Morgunblaðið - 04.09.1986, Blaðsíða 2

2
MORGUNBLAÐIÐ, FIMMTUDAGUR 4. SEPTEMBER 1986
Sjúkraliðar í BSRB
íliuga hópuppsagnir
HUGSANLEGAR hópuppsagnir
sjúkraliða verða til umræðu á
félagsfundi í Sjúkraliðafélagi Is-
lands í kvöld, að sögn Huldu
Olafsdóttur, formanns félagsins.
Hún segir að flótti sé úr stéttinni
og að sjúkraliðar hafi dregist
verulega aftur úr viðmiðunar-
stéttum sínum á allra síðustu
árum. „Við ætlum að ræða málin
á þessum fundi og velta fyrir
okkur til hvaða ráða við getum
gripið svo á okkur verði hlust-
að,“ sagði Hulda í samtali við
blm. Morgunblaðsins í gær.
Rannsókn á vatnsbólum varnarliðsins:
Ekki verið að útí-
loka íslenska aðila
— segir Sverrir Haukur Gunnlaugsson skrif-
stofustjóri varnarmálaskrifstofunnar
VARNARLIÐIÐ á Keflavíkurflugvelli hefur ákveðið að láta gera
rannsókn á vatnsbólum sínum vegna gruns um mengun. Vatnsbólin
eru í næsta nágrenni Sorpeyðingarstöðvar Suðurnesja, og nýlega
var einni vatnsholu lokað þegar í henni fundust skaðleg efni. Aug-
lýst var eftir aðilum til að annast þessa rannsókn í bandaríska blaðinu
Commerce Business Daily. Byggingadeild bandaríska sjóhersins í
Norfolk kom auglýsingunni ekki á framfæri við varnarmálaskrif-
stofu utanríkisráðuneytisins eins og henni ber samkvæmt samkomu-
lagi við islensk stjórnvöld.
Fyrir tilviljun fékk Verkfræði-
stofa Sigurðar Thoroddsen vitn-
eslq'u um auglýsinguna og gerði
tilboð í verkið. Einnig barst fregnin
inn á Orkustofnun. Yfirmenn stofn-
unarinnar leituðu upplýsinga um
þessa rannsókn hjá vamarmála-
skrifstofunni, sem bar fram kvörtun
við byggingadeild bandaríska sjó-
hersins. Herinn baðst afsökunar á
því að hafa ekki komið auglýsing-
unni rétta boðleið. Þótt seint væri
liðið á umsóknarfrestinn komu yfir-
völd ósk Orkustofnunar um að
framkvæma rannsóknina á fram-
færi við rétta aðila. Verkfræðistofu
Sigurðar Thoroddsen hefur þegar
verið tilkynnt að hún komi ekki til
álita þegar rannsóknaraðili verður
valinn úr hópi umsækjenda.
Sverrir Haukur Gunnlaugsson,
skrifstofustjóri, sagði að vamar-
málaskrifstofan biði nú eftir þvi að
málin skýrðust betur. Hann sagðist
hafa vitneskju um að fulltrúar
byggingadeildar bandaríska sjó-
hersins komi bráðlega til landsins
til að ganga úr skugga um hvort
Orkustofnun geti tekið rannsóknina
að sér.
Að sögn Sverris Hauks var hér
aðeins um mistök að ræða hjá bygg-
ingadeild bandaríska sjóhersins.
Ekki er verið að útiloka Islendinga
frá því að gera tilboð í þetta verk,
né önnur. Vamarmálaskrifstofan
fékk því framgengt fyrir tveimur
árum að íslenskir verkfræðingar og
arkitektar gætu komið til greina
við hönnun og útfærslu á verkefn-
um vamarliðsins hér á landi. Eftir
nokkum undirbúningstíma hafa
verið myndaðir 14 hópar í þessu
skyni sem eru á skrá bandaríska
sjóhersins. Þessi miðlun hefur þegar
borið þann árangur að íslenskir
aðilar vinna að hönnun á íbúðar-
hverfi sem hafist verður handa um
að reisa á Keflavíkurflugvelli á
næsta ári.
Sverrir Haukur benti jafnframt
á að íslenskir hönnuðir hefðu tekið
þátt í Helguvíkurframkvæmdinni
og hönnun vega að ratsjárstöðum
á Vestflörðum og Norðausturlandi.
Hann taldi nauðsynlegt að auka
sem mest þátttöku íslenskra hönn-
uða eftir því sem áhugi og vilji
væri fyrir hendi.
Af rúmlega 2.000 sjúkraliðum
með full réttindi er aðeins liðlega
helmingur við störf. Yfirgnæfandi
meirihluti er konur. í þeirra hópi
er mikill urgur vegna launakjara
og háværar raddir um að rétt sé
að grípa til hópuppsagna. „Það er
ófremdarástand í þessum málum
og ekkert skrítið þótt sjúkraliðar
séu argir. Þótt starf okkar sé lög-
vemdað gengur margt ófaglægt
fólk í okkar störf, ekki síst á öldr-
unardeildunum. Það er mikill
skortur á sjúkraliðum enda fæst
fólk einfaldlega ekki í starfið vegna
þess hve launin eru bágborin," sagði
Hulda Ólafsdóttir. „Það veldur því
að álag á vinnandi sjúkraliða er
mjög mikið."
