst það vera merkur
atburður og stórkostlegt að menn
skuli vilja koma þessu áfram eins
hratt og framkvæmdageta leyfir,"
sagði Þór.
I nýbyggingunni verða fullklár-
aðar 12 stofur sem gerir að verk-
um að þar rúmast nánast öll
kennsla skólans. Eftir sem áður
verður að kenna á 2—3 stöðum
en aukastofur verða í nágrenni
nýja skólahússins. Nemendafjöldi
skólans hefur aukist hægt og síg-
andi og er núna 420 í dagskóla.
„Þessi framkvæmd þýðir að við
getum minnkað mjög leigu á hús-
næði,“ sagði Þór Vigfússon skóla-
meistari, en kennsla fer nú fram
á 6 stöðum í kaupstaðnum sem
gerir allt starf mjög óþjált.
Sig. Jóns.
Þór Vigfússon skólameistari.
Mosfellssveit:
Fyrsta skóflu-
stungan tekin
að nýjum miðbæ
MAGNÚS Sigsteinsson oddviti
Mosfellshrepps tók fyrstu skóflu-
stunguna að fyrsta húsinu í nýj-
um miðbæ í Mosfellssveit á
fimmtudaginn.
Á næstunni er fyrirhugað að
reisa nýjan miðbæ í Mosfellssveit
samkvæmt skipulagi sem unnið
hefur verið að á undanfömum
tveimur árum. Sú vinna hófst með
hugmyndasamkeppni sem boðin var
út í febrúar 1984. Sigurvegaramir
voru arkitektamir Guðrún Jóns-
dóttir og Knútur Jeppesen og var
þeim falið að vinna skipulagið
áfram.
í miðbænum verða ýmsar versl-
anir, bankar, skrifstoftir, matsölu-
og kaffíhús og ef til vili smáiðnaður.
Þá er gert ráð fyrir ráðhúsi með
stofnunum og skrifstofum sveitar-
félagsins svo og lögreglustöð,
slökkvistöð og miðstöð strætis-
vagna.
Þama verða 15 ieigulóðir, hver
um sig 5—600 fm, og eru gatna-
gerðargjöld af hverri lóð um 1,5
milljónir.
Hús það sem nú er verið að hefja
framkvæmdir við, verður 3ja hæða,
um 250 fm að grunnfleti. í húsinu
verður Mosfellsapótek á jarðhæð,
en hinum hæðunum er enn óráð-
stafað.
Magnús Sigsteinsson oddviti tekur fyrstu skóflustunguna að fyrsta húsinu i nýjum miðbæ í Mosfellssveit.