Morgunblaðið - 27.09.1986, Blaðsíða 38

38
MORGUNBLADIÐ, LAUGARDAGUR 27. SEPTEMBER 1986
ffclk í
fréttum
Hvarvetna sem Lisbet Palme fór
í litla bænum Muchos söfnudust
þorpsbúar að henni og tjáðu
henni samúð og virðingu.
Lisbet Palme fagnað á forn-
um slóðum í Grikklandi
að ríkti alveg sérstök stemmn-
ing í litla bænum Mochos á
grísku eyjunni Krít þegar fyrrver-
andi forsætisráðherrafrú Svíþjóðar,
Lisbet Palme, kom þangað í heim-
sókn nýverið.
Muchos var árum saman griða-
staður þeirra hjóna Lisbet og Olofs
Palme, en þar tóku þau sér frí frá
erilsömu lífi þegar færi gafst. En
eins og allir muna var Olof Palme
myrtur að konu sinni ásjáandi í
vetur sem leið og hefur enn ekki
tekist að hafa uppi á þeim sem það
vorðaverk framdi.
Tengsl Palme við Grikkland voru
meiri en þau, að hann kysi að taka
sér frí þar, því hann var einnig með
ötulustu baráttumönnum fyrir lýð-
ræði og mannréttindum þar í landi
meðan herforingjastjórnin var þar
við völd.
Þetta er í fyrsta skipti sem Lis-
bet Palme kemur til Grikklands
síðan maður hennar var veginn og
móttökumar sýndu að Grikkir hafa
engu gleymt. „Það er yndislegt að
fínna alla þá hlýju, sem fólk hér
hefur sýnt mér og að það skuli
muna svona vel eftir mér,“ sagði
Lisbet Palme, hrærð yfír alúðlegum
móttökum þorpsbúa.
Það er ekki lengra síðan en í
fyrra, að þau hjónin dvöldu í Muc-
hos og það ár vom þau gerð að
heiðursborgurum bæjarins, auk
þess sem bæjarráð færði þeim að
gjöf 200 ára gamalt hús, er hlaut
heitið Villa Palme. Þar hlökkuðu
Palme-hjónin til að eyða mörgum
sólríkum dögum í félagsskap bæj-
arbúa, sem þau höfðu ákaflega
gott samband við.
En margt fer öðruvísi en ætlað
er og nú, aðeins ári seinna, hefur
Lisbet snúið aftur til þessa griða-
staðar, í þetta sinn sem ekkja þess
erlenda stjómmálamanns sem
Grikkir höfðu í hvað mestum háveg-
um.
Hún gekk um bæinn, spjallaði
við íbúana, sem hópuðust út á
götumar til að hylla hana og heim-
sótti borgarstjórann, en á skrifstofu
hans hangir mynd af Olof Palme á
heiðursstað.
Með Lisbet í förinni var önnur
forsætisráðherrafrú, Margarita
Papandreou, eiginkona núverandi
forsætisráðherra Grikklands,
Andreas Papandreou. Dvöldu þær
vinkonumar í viku á Krít og rifjuðu
upp gamlar og góðar minningar frá
uppáhaldseyju Palme-hjónanna.
Lisbet hélt einnig ræðu, þar sem
hún hélt á lofti hugsjónum manns
síns um frið og frelsi og sagðist
tvímælalaust ætla að halda tryggð
við staðinn þótt hún yrði nú að
gera það ein.
Hjá borgarstjóranum hangir stór mynd af Olof
Palme, en þau hjón voru heiðursborgarar bæjarins
ogþáðu í fyrra að gjöf 200 ára gamalt hús, er var
j sldrt Villa Palme.
Ekkja Palmes gaf sér góðan tíma til að spjalla við
gamla vini.
