Morgunblaðið - 15.02.1986, Page 47

MORGUNBLAÐIÐ, LAUGARDAGUR 15. FEBRÚAR 1986 47
Morgunblaðlð/RAX
• Kristján Arason stendur hór í ströngu. Tveir Norömenn hanga í honum en ef marka má svipinn á Kristjáni er hann ekki á því að láta
það stöðva sig. Á myndinnl hór til hœgri má sjá Geir Sveinsson gera heiðarlega tilraun til þess að ná knettinum inni í vítateig Norðmanna.
Tilraunin tókst hjá Geir og úr varð mark.
Þreyttir íslendingar
unnu nauman sigur
ÍSLENDINGAR unnu nauman
sigur á Norðmönnum, 25—24, í
landsleik í handknatttleik í Laug-
ardalshöll í gœrkvöldi. Leikurlnn
var mjög sveiflukenndur, þó
höfðu Islendingar ávallt foryst-
una og var mesti munurinn (
leiknum sex mörk. íslensku leik-
mennirnir virtust vera farnir að
þreytast í seinni hálfleik og er
ekki að undra þar sem Bogdan
þjálfari hefur verið með mjög
strangar æfingar að undanförnu.
Liðið á að geta meira. Staðan í
leikhléi var 14-11 fyrir ísland.
Páll Ólafsson skoraði þrjú fyrstu
mörk íslands, hvert öðru glæsi-
legra, fyrst með gegnumbroti, svo
af línu og síðan fyrir utan. Fyrstu
mínúturnar gengu leikkerfi liðsins
vel upp. (slendingar höfðu frum-
kvæðið í byrjun allt fram í miðjan
fyrri hálfleik er Norðmenn jöfnuðu
6—6 og komust síðan yfir 6—7.
Þá misstu Norðmenn einn leik-
mann útaf og (slendingar nýttu sér
það vel og skoruðu næstu þrjú
mörk. Þessi munur hélst svo út
fyrri hálfleikinn.
í seinni hálfleik breytti Bogdan
um varnarkerfi og lót leika 6-0-
vörn í stað þess að ieika framar
eins og í fyrri hálfleik. Þetta gafst
vel fyrstu mínúturnar og skoruðu
Islendingar fyrstu þrjú mörkin og
komust í 17—11.
Þessi munur hélst fram í miðjan
seinni hálfleik er staðan var 20—14
og allir farnir að bóka stórsigur
íslenska liðsins og íslensku leik-
mennirnir sjálfsagt líka, því þeir
gerðu afdrifarík mistök næstu mín-
útur, voru of bráðir í sókninni og
svo voru þeir einnig óheppnir með
skot sín, í stöng eða framhjá
norska markinu. Norðmenn runnu
á lagið og löguðu stöðuna og var
munurinn allt í einu orðinn tvö
mörk, 20—18.
Þá skoraði Þorgils Óttar, með
spelkurnar, fyrsta mark sitt í leikn-
um af línunni. Norðmenn söxuðu
jafnt og þétt á forskotið og þegar
fjórar mínútur voru til leiksloka
jöfnuðu þeir, 23—23. Þá fór um
marga áhorfendur í Höllinni. Síð-
ustu mínúturnar voru svo mjög
spennandi. Þegar ein mínúta var
eftir var staðan 25—24 og íslend-
ingar í sókn. Þeir reyndu að hanga
á knettinum það sem eftir var, en
er 14 sekúndur voru til leiksloka
var dæmd á þá leiktöf og Norð-
menn brunuðu upp. Þorbjörn
stoppaði sókninna með því að fá
útafrekstur þegar ein sekúnda
eftir. Norðmenn tóku aukakastið
og skoruðu úr því, en leiktíminn
var úti og fengu þeir því markið
ekki gilt og sigurinn því íslands.
LIÐIN
Leikurinn var eins og áður segir
mjög sveiflukenndur. íslenska liðið
lék vel á köflum en datt of mikið
niður á milli. Vörnin var ekki nógu
sannfærandi. Norðmenn skoruðu
flest sín mörk af línunni og voru
markverðirnir Kristján og Brynjar
ekki öfundsverðir af sínu hlutverki,
maður á móti manni. Kristján, Páll
og Guðmundur voru bestu menn
íslands. Atli komst einnig vel frá
leiknum. Þorgils Óttar er ekki
samur og áður með spelkurnar.
Bjarni var óheppinn með skot sín.
Þorbjörn og Geir hafa báðir leikið
betur. Steinar fékk lítið aö vera
með.
Norska liðið kom nokkuð á
óvart. Það er mun sterkara en talið
hafði verið. Þá skortir þó skyttur,
en línumenn þeirra bæta það upp.
Besti leikmaður þeirra var Arild
Akerö, geysilega sterkur línumað-
ur, þó hann virðist þungur að sjá
sneri hann vörn íslands oft af sér.
ístendingar skoruðu 9 mörk fyrir
utan, 7 mörk af línu, 4 með gegn-
umbrotum, 3 úr hraðaupphlaupum
og 2 út vítaköstum. Norðmenn
gerðu 2 mörk fyrir utan, 9 mörk
af línu, 5 með gegnumbrotum, 5
úr hraðaupphlaupum og 3 úr víta-
köstum.
Dómararnir voru frá Vestur-
Þýskaiandi og dæmdu þeir þokka-
iega. Þessir sömu dómarar dæma
í heimsmeistarakeppninni, í sama
riðli og íslendingar leika.
