Morgunblaðið - 24.05.1986, Side 52

52
MORGUNBLAÐIÐ, LAUGARDAGUR 24. MAl 1986
„Vonum að heimsókn
, okkar veki athygli
íslendinga á þessari
frábæru íþrótt“
Víkingasveitin
íslandsmeistarar
VÍKINGASVEITIN vann Þröst 6-2
í hörkuspennandi leik á laugar-
daginn og tryggði sér þar með
íslandsmeistaratitilinn í keilu
með forgjöf. Keiluvinir, sem voru
efstir fyrir síðustu umferðina,
gerðu jafntefli, 4—4, við Keilu-
bana og misstu því af titlinum
með aðeins tveggja stiga og 14
keilna mun. Jafnara gat það varla
verið.
Víkingasveitin var þó vel að
sigrinum komin því sveitin var með
bestu samanlögðu meðalskor,
166. í sveitinni eru 2 sterkustu
keilararnir í mótinu, Alois Rasch-
hofer, með 181 í meðalskor, og
Höskuldur Höskuldsson, með 176
í meðalskor. Gæjar og píur fengu
8 stig frá Hólasniglum, en það
nægði þeim þó ekki í 8. sætið og
munu þau því ásamt Hólasniglum
falla í 2. deild næsta haust. Hjálmtý
Ingasyni í PLS voru veitt verðlaun
fyrir hæstu skor í einum leik, 258,
en það er húsmet í Öskjuhlíð.
Keilubananum Halldóri R. Hall-
dórssyni voru svo veitt verðlaun
fyrir hæstu skor í seríu, 629. Hall-
dór fékk einnig sérstök verðlaun
fyrir mikla framför í mótinu.
Stjörnuskjöldurinn í 1. deild var
veittur Víkingasveitinni fyrir 68
stjörnur.
í 2. deild vann Mánaskin Sigga
frænda með nokkrum yfirburðum.
í 2.-3. sæti komu svo Teppaband-
ið og Keilustrumpar jöfn að stig-
um, en þar sem Teppabandið hafði
hærri skor fara þeir ásamt Mána-
skini Sigga frænda upp '1. deild
næsta haust. Sérstök verðlaun
voru veitt Birni Sigurðssyni í Mána-
skini Sigga frænda fyrir hæsta
meðaltal í 2. deild, 142, og fyrir
hæstu skor í einum leik, 214.
Guðmundi B. Harðarsyni sem
einnig leikur með Mánaskini Sigga
frænda voru veitt verðlaun fyrir
hæstu skor í seríu, 531, og Grétari
Ólafssyni í Keilustrumpum fyrir
mestu framför í deildinni. Stjörnu-
skjöld annarrar deildar fékk svo
Teppabandið fyrir 22 stjörnur.
Lokastaðan í 1. og 2. deild:
1. deild: stig:
Víkingasveitin 90
Keiluvinir 89
Keilubanar 86
Fellibylur 77
Þröstur 74
Glennurnar 72
PLS 68
Kaktus 66
Gæjar og píur 63
Hólasniglar(hætt) 35
2. deild: stig:
l Mánaskin Sigga frænda 74
Teppabandið 66
Keilustrumpar 66
Bjórmenn 64
Dúkpjötlur 52
Gúmmígæjar 47
Keilir 47
Stenslar 30
Norðurlandamót í boccia
NORÐURLANDAMÓT fatlaðra íboccia fer fram í Kaupmannahöfn nú um helgina. Alls munu 6 íslensk-
ir þátttakendur taka þátt í þessu móti. Þeir eru: Sigurður Björnsson ÍFR, Haukur Gunnarsson ÍFR,
Lárus Ingi Guðmundsson ÍFR, Sigurrós Karlsdóttir IFA, Björn Magnússon ÍFA, Tryggvi Haraldsson
ÍFA. Þjálfarar og fararstjórar verða Anna Bjarnadóttir og Jón Haukur Daníelsson.