Sjúkraliðar eiga aðild að BSRB,
ýmist í gegnum starfsmannafélög
sveitarfélaganna eða með aðild að
Starfsmannafélagi ríkisstofnana.
Þessi félög fara með samningsrétt
fyrir sjúkraliða - Sjúkraliðafélag
íslands er aðeins fagfélag. „Við
teljum að það sé ein ástæða þess
hve mjög við höfum dregist aftur
úr viðmiðunarstéttum okkar, hjúkr-
unarfræðingum, meinatæknum og
röntgentæknum," sagði Hulda. „I
kringum 1980 munaði til dæmis
þremur launaflokkum á okkur og
hjúkrunarfræðingum en nú er bilið
einir átta launaflokkar. Þetta bil
viljum við minnka. Hér í Reykjavík
erum við verst launaðir allra sjúkra-
liða á íslandi - sums staðar úti á
landi eru sjúkraliðar 4-6 launa-
flokkum ofan við okkur."
Sjúkraliðar í Reykjavík eru í 59.
launaflokki BSRB. Þar eru laun frá
rúmum 25 þúsund krónum á mán-
uði og fer hæst í tæpar 33 þúsund
krónur - eftir 18 ára starf.
Lögreglan fylgist með hraða
bifreiða í nágrenni skólanna
BÖRNIN, sem nú fara að stunda skólann að nýju og sum í fyrsta
sinn, þurfa að varast hætturnar í umferðinni á leið til og frá
skóla. Lögreglan ætlar að leggja sitt af mörkum til að koma i
veg fyrir óhöpp.
Morgunblaðið/Júlíus
Lögreglan í Reykjavík hefur að undanfömu fylgst með hraða
bifreiða i nágrenni skólanna. Þessi mynd var tekin í gær þegar
lögreglan ræddi við ökumann sem ók á 71 kílómetra hraða, eins
og sést á mælingartæki í forgrunni myndarinnar.
Óskar Ólason, yfírlögreglu-
þjónn í Reykjavík, sagði að
lögreglan hefði að undanfömu
fylgst með hraða bifreiða í ná-
grenni skólanna. „Við höfum rætt
við um 2.000 ökumenn, sem fara
of geyst, og bent þeim á að akst-
urslag þeirra geti haft miklar
hættur í för með sér fyrir böm-
in,“ sagði Óskar. „Tveir lögreglu-
menn ræða við bömin í vetur og
kenna þeim umferðarreglumar.
Þessir menn hafa þessa fræðslu
að aðalstarfi og þrátt fyrir mikla
manneklu hjá lögreglunni munu
þeir starfa við þetta áfram," sagði
Óskar.
Hraðakstur við
skólana
Annar þeirra er hafa fræðsluna
í skólunum að aðalstarfi er
Þorgrímur Guðmundsson. Blaða-
maður og ljósmyndari fylgdust
með honum og félaga hans, Ingv-
ari Berg Steinarssyni þegar þeir
mældu hraða bifreiða í nágrenni
skólanna í gær. Fyrst var mælt á
Hagamel við Melaskóla, en um-
ferð þar var lítil og fáir ökumenn
stöðvaðir. Tvær konur reyndust
þó fara of geyst og voru báðar á
53 kílómetra hraða við gang-
braut. Önnur þeirra kvaðst eiga
bam í skólanum og það væri al-
gjört hugsunarleysi hjá sér að
fara yfir löglegan hraða. „Ég
gæti mín alltaf mjög vel og vil
að sjálfsögðu ekki að umferðin
hér við skólann sé. hröð,“ sagði
hún. Hin konan var yngri og gaf
þá skýringu á hraðanum að hún
væri að flýta sér heim með son
sinn ungan til að gefa honum að
borða. Þótti henni miður að vera
stöðvuð, en lofaði að gæta betur
að sér framvegis. Að þeim orðum
töluðum þeysti hún burt.
Öliu fleiri reyndust aka greitt
í nágrenni Breiðholtsskóla. Þann
stutta tíma sem lögreglan mældi
hraða á Amarbakka reyndist
ástæða til að stöðva sex ökumenn
og ræða við þá. Fyrst var stöðvuð
ung kona sem ók á 64 kílómetra
hraða. Hún kvaðst vera ákaflega
leið yfir því að hafa ekið of greitt
og sagði hugsunarleysi um að
kenna. Þá var ung stúlka stöðvuð
sem ók á 58 kílómetra hraða. „Ég
hef haft próf síðan í febrúar og
ek yfirleitt á 50-60 kílómetra
hraða,“ sagði hún. Þess má geta
að stúlkan kvaðst eiga 9 ára bróð-
ur í Breiðholtsskóla og sagði að
sér yrði oftar hugsað til hans við
aksturinn héðan í frá.