Úrslitin ekki
eftir pöntun
— sögðu þeir Einar og Sigurður
„NEI, ekki voru þessi úrslit nú
samkvæmt pöntun,“ sögðu þeir
Einar Þorvarðarson og Sigurður
Gunnarsson eftlr leikinn við
Norðmenn f gærkvöldi. Þeir fé-
lagar hvddu báðir i þessum leik
og voru þvf meðal áhorfenda.
Við spurðum þá félaga fyrst að
því hvort þessi úrslit væru sam-
kvæmt pöntun því oft hefur verið
sagt að íslenska landsliðið megi
ekki leika vel í síðustu leikjum fyrir
stórmót. Þeir voru ekki alveg
sammála þessu eins og fram
kemur í svari þeirra hér á undan.
„Mér fannst þetta nú frekar
slakur leikur en það komu þó mjög
góöir kaflar í honum," sagði Sig-
urður og bætti síðan við: „Með
vörnina jafn slaka og í fyrri háfleik
höfum við ekkert að gera í heims-
meistarakeppnina og einnig er það
alvarlegt að missa niður sex marka
forystu gegn Norðmönnum."
„Við nýttum dauðafærin mjög
illa og fengum á okkur mörk í
staðinn og það er slæmt. Annars
eru þessi úrslit nokkuð eðlileg
þegar haft er í huga hvernig við
höfum æft upp á síðkastið. Það
var æfing í hádeginu í dag og leikur
núna. Síðan æfum við í hádeginu
á morgun (í dag) og leikum síðan
klukkan sex við Norðmenn. Svona
hefur þetta verið undanfarnar vikur
og því er ekki nema von að leik-
menn sóu þreyttir núna,“ sagði
Einar Þorvarðarson.
Mörk fslandm: Kristján Arason 8/2, Atli
Hilmarsson 6, Páll Ólafsson 5, Guömundur
Guðmundsson 2, Þorgils Óttar Mathiesen 2
og Bjarni Guömundsson og Geir Sveinsson
eitt mark hvor.
Mörk Norega: Arild Akerö 8, Kjetil Seve-
reide 5/3, Tor Edvin Helland 4, Oddvar Jakob-
sen 2, Henning Yven 2, og Wangen, Kjendalen
og Sletten eitt mark hver. _ v.BJ.
Njarðvík vann
ÞAÐ MÁ SEGJA að það hafi allt
verið eftir bókinni í gærkvöldi er
Njarðvikingar unnu ÍR nokkuð
öruggt í úrvalsdeildinni f körfu-
knattleik í Njarðvik. Þetta eru þau
iið sem eru f efsta og neðsta
sæti deildarinnar og þvf flestir
sem bjuggust við úrslitum sem
þessum. Heimamenn skoruðu 92
stig en ÍR-ingar 71. Staðan í leik-
hléivar 50:31.
ÍR-ingar skoruðu fyrstu körfuna
í leiknum en þegar tvær mínútur
voru liðnar af leiknum höfðu
heimamenn gert átta stig en ÍR-
ingar aðeins fyrstu tvö stigin í
leiknum.
Njarðvíkingar smá juku siðan
forystuna og þegar rúmar fimm
mínútur voru eftir af fyrri hálfleik
var staðan 42:23 Njarðvíkingum í
vil. Þá leyfði Gunnar Þorvarðarson
þremur bestu leikmönnum UMFN
að hvíla og IR-ingar tóku að leika
pressuvörn. Þetta gekk vel hjá
þeim og þeir breyttu stöðunni í
42:29. Njarðvíkingar skoruðu síð-
an nokkuð áður en flautað var til
leikhlés og var staðan 50:31 þá.
( síðari hálfleiknum komust
heimamenn mest í 27 stiga mun,
74:47, og bara spurning hversu
mikill munurinn yrði í lokin. ÍR-
ingum tóks aðeins að lagfæra
stöðuna áður en flautað var af og
lokastaðan varð 92:71.
Það vakti athygli að ÍR-ingar
komu ekki í upphitunina fyrir síðari
hálfleikinn. Eftir leikinn sögðu þeir
að þetta hefðu þeir gert til að
mótmæla lélegri dómgæslu Bergs
Steingrímssonar, „sem að vísu
bitnaði ekkert frekar á okkur en
þeim," eins og einn ÍR-ingur orðaði
það.
Besti maður vallarins var Valur
Ingimundarson sem skoraði 24
stig í leiknum og þar af 18 í síðari
hálfleik. Hann gerði til dæmis þrjár
þriggja stiga körfur í röð þá. Hjá ÍR
var Karl Guðlaugsson bestur.
Stig UMFN: Valur Ingimundarson 24, Jó-
hannes Kristbjörnsson 14, Helgi Rafnsson 13,
Kristinn Einarsson 11, Hreiöar Hreiöarsson
9, Árni Lárusson 8, Teitur örlygsson 6, Ellert
Magnússon 6, ísakTómasson 1.
Stlg ÍR: Karl GuÖlaugsson 16, Ragnar
Torfason 12, Jóhannes Sveinsson 12, Jón öm
GuÖmundsson 10, Björn Steffensen 9, Vignir
Hilmarsson 8, Hjörtur Oddsson 2, Bjöm Leós-
son 2.
- ÓT
Bogdan sæmdur
gullmerki ÍSÍ
Sveinn Björnsson forseti ÍSÍ
afhenti Bogdan Kowalczyk
landsliðsþjálfa íslands gull-
merki ÍSI fyrir landsleikinn við
Norðenn f gærkvöldi.
Bogdan fékk þessa viðurkenn-
ingu fyrir góð störf í þágu hand-
knattleiksíþróttarinnar á Islandi.
Bogdan er vel að þessum heiðri
kominn. Hann hefur þjálfað ís-
lenska landsliðið og Víkinga með
mjög góöum árangri.