íslensku keppendurnir munu allir keppa í einstaklingskeppni og sveitakeppni. Spennandi verður
að fylgjast með árangri þeirra því á síðasta Norðurlandamóti sem fram fór fyrir tveimur árum hafn-
aði íslenska sveitin f 4. sæti og var aðeins hársbreidd frá þvf að spila um 1 .-2. sætið.
— segir Ray Harrison, heimsmeistari fatlaðra í snóker
„ÞETTA er einstaklega góð fþrótt
fyrir hjólastólafólk, og ein af fáum
fþróttagreinum þar sem fatlaðir
geta keppt við heilbrigða á jafn-
réttisgrundvelli." Þetta sagði Ray
Harrisson, heimsmeistari fatl-
aðra f snóker, en fyrir skömmu
var hór á ferð hópur breskra
snókerleikara sem þurfa að iðka
fþrótt sína úr hjólastólum.
„Tilgangur heimsóknar okkar
hér er að kynna fötluðum íslend-
ingum þá möguleika sem þessi
þessi íþrótt býður uppá," sagði
Harrison. „Flestir okkar sem kom-
um hingað lentum í slysum af einu
eða öðru tagi, og þurfum aö vera
í hjólastólum vegna lömunar.
Sumir okkar léku snóker áður en
þeir slösuðust, en aðrir hófu að
stunda íþróttina eftir slysin. Það
skiptir ekki máli. Það sem gerir
íþróttina svo hentuga fyrir hjóla-
stólafólk er sú staðreynd að allur
búnaður — borð, kúlur, kjuðar -
er staðlaður, og því getur hjóla-
stólafólk bæði leikiö innbyrðis, og
við alheilbrigtfólk."
„Ég tek til dæmis þátt í keppn-
um á vegum fatlaðra víða í Bret-
landi, og einnig erlendis. En meiri-
hlutann af mínum snókerleik
stunda ég meö liði í deildarkeppni
fyrirheilbrigða."
„Vandamálið hér á íslandi er
augljóslega aðstöðuleysi. í Bret-
landi er þessi íþrótt geysilega vin-
sæl og aðstaða til að stunda hana
er mjög víða. Hér í Reykjavík eru
örfáar billjardstofur, og aðeins ein,
• Einsog sjá má á þessari mynd hentar íþróttin vel fólki í hjólastólum.
Ballskák við Vatnsstíg, getur talist
hentug fyrir fólk í hjólastólum. En
ég vona að koma okkar hingað
hafi opnað augu bæði fatlaðra og
þeirra sem heilbrigðir eru á þeim
möguleikum sem íþrótt okkar veit-
ir.“
„Víða um heim, og þá náttúrlega
ekki síst í Bretlandi, hafa vinsældir
Snókers aukist alveg gríðarlega að
undanförnu. Því má líkja við
sprengingu. Ég er ekki í nokkrum
vafa um að svipað á eftir að gerast
hér á íslandi. Þessa íþrótt verður
að stunda inni, og það hentar vel
í landi þar sem veður eru ótrygg,"
sagði Ray Harrison.
Að lokum óskaði hann, og hóp-
urinn í heild, eftir því að fá að koma
á framfæri sérstökum þökkum til
allra þeirra sem stóðu að ferð
þeirra hingað. „Þetta hefur verið
stórkostlegt ferðalag, og móttök-
urnar hafa verið alveg einstakar,"
sagði hann.
Morgunblaöiö/BAR
• Ray Harrison, heimsmeistari fatlaðra f snóker.
• Víkingasveitina sem vann íslandsmeistaratitilinn skipa frá vinstri:
Ásgeir Heiðar, Alvis Ruschhofer, Þór Magnússon og Höskuldur
Höskuldsson. Einnig er í sveitinni Bjami Sveinbjörnsson, sem var
ekki viðstaddur þegar myndin var tekin.