Morgunblaðið - 03.02.1987, Blaðsíða 26
26
MORGUNBLAÐIÐ, ÞRIÐJUDAGUR 3. FEBRÚAR 1987
Grindavík:
Börn skutu neyðar-
flugeldunum á loft
Grindavík.
NEYÐARFLUGELDUR sást á lofti yfir Grindavík á fimmtudags-
kvöldið, eins og komið hefur fram. Ljóst er að börn hafa verið að
leik, hvort sem þau gerðu sér grein fyrir alvöru málsins eða ekki.
Stautur flugeldsins fannst festur
á grindverk við leikskólann og
seinna um kvöldið fannst svo annar
stautur í ruslakassa við einn sölu-
tuminn í bænum. Finnandinn gerði
sér ekki alveg strax grein fyrir því
hvað var á ferðinni.
Gunnar Tómasson, formaður
Björgunarsveitarinnar Þorbjöms,
sagði að hér væri um mjög alvar-
legt mál að ræða og yrðu foreldrar
að gera gangskör að því að útskýra
fyrir börnum sínum þýðingu þess
að ekki sé verið að leika sér með
slíka hluti. Best væri að koma neyð-
arflugeldum til lögreglunnar ef
foreldrar yrðu varir við að böm
þeirra væru með þá.
Kr. Ben.
Morgunblaðið/Kr. Ben.
Björgunarsveitarmenn ræða saman í stjórnstöð sinni á fimmtudagskvöldið eftir að það kom í ljós neyð-
arflugeldurinn hafði verið gabb. Gunnar Tómasson formaður björgunarsveitarinnar heldur á stautnum
sem neyðarflugeldinum var skotið úr. Stautar neyðarflugeldanna tveggja eru nú i vörslu lögreglunnar
í Grindavík.
Vorannamámskeið
við Varmalandsskóla
í STRÍÐSLOK voru ellefu hússtjórnarskólar í landinu. Nú
eru aðeins þrír eftir, á ísafirði, Hallormsstað og í Reykjavík.
Með skóiunum á Laugum og Laugarvatni iagði menntamála-
ráðherra í fyrravor niður hússtjómarskólann á Varmalandi
í Borgarfirði. Til að fræðast aðeins nánar um þessar breyting-
ar var leitað til skólastjórans í Varmalandsskóla, Steinunnar
Ingimundardóttur.
Um 1980 byrjaði að fækka í
skólanum. Fram að þeim tíma
hafði verið fullt í Varmalandi,
allt frá því að vera rétt rúmlega
40 nemendur, sem skólinn tekur
með góðu móti og allt að 47.
í fyrra voru 18 nemendur í
Varmalandsskóla. Var gert ráð
fyrir tveimur önnum, þar sem
nemendur gátu valið hússtjóm
eða handíð, en skólinn var ekki
eingöngu heilsvetrarskóli eins og
áður. Þrír kennarar voru við skól-
ann og var þeim öllum sagt upp
og Steinunn sagðist vera ráðin
til fyrsta september á þessu ári.
Hvað þá tekur við er allt óljóst,
en Steinunn sagði, að hún vissi
ekki, hvað gera ætti við húsnæði
skólans, en það lægi undir
skemmdum.
Nú á vorönn er ætlunin að
fara af stað með saumanámskeið
og vefnaðamámskeið í Varma-
landsskóla. Er það ætlað fyrir
fólk úr sveitunum í kring. Stein-
unn sagði það vera erfitt að halda
uppi námskeiðum, því annað
hvort komast konur ekki að heim-
an eða þá hinar, sem það gætu,
em komnar í vinnu fljótlega eftir
að fer að hægjast um á heimilun-
um, og hafa ekki tíma til þess
að koma á námskeið.
Bamaskólinn á Varmalandi
hefur haft aðstöðu þrjá daga vik-
Hússtjórnarskólinn á Varmalandi.
Morgunblaðið/Pétur
„Hollur er heimafenginn baggi".
Þótt auðvelt sé að fá flatkökur
keyptar í kaupfélaginu, þá þykir
þeim Steinunni skólastjóra (t.h.)
og Herdfsi fyrrverandi kennara
mun betra að baka sjálfar, enda
eru heimagerðar flatkökur betri
á bragðið og gerlegt að spara
einnig með heimabakstrinum.
unnar í skólanum með kennslu í
heimilisfræðum. Hefur slíkt verið
allt frá árinu 1966. Nú í vetur
bættist við handíð.
Nemendur úr Bændaskólanum
á Hvanneyri sóttu námskeið í
Varmalandsskóla í ferðaþjón-
ustu. Þar fengu þeir einnig
kennslu í hússtjóm.
Pétur Þorsteinsson
ÞO GBtlR WUIT BETRIKADP!
Verð MAZDA bíla hefur hlutfallslega
aldrei verið lægra en núna. Verðlauna-
bíllinn MAZDA 626 1.6L 5 dyra
Hatchback LX kostar nú aðeins 472
þúsund krónur.
Örfáir bílar til afgreiðslu úr síðustu
sendingu, sem er nýkomin til
landsins. Tryggið ykkur því bíl strax.
Opið laugardaga frá kl. 1 - 5.
mazoa
BÍLABORG HF
SMIÐSHÖFÐA 23, SÍMI 68-12-99