Jennifer Rush
Enginn kannaðist
við Jennifer Rush
Jennifer Rush gerði stormándi lukku í fyrra með laginu
„The Power of Love" og síðar með lögunum „Ring of Ice“
og „Madonna’s Eyes“. Hún er fædd og uppalin í Bandaríkjun-
um, en náði ekki að skjóta sér upp á stjömuhimininn þar
og reyndar var Bandaríkjamönnum alls ekkert kunnugt um
frægð hennar í Evrópu fyrr en hún kom fram í viðtalsþætti
Johnny Carson fyrr á árinu. En enginn er spámaður í sínu
heimalandi, segir máltækið og sannaði Jennifer það heldur
betur. Eftir að hafa átt einn vinsælasta ástaróð allra tíma
í Bretlandi, snéri hún heim til Kanalands og ætlaði heldur
beturað næla sér í góðan samning hjá CBS-plötufyrirtækinu.
„Ég fékk ekki plötusamning í Bandaríkjunum í fyrstu og
fór því til Þýskaíands, þar sem faðir minn hefur búið um
skeið. Þegar svo allt gekk upp í Evrópu, fór ég aftur heim
og þóttist ætla að sigra Ianda mína. Þegar ég gekk inn til
CBS-plötufyrirtækisins, fékk ég gullhamra á borð við „Mik-
ið talarðu góða ensku,“og „Hvers konar vegabréfsáritun er
í passanum þínum?“. Ég varð alveg óð og spurði þá hvort
þeir væru á lyfjum eða eitthvað — ég ólst nú upp í næsta
nágrenni plötuútgáfunnar," segir Jennifer.
Jennifer gekk í skóla á vesturhluta Manhattan-eyju í New
York og lagði m.a. stund á fíðluleik í áraraðir. Hún nam
einnig söng og píanóleik og segist hún hafa verið heilaþveg-
in af föður sínum, sem ákvað að hún ætti að verða tónlistar-
maður. Jennifer er alls ekki eins hæversk og lítillát í
framkomu, eins og lög hennar gefa til kynna og segir hún
meira að segja sjálf að henni liggi oft hátt rómur.
„Ég reyki og drekk og öskra mjög mikið," segir Jennifer.
„En þegar ég er á hljómleikaferðalögum, reyni ég oftast að
þegja og hvíla röddina á milli tónleika."
Jennifer byijaði að vinna fyrir sér 17 ára gömul og lét
það aldrei á sig fá þótt útgáfufyrirtæki tækju uppástungum
hennar um plötusamning fálega.
„Það er ekki hægt að kæfa draum á einum degi,“ segir
hún. „Ég átti enga peninga og fékk fá tækifæri til að spreyta
mig. Ég gafst hins vegar ekki upp og draumurinn um að
einhvem daginn myndi koma betri tíð með blóm í haga
héit mér gangandi um langt skeið. Það hefur tekið mig sjö
ár að vinna mig upp í tónlistarheiminum og það eru ekki
nema tvö ár síðan ég og kærastinn áttum heima í pínulítilli
íbúð og áttum varla fyrir leigunni.“
Kærasti Jennifer er einnig bandarískur, en er búsettur í
Þýskalandi. Hún segir að hann hafi gefíð henni hugmyndina
að „Power of Love“.
„Ég samdi lagið til hans og hann er alsæll yfir viðtökun-
um sem það hefur fengið."
Jennifer segir að eini veikleiki hennar sé spaghetti. Hún
er svo áfjáð í pasta að þegar hún átti frí í einn dag á hljóm-
leikaferð um Þýskaland pantaði hún spaghetti-skammt fyrir
tvo upp á hótelherbergi sitt.
„Ég Iokaði baðherbergishurðinni þegar þjónninn kom upp
með matinn, til að hann héldi að það væri einhver þar inni.
Svo hrópaði ég: „Þetta er allt í lagi, þú getur komið út
núna.“ Þjónninn lagði á borð fyrir tvo og fór, en ég át úr
báðum skálunum. Ég skammaðist mín svo fyrir þetta spag-
hetti-æði að nú ætla ég bara að borða tómata og drekka
diet-kók með.“