Tveir ökumenn sendibifreiða
voru þessu næst stöðvaðir og voru
þeir á 62 og 67 kflómetra hraða.
Önnum kafnir menn að eigin
sögn. Því næst var enn ein stúlka
stöðvuð. Hún hefur haft ökurétt-
indi í þrjá mánuði og sagði
hraðakstur algjöra undantekn-
ingu hjá sér. Þegar hún var innt
eftir því hvað hún teldi vera leyfi-
legan hámarkshraða um Amar-
bakka sagðist hún vita það. „Það
er 60 kflómetra hámarkshraði og
ég keyri alltaf á þeim hraða. Þetta
er algjör undantekning." Því mið-
ur hefur stúlkan ekki rétt fyrir
sér að öllu leyti, því leyfilegur
hámarkshraði um Amarbakka em
50 kflómetrar.
Haldlitlar afsakanir
Það virtist heldur fátt um af-
sakanir hjá ökumönnum sem óku
of hratt í rigningunni í gær. Flest-
ir bám við hugsunarleysi, þeir
hefðu ekki ætlað sér að aka of
hratt, en hefðu haft hugann við
annað og ekki gætt að sér. Er
það ekki einmitt slflct hugsunar-
leysi sem veldur flestum slysunum
og em bömin ekki þess virði að
varlega sé farið í umferðinni?
Þegar svo margir ökumenn virð-
ast gleyma að hugsa undir stýri,
þá er vonandi að bömin gæti vel
að sér, fari yfir götur á gang-
brautum og líti vel til beggja hliða.
Og svo þurfa mamma eða pabbi,
stóra systir eða stóri bróðir að
fylgja baminu, sem er að fara í
fyrsta sinn í skólann. Fyrstu dag-
ana er gott að hafa einhvem til
halds og trausts þegar fara á yfir
götur. Það þarf að útskýra vel
umferðarreglur, svo bamið geti
ferðast óhult í skóiann í vetur.
Hafsteinn Sigurðsson lögfræð-
ingur.
Hafsteinn
Sigurðsson
lögfræðing-
urlátinn
HAFSTEINN Sigurðsson hæsta-
réttarlögmaður varð í gærmorg-
un bráðkvaddur í sumarbústað
sínum við Langá á Mýrum. Haf-
steinn var sextugur að aldri er
hann lést. Eftirlifandi kona Haf-
steins er Lára Hansdóttir. Þau
eignuðust þijú böm, sem öll em
á lífi.
Hafsteinn fæddist í Reykjavík
17. ágúst 1926. Hann varð stúdent
frá Menntaskólanum í Reykjavík
1947 og cand. juris frá Háskóla
íslands 1953. Að lögfræðinámi
loknu réðst Hafsteinn til Metcalfe,
Hamilton, Smith & Beck Cos á
Keflavíkurflugvelli sem lögfræðing-
ur og vinnumálafulltrúi. Haustið
1956 setti hann ásamt Einari Ás-
mundssyni hrl. á stofn lögfræði-
stofu sem þeir ráku saman til ársins
1961. Hafsteinn varð framkvæmda-
stjóri Félags íslenskra stórkaup-
manna í Reykjavík árið 1958 og
gegndi hann því starfi ásamt lög-
fræðistörfum til ársins 1969.
Hafsteinn var ráðinn aðallögfræð-
ingur Verzlunarbanka íslands 1969
og gegndi hann því starfi til dauða-
dags. Jafnframt lögfræðistörfum
sínum fyrir Verzlunarbankann
gegndi Hafsteinn umsvifamiklum
lögfræðistörfum fyrir ýms stórfyrir-
tæki í Reykjavík.
Látínn eftir
umferðarslys
DRENGURINN, sem hlaut höf-
uðáverka í bifreiðaslysi í síðustu
viku, lést á þriðjudag.
Drengurinn hét Ámi Kristinn
Friðriksson og var þriggja ára gam-
all, fæddur 31. maí 1983. Hann var
til heimilis að Krummahólum 2 í
Reykjavík. Drengurinn litli hlaut
höfuðáverka I umferðarslysi á
Höfðabakka í siðustu viku þegar
flutningabifreið skall á fólksbifreið
sem hann var í.
Sauðárkrókur:
Flugvél fauk
um koll
FLUGVÉL fauk um koll á Sauð-
árkróki aðfaranótt gærdagsins.
Flugvélin, TF-HRO, sem er sex
sæta, var fyrir framan flugskýlið á
Sauðárkróksflugvelli og þegar
siðast sást til hennar á þriðjudags-
kvöld var hún með öll hjól á jörðu.
í gærmorgun brá mönnum nokkuð
í brún, því þá var vélin með hjólin
upp í loft. Er það álit manna að
vindurinn hafi breytt stöðu vélar-
innar svo mjög. Ekki er enn búið
að meta skemmdir á vélinni.